Tag Archive for: toñito espiñeira

O CONCELLO DE CARRAL ORGANIZOU PRETO DE 80 ACTIVIDADES CULTURAIS NO 2019 ÁS QUE ASISTIRON 5.314 PERSOAS

O departamento de Cultura realizou unha avaliación do calendario de accións que se levaron a cabo ao longo de todo o 2019. A programación cultural experimentou, nos últimos

Fillas Bravas - Chévere - Carral

Fillas Bravas – Chévere – Carral

anos, unha tendencia de crecemento, tanto no número de propostas como en cifras de asistencia.
Unha das conclusións máis positivas que indica o estudio é a tendencia de crecemento que a programación cultural experimentou nos últimos anos –tanto en número de actividades como en cifras de asistencia-. Así, tal e como sinala o documento, o Concello organizou, durante o 2019, un total de 73 actividades ás que acudiron 5.314 veciños e veciñas do municipio. En contraposición, en 2015 leváronse a cabo un total de 50 actos culturais que congregaron a 3.452 participantes.
No estudo fíxose unha distinción en función da tipoloxía das iniciativas, dividíndoas nas seguintes categorías: teatro, maxia, títeres e monólogos; contacontos; cine; danza; música; exposicións; festas; obradoiros e escolas e outros –conferencias, club de lectura, etc.-. De todas as propostas realizadas, o concerto de The Cerne foi a que acadou a mellor cifra en canto a número de espectadores (450, en total).
Moitas das propostas están englobadas dentro de programas como a Rede Cultural da Deputación da Coruña, Cultura no Camiño, Ler conta moito, Rede de Normalización Lingüística, Festival Galicreques e o Encontro de Música de Pulso e Púa. Porén, 37 foron de organización propia ou en colaboración con outras institucións.
Por último, o documento presenta algunhas das conclusións e aspectos a mellorar. Para o período actual e para vindeiros exercicios, o departamento de Cultura márcase, entre outros, os seguintes obxectivos:
•    Cubrir a oferta cultural nos meses de menos programación, sobre todo, no primeiro semestre do ano.
•    Valorar a posibilidade de organizar espectáculos de danza na rúa.
•    Consolidar os ciclos de artes escénicas, de cine, festivais, etcétera, que xa obtiveron bos resultados en pasadas edicións.
•    Fomentar a oferta musical con espectáculos atractivos e seguir coa estratexia de concertos didácticos cos que crear novos públicos.
•    Deseñar unha oferta de obradoiros que permita atender a demanda por actividades que mesturen formación e lecer.

Pódese acceder ao informe premendo aquí.

/by

GAZAFELHOS OFRECE UN CONTACONTOS DRAMATIZADO NO TOÑITO ESPIÑEIRA

Cartaz_IrinhaTeatro dos Gazafelhos ven a Carral o vindeiro domingo 24 de novembro cun contacontos dramatizado titulado “Iriña bailarina”.

É unha proposta dirixida a rapaces de 3 a 10 anos para reflexionar sobre a igualdade de xénero, o cambio de roles ou os estereotipos sociais. É unha función promovida pola Secretaría Xeral de Política Lingüística, organizada polos departamentos de Normalización Lingüística e de Cultura do Concello de Carral.
Terá lugar no Edificio Social Toñito Espiñeira ás 12:00 h. A entrada é de balde e o aforo limitado.

/by

O ESPECTÁCULO DE RÚA SAAABOR! PRESÉNTASE ESTE DOMINGO NO CAMPO DA FEIRA

7041recA Concellería de Cultura do Concello de Carral presenta o vindeiro domingo o espectáculo de teatro de rúa Saaabor!, da compañía Culturactiva. É o espectáculo que estaba previsto para levarse a cabo na programación das Festas do Socorro, pero que por enfermidade dun dos seus actores non se puido realizar.

Saaabor! é un espectáculo cómico que mestura música, maxia, humor, ritmo e participación do público, co mundo da gastronomía de fondo. Os protagonistas convértense en dous recoñecidos chefs que nos ofrecen pratos para todos os gustos: desde a comida máis práctica e sinxela ata a máis elaborada, sen esquecer o viño e a sobremesa, elaborando un saboroso menú para toda a familia.

