,

ENTREGADOS OS PREMIOS DOS CONCURSOS ESCOLAR E XUENIL DE POESÍA

No remate do curso escolar, entregáronse os premios dos concursos escolar e xuvenil de poesía que se organizan co Premio Concello de Carral. Nesta novena edición dos certames que tiveron lugar no CEIP Vicente Otero e no IES Carral participaron case 70 alumnos e alumnas. Os poemas gañadores escribíronos:

  • Concurso Escolar (CEIP Vicente Otero):
    • Nerea Vázquez Nogueira (5º A)
    • Uxía Budiño Prego (5º A)
    • Santiago Gandica Zambrano (6º C)
  • Concurso Xuvenil (IES Carral):
    • Adriana Pito Tubío (1º A)
    • Carlos Manuel García Penelas (1º A)
    • Mara Barcia López (1º A)

Todo o alumnado participante nos certames recibiu da man da concelleira de Cultura, Isabel López, agasallos cedidos pola Secretaría Xeral de Lingua da Xunta de Galicia.

Os concursos escolar e xuvenil de poesía organízase para alumnado de 5º e 6º de Primeira e alumnado da ESO de Carral, como actividade posterior ao obradoiro de poesía que o departamento de Cultura organiza nos centros educativos de municipio, animando así a escrita lírica e a lectura de poemas entre a mocidade.

/by

Carral organizará este verán seis funcións ao aire libre de distintos xéneros dentro de CultuRúa

El Música, cinema, circo, contacontos, danza e clown volverán ser protagonistas durante os meses de verán en Carral coa sexta edición de CultuRúa. Como parte deste programa municipal, que arrincará esta mesma semana, ofreceranse seis espectáculos ao aire libre dirixidos a públicos de todas as idades durante os meses de xuño, xullo e agosto.

A programación comezará este xoves, 18 de xuño, ás 18.00 horas no Campo da Feira coa compañía Chuches Amil e o espectáculo Chuches Amil Eléctrico, unha proposta musical pensada para público familiar. O concerto, liderado por Fran Amil, busca achegar á infancia o patrimonio cultural galego a través de cancións que promoven valores como o respecto, a solidariedade e a non violencia.

A seguinte cita será o xoves 25 de xuño, tamén no Campo da Feira ás 18.00 horas, coa compañía Zirko Txosko e o seu espectáculo de circo contemporáneo Távole. A función está inspirada nos problemas da sociedade actual e, a través da linguaxe universal circense, as personaxes protagonistas chegarán á conclusión de que as solucións aos problemas contemporáneos pasan pola convivencia, a comunicación e o respecto.

A terceira semana estará dedicada ao cinema. O xoves, 2 de xullo, ás 22.30 horas, a pista polideportiva de Tabeaio acollerá a proxección de Rondallas, un filme que relata como un pobo decide recuperar a ilusión tras un tráxico naufraxio. Para logralo, volven poñer en marcha a rondalla, unha agrupación de música tradicional na que participan desde os nenos e nenas ata os máis maiores.

A programación continuará o xoves, 30 de xullo, no Campo da Feira (18.00 horas) coa proposta O camiño do afiador, do Mago Teto. O espectáculo rende homenaxe aos antigos afiadores galegos e á súa relación co Camiño de Santiago, a través dunha posta en escena arredor dunha auténtica roda de afiar dos anos 30.

O 4 de agosto será a quenda de Paty Lesta co contacontos Os rizos de Lía, tamén no Campo da Feira ás 18.00 horas. A historia acompaña a Lía nunha viaxe chea de emocións, aprendizaxes e descubrimentos, traballando valores como a amizade, a autoestima e o respecto pola identidade.

O peche desta edición chegará o 6 de agosto, ás 18.00 horas, coas pezas The Exposure, de Tanit Cobas, e Dance Join, de Marta Alonso. Na primeira,  desvelarase ao público o mundo interior dos e das bailarinas, descubríndolle que pensan durante a danza, como son as súas conversas ou quen son. Pola outra banda, en Dance join haberá catro artistas sobre o escenario que loitarán por manterse á altura das expectativas en canto á multitarefa, a hiperprodutividade e o éxito.

A programación está organizada polo Concello de Carral en colaboración coa Deputación da Coruña, a través da Rede Cultural, e coa Xunta de Galicia por medio do programa Cultura no Camiño.

