CARRAL CELEBRA MAÑÁ O MAGOSTO CON COMIDA E MÚSICA NO CAMPO DA FEIRA

O Concello de Carral, dentro das actividades programadas para este mes de novembro pola área de Servizos Sociais, celebrará mañá o seu Magosto a partir das 14 horas no Campo da Feira.
O menú estará composto por polbo, carne ao caldeiro, prostre e café e, durante a tarde, serviranse castañas asadas. A recanteira do programa Luar da TVG, Ruth Cundíns, amenizará a tarde aos asistentes coa súa música.
Ademais, este domingo celebrarase outra sesión máis dos obradoiros de baile que levan a cabo de 17:30 a 20:30 todos os domingos no edificio Toñito Espiñeira. Neste caso correrá a cargo do dúo Karma.

CartelNovembroServSociais

/by

CARRAL IMPULSA A ACTIVIDADE HOSTALEIRA A TRAVÉS DO PRIMEIRO CONCURSO DE TAPAS ‘CARRAL, CON MOITO GUSTO’

O goberno local de Carral lanza o primeiro concurso de tapas ‘Carral, con moito gusto’ co obxectivo de darlle un impulso á actividade hostaleira e turística do pobo e dinamizar a vida social.
Tras finalizar o prazo de inscrición para que os establecementos hostaleiros participen nesta iniciativa, anotáronse un total de 8 hostaleiros: O Piolindo, A Rotonda, Bodega O Alpendre, A Taberna Siglo XXI, O Lareiras, O Caravel, Pizzería Centro, (Tabeaio) e Bocagrande (Tabeaio).
O concurso de tapas levarase a cabo do 5 ao 8 de decembro, aproveitando o ponte da constitución e os prezos dos petiscos serán de 1 euro cada un. Ademais, haberá premios para a xente que participe.
Desde o goberno local móstranse “moi satisfeitos coa acollida do concurso e esperan que sexa todo un éxito”.

/by

AS PEQUENAS E GRANDES HISTORIAS DE CARRAL SAEN A RELUCIR ESTE SÁBADO NO PROGRAMA ‘ANACOS DE VIDA’ DA TVG

Este sábado, 16 de novembro, a partir das 18:50 horas, emitirase o programa da TVG ‘ Anacos de Vida’ centrado en Carral, na súa historia, a súa tradición e as súas xentes.
En ‘ Anacos de Vida’ percorren Galicia buscando as pequenas e grandes historias que hai detrás das mellores fotos antigas. En cada capítulo interactúan os maiores, que saben as historias que alberga cada imaxe, cos máis novos do municipio, que buscan este tipo de historias.
Este sábado ‘Anacos de Vida’ visitará Carral para descubrir por que o pan de Carral é único no mundo, á vez que coñecerán as fermosas historias de vida que hai ao redor dos panadeiros.
Ademais, participarán nunha homenaxe aos Mártires de Carral acompañando a Anxo Gómez e aos seus alumnos e alumnas nos preparativos desta festa. Ao longo do programa os máis pequenos tamén levarán a cabo unha investigación para descubrir a historia que se esconde detrás dunha foto misteriosa.

/by
,

OBRA “CUBRICIÓN DE PISTAS DE PÁDEL”

 

 

O Concello de Carral executou a obra de “Cubrición de pistas de pádel” (Subvencionada pola Axencia Galega de Desenvolvemento Rural-Agader- 5.845,16 €-, co cofinanciamento do FEADER (UNIÓN EUROPEA)- 19.483,88 €- e do Ministerio de Agricultura, Pesca y Alimentación -649,46 € (axuda global de 25.978,50 € sobre o orzamento total de 51.956,99 €, IVE incluido)) ao abeiro da medida LEADER do PDR de Galicia 2014-2020, convocatoria 2018-2019, submedida 19.2).

A obra consistiu na cubrición das pistas de pádel situadas no complexo deportivo do Concello de Carral para posibilitar a súa utilización en condicións climatolóxicas adversas (de chuvia ou sol intenso).

De acordo co establecido no artigo 19.1.j).par 2º da resolucióndo 29 de decembro de 2016 pola que se publica o Acordo do Consello de Dirección da Axencia Galega de Desenvolvemento Rural  do 29 de decembro de 2016 polo que se aproban as bases reguladoras das axudas que se tramiten ao abeiro da medida Leader (submedidas 19.2 e 19.4), cofinanciadas co Feader no marco do Programa de desenvolvemento rural de Galicia 2014-2020 (PDR), faise constar expresamente que a obra contou co FINANCIAMENTO DA UNIÓN EUROPEA  segundo o antes indicado.

