O Concello de Carral, a través da súa Concellería de Cultura, presenta unha nova programación dedicada aos máis pequenos da familia. PAPEQUES ESCENA é unha serie de espectáculos de teatro, música, danza, monicreques e narración oral que terá lugar durante catro venres consecutivos no Local Xente Nova en Tabeaio.
A programación, que comeza o 27 de febreiro, está formada polos espectáculos Comenoites (Os Náufragos Teatro), Canta miña pedra, canta (Charo Pita e Xoán Curiel), Güela güela (Galitoons / Chisco Casteleiro) e O arcón de Noa (Amarelo Cía.).
Esta é unha nova oferta que se pretende fixar no calendario cultural municipal e que é posible grazas ao programa Dinamiz-ARTj do Instituto de la Transición Justa O.A. a través da Fundación Ciudad de la Energía-CIUDEN, F.S.P., que para esta primeira edición achega tres dos catro espectáculos. Con este tipo de propostas, a Concellería de Cultura busca facilitar o achegamento dos nenos e nenas a espectáculos escénicos especialmente concibidos para estas idades, a espazos culturais menos frecuentes aprendendo a desfrutar do traballo en vivo e directo de artistas entendendo que o fan en colectividade, o que supón a adquisición de hábitos e comportamentos que enriquecerán o seu desenvolvemento social e educativo.
As datas, horarios e detalles de cada espectáculo pódense consultar premendo neste vencello.
https://carral.es//wp-content/uploads/2026/02/Imaxe-peq-papeques-escena-scaled.jpg16782560Carloshttps://carral.es//wp-content/uploads/2026/02/ConcelloDeCarral.pngCarlos2026-02-19 13:59:382026-03-06 10:46:45CULTURA PRESENTA “PAPEQUES ESCENA”: UN PROGRAMA DE ARTES ESCÉNICAS PARA A INFANCIA
– 2ª semana: do 29 de decembro ao 5 de xaneiro (60 prazas)
HORARIOS: (luns a venres, excepto festivos)
1. Servizo Madrugadores: 7.30 a 10.00 h * 2. Campamentos: 10.00 a 14.00 h, ESTE HORARIO SERÁ “OBRIGATORIO” PARA TODOS OS NENOS/AS, non podendo nin entregar nin recoller aos nenos/as durante o mesmo salvo excepcións previamente comunicadas. 3. Tempo de Xantar: 14.00 a 16.00 h *
*Nota. Os nenos/as que fagan uso destes horarios deberán traer o seu almorzo ou xantar da casa.
LUGAR:
No recinto escolar do Colexio Vicente Otero Valcárcel – (ubicación: 43.224984, -8.354894) -; pavillón polideportivo cuberto, pista polideportiva descuberta, zona axardinada, patio escolar cuberto, comedor escolar, aula psicomotricidade)
DESTINATARIOS:
1. Para nenos/as dende Educación Infantil (dende 3 anos) e toda a Educación Primaria.
+ 9,25 €/semana pola opción de madrugadores/tempo de xantar.
OBSERVACIÓNS NA INSCRICIÓN:
Prazo entre o 11 (09:00 h) e o 18 de decembro (12:00 h).
Prazas limitadas (60/semana).
CRITERIOS DE ADXUDICACIÓN DAS PRAZAS:
– Por orde de inscrición ou ata esgotar a oferta. – Preferencia aos empadroados/as en Carral ou matriculados nos centros educativos da localidade.
4. Publicación das listaxes: 15 de decembro (pago do 16 ao 22 de decembro)
Máis info na Casa da Cultura (981.67.25.80) ou en casadacultura@carral.es
O Concello de Carral resultou beneficiario da subvención solicitada á Consellería de Política Social e Igualdade.
Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).
Este programa está financiado pola Consellería de Política Social e Igualdade e polo Ministerio de Igualdade.
https://carral.es//wp-content/uploads/2025/12/Campamentos-Deportivos-de-Nadal.jpg24801748Deportes Carralhttps://carral.es//wp-content/uploads/2026/02/ConcelloDeCarral.pngDeportes Carral2025-12-17 00:55:112026-03-06 10:51:39PUBLÍCANSE AS LISTAXES DE ADMITIDOS NOS CAMPAMENTOS DEPORTIVOS DO NADAL 2025
A partir do vindeiro 1 de outubro arrinca o curso 2025-2026 das escolas deportivas e socio-educativas municipais.
