CONCURSO DE DISFRACES DO ENTROIDO EN CARRAL

Concurso Individual

  • 1º premio – 150 euros
  • 2º premio – 100 euros
  • 3º premio – 50 euros

Concurso en Parellas

  • 1º premio – 150 euros
  • 2º premio – 100 euros
  • 3º premio – 50 euros

Concurso en Grupos

  • 1º premio – 500 euros
  • 2º premio – 300 euros
  • 3º premio – 200 euros

Ademais, tamén haberá un Concurso Infantil no que se premiarán os 5 mellores disfraces con agasallos.

Para participar, cubre o formulario editable e envíao a casadacultura@carral.es

O prazo de inscrición permanecerá aberto ata o 17 de febreiro ás 12:00 horas.

Máis información na Casa da Cultura ou no 981 672 580.

/by

CURSO DE PREPARACIÓN COMPETENCIAS CLAVE NO CONCELLO DE CARRAL

Abre o prazo de inscricións para apuntarse aos cursos que ofrece o Concello para preparar os exames que acaba de convocar a Xunta.

Formación con contido para os niveis 2 e 3 para despois poder acceder á formación dos certificados de profesionalidade de cualificación profesional.

As persoas interesadas poderán apuntarse ata 10 de febreiro ás 14.00 horas no Departamento de Educación e Emprego, nos teléfonos 981613520 ou 678338872 ou a través do correo electrónico: educacion@carral.es

/by

O CONCELLO DE CARRAL ABRE O TERCEIRO PRAZO DE INSCRICIÓN PARA AS ACTIVIDADES DAS ESCOLAS MUNICIPAIS

O Concello de Carral abre o terceiro prazo de inscrición das Escolas Municipais para aquelas actividades nas que aínda quedan prazas dispoñibles.

As persoas interesadas poderán inscribirse entre o 10 e o 13 de xaneiro (ambos os dous incluídos). A matrícula pode formalizarse de maneira presencial na Casa da Cultura ou a través do correo electrónico casadacultura@carral.es. En ambos os casos, deberá cubrirse o boletín de inscrición correspondente.

PRAZAS VACANTES ESCOLAS MUNICIPAIS DE CARRAL

SOLICITUDE DE INSCRICIÓN

/by

OS REIS MAGOS REPITEN A SÚA CITA E PERCORRERÁN TODAS AS PARROQUÍAS

  • O Concello apalabrou a cita coas Súas Maxestades de Oriente para este xoves, 5 de xaneiro, a partir das 15.30 horas.

Carral, 3 de xaneiro de 2023. Os Reis Magos repiten, este ano, a súa tradicional cita en Carral, ofrecendo un percorrido por todas as parroquias do municipio. As Súas Maxestades de Oriente chegarán ao concello este xoves, 5 de xaneiro, cunha premisa clara: recoller os desexos de todos os nenos e nenas.

O percorrido dos Reis Magos incluirá as seguintes paradas:

  • O Xalo: 15.30 horas
  • Cabrois: 15.45 horas
  • Quembre: 16.00 horas
  • Tabeaio: 16.20 horas
  •  Barcia: 16.30 horas
  •  Gosende: 16.50 horas
  •  A Cabra: 17.00 horas
  •  Sergude: 17.15 horas
  • O Canedo: 17.30 horas
  • San Vicente de Vigo: 17.45 horas
  • As Travesas: 18.00 horas
  • Cañás: 18.15 horas
  •  Veira: 18.30 horas
  • Carral: 19.00 horas

Os horarios do percorrido son orientativos. En todo caso, a última parada do tour real será no Campo da Feira de Carral onde, desde as 18.00 horas, os cativos e cativas poderán gozar de xogos, de animación e, ademais, degustar o Roscón de Reis con chocolate.

/by

O TOÑITO ESPIÑEIRA ACOLLE A MOSTRA DE PINTURA ‘DIVERTIMENTO’, OBRA DUNHA VECIÑA DE CARRAL

  • A exposición recolle o traballo realizado pola artista Rosa Rey nos últimos cinco anos.

O Toñito Espiñeira acolle, desde onte, a exposición de pintura ‘Divertimento’, obra de Rosa Rey, veciña de Carral. A inauguración oficial correu a cargo do alcalde, Javier Gestal, do concelleiro de Cultura, Francisco Bello, e
da propia artista, así como dun nutrido grupo de asistentes que quixeron tomar parte na aterraxe desta mostra no concello. ‘Divertimento’ está conformada por 41 cadros que Rey realizou ao longo dos últimos cinco anos. Lonxe de ter un estilo pechado, a pintora empregou técnicas como a acuarela, a pintura acrílica e o óleo para dar forma ás obras.

