PUBLÍCANSE AS LISTAXES DOS ADMITIDOS/AS NOS CAMPAMENTOS DEPORTIVOS MUNICIPAIS – VERÁN 2025

HORARIO E LUGAR DOS CAMPAMENTOS.

  • As datas nas que se levará a cabo este programa serán durante o período escolar non lectivo das vacacións de Verán: do 23 de xuño ao 29 de agosto de 2025.
  • O horario (luns a venres, excepto festivos) será:
    • Servizo Madrugadores: 7.30 a 10.00 h *
    • Campamentos: 10.00 a 14.00 h (horario obrigatorio dentro do campamento, non podendo nin entregar nin recoller aos nenos/as durante o mesmo salvo excepcións previamente comunicadas.)
    • Servizo de comedor: 14.00 a 16.00 h *
  • *Nota. Nestes servizos contratarase unicamente o coidado e atención dos menores. Os nenos/as que fagan uso destes horarios deberán traer o seu almorzo ou xantar da casa.
  • Este programa se desenrolará no recinto escolar do Colexio Vicente Otero Valcárcel (pavillón polideportivo cuberto, pista polideportiva descuberta, zona axardinada, patio escolar cuberto, comedor escolar, aula psicomotricidade).

 

DESTINATARIOS: Idades e grupos

  • Para nenos/as dende Educación Infantil (dende 3 anos) e toda a Educación Primaria.
  • Para formalizar a inscrición é preciso que o interesado/a non teña débedas co Concello de Carral.
  • Este campamento dividirase en quendas/semanas atendendo ao número de inscritos:
  1. 1ª semana: do 23 ao 27 de xuño (120 prazas)
  2. 2ª semana: do 30 de xuño ao 4 de xullo (120 prazas)
  3. 3ª semana: do 7 ao 11 de xullo (120 prazas)
  4. 4ª semana: do 14 ao 18 de xullo (120 prazas)
  5. 5ª semana: do 21 ao 24 de xullo (90 prazas)
  6. 6ª semana: do 28 de xullo ao 1 de agosto (90 prazas)
  7. 7ª semana: do 4 ao 8 de agosto (90 prazas)
  8. 8ª semana: do 11 ao 14 de agosto (90 prazas)
  • As prazas son limitadas e adxudicaranse por rigorosa orde de inscrición.
  • O concello fará unha reserva de prazas dun 10% para nenos/as con NEAE, con NEE con autonomía persoal ou en risco de exclusión social,  para participar nas diversas actividades propostas en cada campamento, previa valoración polo equipo técnico municipal competente.
  • Organizaranse os grupos por idades. Estes grupos serán o máis homoxéneos posible (permitíndose unha oscilación de 2 anos), cumprindo sempre a normativa vixente.
  • Os nenos/as poderán facer uso do servizo Madrugadores (7.30‐10.00 h) e Tempo de Xantar (14.00‐16.00 h) para o que deberán traer o seu propio almorzo e xantar da casa (disponse de forno microondas).

PREZOS: Cotas e xeito de pagamento.

  • Segundo o acordo regulador nº 1 do prezos por actividades deportivas, culturais, xuvenís e socio educativas do Concello de Carral (Epígrafe 5: Actividades durante as vacacións escolares e outras actividades), o prezo do campamento urbano será de 30 €/semana, máis 9,25 €/semana polas opcións de madrugadores e tempo de xantar:
  • Os importes aboados NON SE DEVOLVERÁN AGÁS CAUSAS DEBIDAMENTE XUSTIFICADAS.
  • As datas límites para facer os pagos serán:
    • Semanas da 1º á 5ª: pago entre o 11 e 18 de xuño.
    • Semanas da 6º á 10ª: pago entre o 16 e o 23 de xullo.
  • SE O INTERESADO/A NON ABOA A CANTIDADE CORRESPONDENTE ÁS SEMANAS QUE ELIXA DENTRO DO PRAZO MARCADO, PERDERÁ O DEREITO Á PRAZA RECAENDO ESTA NA SEGUINTE PERSOA NA LISTA DE AGARDA.
  • Formas de pago:
    • Mediante transferencia bancaria (ES21 2100 5781 3102 0000 1826), para o cal será IMPRESCINDIBLE enviar o resgardo de ingreso ao mail casadacultura@carral.es.
    • Con Tarxeta bancaria nas dependencias da Casa da Cultura.
  • Condicións de pago: O pago de cada semana elixida deberase realizar nas datas e xeitos indicados.

