GASTRONOMÍA
O pan de Carral é recoñecido pola excepcional calidade do seu pan. Máis de 20 panaderías manteñen unha antiga tradición artesanal que produce un pan de miolo esponxoso e codia crocante.
O coñecido como Pan de Carral é un “bolo de moño” ou “molete”, elaborado cunha alta proporción de trigo do país, moído con pedras finas, amasado de xeito manual, e co fermeto de masas nais anteriores formadas. Antigamente usábanse os fornos quentados con leña. Hoxe en día apenas perviven e utilízanse técnicas modernas, mais consérvase a calidade do produto final grazas á habilidade e segredo dos panadeiros carraleses.
O pan de Carral consta dos seguintes ingredientes: fariña de trigo, auga, sal, masa nai e fermento. A fariña de trigo utilizada é unha mestura de trigo galego con outros de fóra do país.
Na elaboración deste pan consta de catro fases:
- Amasado: Colócase a fariña na artesa ou na amasadora mecanica, engadindo auga, sal e fermento.
- Fermentación: Unha vez rematado o amasado, déixase repousar a masa durante un tempo que non sexa superior ás dúas horas.
- División da masa: A masa divídese a man nas distintas pezas que se van a elaborar e deixase repousar de novo
- Enfornado: As pezas introdúcense no forno para cocelas e o tempo dependerá do tamaño da peza.