Para outras consultas ou aclaracións, pódense poñer en contacto coa Casa da Cultura (981.67.25.80 – casadacultura@carral.es) ou no departamento de Educación (678.338.872 – educacion@carral.es).
https://carral.es//wp-content/uploads/2025/08/Interior-scaled.jpg18102560Deportes Carralhttps://carral.es//wp-content/uploads/2026/02/ConcelloDeCarral.pngDeportes Carral2025-09-26 10:14:012026-02-13 18:48:37PUBLÍCANSE OS HORARIOS E DATAS DE INICIO DAS ESCOLAS DEPORTIVAS E SOCIO-EDUCATIVAS MUNICIPAIS PARA O CURSO 2025-2026
https://carral.es//wp-content/uploads/2025/08/Exterior-1-scaled.jpg18102560Deportes Carralhttps://carral.es//wp-content/uploads/2026/02/ConcelloDeCarral.pngDeportes Carral2025-09-18 14:56:322026-02-13 18:48:53PUBLÍCANSE AS LISTAXES, GRUPOS E HORARIOS DAS ACTIVIDADES DAS ESCOLAS DEPORTIVAS E SOCIO-EDUCATIVAS MUNICIPAIS PARA O CURSO 25-26
• As persoas interesadas poderán presentar a súa solicitude ata o 12 de setembro. • Ofertaranse actividades para diferentes idades en distintas categorías: deportes e educación.
O Concello de Carral presenta a súa programación de escolas municipais que inclúe, un ano máis, diferentes actividades para todos os gustos e idades.
O período de inscricións abrirase o luns 25 de agosto ás 09:00 horas e estará activo ata as 14.00 h do 12 de setembro. Poderá pecharse antes se se completan todas as prazas das modalidades
As formacións darán comezo a primeira semana de outubro, sendo responsabilidade do alumnado informarse nas dependencias municipais das datas, horas e lugares concretos das súas actividades.
A cota xeral será de 14 euros mensuais por persoa e actividade ou de 15 euros para aquelas que inclúen tres horas semanais. O prezo da Escola de Música é de 40 euros mensuais.
Haberá bonificacións para as familias numerosas, para persoas da terceira idade ou con discapacidade e para as voluntarias de Protección Civil. Todos elas terán un desconto de tres euros ao mes por actividade.
Deportes Atletismo, patinaxe, rítmica, xogos predeportivos e judo son as modalidades ofrecidas para os máis pequenos e pequenas no pavillón do colexio durante o horario escolar.
Equitación, baloncesto e pádel serán as opcións para o público xeral.
Pola outra banda, os adultos terán á súa disposición clases de zumba e ximnasia de mantemento en todas as parroquias. Ademais, durante este curso ofreceranse, a través do departamento de Deportes, cursos de iniciación a diferentes modalidades deportivas.
Educación O CEIP Vicente Otero Valcárcel volverá contar con servizo de madrugadores, de 7:20 a 9:20 horas, e de conciliación, de luns a venres de 15:20 a 16:20 horas.
O centro acollerá tamén distintas actividades extraescolares entre as que se inclúen: robótica, debuxo e pintura, inglés, informática, baile moderno ou cociña.
Ademais, a escola municipal de música continuará coa súa formación de música e movemento nas mesmas instalacións.
Asociacións As asociacións ofrecerán diferentes opcións deportivas e culturais para os veciños e veciñas das parroquias.
O Concello de Carral resultou beneficiario da subvención solicitada á Consellería de Política Social e Igualdade.
Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).
O programa estpola Consellería de Política Social e Igualdade e polo Ministerio de Igualdade.
https://carral.es//wp-content/uploads/2025/08/Exterior-1-scaled.jpg18102560Deportes Carralhttps://carral.es//wp-content/uploads/2026/02/ConcelloDeCarral.pngDeportes Carral2025-08-23 17:40:382026-02-13 18:51:30CARRAL ABRE O PRAZO DE INSCRICIÓN PARA AS ESCOLAS MUNICIPAIS DO CURSO 2025-2026
Durante este mes de xullo foron máis de 50 os nenos e nenas participantes nestes cursos municipais.