A función comezará ás 18:00 h. no Campo da Feira. Se as condicións meteorolóxicas non son as axeitadas, o espectáculo realizarase no Edificio Social Toñito Espiñeira.

Saaabor! é un espectáculo incluído en Cultura no Camiño, que promove AGADIC cos concellos polos que transcorren os camiños de Santiago.

/by

MÚSICA, MAXIA E TEATRO PARA AS TARDES DAS FESTAS DE CARRAL

A Concellería de Cultura do Concello de Carral desenvolve unha programación propia que complementará as actividades planificadas pola Comisión de Festas do Socorro para Cultura nas Festas Socorro 2019.esta semana.

O xoves 5, no edificio Toñito Espiñeira, O Mago Pablo presentará o seu espectáculo Unha maxia diferente, dirixido a público familiar e promovendo valores de igualdade de xénero. A función comezará ás 18:00 h. con entrada libre e aforo limitado.

O venres á mesma hora, no Campo da Feira diante da Casa do Concello, Pakolas ofrecerá un espectáculo con cancións dirixidas a público infantil. No mesmo emprazamento e á mesma hora, o sábado chega Culturactiva cunha comedia gastronómica titulada Saaabor!, protagonizada por Fran Rei e Félix Rodríguez.

O domingo remata esta programación cultural cun concerto do grupo galego The Cerne, interpretando clásicos do rock, do soul e do blues. A actuación comezará ás 19:00 h. no Campo da Feira.

Para facer posible esta programación, o Concello de Carral conta coa colaboración da Deputación da Coruña, de Agadic e da Consellería de Cultura da Xunta de Galicia

O departamento de Cultura convida a todos e todas a gozar das festas e das diversas manifestacións culturais que nelas teñen cabida.

/by

O CINE AO AIRE LIBRE VOLVE AO CAMPO DA FEIRA

Cartel Noite de Película 2019 trazadoO Campo da Feira de Carral volve ser o lugar que acolla as proxeccións do programa Noite de Película que organiza o departamento municipal de Cultura en colaboración coa Deputación da Coruña.

Serán catros os filmes que se presentarán, sendo dous deles de produción galega:

  • Lobos sucios: xoves 29 de agosto
  • Peter Rabbit: venres 30 de agosto
  • La sombra de la ley: luns 2 de setembro
  • Campeones: martes 3 de setembro

Todas as proxeccións serán ás 22:00 h. e o acceso para o público é de balde.

No caso de meteoroloxía desfavorable, as películas exhibiranse no edificio social Toñito Espiñeira.

Recoméndase aos pais prestar atención ás idades recomendadas para cada filme.

 

 

/by

O FOTÓGRAFO XAVI GANTES OFRECE VARIAS ACTIVIDADES RELACIONADAS COA SÚA EXPOSICIÓN “NO WAY”

no way carral baixaO fotógrafo coruñés Xavi Gantes expón na sala do edificio social Toñito Espiñeira ata o 2 de xullo. A mostra, titulada No way, ofrece imaxes de rúa, na que os sinais de tráfico protagonizan o significado de cada obra. Gantes manexa a xeometría, a cor e a luz para que cada fotografía se converta nunha obra atractiva desde o estético e o conceptual.

Xavi Gantes ofrecerá unha visita guiada ás persoas que se acheguen á exposición o mércores 19 de xuño, entre as 20:00 e as 20:30 h. Esta actividade permite aos interesados na mostra, coñecer os procesos creativos e os motivos inspiradores de cada obra, comentados polo propio autor. O diálogo coas persoas asistentes contribúe a un maior desfrute e comprensión da exposición,

Na fin de semana do 29 e 30 de xuño, Gantes ofrece tamén un curso de fotografía de rúa. Terá lugar na Casa da Cultura de Carral, cunha sesión o domingo pola feira. Está dirixida a persoas de calquera nivel de dominio da fotografía e que dispoñan de cámara. As sesións do curso serán o sábado pola mañá e a tarde e domingo pola mañá. O prezo do curso, no que colabora a Concellería de Cultura do Concello de Carral, é de 40 euros. As inscricións deberán facerse na Casa da Cultura (tel. 981 672 580).

/by

A ESCOLA DE FOTOGRAFÍA EXPÓN NO TOÑITO ESPIÑEIRA

Unha vez rematado o curso 2018-2019 das escolas culturais municipais, o alumnado de Fotografía presenta parte dos seus traballos na sala de exposicións do Edificio Social Toñito Espiñeira.

