,

O Concello de Carral recibirá 66.327,18 euros do Plan provincial de cooperación ás obras e servizos de competenica municipal da Deputación

O Concello de Carral recibirá 66.327,18 euros do Plan provincial de cooperación ás obras e servizos de competenica municipal (Plan Único de Concellos) da Deputación da Coruña.

Esta partida, para o financiamento do POS + Adicional 1/2026 para gastos sociais extraordinarios no exercicio 2026, quedou aprobada no pleno do 27 de marzo.

A proposta publicouse no Boletín Oficial da Provincia, número 64, do 8 de abril, cunha marxe de 10 días para alegacións e reclamacións.

Transcurrido dito prazo sen queixas presentadas, o acordo provincial foi aprobado.

/by
,

Carral pon en marcha o programa ‘Parroquia a parroquia’ para informar sobre o Inventario de Camiños

O Concello de Carral impulsa unha nova iniciativa baixo o título ‘Parroquia a parroquia. O Concello preto de ti’, un programa que levará a cabo unha serie de charlas informativas en distintas parroquias do municipio co obxectivo de achegar á cidadanía información crave sobre o Inventario de Camiños.

A través destes encontros, realizarase unha exposición detallada, incluíndo planos e información específica adaptada a cada zona. Así mesmo, durante as sesións explicarase o procedemento para a presentación de alegacións. No caso das parroquias de As Travesas, Sergude e Tabeaio, as charlas servirán tamén para informar sobre o proxecto ‘Fomento da movilidade sostible. Proxecto de trazado dos treitos comúns non Camiño Inglés de Santiago’, que afecta directamente a estes núcleos, así como sobre os mecanismos para formular alegacións ao mesmo.

O programa contempla un total de 12 charlas, nas que ademais se abrirá un espazo para escoitar e atender todas as dúbidas, suxerencias ou propostas que desexen trasladar os veciños e veciñas. A primeira das sesións terá lugar este xoves, 16 de abril, en O Xalo, a partir das 18.00 horas, na Local Urbanización. As charlas desenvolveranse ata o próximo 30 de abril, data na que se poñerá fin a esta iniciativa en Carral.

O alcalde de Carral, José Luis Fernández Mouriño, destacou a importancia deste programa como ferramenta de participación directa: “Con este programa queremos achegar o Concello aos veciños, explicar de primeira man os proxectos que lles afectan e escoitar as súas achegas para melloralos”.

/by
,

Carral finaliza tres actuacións de mellora viaria cun investimento superior aos 140.000 euros

O Concello de Carral finalizou recentemente tres actuacións destinadas á mellora da rede viaria municipal, reforzando a seguridade, a drenaxe e a accesibilidade en distintos puntos do municipio. O conxunto das obras supuxo un investimento total de máis de 140.000 euros.


O alcalde, José Luis Fernández Mouriño, subliñou que “estas obras responden ao compromiso do goberno municipal co mantemento e mellora da nosa rede viaria, que é fundamental para a seguridade e a calidade de vida da veciñanza”, destacando a aposta municipal por este tipo de intervencións.


A primeira das actuacións levouse a cabo en marzo en Tabeaio, con traballos de mellora de cunetas ao longo de 275 metros. Procedeuse á limpeza de cunetas, foxos e marxes do camiño, así como á demolición de tres entradas de formigón. Posteriormente, estas foron repostas mediante pasos salvafoxos con cunetas de formigón, unha solución que permite ampliar a sección do vial e facilitar o paso de vehículos. O custo total desta obra ascendeu a 32.885,23 euros.


Por outra banda, o Concello finalizou o proxecto de mellora do vial entre A Ribeira e Soavila, na parroquia de Cañás. A actuación desenvolveuse ao longo de 675 metros, nunha zona onde as cunetas estaban invadidas pola vexetación e os noiros presentaban deficiencias. Os traballos incluíron a limpeza e perfilado de cunetas, a execución de cunetas de formigón en gran parte do trazado e en ambas as marxes, así como tramos hormigonados. Tamén se instalou unha canalización de polietileno e reforzáronse tres noiros. O orzamento total foi de 74.035,19 euros, cunha axuda de 56.417 euros da Axencia Galega de Desenvolvemento Rural.


Sobre esta actuación, o rexedor destacou que “a mellora do drenaxe, o reforzo dos noiros e a ampliación das seccións dos viarios contribúen a facer máis seguros os desprazamentos, especialmente nas zonas rurais”.


