Tag Archive for: cine

ALUMNADO DA ESO ACHÉGASE ÁS ARTES PLÁSTICAS GALEGAS FEITA POR MULLERES

A sala de audiovisuais da Casa da Cultura acollerá mañá a proxección do documental Arte+Muller+Galicia destinada a alumnado de 3º da ESO do instituto de Carral.

O filme, dirixido pola experta en arte Rosario Sarmiento, expón un achegamento ao traballo daquelas artistas mulleres cuxa obra resulta fundamental para entender o desenvolvemento da historia da arte en Galicia.

O alumnado terá ocasión, despois da proxección, de manter un coloquio coa directora.

Con esta actividade, o departamento de Cultura pretende reforzar o coñecemento e difusión das nosas artes plásticas, á vez que quere poñer en valor o importante papel que na creación artística teñen as mulleres, que se teñen que enfrontar a maiores dificultades que os homes para desenvolver unha carreira profesional no mundo das artes.

/by

O CINE AO AIRE LIBRE VOLVE AO CAMPO DA FEIRA

Cartel Noite de Película 2019 trazadoO Campo da Feira de Carral volve ser o lugar que acolla as proxeccións do programa Noite de Película que organiza o departamento municipal de Cultura en colaboración coa Deputación da Coruña.

Serán catros os filmes que se presentarán, sendo dous deles de produción galega:

  • Lobos sucios: xoves 29 de agosto
  • Peter Rabbit: venres 30 de agosto
  • La sombra de la ley: luns 2 de setembro
  • Campeones: martes 3 de setembro

Todas as proxeccións serán ás 22:00 h. e o acceso para o público é de balde.

No caso de meteoroloxía desfavorable, as películas exhibiranse no edificio social Toñito Espiñeira.

Recoméndase aos pais prestar atención ás idades recomendadas para cada filme.

 

 

/by

A CURTAMETRAXE A NENA AZUL, PROTAGONIZADA POR UNHA CARRALESA, PROXÉCTASE NA CASA DA CULTURA

a nena2A nena azul é unha curtametraxe dirixida por Sandra Sánchez que conta a historia dunha rapaza que fuxe do colexio, refúxiase nunha praia na busca do seu pai, e alí coñece a outra nena que se lle parece moito. Está protagonizada por Carla Díaz, Sergio Zearreta e a carralesa Lucía González.

A película proxectarase no marco do ciclo Cine na Casa da Cultura, o venres 21 de decembro, ás 19:30 h. A súa directora presentará a curtametraxe e manterá un coloquio, xunto ás rapazas protagonistas, co público que asista á sesión.

A entrada é de balde e as localidades son limitadas.

A continuación, ás 20:30 h, segundo está previsto no programa de cine, proxectarase La Reina Victoria e Abdul, unha película baseada na historia real que aconteceu entre a raíña británica e un súbdito da India a finais do século XIX, e que foi dirixida por Stephen Frears.

O sábado 22 a sala de audiovisuais da Casa da Cultura acolle o filme Cars 3, que se presentará ás 17:00 h. Para esta sesión é necesario retirar previamente os convites.

/by

TRES PELÍCULAS PARA DOUS DÍAS NA CASA DA CULTURA

CARTEL_Beautiful Boy_OKOKO departamento municipal de Cultura segue co ciclo de Cine na Casa da Cultura, con proxeccións para este venres e sábado. A sesión do venres abrirase cunha curtametraxe galega, Beautiful Boy, de Fran X. Rodríguez, que manterá un breve coloquio cos espectadores. A continuación comezará a película inglesa Kingsman: el círculo de oro. Esta sesión comezará ás 20:30 h. Coco-284252293-large

Pola súa banda Coco será a película que se presente o sábado, ás 17:00 h. Para esta sesión de cine familiar recoméndase retirar previamente as entradas, que son de balde, e que reservan a localidade ata 5 minutos despois de iniciada a proxección.