A mostra estará aberta ao público ata o mércores 5 de xuño.

foto para exposición fotografía

PHOTO-2019-05-29-21-13-32

 

/by

PAPEQUES REMATA ESTA SEMANA CUN ESPECTÁCULO MUSICAL E OUTRO PARA BEBÉS

alfonbraMaxicaO programa Papeques 2019 conclúe esta semana con dúas funcións que terán lugar na sala do edificio social Toñito Espiñeira de Carral.

Camiños é un espectáculo musical e un libro-disco a cargo de Magín Blanco, un dos mellores músicos e compositores de Galicia dedicados ao publico infantil e xuvenil. Camiños é unha metáfora da vida onde conflúen música, teatro, poesía e contos, para estimular e enriquecer a imaxinación e a creatividade dos nenos. Este espectáculo terá lugar o xoves 11 de abril, ás 18:00 h. e está dirixido a público infantil e familiar.

Títeres Babaluva presentará para bebés (de 0 a 3 anos) A alfombra máxica, un lugar de libre experimentación, unha alfombra táctil, sonora e olfactiva onde a artista plástica convida aos máis pequenos e pequenas a mergullarse nunha viaxe sensorial. Xuntos descobren o pracer de apalpar, manipular, escoitar, ver, saborear… As prazas para asistir a este espectáculo sensorial son limitadas, polo que é necesario recoller previamente as entradas na Casa da Cultura. A alfombra máxica presentarase o venres 12 de abril ás 18:00 h.

Con estas dúas funcións finaliza a segunda edición deste ciclo de cine e espectáculos infantís, que ata o momento conseguiu un total éxito de público.

/by

PAPEQUES 2019 OFRECE 8 ESPECTÁCULOS INFANTÍS

o souto dos prodixios1cadA Concellería de Cultura do Concello de Carral ven de presentar a segunda edición do programa Papeques, que comprende espectáculos e cine para público infantil e familiar. Teatro, contacontos, películas e concertos configuran unha programación que se desenvolverá do 28 de marzo ao 12 de abril nas bibliotecas municipais, no local Xente Nova e no edificio social Toñito Espiñeira.

Todos os espectáculos son de balde e os aforos limitados. Para algúns deles será necesario retirar convites desde 48 horas antes da actividade.

Papeques comezará o xoves 28 de marzo con Un invento para chegar ao ceo, contacontos a cargo de Trinketrinke Teatro na Biblioteca da Casa da Cultura. Ao día seguinte proxectarase El bebé jefazo. O sábado 30 de marzo en Tabeaio presentarase a obra teatral O soutos dos prodixios de Producións Dispersas. A segunda sesión de cine será o xoves 4 de abril co clásico de Disney 101 Dálmatas. O primeiro espectáculo para bebés será un contacontos de Pavís Pavós na Biblioteca infantil o 5 de abril. Malasombra ofrecerá en Tabeaio un espectáculo para todos os públicos con pompas de xabón titulado Os fabulosos cleaners. Magín Blanco traerá o seu espectáculo musical Camiños ao Toñito Espiñeira o 11 de abril, e ao día seguinte, para pechar a programación, Títeres Babaluva ofrecerá un espectáculo sensorial para bebés titulado A alfombra máxica.alfonbraMaxica

O departamento de Cultura deseña este ciclo coa intención de que sexa vivido en familia. Cada función é unha aprendizaxe e un goce. É moi importante a implicación dos adultos para que os máis pequenos comprendan e asimilen os valores que se transmiten en cada espectáculo.

Tamén é importante que os pais leven os pequenos ás funcións que mellor encaixen coas súas idades. Na publicidade de Papeques distribuída polo municipio, así como na web municipal, indícase a información de cada actividade, as idades ás que se dirixe e se é necesario retirar convites previamente.

O Concello de Carral quere consolidar este programa no seu calendario anual. Nesta nova edición mudou de datas para trasladalo aos meses de marzo e abril, coa intención de mantelo nesta época do ano entre o Entroido e a Semana Santa.

Para algúns dos espectáculos cóntase coa participación da Deputación da Coruña, a través da súa Rede Cultural.

Programa Papeques 2019

 

/by