Finalmente, completouse a mellora da capa de rodadura do vial entre Cimadevila e Montecelo, na parroquia de Quembre, dentro do Plan de Obras e Servizos 2025. A actuación contou cun orzamento de 35.608,73 euros. Os traballos incluíron o estendido dunha nova capa de rodadura, a limpeza de cunetas, a mellora da drenaxe e a renovación da sinalización horizontal. A intervención abarcou dous tramos de 215 e 195 metros.


O alcalde concluíu que estes investimentos “son clave para garantir unha mobilidade máis eficiente e sostible e para dar resposta ás necesidades reais do territorio”.

/by
,

Carral activa un espazo web con toda a información sobre o Inventario de camiños e vías municipais

O Concello de Carral habilitou na súa páxina web oficial unha nova pestana en portada que recolle toda a información relativa ao Inventario de camiños e vías municipais, co obxectivo de facilitar o acceso á documentación por parte de todos os veciños e veciñas.

Esta iniciativa púxose en marcha logo da publicación no Boletín Oficial da Provincia da aprobación inicial do Inventario de camiños e vías municipais do Concello de Carral. A partir de mañá, 2 de abril, ábrese un prazo de dous meses para a presentación de alegacións por parte das persoas interesadas.

Deste xeito, o Concello pon ao dispor de todos os veciños e veciñas tanto o documento completo como ferramentas dixitais para a súa consulta, incluíndo un visor específico e unha ligazón de descarga directa.

Ademais, o inventario será presentado polas distintas parroquias, co fin de achegar a información a todos os núcleos do municipio.

O alcalde de Carral, José Luis Fernández Mouriño, destacou a importancia deste proceso para a participación cidadá: “Queremos que toda a veciñanza teña acceso sinxelo a esta información e poida revisala con detalle, xa que se trata dun documento moi relevante para ou noso territorio”.

Así mesmo, o rexedor subliñou o compromiso do Concello coa transparencia e a implicación veciñal: “Abrimos este período de alegacións para garantir que o inventario recolla a realidade dos nosos camiños e vías, contando coa colaboración de todos os veciños”.

/by
, , , , ,

O ALCALDE IMPULSA UN ORZAMENTO DE 7 MILLÓNS, O MÁIS ALTO DA HISTORIA DE CARRAL

O alcalde, José Luis Fernández Mouriño, elevará ao pleno do xoves os orzamentos de Carral do 2026. O documento do exercicio ascende a 6.921-901,26 euros, o que supón un crecemento de preto do 10% respecto ao último (de 6.321.018,87 euros). Trátase, como avanza o rexedor, dos orzamentos máis “altos da historia do municipio”. Con todo, a cifra total non é a única que despunta, senón que a esta hai que sumar tamén o dato relativo ao capítulo de investimentos, que sobe un 38,43% en comparación co orzamento de 2024, chegando a 1.437.523,64 euros. Todo isto mantendo unha forte aposta pola área de Servizos Sociais, cuxo gasto total é de 1.121.964,44 euros.

A confección do documento foi unha das pedras angulares do traballo do goberno local nos últimos meses: “era unha das prioridades que me marquei cando accedín á Alcaldía, porque un concello en pleno crecemento non pode permitirse carecer dun orzamento municipal axustado ás necesidades da veciñanza”. Como explica, “o último aprobárase no ano 2024, polo que o noso labor non foi de actualización, senón que se baseou en deseñar unha proposta ambiciosa, pensando no futuro de Carral”.

Investimentos

O apartado de investimentos chega ata 1.437.523,64 euros, e nel inclúense numerosas actuacións de reforzo das condicións de seguridade viaria como as seguintes: mellora do firme do camiño entre A Barciela e Balbén, a obra na rúa O Quenllo, a construción de cunetas de formigón e canalización de pluviais en Soavila ou as actuacións para acondicionar a infraestrutura viaria no polígono. A estas hai que sumar outros investimentos para dispoñer e mellorar espazos de encontro veciñal: adquisición de terreos e instalación dunha pista multideportiva en San Vicente de Vigo, infraestrutura verde para a conexión coa área recreativa do río Brexa e a mellora e actualización da contorna de Costa dá Égoa.

Axudas

Outro dos capítulos que experimentou unha subida considerable é o de transferencias correntes. Así, con respecto ao documento aprobado en 2024, o apartado viuse aumentado nun 13%. Neste caso, o Concello consigna 256.878,50 euros na proposta de 2026 fronte aos 227.329,19 do de 2024 para asumir as subvencións por bolsas de estudo, a asociacións e entidades e de emerxencias sociais. O capítulo de gastos correntes subiu tamén un 5,01% (2.790.219,94 euros), unha contía coa que o goberno local busca recoller os créditos suficientes para cumprir coas obrigacións do Concello e para poder licitar, ademais, contratos en precario como o do servizo de limpeza viaria e xardinería e a prestación da iluminación pública.

