CARRAL MANTÉN A SÚA APOSTA POLA CONCILIACIÓN E OFRECE UNHAS 300 PRAZAS PARA OS SEUS CAMPAMENTOS URBANOS DE VERÁN

O goberno local de Carral mantén a súa aposta pola conciliación e ofertará unhas 300 prazas para a próxima convocatoria dos campamentos de verán. O programa celebrarase ao longo de todo o período estival en tres quendas con temáticas ben diferenciadas: a primeira centrarase no deporte, a segunda na aprendizaxe do inglés e, na última, o medio ambiente será o gran protagonista.

O concelleiro de Servizos Sociais, Cultura, Deportes, Xuventude e Participación Cidadá, Francisco Bello, apunta que o obxectivo “é darlle á veciñanza máis facilidades a prol da conciliación da vida familiar e laboral durante a época estival”. Precisamente, para conseguilo, o Concello ampliou, na última edición, os horarios de atención, podendo os nenos e nenas permanecer no recinto desde as 7.30 ata as 16.00 horas.

Os campamentos están dirixidos a rapaces e rapazas de 3 a 15 anos, e celebraranse no recinto do CEIP Vicente Otero Valcárcel (pavillón, pista polideportiva, patio cuberto, etc.) e no local interxeracional, sito a poucos metros do centro de ensinanza.

A rapazada terá a posibilidade de entrar no recinto desde as 7.30 horas. Entre a hora de entrada e as 10.00 horas terá lugar o programa Madrugadores, entre as 10.00 e as 14.00 horas realizaranse as propias actividades e, de 14.00 a 16.00 horas, será a hora do xantar.

A 1ª quenda terá lugar entre o 27 de xuño e o 15 de xullo. As persoas interesadas poderán anotarse entre o 1 e 20 de xuño, podendo achegar a documentación a través do correo electrónico casadacultura@carral.es.

/by
,

SUBVENCIÓNS PARA A TRANSFORMACIÓN DIXITAL E MODERNIZACIÓN DO SECTOR COMERCIAL E ARTESANAL

Prazo: 24/05/2022 – 23/06/2022

Obxecto
As subvencións reguladas por estas bases teñen por obxecto a concesión de subvencións para a transformación dixital e modernización do sector comercial e artesanal. O procedemento de concesión destas subvencións tramitarase en réxime de concorrencia competitiva e quedará suxeito ao réxime de axudas de minimis

A quen vai dirixido?
As persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas.

Requisitos
Poderán ser beneficiarias das subvencións, sen prexuízo de reunir os demais requisitos establecidos nestas bases e sempre que nas persoas solicitantes non concorra algunha das circunstancias previstas no artigo 10 da Lei 9/2007, do 13 de xuño, de subvencións de Galicia, as persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas que, en todo caso, cumpran ademais os seguintes requisitos:

1. Comerciantes retallistas:
a) Que desenvolvan a súa actividade comercial en Galicia, que o domicilio social radique na Comunidade Autónoma, que non teñan a consideración de grande establecemento comercial segundo a normativa aplicable e que cumpran os requisitos establecidos legalmente para exercer a actividade. No caso de comerciantes que realicen a actividade comercial en liña, deberán ter o domicilio social na Comunidade Autónoma de Galicia.
b) Que, tendo a condición de peme conforme os requisitos establecidos pola Comisión Europea no Regulamento da Unión Europea 651/2014 (DOUE 187, do 26 de xuño), teñan un número de empregados/as igual ou inferior a vinte (20), incluídas as persoas en situación de autoemprego.
c) Que estean dados de alta nalgunhas das epígrafes do IAE que se relacionan no anexo II e III e que esta constitúa a actividade principal da persoa solicitante. No caso de que a actividade principal sexa unha actividade das epígrafes relacionadas no anexo III, deberá estar dado de alta nalgunha actividade comercial relacionada no anexo II.
d) Que desenvolvan a actividade comercial nun establecemento comercial cunha superficie de exposición e venda igual ou inferior a 300 metros cadrados, agás que a actividade comercial se encadre na epígrafe 653.1 do IAE.