/by

CULTURA OFRECE 13 PELÍCULAS ATA FINAL DE ANO

A Casa da Cultura acollerá desde este venres ata final de ano, trece filmes de diferentes xéneros. A serie comezará con catro películas de produción galega, continuando con Cartel ciclo cine outono-nadal 2018filmes de gran éxito de recadación e galardóns, programando nas datas do Nadal tres películas de animación para todos os públicos.

O programa queda configurado así:

  • NOVE DE NOVEMBRO: 19 de outubro
  • PSICONAUTAS: 26 de outubro
  • MIMOSAS: 2 de novembro
  • SICIXIA: 9 de novembro
  • CHURCHILL: 16 de novembro
  • HANDÍA: 23 de novembro
  • LA LIBRERÍA: 30 de novembro
  • ASESINATO EN EL ORIENT EXPRESS: 7 de decembro
  • KINGSMAN: EL CÍRCULO DE ORO: 14 de decembro
  • LA REINA VICTORIA Y ABDUL: 21 de decembro
  • COCO: 15 de decembro
  • CARS 3: 22 de decembro
  • GRU 3: MI VILLANO FAVORITO: 29 de decembro

O próximo venres ábrese o programa cunha película recentemente premiada na Semana de Cine de Autor de Lugo. Trátase da primeira película galega de temática LGTB. En Nove de novembro Roberto e Miguel levan saíndo xuntos dez anos. Unha década de vida en común que volverá á súa memoria ao longo de catro días de novembro. Unha relación que parecía funcionar comeza a esnaquizarse co regreso de cada recordo. Na proxección desta obra contarase coa presenza do director, Lázaro Louzao, que Nove_de_Novembro-108637736-largepresentará o filme e manterá un coloquio cos asistentes ao final da proxección.

A entrada a todas as películas é de balde. Para a presentación dalgunhas das producións galegas cóntase coa colaboración da Deputación da Coruña.

Díptico programa de cine da Casa da Cultura

/by

O CINE AO AIRE LIBRE VOLVE AO CAMPO DA FEIRA

Un novo ciclo de cine ao aire libre volve a Carral da man da Concellería de Cultura e da Deputación da Coruña a través da súa Rede Cultural. Noite de Película serán catro sesións con obras de éxito que se proxectarán no Campo da Feira ás 22:00 h.

O programa deste novo ciclo é o seguinte:

  • Venres 24 de agosto: LA MOMIA. Non recomendada para menores de 12 anos.
  • Venres 31 de agosto: DUNKERQUE. Non recomendada para menores de 12 anos.
  • Martes 4 de setembro: OS FENÓMENOS. Non recomendada para menores de 7 anos.
  • Mércores 5 de setembro: BLADE RUNNER 2049. Non recomendada para menores de 12 anos.

En caso de meteoroloxía desfavorable, as proxeccións levaranse a cabo no edificio social Toñito Espiñeira.

Cartel Noites de Película 2018 .

/by

REMATA PAPEQUES CON TEATRO INFANTIL

Cartaz Misterios wO programa infantil Papeques remata este sábado coa representación da obra Misterios da compañía O Aturuxo de Melpómene. É unha obra escrita e dirixida por Paula Carballeira, na que Mara, a nena protagonista, ten un día no que só parece atopar misterios na súa casa, na da veciña, na rúa, no galiñeiro… e non hai nada máis emocionante nin máis divertido que resolvelos.

A función comezará ás 18:00 h. no local Xente Nova de Tabeaio, con entrada de balde.

Papeques é un programa que puxo en marcha a Concellería de Cultura do Concello de Carral coa intención de consolidalo na programación cultural anual, tentando ofrecer diferentes alternativas para o público infantil desde os 6 meses de idade. Nesta primeira edición o ciclo comprendeu cine, contacontos e teatro.