Asimismo, este apartado rexistra un aumento tamén debido ao incremento dos servizos asistenciais prestados desde os Servizos Sociais. O documento económico foi acordado cos dous concelleiros non adscritos, Francisco Bello e Mercedes Caridad.

/by
, ,

O CONCELLO DESPEXA O CAMIÑO PARA A IMPLANTACIÓN DO SANEAMENTO EN GOSENDE

O Concello avanza na implantación de saneamento naqueles puntos do termo municipal que aínda carecen deste servizo. Un dos próximos proxectos que se executarán será o de Gosende (parroquia de Tabeaio). Trátase dunhas obras que se financiarán co Plan Único da Deputación da Coruña e que supoñerán un investimento de 278.358,51 euros. O Concello formalizou, nos últimos días, a cesión dun terreo que despexará o camiño para a execución destas actuacións. Como explica o rexedor, “este era o último trámite que tiñamos pendente para sacar a licitación estas obras”.

O alcalde, José Luis Fernández Mouriño, agradeceu a colaboración dos particulares que “doaron esta parcela, imprescindible para dispor do saneamento nesta zona e atender ás solicitudes da veciñanza”. O primeiro edil incide en que se continuará traballando para “seguir mellorando as infraestruturas e servizos da veciñanza e, como parte deste obxectivo, impulsaremos máis proxectos para instalar solucións de saneamento nos lugares do termo municipal que non dispoñen del”. Neste sentido, o primeiro edil apunta que, ademais do de Gosende, está prevista a execución do saneamento en Cañás e estase traballando tamén para impulsar actuacións similares en Quembre, Sumio e Beira.

Obra en Gosende

No caso de Gosende, as intervencións contemplarán a construción dunha nova estación depuradora, a canalización de 2.066 metros de tubaxes de PVC de distintos diámetros, a execución de 61 pozos de rexistro e 43 arquetas para conexións domiciliarias.

/by
,

CARRAL CONCLÚE A TRAMITACIÓN DO PXOM Á ESPERA DE TRES INFORMES SECTORIAIS

O alcalde de Carral, José Luis Fernández Mouriño, e o concelleiro de Urbanismo e Infraestruturas, Óscar Bodelo, mantiveron esta mañá unha reunión coa directora xeral de Urbanismo da Xunta de Galicia, Encarnación Rivas, para abordar distintas cuestións estratéxicas para o desenvolvemento do municipio, entre elas, o estado de tramitación do Plan Xeral de Ordenación Municipal (PXOM).

Durante o encontro, o rexedor explicou que “o traballo que depende do Concello está concluído”, quedando unicamente pendentes os informes sectoriais de Fomento, Augas de Galicia e Patrimonio. Unha vez recibidos estes tres documentos, o Concello poderá proceder á aprobación provisional do PXOM. A partir dese momento, a tramitación pasará a depender da Xunta de Galicia, que será a encargada da aprobación definitiva.

O alcalde agradeceu a disposición da directora xeral de Urbanismo, “que nos animou a continuar adiante con este documento esencial para que Carral siga medrando e que nos confirmou que estabamos dando os pasos axeitados para dispor del”.

A reunión tamén serviu para analizar outros asuntos clave, como a ampliación do polígono industrial dos Capelos e os procesos de incremento de superficie que están a promover varias empresas asentadas na localidade. O alcalde cualificou o encontro de “frutífero” para avaliar a situación actual de Carral e coordinar as medidas que, tanto desde a Administración local como desde o tecido empresarial, están a impulsarse para favorecer a actividade económica e a xeración de emprego no municipio.

/by
, ,

CARRAL IMPULSA O PROXECTO DUNHA NOVA ESTACIÓN DEPURADORA DA MAN DA XUNTA

O Concello de Carral continúa dando pasos firmes para a construción dunha nova estación depuradora de augas residuais (EDAR), unha infraestrutura estratéxica que permitirá mellorar de maneira significativa o servizo de saneamento no municipio e planificar con garantías o seu crecemento futuro.


O alcalde, José Luis Fernández Mouriño, e os concelleiros Óscar Bodelo e Francisco Bello mantiveron unha reunión de traballo coa conselleira de Medio Ambiente e Cambio Climático da Xunta de Galicia, Ánxeles Vázquez, para analizar o proxecto municipal que permitirá dotar a Carral dunha nova infraestrutura de depuración.


A nova EDAR terá como finalidade tratar tanto os caudais de augas residuais urbanas como as industriais asimilables a urbanas, substituíndo e mellorando o servizo que actualmente presta a EDAR de O Quenllo. Esta actuación permitirá incrementar a capacidade de tratamento, mellorar a eficiencia do sistema e adaptalo ás necesidades actuais e futuras da poboación.