O Concello de Carral resultou beneficiario da subvención solicitada á Consellería de Política Social e Igualdade.

Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).

Este programa está financiado pola Consellería de Política Social e Igualdade e polo Ministerio de Igualdade.

/by
,

CARRAL VOLVERÁ A VIVIR A SÚA TRADICIONAL TARDE DE REIS, CON CABALGATA E FESTA INFANTIL

Os Reis Magos repiten, un ano máis, a súa cita en Carral, ofrecendo un percorrido por distintas parroquias do municipio. As Súas Maxestades chegarán este domingo, 5 de xaneiro, e sairán coa cabalgata, se as condicións meteorolóxicas o permiten, a partir das 15:30 horas para cumprir os desexos dos máis pequenos e pequenas.

Itinerario con horarios aproximados:

O Xalo – 15:30 h – Local Urbanización

Cabrois – 15:45 – Parque

Quembre – 16:00 h – Local Social

Tabeiao – 16:20 – Campo da Festa

Barcia – 16:30 – Local Social

Gosende – 16:50  – Cruce

A Cabra – 17:00 – Cruce

Sergude – 17:15 – Local Social

O Canedo – 17:30 – Local Social

San Vicente – 17:45 – Local Social

As Travesas – 18:00 – Casa Avelina

Cañás – 18:15 – Local Social

Veira – 18:30 – Local Social

Carral – 19:00 e chegada ao pavillón do Espiño

O percorrido polas parroquias estará condicionado á previsión meteorolóxica. No caso de cancelarse daremos aviso a través das canles habituais do Concello.

Tamén, a partir das 18:00 horas, haberá festa infantil, inchables, animación e xogos no pavillón do Espiño para amenizar a chegada das Súas Maxestades, que teñen prevista a entrada no recinto sobre as 19:00 h. Ademais todas as persoas asistentes poderán gozar do tradicional roscón de Reis e chocolate. Toda a rapazada que o desexe poderá levar as súas cartas ao pavillón para entregarllas aos Reis Magos e que atendan os seus desexos.

/by

CARRAL ABRE O PRAZO DE PREINSCRICIÓN NOS CAMPAMENTOS DEPORTIVOS DE VERÁN 2024

Carral abre este venres, 7 de xuño ás 9:00 h, o prazo de inscrición nos campamentos de verán, un programa co que o Concello busca favorecer a conciliación entre as familias do municipio. O período de inscrición estará aberto ata o 14 de xuño ás 12:00 h, dándolles aos veciños e veciñas a posibilidade de inscribir aos nenos e nenas nalgunha/s das 9 semanas que se ofertan dende o 1 de xullo ata o 30 de agosto.

Como nas últimas edicións, o Concello mantén o horario ampliado destas actividades. Deste xeito, os pequenos e pequenas poderán ser atendidos entre as 10.00 ata as 14.00 horas xa que, ademais das propias actividades dos campamentos, o Concello ofrece servizos opcionais de Madrugadores (de 7.30 a 10.00 horas) e de tempo de xantar (de 14.00 a 16.00 horas).

Os campamentos, dirixidos a rapaces e rapazas de 3 a 11anos, terán lugar ao longo de todo o verán divididos en quendas semanais (9), tendo preferencia os nenos e nenas empadroados ou matriculados nos centros de ensinanza de Carral:

  • 1ª semana: do 1 ao 5 de xullo (120 prazas)
  • 2ª semana: do 8 ao 12 de xullo (120 prazas)
  • 3ª semana: do 15 ao 19 de xullo (120 prazas)
  • 4ª semana: do 22 ao 26 de xullo (120 prazas)
  • 5ª semana: do 29 de xullo ao 2 de agosto (120 prazas)
  • 6ª semana: do 5 ao 9 de agosto (120 prazas)
  • 7ª semana: do 12 ao 16 de agosto (90 prazas)
  • 8ª semana: do 19 ao 23 de agosto (90 prazas)
  • 9ª semana: do 26 ao 30 de agosto (90 prazas)

O prezo destes campamentos é de 30,00 €/semana, e o prezo polo uso do servizo opcional de madrugadores (7:30-10.00 h)/tempo de xantar (14:00-16:00): 9,25 €/semana.