2. Obradoiros artesáns:
Que estean inscritos no Rexistro Xeral de Artesanía de Galicia. En caso de novos obradoiros, poderán solicitar a inscrición no dito rexistro ata o último día do prazo establecido para a presentación de solicitudes.
Non poderán ser beneficiarias destas axudas: as empresas en crise, conforme a definición prevista no artigo 2 número 18 do Regulamento (CE) nº 651/2014, do 17 de xuño de 2014, polo que se declaran determinadas categorías de axudas compatibles co mercado interior en aplicación dos artigos 107 e 108 do Tratado (DOUE 26.6.2014, L 187/1), nin aquelas persoas que, tendo sido beneficiarias do procedemento CO300C, renunciasen ou perdesen o dereito ao cobramento da subvención no ano 2021.

Normativa
Ámbito Autonómico
Orde do 22 de abril de 2022 pola que se establecen as bases reguladoras para a concesión, en réxime de concorrencia competitiva, de subvencións para a transformación dixital e modernización do sector comercial e artesanal e se procede á súa convocatoria para o ano 2022 (DOG nº 98 do 23 de maio de 2022).

Ligazón a normativa
https://www.xunta.gal/dog/Publicados/2022/20220523/AnuncioG0596-020522-0008_gl.html

/by

APERTURA PRAZO PARA SOLICITAR AXUDAS AO ESTUDO DO CONCELLO DE CARRAL CURSO 2021/2022

O Concello de Carral ten por obxetivo establecer axudas complementarias para a financiación parcial de gastos ocasionados pola adquisición de libros de texto, material escolar, gastos de comedor escolar, transporte por estudos e gastos por pago de tasas e matrículas do alumnado matriculado en estudos durante o curso académico 2021/2022.

 

BENEFICIARIOS:

Estando empadroados/as no concello de Carral, as persoas que se atopen nalgunha/s das circunstancias seguintes:

  1. a) Estudantes de 2.º ciclo de educación infantil que cursen os seus estudos durante o curso 2021/2022 en centros de carácter oficial, públicos ou concertados.
  2. b) Estar matriculados/as en calquera curso dos estudos de educación postobrigatoria (ciclos formativos, bacharelato ou similares) durante o curso 2021/2022 nun centro de carácter oficial, público ou concertado.
  3. c) Estar matriculados/as na formación profesional básica durante o curso 2021/2022 nun centro de carácter oficial, público ou concertado.
  4. d) Estar matriculados/as durante o curso 2021/2022 en calquera curso das seguintes ensinanzas universitarias do sistema universitario español realizados en centros españois, públicos ou privados, con validez no territorio nacional: ensinanzas conducentes a títulos oficiais de Grao ou Mestrado/Máster (non Doutoramento); ensinanzas universitarias conducentes aos títulos oficiais de Licenciado/a, Enxeñeiro/a, Arquitecto/a, Diplomado/a, Mestre/a, Enxeñeiro/a Técnico/a e Arquitecto/a Técnico/a.

 

PRAZO:

Do 25 de maio ata o 14 de xuño tedes para presentar a documentación para solicitar axudas ao estudo relativas ao curso 2021/2022

 

SOLICITUDES:

Os anexos de solicitude podedes atopalos xunto coas bases  no boletin do 8 de abril. Tamén dispodes delas  no concello ou no Edificio Toñito Espiñeira.

Entregar pola sede electrónica ou no rexistro municipal.

 

COMPATIBLE COAS AXUDAS DO MINISTERIO DE EDUCACIÓN.

 

Modelo solicitude axudas ao estudo curso 2021/2022

Bases reguladoras axudas ao estudo curso 2021/2022

/by

A CASA DA CULTURA ACOLLE A PRESENTACIÓN DA BIOGRAFÍA DE ANTOLÍN FARALDO

Neste ano 2022 estase a conmemorar o bicentenario do nacemento en Betanzos de Antolín Faraldo, un dos pais da Revolución de 1846 que rematou co fusilamento dos coñecidos como Mártires de Carral. Por mor da efeméride, a editora Alvarellos ven de publicar o libro “Querida liberdade. Vida e obra dun precursor do Rexurdimento”, do que é autor Xurxo Martínez.

A Casa da Cultura acollerá o sábado 28 de maio, ás 12:30 h, a presentación do libro, na que intervirán, ademais do autor, o concelleiro de Cultura, Fran Bello, o deputado de Cultura da Deputación da Coruña, Xurxo Couto, e o editor Henrique Alvarellos. O acto servirá tamén que as persoas interesadas poidan adquirir o libro e que lle sexa dedicado polo autor.

