CARRAL ACOLLE A XVI EXHIBICIÓN DE PATINAXE

O pavillón municipal de Carral acolleu o domingo 12 de abril, unha nova edición da Exhibición Municipal de Patinaxe Artística. Este acto organizado polo Concello de Carral e o club de patinaxe “Alquimia”, deu comezo ás 17.05 h para rematar sobre as 18.45 h.

Nesta cita deportiva, puidemos contar coa presenza de 9 clubs de patinaxe, colexios e escolas deportivas municipais de diversos puntos da xeografía galega – o club Anca (Lugo), o club Conxuro (Laracha), o club Raiola (Ferrol), o CEIP Emilio González López de Brexo Lema (Cambre), o CEIP Gonzalo Torrente Ballester de Sigrás (Cambre), a escola Lubiáns (Carballo), o club Patiart (Coristanco), o club Alquimia e a Escola Deportiva Municipal de Carral-. En total reuníronse 212 patinadores de idades comprendidas entre os 4 e 17 anos e moitos máis acompañantes (ao redor de 350 espectadores). Conseguiuse así reunir unha gran mostra representativa da patinaxe coruñesa, que nos mostraron as súas habilidades sobre as oito rodas o longo das 19 actuacións das que constou o certame. En primeiro lugar foron as máis pequenas as que nos mostraron as súas aprendizaxes nestes primeiros meses de adestramento. Tomoulles o relevo as patinadoras infantís e por último mostraron as súas destrezas as “veteranas” da especialidade.

Tamén temos destacar e agradecer, por parte do C.P. Alquimia de Carral, a presenza da parella de danza, formada por Irene Fernández e David Salido (Campións galegos xuvenís en 2012, 2013 e 2014 e subcampións de España no 2012 e 4º en 2013). Estes deportistas de talle nacional mostráronnos unha pequena parte da súa mestría no deporte do patín, para motivar e alentar os novos patinadores, actuacións que ao mesmo tempo entusiasmaron ao público asistente.

Ao rematar as actuacións o edil responsable da área deportiva municipal, Diego Otero, fixo entrega dunhas medallas conmemorativas a todos os participantes e, ás adestradoras invitadas, duns ramos de flores como agradecemento ao enorme esforzo mostrado na preparación destes grupos.

Por outro lado, a concellaría de deportes, está a ultimar os preparativos para a realización dos seguintes eventos deportivos; o I Torneo de ximnasia rítmica de Carral e o Certame anual da modalidade, que terán lugar o próximo 2 de maio ao longo de todo o día tamén no pavillón de “O Espiño” e na que se espera contar coa presenza de ao redor de 170 nenas.

 

FOTOS DO ACONTECEMENTO

/by

CREADA UNHA PÁXINA DE FACEBOOK PARA AMOSAR O ARQUIVO FOTOGRÁFICO MUNICIPAL

Co mesmo título que se teñen dado ás últimas exposicións de imaxes do Arquivo Fotográfico Municipal de Carral, e que se tamén levará un libro que en breve se presentará ao público, o equipo de Cultura do Concello de Carral ven de crear unha páxina de Facebook na que darlle difusión a boa parte das fotos antigas Equipo-d- futbol-para-webque posúe.

Fotos para as mil historias de Carral é tamén unha fiestra pola que as persoas que desexen compartir este tipo de imaxes, o poidan facer e manter o espíritu colectivo que ten o arquivo, que se nutre coas fotos que cidadáns e institucións de Carral ceden para a súa dixitalización.

A través desta rede social tamén se posibilita que moitos carraleses que están espallados polo mundo poidan coñecer e lembrar as vellas estampas do municipio.

Preme aquí para ir ao Facebook de Fotos para as mil historias de Carral.

/by

TRES PELÍCULAS PARA UN NOVO CICLO DE CINE NA CASA DA CULTURA

O Concello de CHotel Budapestarral presenta para as vindeiras semanas un novo ciclo de cine con tres películas que acadaron un salientable éxito de público, crítica e premios.

O ciclo comeza o venres 17 de abril con El Gran Hotel Budapest, unha excelente comedia coral protagonizada, entre outros, por Ralph Fiennes, Edward Norton e Willem Dafoe, e que transcorre nun hotel europeo nos anos 30.

Boyhood é un drama filmado ao longo de 12 anos pero en tan só 39 días. É unha viaxe íntima e épica pola euforia da nenez, os cambios dunha familia moderna e o paso do tempo. Proxectarase o venres 24 de abril.Boyhood

Para o venres 8 de maio está prevista a película sueca El abuelo que saltó por la ventana y se largó. Narra a divertida aventura dun ancián de cen anos que fuxe da súa residencia mentres lembra a súa intensa vida como axente da CIA ou fabricando a bomba atómica con Oppenheimer.

Todas as sesións comezarán ás 20:30 h. As entradas son de balde e poden recollerse na Casa da Cultura desde 48 horas antes do inicio de cada película. A reserva das localidades terá vixencia ata 5 minutos despois de iniciada cada proxección.

/by

O GRUPO DE TEATRO CHARAMUSCA DE CARRAL OFRECE UNHA NOVA OBRA EN TABEAIO

A compañía carralesa de teatro afeccionado Charamusca, coa colaboración da Concellería de Cultura do Concello de Carral, vai representar a obra “Máis amantes” no local Xente Nova de Tabeaio, o 10390163_10203084360984066_7722227396120617358_ndomingo 12 de abril, ás 19:30 h.

A obra divídese en tres sketches cun nexo común e con moito humor.

A obra está recomendada para maiores de 12 anos. A entrada é libre ata completar o aforo.

