CARRAL ULTIMA A XVI EXHIBICIÓN MUNICIPAL DE PATINAXE ARTÍSTICA

O pavillón de “O Espiño” acollerá o domingo 12 de abril, unha nova edición da Exhibición Municipal de Patinaxe Artística. Este acto, organizado polo Concello de Carral e o club de patinaxe “Alquimia”, dará comezo ás 17.00 h e rematará arredor das 19.30 h.

Nesta xa clásica cita deportiva, está prevista a presenza de 8 clubs, colexios e escolas deportivas municipais (Club Anca (Lugo), Club Conxuro (Laracha), o Club Raiola (Ferrol), Brexo Lema (Cambre), Club Alquimia de Cambre, a Escola Lubiáns (Carballo), Club Alquimia de Carral e a Escola Deportiva Municipal de Carral), que reunirán uns 220 patinadores de todas as idades.

Por outro lado, a concellaría está a ultimar os preparativos para a realización dos próximos eventos deportivos; o I Torneo de Ximnasia Rítmica de Carral e o Certame anual de Ximnasia Rítmica, que terán lugar o próximo 2 de maio durante todo o día tamén na mesma instalación e na que se espera contar coa presenza de ao redor de 200 nenas; e o acto de Clausura do curso 2014/2015 das Escolas Deportivas, Culturais e Educativas Municipais que terá lugar o próximo 30 de maio.

Todas estas actividades continúan o programa de promoción e fomento do deporte que o Concello de Carral, mediante o seu departamento de deportes, está a desenvolver durante este ano 2015. Con este programa deportivo, a autoridade municipal pretende potenciar a práctica deportiva no termo municipal e en especial entre un sector da poboación tan sensible como é o infantil.

Para máis información, os interesados poden dirixirse á Casa da Cultura de Carral ou no teléfono 981 672580.

/by

CONVOCATORIA FACTURA ELÉCTRICA

A Consellería de Economía e Industria:

DOG nº43 do mércores 4 de marzo de 2015

Axudas para o pagamento de parte da factura eléctrica a familias con fillos e rentas baixas

Prazo: ata o 30 de abril de 2015

Máis información no servizo de Medio Ambiente do Concello ou no teléfono 981670002.

/by

ANUNCIO XESTIÓN BIOMASA FENOSA

A empresa Unión Fenosa Distribución vén de comunicar a este Concello que:

En cumprimento da Lei 12/2012 de Montes de Galicia procederá, en 15 días, á limpeza de maleza e retirada de pinos e eucaliptos en 5 metros dende o cable exterior das liñas, se os propietarios dos terreos non están interesados en realizar estas labores previamente.

Máis información no servizo de Medio Ambiente do Concello ou no teléfono 981670002.

/by

ANUNCIO XESTIÓN BIOMASA FENOSA

A empresa Unión Fenosa Distribución vén de comunicar a este Concello que:

En cumprimento da Lei 12/2012 de Montes de Galicia procederá, en 15 días, á limpeza de maleza e retirada de pinos e eucaliptos en 5 metros desde o cable exterior das liñas se os propietarios dos terreos non están interesados en realizar estas labores previamente.

Máis información no servizo de Medio Ambiente do Concello ou no teléfono 981670002.

/by

NOVO CONTACONTOS NA BIBLIOTECA MUNICIPAL CON PABLÍSIMO

De novo o gran Pablísimo vennos visitar e preséntanos o seu espectáculo “Contiario”, unha morea de historias interesantes para todos os nenos e nenas: contos con moitos finais, adiviñas, contos-canción, fábulas….

Serà o venres 13 de marzo na biblioteca pública municipal (Casa da Cultura) ás 6 da tarde.

/by

CONVOCATORIA SECTOR GANDEIRO

-DOG nº 37 do 24 de febreiro de 2015

A Consellería do Medio Rural e do Mar publica,

Orde do 12 de febreiro de 2015 pola que se convocan:

Axudas a explotacións gandeiras para a compra de gando bovino, ovino e cabrún para repoñer reses sacrificadas obrigatoriamente como consencuencia de programas oficiais de loita, control e vixianza de enfermedades dos animais.

Prazo: ata 30 de novembro de 2015

Máis información no Servicio de Medio Ambiente do Concello ou no teléfono 981 67 00 02.

/by

CAXOTO NA BIBLIOTECA MUNICIPAL

Continuando coas actividades de animación á lectura, a Biblioteca Municipal organiza para o vindeiro venres, 27 de febreiro, un contacontos a cargo de Caxoto que nos ofrecerá “ Nicassio, un pintor de brocha gorda”, unha divertida historia para os máis pequenos.

A actividade será na Biblioteca Pública Municipal (Casa da Cultura) ás 18:00 horas.

/by

ENTROIDO 2015 ORGANIZADO POLAS ASOCIACIÓNS

cartel-carnavalSÁBADO 14 DE FEBREIRO A PARTIR DAS 22.00

BAILE DE entroido no local social herves. Patrocinado e organizado pola Comisión de Festas de Veira.

LUNS 16 DE FEBREIRO A PARTIR DAS 22.00

BAILE DE entroido no local xente nova de tabeaio. Patrocinado e organizado pola Asociación de veciños O Rueiro de Tabeaio.

LUNS 16 DE febreiro A PARTIR DAS 23.00

BAILE DE entroido no local social cañas. Patrocinado e organizado pola Asociación de veciños Rio Barcés de Cañas.

/by

ENTROIDO 2015. CONCELLO DE CARRAL

cartel-carnavalDOMINGO 15 DE FEBREIRO 17.30-19.30

FESTA E DESFILE DE DISFRACES INFANTIL NO CAMPO DA FEIRA

DOMINGO 15 FEBREIRO A PARTIR DAS 17.30

BAILE DE ENTROIDO PARA MAIORES NO EDIFICIO SOCIAL TOÑITO ESPIÑEIRA

MARTES 17 DE FEBREIRO

TARDE DE ENTROIDO DESFILE DE COMPARSAS E CARROZAS 17.30 h. DESFILE DE CARROZAS, COMPARSAS (mínimo 10 compoñentes) e ADULTOS INDIVIDUAIS E GRUPOS polas rúas de Carral e con CHARANGA RUADA

19.30 h CHARANGA DE ENTROIDO E ENTREGA DE PREMIOS LOTES DE PRODUTOS TÍPICOS DO ENTROIDO DONADOS POLOS BARES E RESTAURANTES DE CARRAL:

INSCRICIÓNS

NO EDIFICIO SOCIAL TOÑITO ESPIÑEIRA E NO TELÉFONO 981613520

NA CASA DA CULTURA E NO TELÉFONO 981672580 SE CHOVE ORGANÍZANSE NO PAVILLÓN O ESPIÑO

/by