Tag Archive for: europa

A OMIX de Carral trae o espectáculo ‘A Maxia de Europa’ de EUROPE DIRECT A Coruña.

  • Xogos, trucos, ilusión, humor e información europea se reúnen nesta actividade para todos os públicos.
  • A función, con entrada gratuíta, terá lugar no Edificio Social “Toñito Espiñeira” as 18:00 h.

A OMIX de Carral trae o espectáculo ‘A Maxia de Europa’ de EUROPE DIRECT A Coruña.

O Concello de Carral acolle o día 8 de maio o espectáculo ‘A Maxia de Europa’. Esta actividade de EUROPE DIRECT A Coruña mistura xogos, trucos, ilusións e humor para realizar unha viaxe máxica e dinámica para maiores e pequenos a través dos valores, símbolos, beneficios e algún dos programas da Unión Europea. A función, que ten entrada de balde, terá lugar no Edificio Social “Toñito Espiñeira” e comeza ás 18:00 horas, e para acudir deberas solicitar o teu convite no 674.793.475 (Whatsapp ou chamada) no correo electrónico omix@carral.es ou pasando polo Local Interxeracional.

O público asistente poderá seguir os trucos de maxia realizados coas bandeiras europea e dos estados membro ou a moeda común, entre outros elementos. O espectáculo estará guiado polo mago Pedro Bugarín, un ilusionista con máis de 15 anos de experiencia no seu eido e que tamén ten vivido múltiples experiencias de mobilidade en Europa.

Esta actividade lúdica e máxica está organizada por EUROPE DIRECT A Coruña dentro da iniciativa Europa no teu Concello, da que forma parte a OMIX (oficina municipal de información xuvenil) do Concello de Carral.  O espectáculo levará durante o mes de maio os valores, símbolos e oportunidades da Unión Europea a un total de seis concellos da provincia adheridos a esta rede. ‘A Maxia de Europa’ percorrerá Rianxo, Carral, Vedra, A Laracha, Pontedeume e Rois entre os días 7 e 15 de maio.

A idade recomendada é a partir de 6 anos.

Toda a información dispoñible está recollida na páxina: http://www.dacoruna.gal/europedirect/europe-direct-coruna/agenda/2024/la-magia-de-europa

EUROPA NO TEU CONCELLO

Este espectáculo itinerante forma parte da programación que Europa no teu Concello ofrece aos membros da rede. EUROPE DIRECT A Coruña puxo en marcha esta iniciativa, da que xa forman parte 46 concellos, para aproximar a información sobre a Unión Europea a toda a cidadanía da provincia, en especial, da mocidade. EUROPE DIRECT A Coruña é un centro de información oficial da Comisión Europea que pertence á Deputación da Coruña. A misión do centro, que iniciou a súa traxectoria no ano 1996, é traballar coa cidadanía, os medios de comunicación e as entidades locais cos obxectivos de implicar á poboación en temas europeos, así como  proporcionar contidos sobre as políticas e as prioridades da UE. Tamén axudar á Comisión Europea a adquirir unha visión xeral das sensibilidades locais relacionadas coas súas políticas e promover a cidadanía europea activa nas escolas.

Para información complementaria, pódese contactar a través do correo electrónico europedirect@dacoruna.gal, ou ben, no número de teléfono 981 080 331.

/by

O contacontos ‘Kalopsia’ de EUROPE DIRECT A Coruña chega o día 22 de marzo a Carral.

  • A actividade, dispoñible para municipios membros da rede ‘Europa no teu Concello’, percorre quince concellos da provincia para achegar a Unión Europa ao público infantil.
  • As funcións contan con intérprete de lingua de signos para garantir a accesibilidade.
  • Poderás solicitar o teu convite en omix@carral.es, no 674.793.475 (chamando ou por WhatsApp) ou no Local Interxeracional.

O Concello de Carral a través da OMIX (oficina municipal de informacion xuvenil) acolle o día 22 de marzo as 17:30 h. no Local Interxeracional, o contacontos Coñece Europa con Kalopsia, que percorrerá quince municipios da provincia da Coruña nos vindeiros meses para achegar a Unión Europea a nenos e nenas. Esta actividade forma parte da programación que EUROPE DIRECT A Coruña ofrece aos concellos adheridos á rede Europa no teu Concello e poderá verse en Cerceda, Narón, Carral, Dodro, Cariño, Boiro, Pontedeume, Rianxo, A Laracha, Negreira, Rois, Valdoviño, Padrón, Dumbría e Lousame.

Coñece Europa con Kalopsia é un obradoiro de contacontos para rapaces e rapazas de 6 a 12 anos, que explica dunha maneira sinxela e entretida o funcionamento e valores da UE. A sesión comezará cun achegamento a algúns contos e libros infantís europeos para coñecer un pouco da tradición literaria da Unión Europea e as diferentes culturas que a compoñen.

A continuación, o público poderá escoitar a narración do libro Kalopsia. Un planeta non tan diferente: descubre Europa desde o espacio exterior, editado pola Representación da Comisión Europea en España. O conto está pensando para que os nenos e nenas coñezan a orixe da Unión Europea e entendan que a diversidade é un valor que nos enriquece.

Para rematar, os cativos converteranse en protagonistas e poderán xogar a formar os seus propios países e alianzas. A actividade contará con intérprete de lingua de signos para garantir a accesibilidade.

Pode atopar información xeral na páxina web:

https://www.dacoruna.gal/europedirect/europe-direct-coruna/agenda/2024/conoce-europa-con-kalopsia-cuentacuentos/

/by

QUERES SER VOLUNTARIO/A EN EUROPA?

Dende hai un tempo a OMIX de Carral, está a traballar nun novo proxecto, concretamente sobre o voluntariado europeo. Este novo proxecto denominado “EVS Carral: Let´s experience volunteering!”, está aprobado pola Axencia Nacional Española do Programa ERASMUS+: Xuventude en Acción.

O servizo de Voluntariado Europeo ofrece a xente nova de entre 18 e 30 anos a posibilidade de realizar unha actividade de voluntariado entre 2 e 12 meses nun país distinto o seu país de residencia. O obxetivo de SVE é desarrollar a solidariedade e promover unha cidadanía activa e un entendemento mutuo entre a mocidade. O SVE ofrece ó voluntari@ unha experiencia de educación non formal e facilitalle o contacto con outras culturas e outros idiomas para que expirimenten novas ideas e proxectos nunha sociedade multicultural, mentras que contribuen o desenvolvemento de proxectos locais no ámbito do social, medioambiental ou cultural. O programa cubre a viaxe internacional, seguro, aloxamento, manutención, apoio, cartos de bolsillo(variable segundo país), transporte local e formación lingüstica.

“EVS Carral: Let´s experience volunteering!” é un proxecto entre tres socios, o concello de Carral, o concello de Prato (Italia), e o de Slupsk (Polonia), e no que tres moz@s de Carral, de entre 18 e 30 anos, poderán realizar un servizo de voluntariado en calquera de estes dous paises socios, durante os 6 meses que dura o proxecto, concretamente entre setembro de 2015 e marzo de 2016.

En vindeiras datas, anunciarase a realización dunha sesion informativa, na que se dará mais información e se explicará mais ampliamente o proxecto para animar así a que os mozos e mozas de Carral, poidan vivir esta experiencia.

image002  image003

/by