As persoas interesadas poderán obter información detallada sobre as distintas actividades no apartado web específico do programa CultuRúa 2026.

/by
,

O CONCELLO ENTREGA O 29º PREMIO DE POESÍA A BALDO RAMOS E SARA PLAZA POLA SÚA OBRA ‘PORCELANA E CHUMBO’

Baldo Ramos e Sara Plaza recibiron, esta tarde, o galardón que os acredita como gañadores da 29º edición do Premio de Poesía Concello de Carral. Os autores levaron o galardón pola súa obra Porcelana e chumbo, que foi elixida entre os 77 traballos presentados. A cita, á que asistiron o alcalde, José Luis Fernández Mouriño, e o director xeral de Cultura da Xunta de Galicia, Anxo Lorenzo, serviu tamén para presentar Especies invasoras, o poemario co que Branca Trigo acadou o premio no 2025.

Ao acto acudiron tamén a concelleira de Cultura, Isabel López, e os concelleiros e concelleiras do goberno local e da corporación municipal. O técnico de Cultura e secretario do xurado desta edición, Carlos Lorenzo, foi o condutor do evento.

Durante a súa intervención, o rexedor aproveitou a súa intervención para felicitar aos vencedores, e destacou a traxectoria deste certame poético “que é toda unha referencia a nivel autonómico”. Fernández Mouriño avanzou que “o Concello organizará unha programación especial con numerosas actividades para seguir achegando este xénero literario a toda a poboación” no 2027, cando o Premio de Poesía chegará á súa 30ª edición.

Ademais da presentación das obras, no acto interviñeron tamén a poeta e membro do xurado deste ano, Miriam Ferradás, e o escritor e director de Edicións Espiral Maior, Miguel Anxo Fernán Bello. Así mesmo, o evento incluíu unha actuación musical a cargo de Francisco Castro.

no acto tamén interveñen a poeta Miriam Ferradás como membro do xurado deste ano e Miguel Anxo Fernán Vello, escritor e director de Edicións Espiral Maior.

Decisión unánime

Porcelana e chumbo foi escollida de xeito unánime polo xurado da vixésimo novena edición. Das 77 obras presentadas ao concurso, o tribunal da convocatoria concedeu o galardón a este poemario destacando que a escrita aparece como unha forma de acompañar a perda, a cegueira e a memoria moi presentes en todo o traballo. Así mesmo, púxose en valor a madurez expresiva, a densidade poética e as imaxes innovadoras que afondan nos grandes temas universais: a soidade, o paso do tempo e o valor do íntimo.

Baldo Ramos (Celanova, 1971), que xa obtivera o galardón na 5ª edición, é autor dunha vintena de libros entre os que despuntan os seguintes títulos: A árbore da cegueira (2002), El sueño del murciélago (2003), Escura e transparente (2005), Monólogo do calígrafo (2008), Palimpsesto (2009), Palabras para un baleiro (2009), A ferida de comprender (2011), Cartografía do exilio (2014), Cartas dende o esquenzo (2018), Palabras sen ninguén (2019), Porque te quero (2020) ou No interior do abandono (2020).

Sara Plaza (Bustarviejo, 1972) é unha escritora, tradutora e ilustradora española en lingua galega. Malia que non naceu en Galicia, entrou en contacto coa lingua galega a través de xornais dixitais, programas culturais da TVG e portais na rede e gañou, no 2020, a XXXIII edición do premio de poesía Pérez Parallé coa obra Todos os pasos fan ruído.

/by
,

A RUTA ‘ENTRE MIGAS E TOSTAS’ CONTARÁ CON 13 LOCAIS PARTICIPANTES E CO PAN DE CARRAL COMO FÍO CONDUTOR

A primeira ruta Entre migas e tostas cultivou un grande interese entre o tecido hostaleiro do municipio. Tanto, que a edición inaugural da actividade contará coa participación de 13 establecementos de todo o municipio que ofrecerán, o 6 e 7 de xuño, as súas mellores elaboracións a base de pan de Carral.

A concelleira de Comercio, Isabel López, agradece a implicación dos negocios participantes, “sobre todo, tendo en conta que para eles vai supor un esforzo adicional”. A edil confía en que a iniciativa atraia ao público e contribúa a “continuar impulsando a rede hostaleira local e, por suposto, o pan de Carral”. Ademais, López anima a veciños, veciñas e visitantes a se achegaren a Carral para degustar estas deliciosas tostas, destacando que “en Carral temos calidade de primeira”.