Segundo explicou Fernández Mouriño, “estamos ante unha actuación clave para Carral. O saneamento é un servizo básico e esencial, e esta nova depuradora permitirá ofrecer unha prestación máis moderna, eficaz e respectuosa co medio ambiente”.


O rexedor destacou tamén que “desde o Concello estamos a traballar con visión de futuro. Queremos que Carral medre, pero que o faga de maneira ordenada e sostible, e para iso é fundamental contar con infraestruturas dimensionadas ás necesidades que virán”, agradecendo de igual modo “a atención e a colaboración dá Xunta de Galicia”.


Durante o encontro, a Xunta trasladou que o persoal técnico de Augas de Galicia avaliará o proxecto presentado polo Concello co obxectivo de estudar posibles vías de colaboración e financiamento.

/by
, ,

Carral e a Xunta de Galicia avanzan na mellora de infraestruturas deportivas

O alcalde de Carral, #osé Luis Fernández Mouriño, e os concelleiros Óscar Bodelo, Fran Bello, Patricia López, Isabel López e Cristina Casal, recibiron este luns ao conselleiro de Presidencia, Xustiza e Deportes da Xunta de Galicia, Diego Calvo, e á directora xeral de Administración Local, Natalia Prieto, nunha visita institucional centrada en varias actuacións prioritarias en materia deportiva.


A visita comezou na pista deportiva exterior situada xunto ao pavillón O Espiño, onde o conselleiro comprobou as melloras executadas co apoio da Xunta de Galicia. A través da Orde de infraestruturas de uso público de 2025, o Goberno galego destinou 35.000 euros a esta actuación, que incluíu o revestimento e marcado de liñas conforme á normativa federativa, a instalación de iluminación LED na zona cuberta e un novo cadro eléctrico, cun orzamento total de 50.000 euros.


Posteriormente, a comitiva desprazouse ao campo de fútbol Borja Rodríguez Ans, onde se analizou a situación da instalación e a necesidade de executar as demandadas bancadas. O Concello traballa actualmente para poder levar a cabo esta actuación mediante un convenio coa Xunta de Galicia.


En relación co pavillón O Espiño, o Concello de Carral está a tramitar un Plan Especial de Dotacións e Infraestruturas (PEID) que permitirá modificar a cualificación do chan e facer posible a ampliación da instalación.


O alcalde, José Luis Fernández Mouriño, sinalou que se trata dun paso “necesario para executar un proxecto esencial para incrementar os usos do pavillón”.

O rexedor agradeceu a visita e a disposición mostrada polo conselleiro Diego Calvo, destacando “a implicación e a sensibilidade da Xunta de Galicia coas necesidades reais dos concellos”, e subliñou a importancia da colaboración institucional para sacar adiante proxectos “moi demandados pola veciñanza”.

/by
, ,

Carral avanza nas negociacións para a construción dun Centro de Saúde

O Concello de Carral continúa mantendo reunións coa Consellería de Sanidade para avanzar no proxecto de construción dun novo Centro de Saúde no municipio. Neste contexto, o alcalde, José Luis Fernández Mouriño, recibiu esta semana ao xerente da área Sanitaria da Coruña e Cee, Luis Verde, acompañado de dous técnicos da Consellería, co obxectivo de coñecer de primeira man o estado actual das instalacións sanitarias.


Durante o encontro analizáronse as principais problemáticas que presenta o actual centro de saúde, entre as que destacan as humidades, a sensación térmica no interior do edificio e o estado das xanelas. Posteriormente, o xerente e os técnicos realizaron unha inspección do inmoble, na que tomaron nota dos danos detectados.


As humidades constitúen un dos principais danos do edificio, xa que en épocas de mal tempo e choivas prodúcense filtracións de auga de maneira continuada. Outra das cuestións abordadas foi a sensación térmica no interior, que os expertos puideron comprobar directamente durante a visita. A deterioración do revestimento exterior provoca unha importante perda de calor, o que dificulta manter unha temperatura adecuada no interior do centro. Entre as posibles solucións expostas figura a substitución das xanelas por outras con maior capacidade illante.


O alcalde agradeceu a implicación da Xunta de Galicia por atender “con tanta rapidez unha dás maiores demandas do Concello de Carral”, subliñando a importancia desta actuación ante o crecemento poboacional do municipio. “Carral está moi preto de chegar aos 7.000 habitantes, polo que é imprescindible contar con servizos de calidade para que a xente queira seguir tendo ou noso concello como a primeira opción para vivir”, sinalou Fernández Mouriño.

/by