A paixón desta veciña por esta disciplina artística comezou hai só uns anos: “comecei indo a clases con Kukas e, ao final, descubrín que tiña bastante potencial e, sobre todo, que me divertía. Precisamente, o nome da mostra vén dese divertimento que sinto ao pintar”.

Rosa Rey é, agora, unha artista prolífera que se atreve con técnicas moi diversas. Esta diversidade está tamén presente na temática dos cadros: “nas pinturas hai moitas paisaxes, bodegóns e tamén animais”. Dentro do catálogo, a artista recoñece que hai algunha obra inspirada en Carral: “hai un dunha árbore que está inspirada nas do Campo da Feira”, explica a autora.

As persoas interesadas poderán visitar a exposición ata o 20 de xaneiro de 10.00 a 14.00 horas. A maiores, Rosa Rey levará a cabo visitas guiadas os días 28 de decembro, 4 e 11 de xaneiro, de 18.00 a 20.00 horas.

/by

RELACIÓN DE PREMIADOS NA I GALA DO DEPORTE DE CARRAL

O Concello de Carral celebrou o 22 de decembro a súa I Gala do Deporte, na que se entregaron galardóns aos clubs e deportistas do municipio pola súa traxectoria deportiva.

Relación de premiados I Gala do Deporte

/by

LISTADOS DE ADMITIDOS NOS CAMPAMENTOS DEPORTIVOS DE NADAL

Unha vez rematado o prazo de inscrición no CAMPAMENTO DEPORTIVO DE NADAL, publícanse ás LISTAS das solicitudes admitidas:

/by

DO PINCHO E COSTA DA EGOA CONQUISTAN O III CONCURSO TAPEANDO CARRAL

  • Co seu “brioburguer de lacón”, Do Pincho conquistou o galardón popular.
  • Costa da Egoa fixo o propio co seu “petisco dos muíños”, levando o galardón dos expertos.

O III concurso de tapas Tapeando Carral concluíu xa deixando un bo sabor de boca aos gañadores desta edición: Do Pincho e Costa da Egoa. Por unha banda, coa súa elaboración ‘brioburguer de lacón’, Do Pincho conquistou o galardón popular. Costa da Egoa fixo o propio co seu ‘petisco dos muíños’, facéndose co premio que outorgaba un xurado de expertos.

O acto de entrega dos recoñecementos desta edición tivo lugar onte no salón de plenos. No mesmo estiveron presentes o alcalde, Javier Gestal, a concelleira de Facenda, Réxime Interior e Recursos Humanos, Susana Guimarey, e a concelleira de Comercio e Turismo, Mercedes Caridad. Durante o acto, o rexedor agradeceu a “enorme implicación dos locais participantes, sen cuxo esforzo non tería sido posible asinar tal éxito de asistencia”.

O evento serviu, así mesmo, para facer entrega dos premios ao público participante, doados polas compañías colaboradoras nesta terceira edición

/by

O CONCELLO DUPLICA A CONTÍA DOS CONVENIOS SUBSCRITOS COAS ENTIDADES DEPORTIVAS, CULTURAIS E AMBIENTAIS

  • O alcalde de Carral, Javier Gestal, asinou, esta semana, os acordos con 13 entidades do municipio.
  • En total, o Concello destina 30.000 euros para apoiar ás asociacións co desenvolvemento de actividades de todo tipo para a veciñanza.

Carral, 16 de decembro de 2022. O alcalde de Carral, Javier Gestal, asinou, esta semana, 13 convenios de colaboración con entidades deportivas e culturais e medioambientais do municipio. Con respecto á última convocatoria, o Concello duplicou a contía destes acordos, que pasaron dos 16.400 de 2021 aos preto de 30.000 euros actuais. Con este incremento, o goberno local busca colaborar co tecido asociativo, “cuxo labor é esencial á hora de pór en marcha actividades e programas ao longo de todo o ano”.