 

/by

CONTRATACIÓN TEMPORAL DE UN/HA TRABALLADOR/A SOCIAL E UN/HA EDUCADOR/A SOCIAL

O Concello de Carral procederá a contratación laboral temporal de dous/dúas traballadores/as para o departamento de Servizos Sociais do Concello, un/ha traballador/a social e un/ha educador/a social, durante o período correspondente á baixa por IT das titulares do posto, a tempo parcial, 25 horas/semana e na modalidade contratual de interinidade.

O prazo de cinco días hábiles para a presentación das solicitudes e da documentación por parte dos interesados comezará a contar dende o momento de inserción deste anuncio no taboleiro de anuncios e na web oficial do Concello.

Para calquera dúbida o aclaración poden chamar ao 981670002 ou dirirxirse ás oficinas municipais da Casa do Concello.

/by

UNHA VENTÁ DE CARRAL AO MUNDO

Unha nova aplicación para dispositivos móbiles do Concello de Carral que permitirá ao cidadán e visitante coñecer información útil sobre turismo municipal, monumentos, comercio e a actividade do Concello de Carral.

A partir de agora, todos aqueles que dispoñan dun smartphone ou unha tablet poderán estar informados da última información xerada polo Concello de Carral. A aplicación permitirá utilizar este medio para reportar incidencias que detecten nas infraestruturas públicas, enviar suxestións e dar a súa opinión a través das enquisas que periodicamente se irán publicando na aplicación.

É unha guía dixital que permite aos turistas e visitantes do municipio descubrir as mellores rutas de sendeirismo, as súas zonas comerciais e moita outra información de interese. A aplicación móbil é tremendamente práctica e sinxela de utilizar, e sempre permitirá levar consigo toda a información útil do Concello e da súa Casa do concello.

A través de funcionalidades como a geolocalización do usuario permitirá trazar rutas aos principais puntos de interese do Concello de Carral. Tamén dará acceso a realizar chamadas, enviar correos ou acceder ás redes sociais tanto aos diferentes organismos do Concello como a comercios, asociacións e outros axentes activos.

A aplicación facilita o contacto co persoal técnico do Concello para realizar actividades programadas tan interesantes como visitas guiadas ou talleres para a elaboración do famoso Pan de Carral.

Afondando naqueles aspectos que caracterizan o Concello de Carral como a súa historia, lendas, monumentos relixiosos, civís e populares, é unha fantástica forma de que os seus paisanos coñezan mellor o seu lugar de residencia e, ao mesmo tempo, dar a coñecer o potencial turístico dunha área privilexiada. Depuradoras de augas de grande interese arquitectónico, muíños históricos que deron lugar á fariña coa que elaboran o seu famoso pan, igrexas medievais, cruceiros, pazos e casas nativas así como hórreos típicos da zona, dan un valor turístico excepcional a un concello rico en tradicións e festas populares que se celebran cada ano con grande afluencia de persoas.

Entre as innovacións que incorpora a aplicación pódese mencionar un lector de códigos QR para poder acceder a informacións de interese, así como o acceso á sede electrónica do Concello, onde o cidadán poderá realizar diversas xestións sen ter que desprazarse ao Concello.

A aplicación nace con vocación de ser unha fonte viva de contidos de grande interese para todos os habitantes de Carral, xa que se publicarán infinidade de noticias, convocatorias de axudas, bolsas, talleres e outra información que facilitará a vida de todos aqueles que forman parte desta enclave privilexiado.

Xa dispoñible tanto para dispositivos Apple como aqueles que utilicen Android, é visible tanto en teléfonos móbiles intelixentes coma en comprimidos electrónicos. Pode descargala accedendo ao código QR que se distribuirá por diversos establecementos comerciais do concello así como nas tendas de apliaciones App Store (Apple) e Google Play (Android) simplemente teclendo na bíusqueda a palabra Carral.

/by

Convocatoria sector edificación

A Consellería de Economía e Industria, publica:

DOG nº50 do venres 13 xaneiro de 2015.

Axudas para renovación de cubertas con tella cerámica.

Axudas para renovación de cubertas con lousa.

Axudas para a rehabilitación con granito das fachadas das edificacións.

Prazo: ata o 13/06/2015 ou ata remate de fondos.

Máis información no servizo de Medio Ambiente do Concello ou no teléfono 981670002.

/by

INVITACIÓN PRESENTACIÓN APP MÓBIL E WEB

Teño o pracer de convidar a toda persoa interesada á presentación da implantación da Aplicación móbil do Concello de Carral e unha nova web municipal que terá lugar:

 

DÍA: Luns 30 de marzo de 2015

LUGAR: Casa da Cultura r/Belvís s/n Carral

HORA: 11.00 horas

/by

O GRUPO DE TEATRO CHARAMUSCA DE CARRAL OFRECE UNHA NOVA OBRA EN TABEAIO

imagen2667A compañía carralesa de teatro afeccionado Charamusca, coa colaboración da Concellería de Cultura do Concello de Carral, vai representar a obra “Máis amantes” no local Xente Nova de Tabeaio, o domingo 12 de abril, ás 19:30 h.

A obra divídese en tres sketches cun nexo común e con moito humor.

A obra está recomendada para maiores de 12 anos. A entrada é libre ata completar o aforo.

/by

O Concello de Carral súmase ao luto durante tres días polo accidente aéreo

O Concello de Carral súmase ao luto durante tres días polo accidente aéreo acontecido o 24 de marzo de 2015 en Germanwings. Amosamos o noso pésame polas vítimas de accidente, a todas esas familias afectadas e en especial á familia de Carral tamén afectada por tan desgraciado acontecemento.

/by