O CINE AO AIRE LIBRE VOLVE AO CAMPO DA FEIRA

Un novo ciclo de cine ao aire libre volve a Carral da man da Concellería de Cultura e da Deputación da Coruña a través da súa Rede Cultural. Noite de Película serán catro sesións con obras de éxito que se proxectarán no Campo da Feira ás 22:00 h.

O programa deste novo ciclo é o seguinte:

  • Venres 24 de agosto: LA MOMIA. Non recomendada para menores de 12 anos.
  • Venres 31 de agosto: DUNKERQUE. Non recomendada para menores de 12 anos.
  • Martes 4 de setembro: OS FENÓMENOS. Non recomendada para menores de 7 anos.
  • Mércores 5 de setembro: BLADE RUNNER 2049. Non recomendada para menores de 12 anos.

En caso de meteoroloxía desfavorable, as proxeccións levaranse a cabo no edificio social Toñito Espiñeira.

Cartel Noites de Película 2018 .

/by

ROSARIO SARMIENTO FARÁ UNHA VISITA GUIADA POLA EXPOSICIÓN SOBRE FRANCISCO LLORENS

A comisaria da exExpo Llorens - Carral 2018-wposición Francisco Llorens, pintor das Mariñas, Rosario Sarmiento, fará unha visita guiada pola mostra o venres 24 de agosto ás 19:00 h, da que poden gozar todas as persoas que o desexen. Xunto á comisaria estará comentando a exposición unha das fillas do pintor.

A mostra, que está instalada no Campo da Feira ata o 31 de agosto, fai un repaso pola traxectoria artística de Llorens, que é un dos paisaxistas de referencia na historia da arte do século XX en Galicia e en España. As Mariñas foi unha zona na que realizou múltiples obras. En Carral frecuentou o pazo de Vilasuso, desde onde pintou o fermoso Val de Barcia.

Para asistir á visita guiada, non é necesario anotarse previamente.

A exposición e a visita guiada están promovidas polo Consorcio das Mariñas, coa colaboración da Concellería de Cultura do Concello de Carral para a súa presentación no municipio.

/by

VII TORNEO DE XADREZ DE VERÁN EN CARRAL.

A concellería de deportes agarda uns 40 inscritos nesta competición que terá lugar o vindeiro 25 de agosto.  Read more

/by

CARRAL INICIA AS OBRAS PARA MELLORAR VÍAS EN SAN VICENTE DE VIGO E TABEAIO

FOTO CARRAL- CAMINO PARROQUIA TABEAIO
O Concello de Carral vén de iniciar o plan de mellora de viarias nas parroquias de San Vicente de Vigo e Tabeaio. Este proxecto, dotado con preto de 40.000 euros, financiarase a través dunha subvención concedida pola Axencia Galega de Desenvolvemento Rural (Agader).
En concreto serán dous os camiños que se acondicionarán: o primeiro, situado na parroquia de San Vicente de Vigo, conecta o lugar de Abrigosa co lugar de Balbén, mentres que o segundo une os lugares de Esperón e Cambela ( Tabeaio). No de San Vicente, os traballos consistirán na extensión dunha capa de mestura bituminosa en quente sobre a estrada, así como na limpeza de cunetas para permitir unha mellor drenaxe.
En paralelo, no viario de Tabeaio ampliarase a anchura do viario, incluíndo a formación de noiros e cunetas para a correcta evacuación de auga. Así mesmo, colocarase unha capa de rodaxe formada por tripla rega asfáltico.
FOTO CARRAL- PARROQUIA SAN VICENTE DE VIGO

Imaxe da vía que une os lugares de Abrigosa e Balbén na parroquia de San Vicente de Vigo

O alcalde, José Luis Fernández Mouriño, sinalou a importancia destas obras, e a intención do Concello de “mellorar a seguridade viaria non municipio atendendoáspeticións dous veciños”.
/by

NOVA EDICIÓN DA CRONOESCALADA AO XALO

Nesta 7ª edición son xa 63 os inscritos nesta proba ciclista de verán. Read more

/by

LISTAS DE INSCRITOS NOS CURSOS DE NATACIÓN DO MES DE AGOSTO

Rematado o prazo de inscrición nos cursos de natación do mes de agosto, publícanse as listas provisionais das solicitudes admitidas, así como os diferentes grupos e horarios:

LISTAS INCRITOS AGOSTO

LISTAS INCRITOS AGOSTO

/by

A fibra óptica chegará a oito núcleos e parroquias de Carral en dous anos

A fibra óptica aterrará en Carral a través do Plan de Banda Longa 2020 (PDBL2020) da Xunta de Galicia e a Administración Xeral do Estado. En concreto, grazas á axuda concedida por ambos os organismos, os núcleos de Coiro, Esperón, Gosende, Tarroeira ( Tabeaio), Canedo, Ameás, Taramuño e a parroquia de Cañás dispoñerán de banda ancha ultrarrápida de máis de 100 Mbps.

Así mesmo, a través do programa Escolas Conectadas, o CEIP de Tabeaio contará tamén con máis de 100 Mbps. Pola súa banda, o PDBL non contempla intervencións no polígono industrial Os Capelos, posto que este xa conta con cobertura de 100 Mbps de R.

O alcalde de Carral, José Luis Fernández Mouriño, xa anunciara no pleno de maio que o servizo de telecomunicación melloraríase notablemente en todo o municipio. Agora, o obxectivo é que as actuacións se acometan no prazo fixado para “que todos vos veciños poidan gozar dá conexión que solicitaron e que merecen”, sinalou.

Así, grazas ás accións da Xunta realizadas no Plan de Banda Ancha de 2010-2013 e as do Plan de Banda Ancha 2020, alcanzarase o 84% da poboación do concello con despregamentos de banda ancha ultrarrápida de máis de 100 Mbps.

/by

A FINCA ABRIGOSA ACOLLEU A III EDICIÓN DO CAMPIONATO PROVINCIAL DE DOMA CLÁSICA

Foron un total de 54 xinetes achegados de toda Galicia os que competiron o sábado no centro ecuestre de San Vicente de Vigo. Read more

/by