A concellería de Deportes clausurou este xoves 31 de xullo os cursos de natación que se viñeron impartindo nas piscinas municipais durante todo o mes.
Foron un total de 54 nenos e nenas de entre 3 e 14 anos, os que participaron nestes cursos estivais que se impartiron en horario de mañá de luns a venres.
Os participantes dividíronse en 3 quendas en función das súas idades, empezando a primeira quenda ás 11:45 h e terminando a última ás 14:00 h. As clases foron impartidos por monitores especialistas tendo unha duración de 45 minutos e sempre en presenza dun socorrista.
Cursos mes de agosto
Cabe destacar que este venres, dan comezo os cursos de natación do mes de agosto, nos que están inscritos un total de 63 nenos e nenas. Do mesmo xeito que no mes anterior os participantes divídense en 3 quendas en función da súa idade, establecéndose dentro de cada quenda un grupo de iniciación e outro de perfeccionamento en función do nivel de cada 1 dos alumnos.
Este curso impartirase entre o 1 e o 29 de agosto, de luns a venres e nos mesmos horarios que no mes de xullo.
https://carral.es//wp-content/uploads/2025/07/FOTO-CARRAL-Cursos-piscina-2-1-scaled.jpg11822560Deportes Carralhttps://carral.es//wp-content/uploads/2026/02/ConcelloDeCarral.pngDeportes Carral2025-07-31 17:05:482026-02-13 18:52:26REMATAN OS CURSOS DE NATACIÓN DO MES DE XULLO
Un total de 25 parellas dividas en 2 niveis participan a 9ª edición deste torneo estival.
Este xoves dará comezo o IX Torneo de Pádel de verán de Carral que se prolongará ata o próximo 27 de setembro.
En total foron 52 xogadores (26 parellas) os rexistrados nesta competición con formato de parellas e mixto. As parellas organízanse en función do seu nivel de xogo. Así no nivel A (medio-alto) inscribíronse 8 parellas, mentres no nivel B (medio-baixo) foron un total de 17 as parellas rexistradas.
A competición dará comezo o próximo o xoves 31 de xullo e prolongarase ata o 27 de setembro. Durante as primeiras semanas (ata o 13 de setembro) disputarase unha primeira fase de liguiña por grupos, dos que se clasificarán os mellores para a fase eliminatoria de cada categoría (cuartos de final, semifinais e final), que terá lugar entre o 15 e o 27 de setembro.
Os partidos, un total de 70, disputaranse en horario de serán, a partir das 19.30 h, podendo modificarse os horarios sempre co acordo entre as parellas enfrontadas.
As idades dos xogadores abarcan desde os 16 ata os 56 anos, sendo maioritariamente veciños de Carral.
O obxectivo desta competición é o fomento do deporte entre a poboación adulta, así como posibilitar a práctica de novas modalidades deportivas aos habitantes de carraleses. Por iso, a participación no torneo terá un carácter gratuíto.
https://carral.es//wp-content/uploads/2025/07/Foto-archivo-ano-2024.jpg19272346Deportes Carralhttps://carral.es//wp-content/uploads/2026/02/ConcelloDeCarral.pngDeportes Carral2025-07-29 22:41:092026-02-13 18:52:47ARRINCA O IX TORNEO DE PÁDEL DE VERÁN DE CARRAL
Os grupos están divididos en función das idades dos inscritos, tendo preferencia os empadroados, naqueles grupos nos que se superan os rateos alumnos/monitor.
Impartiranse clases de 45 minutos, nos seguintes horarios:
Grupo 1: nados do 2014 ao 2008, de 11:45 a 12:30 h.
Grupo 2: nados do 2017 ao 2015, de 12:30 a 13:15 h.
Grupo 3: nados do 2021 ao 2018, de 13:15 a 14:00 h.
O prazo de pago será dende o 29 de xullo e o 4 de agosto.