As inscricións poden tramitarse ata o 14 de xuño. Para facelo, os veciños e veciñas poderán cubrir o boletín de inscrición dispoñible na páxina web do Concello ou, se o prefiren, cumprimentar o formulario online da web municipal. Como noutras convocatorias, as persoas interesadas terán a posibilidade de inscribir aos nenos e nenas por semanas soltas.

/by

ÁBRESE O PRAZO DE INSCRICIÓN NOS CAMPAMENTOS DEPORTIVOS DE NADAL

Carral abre hoxe, martes 12 de decembro, o prazo de solicitude dos campamentos de Nadal, un programa co que o Concello busca favorecer a conciliación entre as familias do municipio. O período de inscrición estará aberto ata as 14.00 h do 19 de decembro.

Como nas últimas edicións, o Concello mantén o horario ampliado destas actividades. Deste xeito, os pequenos e pequenas poderán ser atendidos entre as 7.30 ata as 16.00 horas xa que, ademais das propias actividades dos campamentos, o Concello ofrece servizos de Mañanceiro (de 7.30 a 10.00 horas) e de Xantar (de 14.00 a 16.00 horas).

Estes campamentos, dirixidos a rapaces e rapazas nados entre os anos 2013 e o 2020, terá unha temática deportiva, con especial atención aos deportes de inverno e as disciplinas locais. Ofertaranse 60 prazas, tendo preferencia os nenos e nenas empadroados ou os que acudan aos centros de ensinanza de Carral.

Para inscribrise, os veciños e veciñas poderán cubrir o boletín de inscrición dispoñible na páxina web do Concello ou, se o prefiren, cumplimentar o formulario online da web municipal.

Form. web
B. inscrición
/by

LISTAS DE ADMITIDOS NOS CURSOS DE PÁDEL DO MES DE AGOSTO

Rematado o prazo de inscrición nos cursos de pádel do mes de agosto, fanse públicas as LISTAS DE ADMITIDOS – HORARIOS E GRUPOS

INFORMACIÓN DOS CURSOS DE PÁDEL:

Datas e horario: do 1 ao 31 de agosto / (Gr.1. martes/xoves de 19:30 a 20:30 h // Gr2. martes/xoves de 20.30 a 21.30 h)

Lugar: Complexo Deportivo de Carral
Destinatarios: A partir de 6 anos (preferencia empadroados/as).
Prezo: 22 € curso completo
Publicación das listas de admitidos: 27 de xullo.

Prazo de pago: entre o 27e 31 de xullo (ata ás 14:00 h). Se o interesado non fixera o pago nas datas sinaladas, perderá a praza en favor do primeiro inscrito en lista de espera se a houbese.

Máis info no Complexo Deportivo (678.33.88.47) ou en complexo.deportivo@carral.es

/by

LISTAS DE ADMITIDOS NOS CURSOS DE IOGA DO MES DE AGOSTO

Rematado o prazo de inscrición nos cursos de ioga do mes de agosto, fanse públicas as LISTAS DE ADMITIDOS – HORARIOS E GRUPOS

INFORMACIÓN SOBRE OS CURSO DE IOGA:

Datas e horario: do 1 ao 31 de agosto. (Gr.1=> martes/xoves de 18:30 a 19:30 h // Gr.2=> martes/xoves de 19:30 a 20:30 h) Lugar: Complexo Deportivo de Carral (Sala de actividades)
Destinatarios: A partir de 14 anos (preferencia empadroados/as ou matriculados na actividade durante o curso 2022-2023).
Prezo: 14 € todo o mes
Observacións para a inscrición:

Prazas limitadas / adxudicaranse por orde de inscrición

Publicación das listas de admitidos: 27 de xullo.

Prazo de pago: entre o 27e 31 de xullo (ata ás 14:00 h). Se o interesado non fixera o pago nas datas sinaladas, perderá a praza en favor do primeiro inscrito en lista de espera se a houbese.