/by

CARLOS PENELA GAÑA O 25º PREMIO DE POESÍA CONCELLO DE CARRAL

O poeta vigués Carlos Penela Martín foi elixido gañador da 25ª edición do Certame de Poesía Concello de Carral co libro titulado Trono e caléndula.

O xurado salienta do libro gañador a composición dos poemas cunha esixencia rítmica pouco común que se proxecta no lingüístico e no simbólico.

Carlos Penela conta xa cunha salientable traxectoria literaria, obtendo os premios Espiral Maior, Eusebio Lorenzo Baleirón en dúas ocasións, Caixanova, Miguel González Garcés e o accésit do premio Esquío de Poesía. Colaborou tamén con diversas revistas literarias e xornais como Grial, A Trabe de Ouro, Revista da AELG, xornal Nós… Xunto a esas publicacións, nos últimos anos foi publicando numerosos ensaios e artigos literarios e culturais desde os seus blogs, dedicados, fundamentalmente, a dar a coñecer a cultura de Europa Central ao público galego. Ademais diso, traduciu varios títulos de literatura portuguesa e alemá. Actualmente reside en Viena (Austria).

Para esta edición do premio o Concello de Carral configurou o xurado con Inma Otero, Teresa Seara, Miguel Anxo Fernán Vello, Luciano Rodríguez e Álex Mene. Como presidente actuou o concelleiro de Cultura Francisco Bello e como secretario o técnico de Cultura Carlos Lorenzo.

Presentáronse a esta edición do premio un total de 44 libros.

O acto de entrega do premio terá lugar o venres 10 de xuño na Casa da Cultura, nun evento especial para conmemorar os 25 anos do certame, no que inaugurará unha exposición no Campo da Feira, a instalación nas luces públicas de Carral de lonas dedicadas a cada autor e autora que obtivo este galardón, a presentación do libro gañador na edición do 2021, Os puntos do impacto de Ález Mene, e os espectáculo poético e musical O idioma da tinta de Yolanda Castaño e Isaac Garabatos.

/by

VOLVE PATEA CARRAL!

Continuamos con Patea Carral, o programa de roteiros da OMIX (oficina municipal de información xuvenil) co que queremos dar a coñecer o noso concello e poñer en valor o noso patrimonio natural e paisaxístico.

Nesta ocasión faremos un roteiro ó Xalo, o sábado 28 de maio, saíndo coma sempre desde o campo da feiras ás 9:00 h., para estar de regreso sobre ás 14:30 h.

Pensado para persoas maiores de 15 anos, ten una lonxitude aproximada de 16 km. e pódese cualificar cun nivel de dificultade alto.

As recomendación son as que vos damos noutras ocasión, auga, algo para comer, calzado axeitado, gorra e se o tempo esta chuvioso un chuvasqueiro.

O prazo para anotarse remata o xoves 26 de maio e para elo tes que enviarnos a inscrición/autorización por Whatsapp ó 674.793.475 ou por e-mail a omix@caral.es, e  que atoparás no Facebook da omix_carral, na paxina web do concello (carral.es) ou no noso Instagram, omix_carral. A patear!