Formas de pago: (28 €/alumno/a)
Mediante transferencia bancaria (ES21 2100 5781 3102 0000 1826), para o cal será IMPRESCINDIBLE enviar o resgardo de ingreso ao mail complexo.deportivo@carral.es.
https://carral.es//wp-content/uploads/2025/07/Cursos_Natacion_agosto2025-1-scaled.jpg25601804Deportes Carralhttps://carral.es//wp-content/uploads/2026/02/ConcelloDeCarral.pngDeportes Carral2025-07-29 13:45:432026-02-13 18:52:55PUBLÍCANSE AS LISTAXES, GRUPOS E HORARIOS DOS CURSOS DE NATACIÓN DO MES DE AGOSTO
Os grupos están divididos en función das idades dos inscritos, tendo preferencia os empadroados, naqueles grupos nos que se superan os rateos alumnos/monitor.
Impartiranse clases de 45 minutos, nos seguintes horarios:
Grupo 1: nados do 2014 ao 2011, de 11:45 a 12:30 h.
Grupo 2: nados do 2017 ao 2015, de 12:30 a 13:15 h.
Grupo 3: nados do 2021 ao 2018, de 13:15 a 14:00 h.
O prazo de pago será dende o 25 ata o 29 de xuño (14:00 h).
Formas de pago: (28 €/alumno/a)
Mediante transferencia bancaria (ES21 2100 5781 3102 0000 1826), para o cal será IMPRESCINDIBLE enviar o resgardo de ingreso ao mail complexo.deportivo@carral.es.
https://carral.es//wp-content/uploads/2025/06/Cursos_Natacion_xullo2025-1-scaled.jpg25601804Deportes Carralhttps://carral.es//wp-content/uploads/2026/02/ConcelloDeCarral.pngDeportes Carral2025-06-24 15:27:512026-02-13 18:55:06PUBLÍCANSE AS LISTAXES, GRUPOS E HORARIOS DOS CURSOS DE NATACIÓN DO MES DE XULLO
O programa municipal CultuRúa 2025 trae ao Campo da Feira propostas de cine, teatro, música e maxia. Esta programación estival comeza o venres 20 de xuño coa película galega Salta! dirixida por Olga Osorio. É unha divertida película recomendada para toda a familia, rodada na Coruña, e que mestura ciencia ficción con comedia. A proxección comezará ás 22:30 h.
Moby Dick é un espectáculo teatral de rúa a cargo da compañía Pedras de Cartón que se presenta en Carral o xoves 26 de xuño ás 18:00 h. A famosa balea do conto de Herman Melville deambulará polo Campo da Feira xunto a un mariñeiro que vivirá perigosas aventuras.
A música infantil chega da man de Paco Nogueiras con C@nto Contigo, no que repasará algúns dos seus principais éxitos. O concerto terá lugar o xoves 24 de xullo ás 18:00 h. Á mesma hora do día 21 de agosto preséntase Punto en boca: entre fíos anda o lío, unha proposta do Centro Dramático Galego e Raquel Crespo. É un espectáculo de música, narración e movemento para o goce de pequenos e maiores, ofrecéndonos historias de costureiras.
CultuRúa rematará o 22 de agosto co espectáculo que repasará os 50 anos de traxectoria artística do Mago Antón. 50 (1975 – 2025) presenta algúns dos números máis aplaudidos nas funcións do Mago Antón, xunto con algunhas novas creacións que sorprenderán ao público. Este espectáculo terá lugar no Magomóbil que se instalará no Campo da Feira, en 4 pases que terá lugar cada hora, sendo o primeiro ás 17:00 h. Para a boa organización de cada pase, as persoas interesadas deberán retirar os convites na Casa da Cultura desde o día 20 de xuño en horario de mañá.
No caso de meteoroloxía desfavorable, os espectáculos (agás o Magomóbil) trasladaranse á pista cuberta de Paleo, detrás do Centro de Saúde.
Para facer posible esta programación, o Concello de Carral conta coa colaboración da Deputación da Coruña a través da súa Rede Cultural e da Xunta de Galicia co Centro Dramático Galego e o programa Cultura no Camiño.
Información detallada dos espectáculos de CultuRúa 2025 premendo aquí
https://carral.es//wp-content/uploads/2026/02/ConcelloDeCarral.png00Carloshttps://carral.es//wp-content/uploads/2026/02/ConcelloDeCarral.pngCarlos2025-06-13 11:48:032026-02-13 18:55:35A QUINTA EDICIÓN DE CULTURÚA COMEZA COA PELÍCULA GALEGA SALTA!