Máis info no Complexo Deportivo (678.33.88.47) ou en complexo.deportivo@carral.es

/by

CARRAL ABRE O PRAZO DE INSCRICIÓN PARA AS ESCOLAS MUNICIPAIS, OFRECENDO 40 PROPOSTAS PARA TODAS AS IDADES

Folleto Escolas 22-23     BOLETÍN DE INSCRICIÓN

O Concello abrirá mañá, luns, 5 de setembro, o prazo de inscrición para as súas Escolas Municipais, ofrecendo unhas 40 actividades. Nesta edición, o programa inclúe propostas deportivas, culturais, educativas, de Servizos Sociais e algunhas organizadas polas asociacións e clubs do municipio. Desde o goberno local sinalan que se trata dunha oferta “completa e que conta con iniciativas para os veciños e veciñas de todas as idades coa que se busca, entre outros obxectivos, promover a conciliación da vida laboral e familiar”.

Como novidade con respecto a outros anos, o Concello inclúe, nesta ocasión, as diversas iniciativas culturais e deportivas que levan a cabo as entidades do municipio. Con isto conséguese, non só ampliar o listado de actividades, senón tamén pór en valor e impulsar o labor que realiza o tecido asociativo de Carral. A maiores, por primeira vez, o centro de formación Antón Fraguas acollerá a Escola Municipal de Música, con clases para aprender a tocar os seguintes instrumentos: piano, guitarra, batería, baixo, contrabaixo, violonchelo, violín, frauta, clarinete, trompeta e saxo.

A convocatoria incorpora as seguintes actividades:

  • Atletismo escolar: para nenos e nenas a partir de 4 anos
  • Ximnasia rítmica escolar: para nados no 2018 e anteriores
  • Patinaxe escolar: a partir dos 4 anos
  • Judo: a partir dos 4 anos
  • Judo (Tabeaio): a partir dos 4 anos e tamén para adultos
  • Baloncesto: a partir dos 6 anos
  • Tiro con arco: a partir de 6 anos e para adultos
  • Equitación: a partir de 7 anos e para adultos
  • Pádel: a partir de 8 anos
  • Tiro Olímpico: a partir de 8 anos e para adultos
  • Zumba: a partir de 12 anos
  • Ioga: a partir de 14 anos
  • Jumping fítness: a partir de 14 anos
  • Teares e tapices
  • Obradoiros culturais
  • Actividades escolares: servizo de madrugadores e concilia día a día, robótica, debuxo e pintura, fun english, música e movemento, baile moderno, informática, cociña divertida e ciencia divertida.
  • Escola municipal de música
  • Ximnasia de mantemento en Carral
  • Ximnasia de mantemento nas parroquias
  • Fútbol sala e balonmán coa U.D. Carral
  • Bailes latinos, cociña e repostería, costura para principiantes e calceta e gancho coa asociación de Mulleres Rurais.
  • Baile tradicional e pandeireta e teatro coa AA.VV. O Rueiro de Tabeaio.
  • Escola de música da man da asociación Cultura Aberta de Carral.

As persoas interesadas deberán presentar a solicitude cuberta e asinada, preferiblemente, de xeito telemático a través do correo casadacultura@carral.es ou da sede electrónica carral.es. Así mesmo, poderanse presentar de xeito presencial na Casa da Cultura ou no Complexo Deportivo. O prazo de solicitude estará aberto desde mañá, 5 de setembro ás 9.00 horas, ata o día 23. As actividades comezarán na primeira semana de outubro.

/by

LISTAXES DE ADMITIDOS E EXCLUÍDOS NO ENGLISH SPORT CAMP (18 DE XULLO – 5 AGOSTO)

Fanse públicas as listaxes de admitidos e reservas no ENGLISH SPORT CAMP (18 de xullo – 5 de agosto)
Read more

/by

A XUNTA DE GALICIA REANUDA OS PERMISOS DE QUEIMA PARA RESTOS AGRÍCOLAS

A Xunta de Galicia acaba de reanudar os permisos de queima para restos agrícolas. As persoas interesadas poderán facer a súa solicitude na Casa do Concello, a través do teléfono do 012 e da páxina web da Xunta de Galicia.

Maís información no servizo de Medio Ambiente do Concello ou no teléfono 881 913 533.

