Lugares Turísticos do Concello de Carral
Carral é un municipio ideal para pasear e descubrir roteiros e lugares como os Muíños de Costa da Égoa, o Monte Xalo, o Val de Barcia, a área recreativa da Brexa, o encoro Abegondo-Cecebre, a área recreativa do Marco das Eiras no Monte Xalo ou o campo da festa das Travesas polo que pasa o Camiño Inglés entre moitos outros lugares.
Muíños da Costa da Égoa
Costa da Égoa é unha ruta de sendeirismo sinxela á beira do río polo concello de Carral. Ao longo da ruta, exploraremos o que se coñece como un ‘eco-museo’, composto por 14 muíños de auga e unha pequena central hidroeléctrica do século XVIII no río Abelleira.
O Val de Barcia
No Val de Barcia, o Barcés transcorre diagonalmente no territorio carralés. servindo nalgúns traxectos do seu percorrido de límite co Concello de Abegondo.
O val é de gran riqueza agrícola e as panorámicas que ofrece son de inmellorable fermosura. Nel atopamos pazos, muíños, castros, capelas, igrexas…
Área recreativa de Cabrois
Ubicada en Cabrois encóntrase unha pequena área recreativa que conta cun banco para descansar e columpios para os máis pequenos.
Área recreativa do Marco das Eiras
Está no alto do monte, a uns 400 metros sobre o nivel do mar, nas ladeiras do monte Xalo. Trátase dun espazo con merendeiro baixo as árbores e unha pequena zona de xogos infantis.
Conta cun aparcadoiro e acceso por escaleiras na parte superior e outro acceso plano nun dos laterais. As mesas para comer son de pedra e teñen tellados vexetais.
Campo da festa das Travesas
Situase a carón da Capela de San Roque, da pista polideportiva e do campo da festa. No mesmo contorno atópase un invernadoiro municipal que se utiliza para impartir cursos agrícolas ou de xardinería.
A Brexa
A área recreativa da Brexa é un lugar ideal para pasar o día en familia. A zona conta con “skatepark” e cunha zona con mesas e bancos nos que mesmo poderás almorzar. Trátase dunha área situada ao carón do río Brexa ideal para pasar unha xornada tranquila e coa natureza como principal protagonista.
San Pedro de Rubieiro
A capela de San Pedro de Rubieiro ubícase na parroquia de Santiago de Sumio. Alí encontrarás. ademáis da igrexa, unha ampla zona verde con mesas e un rego que abastece a Fonte de San Pedro de Rubieiro. Perfecto para disfrutar rodeado de natureza.