No primeiro Entre migas e tostas participarán os seguintes establecementos:

  • Casa Roel, con ‘Tosta do meu país RD’ (domingo, de 18.00 a 22.00 horas).
  • As Táboas con ‘Tosta a toda brasa’ (sábado, de 11.00 a 14.00 horas).
  • Bar A Parola con ‘Tosta do paraíso’ (sábado, de 12.00 a 16.00 horas e de 20.00 a 23.00 horas).
  • Bar O Tropezón con ‘Cantábrica e mediterránea’ (ambos os días de 12.30 a 15.00 horas e de 19.30 a 22.00 horas).
  • Terra e a súa ‘Tosta á italiana’ (ambos os días de 13.30 a 15.45 horas).
  • Costa da Égoa, que ofrecerá a súa ‘Tosta de tartar de salmón’ (domingo, de 12.00 a 15.30 horas).
  • Bar A Rotonda con ‘A tosta cremosa do porto’ (ambos os días de 11.00 a 15.00 horas e de 19.00 a 21.00 horas).
  • Café Bar O Piolindo con ‘Tosta carrillera’ (sábado, de 12.00 a 15.00 horas).
  • Lume e Ferro con ‘Tosta Fume e Queixo’ (sábado, de 19.00 a 23.00 horas, e domingo, de 12.30 a 15.30 horas).
  • Vinoteca Século XXI e o seu ‘Tosta dos avós’ (sábado, de 12.30 a 16.00 horas e de 20.30 a 23.30 horas, e domingo, de 12.30 a 15.00 horas).
  • Lareiras e ‘Tosta do Norte’ (ambos os días de 12.00 a 15.00 horas e de 20.00 a 23.00 horas).
  • Boca Grande con ‘A soleira’ (sábado, de 13.00 a 15.00 horas e de 20.00 a 22.00 horas e domingo, de 13.00 a 15.00 horas).
  • Casa Adolfo con ‘A tosta do piquillo’ (ambos de 12.00 a 15.00 horas).

As elaboracións poderán degustarse ao longo do fin de semans e n diferentes horarios fixados polos establecementos que poderán consultarse a través da páxina web municipal e das redes sociais do Concello. As persoas que acudan aos diferentes puntos do roteiro poderán degustar as tostas por un prezo de 5 euros no que se inclúe, ademais, unha consumición.

/by
,

CARRAL IMPULSARÁ A HOSTALARÍA LOCAL COA NOVA RUTA GASTRONÓMICA ENTRE MIGAS E TOSTAS

Carral poñerá en marcha o próximo mes de xuño Entre migas e tostas, unha nova iniciativa gastronómica destinada a promocionar o tecido hostaleiro local e poñer en valor un dos produtos máis emblemáticos do municipio: o pan de Carral.

A concelleira de Comercio, Isabel López, destacou que o obxectivo do programa é continuar apoiando o sector hostaleiro mediante propostas que axuden a dinamizar a actividade económica e atraer público. “Tal e como xa facemos co concurso Tapeando Carral, queremos seguir traballando na posta en marcha de programas que impulsen e dean a coñecer o bo facer do noso tecido hostaleiro apostando, para iso, por un produto 100% local como é o pan de Carral”, sinalou.

Polo momento, a iniciativa conta xa con máis dunha decena de establecementos adheridos. A ruta gastronómico celebrarase o sábado 6 e o domingo 7 de xuño, xornadas durante as que veciños e visitantes poderán percorrer os locais participantes e degustar distintas propostas elaboradas co pan de Carral como ingrediente principal. Cada consumición terá un prezo único de 5 euros, incluíndo a tosta e a bebida.

Os responsables dos establecementos interesados en participar poden poñerse en contacto co Concello de Carral a través do teléfono 981 613 520 e preguntar pola técnico de Educación.

/by
,

Carral despide a XXII Festa do Pan con máis de 5.000 bocadillos cardiosaludables vendidos

O Concello e a Asociación de Panadeiros pecharon con éxito a XXII edición da Festa do Pan. A cita volveu reunir durante toda a fin de semana a miles de persoas, superando a cifra de 5.000 bocadillos cardiosaludables vendidos entre as xornadas do sábado e o domingo.