Comunicación de queimasDescarga
/by
,

O ALCALDE CONFIGURA UN GOBERNO DE CATRO ÁREAS COA VISTA POSTA EN RESOLVER “AS DEMANDAS DE CARRAL”

O alcalde de Carral, José Luis Fernández Mouriño, xa ten distribuídas as áreas de goberno. O rexedor propón a creación de catro áreas ocupadas polos seus catro concelleiros e desde as que se traballará seguindo unha folla de roteiro claro: “traballaremos para que Carral avance e para resolver as demandas do noso municipio, como é a aprobación do PXOM, a ampliación do polígono dos Capelos e o arranxo da depuradora do Quenllo, entre outras”.

Para lograr estes obxectivos, o rexedor expón a configuración das seguintes áreas:

Urbanismo, Infraestruturas, Medio Ambiente, Mobilidade, Deportes e Xuventude: Óscar Bodelo Gómez (2º tenente de alcalde)

Obras e Servizos: Carlos Barbeito Rey (4º tenente de alcalde)

Sanidade, Educación e Emprego: Cristina Casal Diz (3ª tenente de alcalde)

Cultura, Turismo e Comercio: Isabel López Pérez (1ª tenente de alcalde)

En canto liñas de traballo, durante a súa investidura, o primeiro edil xa marcara algunhas das prioridades para os próximos meses. Desta listaxe, Fernández Mouriño iniciou, nas últimas semanas, unha rolda de contactos para avanzar no proceso de ampliación do parque industrial e retomou as reunións coa empresa redactora do PXOM para unha próxima aprobación provisional do documento. Así mesmo, Fernández Mouriño alcanzou o compromiso da Xunta de Galicia para colaborar na construción das novas bancadas do campo de fútbol Os Capelos. En canto á depuradora de O Quenllo, na reunión co director de Augas de Galicia, Roi Fernández, acordouse estudar diferentes vías de cooperación para a execución deste proxecto.

/by
,

O ALCALDE ACADA A COLABORACIÓN DA XUNTA PARA CONSTRUÍR AS BANCADAS DO CAMPO DOS CAPELOS

O alcalde de Carral, José Luis Fernández Mouriño, alcanzou o compromiso da Xunta de Galicia para facer realidade unha importante demanda en materia de infraestruturas deportivas: a construción das futuras bancadas do campo de fútbol dos Capelos. Así se acordou na reunión que o rexedor e o concelleiro, Óscar Bodelo, mantiveron co secretario xeral para o Deporte da Xunta de Galicia, José Ramón Lete Lasa. Durante o encontro, confirmouse que o proxecto se retomará a partir de xaneiro, a cargo dos orzamentos do organismo autonómico para 2026 e por medio dun acordo de colaboración entre a Xunta e o Concello.

Retomar a execución das bancadas foi un dos obxectivos que o primeiro edil marcouse cando recuperou a alcaldía no mes de setembro. Trátase, como apunta Fernández Mouriño, dunhas actuacións “moi necesarias e demandadas polos numerosos usuarios e usuarias da instalación municipal”.

O alcalde lembra que o anterior goberno local solicitara unha subvención do organismo autonómico para acometer estas actuacións. Con todo, o proxecto presentado polo Concello non obtivo a puntuación mínima necesaria para recibir a axuda. Co obxectivo de reiniciar a tramitación, Fernández Mouriño solicitou a reunión co secretario xeral, ao que agradeceu “a súa boa disposición e interese por atender as nosas peticións”.

/by
,

O ALCALDE RETOMA A TRAMITACIÓN DO PLAN XERAL COA VISTA POSTA NA PRÓXIMA APROBACIÓN PROVISIONAL

O alcalde de Carral, José Luis Fernández Mouriño, e o concelleiro, Óscar Bodelo, mantiveron onte unha reunión co equipo redactor do Plan Xeral de Ordenación Municipal (PXOM) para renovar a súa tramitación. Como avanza o rexedor, o de onte non será o único encontro, senón que se realizarán outros dous nas próximas semanas cun claro obxectivo: proceder á aprobación provisional deste documento.

O alcalde valorará xunto ao persoal municipal e á empresa redactora se as modificacións introducidas nos últimos anos requiren dunha nova exposición pública antes de promover a aprobación provisional.

Retomar o Plan Xeral foi un dos obxectivos que Fernández Mouriño se marcou cando recuperou a Alcaldía: “pois é un asunto que está pendente dende hai varios anos”. A intención do primeiro edil é continuar avanzando na súa tramitación, entendendo que del depende “o futuro e o crecemento de Carral”.

