A instalación, situada na rúa Alcalde Juan Seijas, funciona como punto de encontro e como lugar de convivencia entre a mocidade e as persoas maiores do municipio.

A dependencia conta con dúas plantas e con alternativas de lecer para os vecinos e veciñas de todas as idades. Deste xeito, o espazo dispón de televisións, xogos de mesa, futbolín, mesa de ping pong, etc. A maiores, hai unha sala con ordenadores e proxector para a realización de posibles cursos, obradoiros e para facer traballos. O piso de abaixo conta cunha sala de reunións que está á disposición das entidades e clubs que estean no Rexistro de Asociacións do Concello.

A instalación funciona de Luns a Venres de 16:30 a 19:30 horas.