O CONCELLO LOGRA O COMPROMISO DA DEPUTACIÓN PARA CREAR UNHA SENDA PEONIL NA DP-2104, ENTRE OS CHAS E AS CABANCAS
O alcalde de Carral, Javier Gestal, e o tenente de alcalde e responsable de Infraestruturas, Pablo Couto, reuníronse co deputado de Vías e Obras José Manuel Pequeño Castro para trasladarlle este e outros temas que mellorarán a seguridade viaria no municipio.
O Concello de Carral acaba de conseguir o compromiso da Deputación da Coruña para acometer tres importantes proxectos que mellorarán, considerablemente, as infraestruturas e as condicións de seguridade viaria en varios puntos do municipio: a creación dunha senda peonil na DP-2104, entre Os Chas e As Cabancas e a mellora da ponte de Esperante.
O alcalde, Javier Gestal, e o tenente de alcalde responsable de Infraestruturas, Pablo Couto, reuníronse onte co deputado socialista de Vías e Obras, José Manuel Pequeño Castro, estes e outros temas que mellorarán as condicións da rede viaria do municipio.
Por unha banda, abordouse a necesidade de seguir incrementando as condicións de seguridade viaria para os peóns na DP-2104, entre Os Chas e As Cabancas. En concreto, o equipo de goberno expuxo ao deputado a posibilidade de crear unha senda peonil de aproximadamente un quilómetro que una ambos os núcleos. Polo outro lado, durante a reunión falouse da necesidade de mellorar e acondicionar a ponte de Esperante, situado na DP-2104, que une Carral con Meirama. Trátase dunha vía cunha gran afluencia polo que, tal e como explicou a responsable da área de Infraestruturas, “faise necesaria unha actuación de mellora neste punto”. Pequeño Castro coincidiu na necesidade de actuar con présa nesta zona.
Por último, o goberno local trasladou a posibilidade de que a Deputación asuma a titularidade da vía que une Os Capelos co cruzamento de Barbeito- Cañás. A idea que o equipo de goberno expuxo ao deputado implica que, unha vez que o ente provincial fágase cargo da estrada, póidase ampliar o seu trazado. Desta forma, os vehículos pesados que actualmente circulan polo núcleo urbano en dirección á A-6 pasarían a facelo polo polígono industrial.