/by
,

NOVE COMPAÑÍAS SUBIRÁN Á ESCENA NO CICLO DE TEATRO DE OUONO DE CARRAL

O teatro será protagonista nos vindeiros meses en Carral. O Concello celebrará unha nova edición do Ciclo de Teatro de Outono ofrecendo nove funcións para públicos de todas as idades. As representacións comezarán esta mesma semana, coa primeira este venres, 3 de outubro. Todas terán lugar no local Xente Nova de Tabeaio ás 20.30 horas.

Teatro de Ningures será a encargada de inaugurar o programa con As gardiás ou o nó do tecelán (3 de outubro). O humilde piso de Rosa é un refuxio acolledor dunha tribo de catro mulleres maiores decididas a preservar a súa independencia: Rosa (que se atopa en cadeira de rodas) e as súas compañeiras Ana, Marga e Susana. Cando a filla da primeira lle propón trasladala a unha institución médica e vender o apartamento, comeza unha loita entre dúas visións do que significa envellecer ben.

Unha semana despois, De Ste Xeito Producións tomará a remuda con Neura (10 de outubro). Trátase dunha comedia que aborda o tema da saúde mental a través da historia de amor e desamor de Edu e Sonia, unha relación que rematou, precisamente, a causa deses trastornos.

As damas de Ferrol de Teatro do Noroeste será a seguinte función do Ciclo de Teatro de Outono (17 de outubro). As protagonistas son Maruxa e Lurdes, dúas irmás xa maiores que contan, entre discusión e discusión, partes das súas vidas. A obra foi recoñecida cos premios Luisa Villalta da Deputación da Coruña por proxectos pola igualdade.

Verdeveras Expresións Artísticas chegará ao municipio con As formas do amor (24 de outubro). Na peza cóntase a historia dun deses amores inesquecibles que marcan un antes e un despois na vida.

Tolóptica, de Código Azul, será a seguinte representación do programa (31 de outubro). Os protagonistas son Leo e Brais, dous empresarios da óptica Tolóptica. Estes asisten á 24ª convención da compañía, na cal van entregar os premios ao mellor vendedor de primeira clase da empresa, entre outros.

Programación de novembro

A programación de novembro arrincará da man do grupo Butacazero e de O único que verdadeiramente quixen toda a vida é ser delgada (7 de novembro). A actriz Esther F. Carrodeguas abordará con sinceridade crúa e humor irónico a súa relación co seu corpo, marcada pola gordofobia da sociedade.

Cortello de amor de Amorodio Teatro será a seguinte proposta no calendario (14 de novembro). Nela cóntase a historia de Jack e Rose, unha parella que ronda a trintena e que levan xuntos dende a adolescencia. Ambos van a un concerto do seu grupo favorito, Grande Amore, e logo dunha festa memorable que paraliza a cidade pola afluencia masiva de público, os membros da banda non conseguen arrincar a súa furgoneta. Rose e Jack non o dubidan e deciden ofrecerlles a súa casa para pasar a noite e durmir eles dous no faiado.

Desexo, de Talia Teatro, será a antepenúltima función do ciclo, e chegará o 21 de novembro ao local social Xente Nova. Nela, a compañía aborda como na sociedade máis sexualizada da historia continúa habendo tabús arredor de cuestións como a educación sexual das novas xeracións, por exemplo.

Compañía, de Xampatito Pato, será a obra de peche do programa o 28 de novembro. Trátase dun espectáculo que fusiona o circo co mundo dos monicreques, creando imaxes e escenas que transportan ao espectador a un mundo onírico.

A entrada será libre ata completar aforo. En todo caso, unha vez que estea iniciada a función, non se permitirá o acceso á sala. 

Toda a información en https://carral.es/teatro-de-outono-2025/

/by

O CONCELLO E AUGAS DE GALICIA ESTUDAN VÍAS DE COLABORACIÓN PARA RENOVAR A DEPURADORA DO QUENLLO

O alcalde, José Luis Fernández Mouriño, e o concelleiro, Óscar Bodelo, mantiveron esta mañá unha reunión co director xeral de Augas de Galicia, Roi Fernández. O obxectivo foi solicitar a colaboración do organismo, dependente da Consellería de Medio Ambiente e Cambio Climático, para resolver a problemática actual da depuradora do Quenllo. No encontro, acordouse que o Concello remitirá, proximamente, un anteproxecto que o persoal técnico de Augas de Galicia estudará para valorar posibles vías de colaboración.