A concelleira de Comercio, Isabel López, destacou o balance de asistencia “sobre todo, tendo en conta que o tempo non acompañou”. A edil subliñou que, a pesar de as previsións meteorolóxicas adversas, “miles de persoas achegáronse ao longo da fin de semana a Carral, reforzando a importancia desta cita gastronómica para toda a comarca”.

A programación ofreceu actividades para todos os públicos e idades, aínda que as grandes protagonistas desta edición foron, sen dúbida, o posto de venda do bocadillo cardiosaludable e os talleres infantís, que esgotaron todas as prazas dispoñibles. No caso dos de elaboración de bolos, formáronse ringleiras fronte ao posto ao longo de toda a fin de semana. Doutra banda, os talleres de xoguetes de madeira (sábado) e pulseiras de coiro (domingo) reuniron a uns 100 nenos cada día.

Máis aló destas propostas, o programa incluíu tamén música, teatro e espectáculos de animación na rúa, entre outras. Esta edición destacou, ademais, por combinar tradición e innovación, incorporando propostas novas como o expositor de Pan 3D, unha das iniciativas máis rechamantes da programación. En total, unhas 200 persoas pasaron pola visita inmersiva ás diferentes panadarías da Asociación de Panadeiros de Carral.

A concelleira recoñeceu o labor dos panadeiros e panadeiras, “que son os e as responsables do éxito desta celebración”. A edil lembra que detrás destas cifras atópase “o esforzo que realizan os artesáns e artesás para manter os seus negocios e preparar unha Festa do Pan que segue crecendo edición tras edición”.

/by
,

Carral asegura a substitución da súa receita estrela cos talleres infantís da Festa do Pan

Unha nova xeración de panadeiros comeza a tomar forma esta fin de semana en Carral. Os talleres infantís de elaboración de bolos, enmarcados na XXII Festa do Pan, volven ser un dos grandes atractivos da programación, contribuíndo a garantir a substitución dunha das receitas máis emblemáticas do municipio da man do Concello e a Asociación de Panadeiros.

O interese por esta actividade para os máis pequenos e pequenas fíxose evidente desde primeiras horas da mañá, con longas ringleiras no posto de elaboración. Unha imaxe que tamén se repetiu nos espazos de venda de bolos e dos populares bocadillos cardiosaludables, elaborados con pan, aceite, tomate e xamón.

A xornada inaugural continuará coas actuacións da charanga Noroeste e Gaeloc Medieval, a representación teatral O toxo a cargo do alumnado do IES de Carral, un espectáculo de zancudos e malabaristas e a verbena nocturna con Dúo D’Vicio e o grupo América de Vigo.

Xornada de peche

A Festa do Pan continuará mañá, domingo 10 de maio, a partir das 11.00 horas. Será entón cando reabra a exposición e venda de pan, o bocadillo cardiosaludable, a feira medieval, os expositores de asociacións e centros educativos, e talleres de pan e pulseiras de coiro. Ás 11.30 horas actuará Gaeloc Medieval, seguido do expositor Pan en 3D ás 12.00 horas.

Ás 12.30 horas celebrarase a misa solemne e a posterior procesión, coa actuación da Coral Polifónica Aires de Carral e o acompañamento do Grupo de Música Tradicional Arnela. A programación continuará ás 13.30 horas cunha nova actuación de Gaeloc Medieval e ás 14.00 horas coa sesión vermú a cargo da Orquestra Acordes.

Pola tarde, ás 16.00 horas, a charanga Sorcha Show Band animará o Campo da Feira, seguida ás 16.30 horas por outra actuación itinerante de Gaeloc Medieval polas rúas, xunto coa continuidade dos talleres e o expositor Pan en 3D. Ás 17.00 horas terá lugar o espectáculo Rufina e Benito, no que se repartirán anacos pan de Carral entre o público asistente para que poida degustar esta delicia carralesa.

A xornada proseguirá con novas actuacións de Gaeloc Medieval ás 18.00 horas e da charanga Sorcha ás 18.30 horas. A XXII Festa do Pan despedirase a partir das 20.00 horas coa sesión musical nocturna a cargo da Orquesta Acordes.