/by

VOLVEN Á BIBLIOTECA AS SESIÓNS MENSUAIS DE ANIMACIÓN Á LECTURA

Cartel contacontos outubro 2019 Ler conta moito.Trinketrinke Teatro volve á Biblioteca municipal para que os ratos de Lonxedetodo conten as súaS aventuras ás nenas e nenos de 3 a 8 anos. Son as sesións de contacontos que prentenden fomentar a lectura entre os máis novos, que se levan a cabo o último xoves de mes ata maio do vindeiro ano.

A sesión do xoves 24 de outubro titúlase “O ratiño presumido” e comezará ás 18:00 h. O aforo é limitado, polo que é necesario retirar previamente os convites.

/by

CARRAL INAUGURA ESTE SÁBADO O SEU CICLO DE TEATRO DE OUTONO CON NOVE OBRAS DE TODOS OS XÉNEROS

FOTO CARRAL-Carral inaugura este sábado su Ciclo de Teatro de Outono con nueve obras de todos los géneros

O Concello de Carral inaugurará esta fin de semana o seu Ciclo de Teatro de Outono, un evento anual que crece, ano tras ano, en cifras de asistencia. O programa da nova edición conta con nove funciones teatrais moi diversas. Así, ao longo do ciclo, haberá representacións para todos os públicos e con temáticas moi diversas. A maioría das obras están enmarcadas dentro da Rede Cultural da Deputación da Coruña. Unha delas, Iriña Bailarina (Teatro dúas Gazafelhos), realizarase a través da Rede de Dinamización Lingüística da Xunta de Galicia.

O grupo Charamusca Teatro, natural de Carral, dará o pistoletazo de saída mañá, sábado 19 de outubro ás 20.30 horas, no Local Social Xente Nova de Tabeaio. Farao coa estrea O convidado, unha comedia dirixida por José Leis.

Xurxo Cortázar tomará a substitución unha semana despois, o 26 de outubro, co seu espectáculo Desconexión –Local Social Xente Nova de Tabeaio, 20.30 horas-. O humor e a reflexión mestúranse nesta obra, que relata a historia dun boneco de semáforo.

A compañía O Aturuxo de Melpómene aterrará o 2 de novembro ás 20.30 horas no local de Tabeaio. Nesta ocasión, a agrupación subirase ao escenario con Algo pasa con Paco, unha comedia de maxia e enredos na que Paco, o protagonista da historia, aprenderá que a vida non só é branca ou negra, senón que está chea de cores.

Chévere traerá, o sábado 16 de novembro, a súa obra Fillas Bravas, na que as mulleres cobran un papel protagónico. Así, a través da música da pandeireta e das súas propias voces, tres mulleres contarán historias ao público asistente. Unha vez máis, a representación terá lugar no Local Xente Nova de Tabeaio ás 20.30 horas.

Teatro Atlántico deleitará aos veciños e veciñas coa súa obra Dúas donas que bailan o sábado, 23 de novembro, ás 20.30 horas en Tabeaio. A través desta función, a compañía fará reflexionar ao público sobre a situación das persoas maiores que viven soas: a súa relación cos seus coidadores e coidadoras e a súa forma de ver a vida, entre outros aspectos.

O Teatro dous Gazafelhos traerá o seu espectáculo Iriña Bailarina o domingo, 24 de novembro, ás 12.00 horas ao Toñito Espiñeira. Esta función está dirixida ao público infantil e familiar.

Andaravía Teatro chegará a Tabeaio coa súa comedia República de Gundián. A cita está prevista para o sábado, 30 de novembro ás 20.30 horas, no Local Xente Nova de Tabeaio.

O sábado, 7 de decembro, Cayetano Lledó regresará a Carral con Le Cirque –Local Xente Nova de Tabeaio, 20.30 horas-. Durante a función, Lledó mesturará a maxia e unha posta escénica en grao sumo espectacular para representar a diferentes personaxes que forman parte dun circo.

Baobab Teatro será a encargada de pechar o Ciclo de Teatro con Puño Puñete. Esta función está dirixida ao público infantil, e levará a cabo o sábado, 14 de decembro ás 19.00 horas, no Local Xente Nova de Tabeaio.

O acceso para asistir a calquera destas funcións é libre e gratuíto. Rógase, iso si, puntualidade para acudir ás representacións teatrais.