O primeiro edil agradece “a boa disposición amosada polo director de Augas de Galicia, que se interesou polo tema desde o primeiro momento e comprometeuse a estudar e analizar a documentación que lle presentemos para arranxar esta instalación”.

Fernández Mouriño incide en que a cooperación entre administracións “é esencial para seguir traballando na mellora dos servizos para a cidadanía”. O primeiro edil recalca que ante cuestións “importantes como a da depuradora do Quenllo temos que ser quen de deixar a un lado calquera outro interese e pensar no que é mellor para os carraleses”.

Unha actuación prioritaria

A reparación da depuradora do Quenllo é unha das actuacións “prioritarias” que o rexedor se marcou cando recuperou a Alcaldía. Con todo, non é a única liña de actuación que Fernández Mouriño expón para os próximos meses. Así, durante o encontro desta mañá, o rexedor solicitou tamén a colaboración do ente autonómico para continuar implantando o saneamento nalgunhas parroquias do municipio que aínda carecen del, como no caso de Quembre, Sumio e Beira.

/by
, ,

PUBLÍCANSE OS HORARIOS E DATAS DE INICIO DAS ESCOLAS DEPORTIVAS E SOCIO-EDUCATIVAS MUNICIPAIS PARA O CURSO 2025-2026

A partir do vindeiro 1 de outubro arrinca o curso 2025-2026 das escolas deportivas e socio-educativas municipais.

Para outras consultas ou aclaracións, pódense poñer en contacto coa Casa da Cultura (981.67.25.80 – casadacultura@carral.es) ou no departamento de Educación (678.338.872 – educacion@carral.es).

/by
, ,

PUBLÍCANSE AS LISTAXES, GRUPOS E HORARIOS DAS ACTIVIDADES DAS ESCOLAS DEPORTIVAS E SOCIO-EDUCATIVAS MUNICIPAIS PARA O CURSO 25-26

LISTAXE INSCRITOS

.

INDICACIÓNS:

  • Fanse públicas as listas de admitidos/as e reservas para o curso 2025-2026 das actividades deportivas e socio-educativas municipais.
  • Nos vindeiros días publicaranse os días e horas de inicio das actividades/presentacións das mesmas.
  • Consultas e máis información, na Casa da Cultura (981.67.25.80 – casadacultura@carral.es).

/by
,

O ALCALDE PIDE A COLABORACIÓN DE EDUCACIÓN PARA RESOLVER AS PETICIÓNS DO VICENTE OTERO

O alcalde de Carral, José Luis Fernández Mouriño, marcou xa as súas prioridades e liñas de traballo para as próximas semanas. Nos seus primeiros días no cargo, o rexedor contactou co ANPA do CEIP Plurilingüe Vicente Otero Valcárcel e co conselleiro de Educación, Ciencia, Universidades e Formación Profesional, Román Rodríguez, para preguntar pola situación actual no centro de ensino. Neste sentido, informóuselle de que persoal técnico acudirá, a próxima semana, ao colexio para facer unha avaliación das necesidades en canto a persoal. Fernández Mouriño mostrou o seu apoio á asociación de nais e pais, comprometéndose a dar traslado de todas as súas peticións “para que os alumnos e alumnas reciban a mellor atención posible”.

O alcalde avanza que, proximamente, pedirá reunións coas Consellerías de Sanidade, coa de Presidencia, Xustiza e Deportes, con Augas de Galicia e co SEPES. O obxectivo será abordar “cuestións de calado para ou avance do noso municipio”. Entre elas, abordará temas como o futuro do centro de saúde ante a previsión dun aumento de poboación, o estado da depuradora de O Quenllo ou o proceso de ampliación do polígono industrial.

Primeira reunión co persoal municipal

Fernández Mouriño mantivo, ademais, unha primeira reunión de traballo co persoal municipal. Nela, o rexedor marcou as prioridades para os próximos meses e animou aos traballadores para continuar “remando nunha mesma dirección para que ou noso municipio siga medrando”. No encontro tomaron parte tamén os concelleiros Isabel Pérez, Óscar Bodelo, Cristina Casal e Francisco Bello.

/by