/by
,

CARRAL VIVIRÁ 24 HORAS DE EXALTACIÓN DE SU PRODUCTO ESTRELLA EN LA XXII FESTA DO PAN

O Concello e a Asociación de Panadeiros ultiman os preparativos para celebrar a Festa do Pan, que terá lugar o sábado, 9 de maio, e o domingo, día 10. A cita gastronómica alcanza a súa vixésimo segunda edición coa premisa de seguir sendo un referente na comarca, apoiándose nunha programación completa que superará as 24 horas de actividade e cun claro fío condutor: a exaltación do pan, un dos produtos estrela do municipio.


O Concello acolleu hoxe a presentación oficial do evento, que correu a cargo do alcalde, José Luis Fernández Mouriño, da concelleira de Comercio, Isabel López, e de varios representantes da Asociación de Panadeiros. Ao acto asistiron tamén os concelleiros Óscar Bodelo, Francisco Bello, Cristina Casal e Patricia López e, ademais, os autores do cartel da XXII edición: os alumnos e alumnas de 4ºA do CEIPP Vicente Otero Valcárcel.


Durante a súa intervención, o rexedor agradeceu a implicación das panaderías participantes, ás que definiu como “unha peza esencial en Carral, posto que eles e elas son os responsables de que o noso pan sexa un dos máis famosos de Galicia”. Así mesmo, destacou “o esforzo adicional que realizarán esta semana”, ao sumar ao seu traballo diario a preparación da festa.


Pola súa banda, a concelleira de Comercio, Isabel López, subliñou que esta edición contará con “unha programación completa na que procuramos ofrecer actividade para todas as franxas de idade” e animou á cidadanía para “continuar espallando a nosa Festa do Pan para que siga medrando en cifras de asistencia”.


Como avanzou a concelleira, ao longo da fin de semana non faltarán o posto de exaltación e venda do bocadillo cardiosaludable (feito a base de pan, aceite, tomate e xamón), os talleres de elaboración de bolos para os máis pequenos, o teatro ou a música.


Tanto o alcalde como a edil se mostraron confiados en alcanzar e mesmo superar as cifras de asistencia e venda da última edición, cando se despacharon uns 6.000 bocadillos.


Programación completa

A Comisión de Festas de Carral organiza o venres, 8 de maio, unha Gran Foliada para quentar motores para a Festa do Pan. Ese día, de 18.00 a 20.00 horas, haberá xogos populares infantís e, a partir das 20.00 horas, levarase a cabo unha foliada que contará coa participación de diversos grupos populares.


O sábado, 9 de maio, o evento arrincará ás 12.00 horas cunha infinidade de propostas: desde o punto de exposición e venda de pan e do bocadillo cardiosaludable da Asociación de Panadeiros e os talleres de elaboración de pan e xoguetes de madeira ata a feira medieval con postos de artesanía de coiro, téxtil, bixutería, etc. A animación musical comezará ás 12.30 horas coa actuación do grupo Gaeloc Medieval, que repetirá ás 13.30 horas. Ás 14.00 horas terá lugar a sesión vermú co Dúo D’Vicio.
Pola tarde, a partir das 16.00 horas, a charanga Noroeste percorrerá o Campo da Feira e as rúas do municipio. Ás 16.30 horas, o alumnado do IES de Carral representará a obra teatral O toxo na praza da Capela, cunha segunda función prevista ás 18.00 horas.


Durante a tarde continuarán os talleres infantís de pan e madeira, xunto co expositor Pan en 3D, que ofrecerá unha visita virtual e inmersiva a un obradoiro. Ás 17.30 horas actuará novamente Gaeloc Medieval, mentres que ás 18.30 horas terá lugar un espectáculo de zancudos e malabaristas acompañado por este mesmo grupo, que volverá subir ao escenario ás 20.00 horas. A xornada do sábado finalizará a partir das 21.00 horas coa sesión nocturna a cargo do Dúo D’Vicio e o grupo América de Vigo.


Xornada de peche
O domingo, 10 de maio, a actividade comezará ás 11.00 horas coa reapertura da exposición e venda de pan, o bocadillo cardiosaludable, a feira medieval, os expositores de asociacións e centros educativos, e talleres de pan e pulseiras de coiro. Ás 11.30 horas actuará Gaeloc Medieval, seguido do expositor Pan en 3D ás 12.00 horas.