 

Cartel Ciclo de Teatro de Outono Carral

Cartel Ciclo de Teatro de Outono Carral

/by

BRANCANEVES ABRE GALICREQUES EN CARRAL

A compañía galega Larei Lará presentou o xoves 10 de outubro o espectáculo Brancaneves e os 7 para nenas e nenos de educación infantil de Carral e Tabeaio. Con esta función iniciouse o programa do festival Galicreques en Carral.

Brancaneces o os sete - Carral 2019 (1)

 

 

A segunda e última función de Galicreques terá lugar o vindeiro domingo, ás 18:00 h, no local Xente Nova de Tabeaio. A compañía A Xanela do Maxín ofrecerá a posta en escena do coñecido conto A toupiña que quería saber quen lle fixera aquilo na cabeza, para idades superiores aos 2 anos de idade. A toupiña saía do seu tobo e algo lle caeu na cabeza, a modo de pucho cheirento. Daquela, percorrerá a granxa investigando -moi indignada- cal dos animais que alí viven lle fixera semellante agravio: a pomba, o cabalo, a lebre… É Unha obra simpática e escatolóxica que provoca gargalladas e fai que os espectadores empaten coa toupiña, ferida no seu orgullo.

Galicreques supón a antesala ao ciclo de outono de teatro que comezará a vindeira semana coa obra Convidado do grupo carralés Charamusca.

/by

DATAS E HORARIOS DA UNIDADE MÓBIL DE INSPECCIÓN TÉCNICA DE VEHÍCULOS AGRÍCOLAS

Unidade móbil inspección técnica vehículos agrícolas

A unidade móbil de inspección técnica de vehículos agrícolas desprazarase a Carral os vindeiros días:

  • 21, 22 e 23 de outubro: de 9.00 a 13.30 horas e de 15.15 a 18.00 horas. A unidade móbil estará xunto ao punto limpo (Polígono Os Capelos).

Para solicitar cita previa, é preciso chamar ao teléfono 902 30 90 00.

 

 

/by

CARRAL VIVIRÁ UN OUTONO DE PELÍCULA CO SEU CICLO DE CINE

Ciclo de Cine Concello Carral

O Concello de Carral estrea, esta semana, o seu Ciclo de Cine de outono, que conta cun total de nove films. Todas as películas proxectaranse os venres ás 20.30 horas na Casa da Cultura de Carral, onde se celebraron, ata a data, 20 ciclos de cinema coas mesmas características. Como noutras ocasións, a oferta fílmica conta con propostas de todos os xéneros. Como parte da programación, o Concello ofrece algúns títulos premiados cun Óscar, unha cinta galega (Dhogs) e unha española (Perfectos desconocidos).

Este novo ciclo arrincará con La forma del agua, que se proxectará mañá, venres 11 de outubro. A programación continuará o 18 de outubro con Perfectos desconocidos. Dhogs tomará a substitución o 25 de outubro, e, a continuación, será a quenda de Bohemian Rhapsody, que se emitirá o 8 de novembro. O programa seguirá con Manchester frente al mar o 15 de novembro, e o día 22 con First man (El primer hombre) e, como broche final ao mes de novembro, será a quenda de Infiltrado en el KKKlan o venres 29 de novembro. No mes de decembro proxectaranse as películas El instante más oscuro (13 de decembro) e El Grinch (20 de decembro).

A entrada é gratuíta pero as prazas son limitadas. Así, os interesados en visionar calquera dos filmes deberán retirar as súas entradas previamente na Casa da Cultura.

 

Ciclo de Cine Concello Carral

Ciclo de Cine Concello Carral

/by

A CANTAUTORA CHILENA ANDREA ANDREU OFRECEU UN CONCERTO NO COLEXIO DE CARRAL

DesdAndrea Andreu en Carral 2019e Chile chegou a cantautora Andrea Andreu para ofrecer no colexio público Vicente Otero un concerto didáctico, dentro do Encontro Internacional de Música de Pulso e Púa en Galicia, no que colabora o Concello de Carral a través da súa concellería de Cultura.

Andreu actuou para alumnado de 6º de primaria interpretando pezas do folclore chileno e explicando a orixe das cancións, os estilos musicais de Chile e a súa traxectoria como cantante e guitarrista.

Este encontro internacional desenvólvese en diversos concellos da provincia durante esta semana, coa participación de grupos de Colombia, Portugal, Chile, Rusia e España. O concerto de clausura terá lugar no Teatro Rosalía de Castro da Coruña, o domingo 6 de outubro ás 19:00 h. con entrada libre.

/by