Os acordos subscribíronse coas seguintes entidades:

  • D. Carral: 8.500 euros
  • Club Patinaxe Alquimia de Carral: 1.450 euros
  • Club Ximnasia Rítmica Carral: 1.100 euros
  • Centro Ecuestre Finca Abrigosa: 1.200 euros
  • Club Deportivo Ares Racing: 1.200 euros
  • Club BTT Carral: 1.000 euros
  • Club de Tiro Olímpico: 700 euros
  • Custodia do Territorio de Carral “Brexa”: 800 euros
  • Asociación cultural “Cultura Aberta”: 1.000 euros
  • Asociación cultural “Aires de Carral: 1.000 euros
  • Asociación cultural Festas de Carral: 7.000 euros
  • Asociación de Mulleres Rurais “Nosa Señora do Socorro”: 1.000 euros
  • Asociación de veciños “O Rueiro de Tabeaio”: 1.000 euros
  • Asociación de Custodia do Territorio de Carral “Brexa”: 1.200 euros

As contías servirán para sufragar, entre outros, os seguintes gastos: desenvolvemento de actividades e posta en marcha de escolas deportivas, organización e participación en torneos e competicións, adquisición de material, transporte, licencias federativas, realización de charlas, organización de actividades culturais e doutro tipo, etc.

/by

RECOMENDACIÓNS PARA RECICLAR ESTE NADAL

Para coidar do noso planeta é importante seguir a regra das tres R: reduce, recicla e reutiliza.

Isto hai que aplicalo durante todo o ano, pero aínda máis no Nadal, posto que se trata da época do ano que máis residuos se producen por causa das comidas, regalos, envoltorios e demais.

  • CONTEDOR AZUL

Deposita: Papel e caixas de cartón, envases de alimentación, caixas de calzado, produtos conxelados, papel de envolver, papel de uso diario, etc.

Non deposites: Briks, deben ir ao contedor amarelo, porque está composto no solo por cartón, senón tamén de plástico e aluminio. Panos de mesa e papel de cociña usado ao contedor de residuos orgánicos. Cueiros ou compresas ao contedor de restos.

  • CONTEDOR VERDE

Deposita: Botellas de vidro de licores, viño, cava, cervexa, etc. Frascos de perfume, colonia, cremas, etc. Tarros de alimentos de marmelada conservas, vexetais e similares.

Non deposites: Lámpadas, espellos, cinceiros, vasos ou vaixelas. Deben ir ao punto limpo.

  • CONTEDOR MARRÓN (ORGÁNICO)

Deposita: Os restos de alimentos como peles de froitas, espiñas de peixe, plantas, cáscaras de ovo ou pousos; panos de mesa e papel de cociña usados, poden facerse compostas.

Non deposites: Restos non orgánicos como obxectos de cerámica, cueiros, cabichas, gomas, toallas húmidas, area para mascotas, pelo, po, etc.

  • CONTEDOR AMARELO

Deposita: Botellas e envases de plástico, productos de hixiene e limpeza, terrinas, bandexas, envoltorios e bolsas, botellas con tapas e tapóns. Envases metálicos, latas, bandexas de aluminio, aerosois, botes de desodorizante, tapas e tapóns metálicos. Briks de leite, zumes, sopas, etc. Envases de madeira, caixas de froitas e verduras. Envases de cerámica, de yogures, cuajadas, natillas, etc.

Non deposites: Xoguetes de plástico. Papa Noel e os Reis Magos traerannos moitos xoguetes. Os vellos as veces quedan esquecidos nun armario, existen organizacións que os recollen con fins sociais.

Lembra que existe un Punto Limpo no Polígono de Os Capelos onde se pode depositar calquer obxecto doméstico. Ademais, existe un servizo de recollida os mércores. Se tes algo que tirar e avisas ao Concello os martes ou o día anterior, esa misma noite poderás deixalo no contedor máis cercano para que ao seguinte día pasen a recollelo.

Todos os días da semana de feira sitúase no Campo da Feira un mini punto limpo para poder depositar pilas, móbiles, lámpadas e outros residuos que non deben ir nos contedores.
Hai colectores para depositar aceite usado na Rúa O Castro, Uxío Novoneira e Manuel Ferrol. Non se debe tirar polo inodoro nin polo lavabo. Ataca as tubaxes e provoca problemas de funcionamento nas depuradoras

Nestas datas, ademais, para decorar a nosa casa, podemos crear os nosos propios adornos con materiais que tiraríamos.

Aquí poñemos fotos para que vos deades algunha idea, pero é cuestión de deixar voar a imaxinación.

/by