Ás 12.30 horas celebrarase a misa solemne e a posterior procesión, coa actuación da Coral Polifónica Aires de Carral e o acompañamento do Grupo de Música Tradicional Arnela. A programación continuará ás 13.30 horas cunha nova actuación de Gaeloc Medieval e ás 14.00 horas coa sesión vermú a cargo da Orquesta Acordes.


Pola tarde, ás 16.00 horas, a charanga Sorcha Show Band animará o Campo da Feira, seguida ás 16.30 horas por outra actuación itinerante de Gaeloc Medieval polas rúas, xunto coa continuidade dos talleres e o expositor Pan en 3D. Ás 17.00 horas terá lugar o espectáculo ‘Rufina e Benito’, no que se repartirán anacos de Carral entre o público asistente para que poida degustar esta delicia carralesa.


A xornada proseguirá con novas actuacións de Gaeloc Medieval ás 18.00 horas e da charanga Sorcha ás 18.30 horas. A XXII Festa do Pan despedirase a partir das 20.00 horas coa sesión musical nocturna a cargo da Orquesta Acordes.

/by
,

O Concello presenta a programación da XXII Feira do Pan de Carral, que se celebrará os días 9 e 10 de maio

O Concello de Carral dá a coñecer a programación oficial da XXII Festa do Pan, unha cita xa consolidada no calendario festivo que terá lugar os próximos días 9 e 10 de maio. O evento está organizado polo propio Concello en colaboración coa Asociación de Panadeiros de Carral e conta co apoio da Deputación da Coruña.


A celebración arrincará o sábado 9 de maio a partir das 12.00 horas coa apertura da exposición e venda de pan, así como do bocadillo cardiosaludable. Ao longo da xornada, o público poderá desfrutar dunha feira medieval con presenza de artesáns do coiro, esmaltes, téxtil ou bixutería. Ademais, habilitaranse distintos espazos como un obradoiro de madeira, talleres de elaboración de pan dirixidos a nenos e nenas, e dous expositores: un das asociacións municipais e outro dos centros educativos de Carral.


A animación musical comezará ás 12.30 horas coa actuación do grupo Gaeloc Medieval, que repetirá ás 13.30 horas. Ás 14.00 horas terá lugar a sesión vermú co Dúo D’Vicio. Pola tarde, a partir das 16.00 horas, a charanga Noroeste percorrerá o Campo da Feira e as rúas do municipio. Ás 16.30 horas, o alumnado do IES de Carral representará a obra teatral ‘O toxo’ na Praza da Capela, cunha segunda función prevista ás 18.00 horas.


Durante a tarde continuarán os talleres infantís de pan e madeira, xunto co expositor ‘Pan en 3D’, que permitirá realizar unha visita en realidade virtual a un obradoiro. Ás 17.30 horas actuará novamente Gaeloc Medieval, mentres que ás 18.30 horas terá lugar un espectáculo de zancudos e malabaristas acompañado por este mesmo grupo, que volverá subirse ao escenario ás 20.00 horas. A xornada do sábado finalizará a partir das 21.00 horas coa sesión nocturna a cargo do Dúo D’Vicio e o grupo América de Vigo.


Xornada de domingo


O domingo 10 de maio, a actividade comezará ás 11.00 horas coa reapertura da exposición e venda de pan, o bocadillo cardiosaludable, a feira medieval, os expositores de asociacións e centros educativos, e talleres de pan e de pulseiras de coiro. Ás 11.30 horas actuará Gaeloc Medieval, seguido do expositor ‘Pan en 3D’ ás 12.00 horas.


Ás 12.30 horas celebrarase a misa solemne e a posterior procesión, coa actuación da Coral Polifónica Aires de Carral e o acompañamento do Grupo de Música Tradicional Arnela. A programación continuará ás 13.30 horas cunha nova actuación de Gaeloc Medieval e ás 14.00 horas coa sesión vermú a cargo da Orquesta Acordes.


Pola tarde, ás 16.00 horas, a charanga Sorcha Show Band animará o Campo da Feira, seguida ás 16.30 horas por outra actuación itinerante de Gaeloc Medieval polas rúas, xunto coa continuidade dos talleres e do expositor ‘Pan en 3D’. Ás 17.00 horas terá lugar o espectáculo ‘Rufina e Benito’, durante o cal se repartirá pan de Carral entre o público asistente.