/by

COMEZA PAPEQUES, UN NOVO PROGRAMA CULTURAL INFANTIL

Redondo 4A Concellería de Cultura comeza o venres 8 de xuño cun novo programa cultural dirixido aos nenos e nenas de Carral. Papeques, que é o nome deste novo ciclo, terá películas, teatro e contacontos ao longo de tres semanas deste mes de xuño.

Os venres ofreceranse tres películas clásicas de Walt Disney, comezando por Dumbo, seguindo con Peter Pan e rematando con La dama y el vagabundo. Haberá unha sesión de contacontos a cargo de Pablísimo o xoves 14, e tres obras de teatro, tanto de actor como de monicreques, no local Xente Nova de Tabeaio, os tres sábados que comprende Papeques.

Dúas das funcións teatrais están dirixidas a bebés (de 1 a 3 anos de idade). A primeira é Redondo, un espectáculo de Caramuxo Teatro para a primeira infancia que xoga coas formas. A mr. Round fascínanlle todos aqueles obxectos redondos, os máis curiosos obxectos con forma de circunferencia. Un día, na súa incesante procura atopará unha asombrosa esfera que agocha historias sorprendentes. Unha proposta visual, case sen palabras, para gozar en familia. Redondo terá lugar o sábado 9 de xuño, ás 18:00 h.

Trompicallo ofrecerá a súa obra O día que chegou unha nube e choveu o sábado 16 de xuño. Dirixido a idades de 1 a 5 anos, é un espectáculo de actor e monicreques que destaca a importancia da auga para a existencia da vida. A compañía O Aturuxo de Melpómene pechará Papeques co espectáculo Misterios, escrita e dirixida por Paula Carballeira. Será o sábado 23 de xuño. Vai dirixida a nenas e nenos maiores de 6 anos.

As localidades para todas as actividades son limitadas e é recomendable que se retiren previamente as entradas na Casa da Cultura nos dous días anteriores a cada función ou proxección. As entradas son de balde.

Papeques é unha iniciativa do departamento de Cultura do Concello de Carral que conta coa colaboración da Deputación da Coruña a través da Rede Cultural e da Xunta de Galicia co seu programa Ler conta moito.

Cartel Papeques 2018.

/by

O DOCUMENTAL VÉRTICE DE VERSOS PRESÉNTASE EN CARRAL

O documental sobre a poesía galega contemporánea, Vértice de Versos, preséntase o vindeiro venres na Casa da Cultura de Carral.Cartel Vértice de Versos en Carral.

Despois da estrea que tivo lugar o pasado 23 de marzo en Oleiros, o documental de Carlos Lorenzo proxéctase en Carral, localidade empregada como unha das localizacións nas que se rodou esta produción audiovisual. Carlos Lorenzo é o técnico municipal de Cultura e é titulado pola Escola de Imaxe e Son da Coruña. Vértice de Versos é a súa primeira obra audiovisual na que asume o rol de director e produtor. Antes tiña participado no ámbito audiovisual como guionista e en tarefas de produción.

En Vértice de Versos faise un repaso pola poesía galega dos últimos 25 anos tratando temas como a súa fortaleza nos últimos anos, as novas formas de expresión poética, o valor da lingua neste fenómeno ou o salientable papel da muller na actual poesía, entre outros temas. Centra tamén a súa atención en catro poetas de éxito, como son Baldo Ramos, Emma Pedreira, Yolanda Castaño e Gonzalo Hermo, revisando as súas traxectorias, os seus procesos creativos e as súas obras. Tamén se inclúen vídeopoemas destes autores, algúns feitos especialmente para o documental.

É unha longametraxe áxil e entretida, na que as persoas que non teñen contacto habitual coa poesía galega, descubrirán unha nova imaxe deste ámbito literario.

O Concello de Carral é unha das entidades que colaborou na produción do documental.

O documental proxectarase ás 20:30 h. As localidades son limitadas e as entradas, que son de balde, poden retirarse previamente na Casa da Cultura desde o mércores 4 de abril.

Teaser – Vértice de Versos from Carlos Lorenzo Pérez on Vimeo.

/by