A OMIX (oficina municipal de información xuvenil) organiza para o vindeiro 3 de xullo, unha actividade de sendeirismo. Nesta ocasión, faremos o roteiro PR-G 101, que percorre parte do noso Concello, pasando por Quembre, a capela de San Pedro de Rubieiro, ou a Costa da Égoa entre outros lugares.

E un roteiro con una dificultade media, de uns 12 km. de lonxitude e que nos pode levar arredor de 5 horas. A idade mínima é de 15 anos.

Sairemos desde o Campo da Feira ás 9:30 h. e estaremos de regreso no mesmo lugar ás 14:30 h.

Para anotarte tes ata o 1 de xullo para enviarnos a folla de participación ou a autorización (para menores de idade que non veñan acompañados/as) a omix@carral.es ou por whatsapp ó 674.793.475. É totalmente gratuíta.

Recomendamos levar auga, algo de comida, calzado axeitado e viseira.