A xornada dominical proseguirá con novas actuacións de Gaeloc Medieval ás 18.00 horas e da charanga Sorcha ás 18.30 horas. A XXII Festa do Pan despedirase a partir das 20.00 horas coa sesión musical nocturna a cargo da Orquestra Acordes.

Folleto Díptico Festa do Pan 2026Descarga
/by
,

BALDO RAMOS E SARA PLAZA GAÑAN O 29º PREMIO DE POESÍA CONCELLO DE CARRAL COA OBRA “PORCELANA E CHUMBO”

O poemario escrito conxuntamente por Sara Plaza e Baldo Ramos ven de ser elixido como a obra gañadora do 29º Premio de Poesía Concello de Carral. É a primeira ocasión no que o certame premia unha autoría dobre.

O premio está dotado con 3.500 € e a publicación da obra en Edicións Espiral Maior.

Dun total de 77 obras presentadas ao concurso, o xurado, por unanimidade, decidiu premiar Porcelana e chumbo pola súa voz elixíaca, grave e meditativa. Pon en valor que a escrita aparece como unha forma de acompañar a perda, a cegueira e a memoria moi presentes en todo o traballo. Destaca tamén a madurez expresiva, a densidade poética, as imaxes innovadoras que afondan nos grandes temas universais: a soidade, o paso do tempo e o valor do íntimo. Ademais o xurado quere salientar a orixinalidade que supón crear un  poemario a dúas voces.

O xurado estivo constituído pola concelleira de Cultura, Isabel López, que exerceu de presidenta, as poetas Branca Trigo, Miriam Ferradáns e Modesto Fraga, e o técnico de Cultura e coordinador do certame, Carlos Lorenzo, como secretario con voz e sen voto.

Baldo Ramos (Celanova, 1971), que xa obtivera este premio na súa quinta edición, é poeta e artista plástico. A súa obra poética compóñena unha vintena de libros, entre os que detacan, A árbore da cegueira (2002), El sueño del murciélago (2003), Escura e transparente (2005), Monólogo do calígrafo (2008), Palimpsesto (2009), Palabras para un baleiro (2009), A ferida de comprender (2011), Cartografía do exilio (2014), Cartas dende o esquenzo (2018), Palabras sen ninguén (2019), Porque te quero (2020) ou No interior do abandono (2020). Recibiu os premios Celso Emilio Ferreiro, Rosalía de Castro, Concello de Carral, María del Villar Berruezo, Arcipreste de Hita, Fiz Vergara Vilariño e ten sido accésit do Premio de Poesía Iberoamericana Víctor Jara e do Premio de Poesía Miguel González Garcés.

A súa obra poética aparece en antoloxías como Enfocarte (ed. Teresa Seara, 2002), Poetas en blanco y negro (ed. Amalia Iglesias Senra, Madrid, 2006),Veinte puntos de fuga (ed. Teresa Seara, Caracas, 2011), Antoloxía de referencia (ed. Carlos Arias-Mariña Pérez Rei, Santiago, 2012), Novas de poesía. 17 poetas (ed. Ana Gorría, Lugo, 2013) ou Migrant Shores, (ed. Manuela Palacios, Salmon Poetry, County Clare-Ireland, 2017).

A súa obra plástica ten sido exposta individualmente en diferentes galerías, museos e feiras de arte de todo Estado.

Sara Plaza Moreno, nada en Bustarviejo (comunidade de Madrid) en 1972, é unha escritora, tradutora e ilustradora española en lingua galega. Entrou en contacto coa lingua galega a través de xornais dixitais, programas culturais da TVG e portais na rede. Participou nos cursos de verán de lingua e cultura galegas “Galego sen fronteiras”, organizados polo Instituto da Lingua Galega da USC e a Real Academia Galega. En 2019 instalouse en Lugo e matriculouse na USC no Mestrado en Dirección de Actividades Educativas da Natureza. En 2020 gañou a XXXIII edición do premio de poesía Pérez Parallé coa obra Todos os pasos fan ruído.

O acto de entrega do premio, así como a presentación da obra gañadora na pasada edición, Especies invasoras, de Branca Trigo, terá lugar o venres 5 de xuño na Casa da Cultura.

/by