/by

O CONCELLO E OS PANADEIROS PREVÉN DESPACHAR UNS 8.000 BOCADILLOS CARDIOSAUDABLES NA XVIII FESTA DO PAN

Carral exaltará, ao longo da fin de semana, un dos seus produtos estrela: o seu pan. Farao coa celebración da XVIII Festa do Pan, organizada polo Concello e pola Asociación de Panadeiros. A Casa do Concello acolleu, esta mañá, a presentación da décimo-oitava edición, un acto no que estiveron presentes o alcalde, Javier Gestal, os concelleiros do goberno e representantes das panaderías participantes: Panadería Bonome Bouzas, Panadería Da Cunha, Panadería Manuel Rodríguez e Hijos, Panadería Mercedes, Panadería O Pincho, Panadería Paraíso, Panadería Pedro Fernández e Panadería Insua. Tanto o equipo de goberno como os propios artesáns encaran a celebración con “ilusión” e coa previsión de alcanzar unha cifra histórica: a de 8.000 bocadillos cardiosaludables vendidos na fin de semana.
Á venda e exaltación deste produto hai que sumar, ademais, a feira medieval, así como outra das propostas que solicitan unha maior aceptación na festa: os obradoiros de elaboración de pan para os nenos e nenas. Estas actividades realizaranse tanto o sábado, 7 de maio, como o domingo, día 8. Outra das grandes atraccións da feira será, sen dúbida, o clásico bocadillo cardiosaludable, elaborado a base de tomate, xamón serrano, aceite e, por suposto, pan de Carral.
O programa do sábado incluirá a actuación da charanga Noroeste, que interpretará temas durante todo o día, e a realización de talleres de xogos tradicionais a cargo de ACNUR e doutros artístico-lúdicos e de olaría. Todas as actividades para os pequenos e pequenas comezarán ás 16.30 horas. Ás 17.00 horas está prevista a exposición dos traballos feitos polo alumnado do CEIP Vicente Otero Valcárcel e a organización do primeiro pase do espectáculo de animación ‘O circo’. O pregón terá lugar ás 21.00 horas e, ás 21.30 horas, a orquestra Claxxon pechará a xornada cun concerto.
A segunda e última xornada do programa arrincará o domingo, ás 11.00 horas, co inicio da exposición e venda de pan e do bocadillo cardiosaludable e cos obradoiros para os pequenos. A esa hora levarase a cabo tamén unha exhibición de cetrería e, ademais, a charanga Alambique poralle o toque musical á mañá. Ás 12.30 horas está prevista a misa solemne e, ás 14.00 horas, a sesión vermú a cargo da orquestra Miramar. A oferta para os nenos e nenas retomarase en horario de tarde, a partir das 16.30 horas. A Asociación de Baile ‘O Rueiro’ de Tabeaio actuará ás 17.00 horas e, a continuación, o público asistente poderá gozar do espectáculo de animación ‘Bufóns e Trobadores’. O evento pecharase ás 20.00 horas coa música da orquestra Miramar.
Durante a presentación, o rexedor agradeceu “a enorme implicación e esforzo que os panadeiros realizan ao longo destes días, nos que ademais do traballo habitual nos seus obradoiros hai que sumar o que fan na Festa do Pan”.

/by
,

AXUDAS PARA PALIAR O IMPACTO DO INCREMENTO DO CUSTO DO COMBUSTIBLE

Publicadas as bases das axudas para paliar o impacto do incremento do custo do cumbustible.

A Deputación da Coruña publica no BOP as bases para paliar o impacto do incremento do custo do combustible e subministracións nos sectores agrario, gandeiro, pesqueiro e do transporte de mercadorías por estrada

A Deputación da Coruña ven de publicar as bases reguladoras das axudas enmarcadas no Programa de medidas urxentes para paliar o impacto do incremento do custo do combustible e subministracións nos sectores agrario, gandeiro, pesqueiro e do transporte de mercadorías por estrada (MUR_COMB_SUBM/2022). As bases do programa poden consultarse no Boletín Oficial da Provincia nº 76 do 22 de abril de 2022.

O prazo de presentación de solicitudes das axudas iniciarase o día 28 de abril de 2022 ás 09:00 horas e ata o esgotamento do crédito orzamentario aprobado ou en todo caso ata o 28 de xuño de 2022 ás 14:00 horas.

A presentación será telemática a través da plataforma SUBTeL.

BASES

/by

PROGRAMA DA XVIII FESTA DO PAN DE CARRAL

[siteorigin_widget class=”SiteOrigin_Panels_Widget_Button”][/siteorigin_widget]
/by

O LOCAL INTERXERACIONAL DE CARRAL VOLVE ABRIR AS SÚAS PORTAS TRAS O PARÓN POLA COVID-19

Tras o parón pola covid-19, o Local Interxeracional abriu de novo as súas portas esta semana. A instalación, sita na rúa Alcalde Juan Seijas, funciona como punto de encontro e como lugar de convivencia entre a mocidade e as persoas maiores do municipio.

A dependencia conta con dúas plantas e con alternativas de lecer para os veciños e veciñas de todas as idades. Deste xeito, o espazo dispón de televisións, xogos de mesa, futbolín, mesa de ping pong, etc. A maiores, hai unha sala con ordenadores e proxector para a realización de posibles cursos, obradoiros e para facer traballos O piso de abaixo conta, así mesmo, cunha sala de reunións que está á disposición das entidades e clubs que estean no Rexistro de Asociacións do Concello.

O Local Interxeracional é, ademais, o lugar onde se levan a cabo as sesións do Servizo de Atención Temperá compartido entre os Concellos de Carral, Abegondo e Bergondo. A instalación funciona de luns a venres de 16.30 a 20.30 horas.

/by