Tag Archive for: concello

O DOCUMENTAL SOBRE OS 20 ANOS DO PREMIO DE POESÍA CONCELLO DE CARRAL XA SE PODE VER NA REDE

A Concellería de Cultura ven de pendurar en Youtube o documental 20 anos do Premio de Poesía Concello de Carral, para que o seu visionado sexa accesible e libre.

O audiovisual, de 35 minutos de duración e elaborado pola produtora Tingalaranga, ofrece os detalles do que ten acontecido nestas dúas décadas de vida do certame, e o valor que foi adquirindo no ambiente literario galego para descubrir novos valores ou para consolidar outros xa coñecidos.

Interveñen no documental todos os escritores e escritoras premiadas, críticos literarios, algúns membros que formaron parte dos xurados, así como os responsables municipais do premios. Repásase desde como naceu a idea de crear este premio literario, ata a actualidade, no que Carral xa forma parte da literatura galega.

O documental pode verse na canle Cultura Concello de Carral en Youtube, no seguinte enlace: https://youtu.be/2wVp1xkzVoM

Na mesma canle acábase de subir tamén un vídeo cun resumo de como transcorreu o acto da 20ª edición do premio, que tivo lugar o pasado 26 de maio. No acto entregouse o premio a Xosé Luís Mosquera Camba e presentouse a publicación do libro gañador no 2016 Devalar sen pel, de Modesto Fraga. O acto pode verse no seguinte enlace: https://youtu.be/7HUkX5dAo5U

 

/by

MODESTO FRAGA E XOSÉ LUÍS MOSQUERA PROTAGONIZAN O ACTO DE CELEBRACIÓN DOS 20 ANOS DO PREMIO DE POESÍA CONCELLO DE CARRAL

Cartel acto Poesía 2017.A Casa da Cultura de Carral acollerá este venres, ás 20:00 h, o acto do 20º Certame de Poesía Concello de Carral, no que se lle entregará o premio a Xosé Luís Mosquera Camba por gañar esta edición co seu libro Das árbores tropicais e do amor, e no que tamén se presentará a publicación do gañador do ano pasado, Devalar sen pel do poeta fisterrán Modesto Fraga.

O acto estará presidido polo alcalde José Luis Fernández Mouriño, e contará tamén coa participación do secretario xeral de Cultura, Anxo Lorenzo, do escritor e editor Miguel Anxo Fernán Vello, e de Inma Otero Varela, membro do xurado da presente edición.

O acto servirá tamén para a estrea do audiovisual que o Concello de Carral realizou para repasar estas dúas décadas da vida do certame, no que aparecen todos os premiado, así como o editor Miguel Anxo Fernán Vello, varios especialistas e escritores e escritoras que formaron parte dos xurados, o actual alcalde, o exconcelleiro de Cultura, Lois Anxo Ferreiro, que tivo a iniciativa de poñer en marcha este premio, e o técnico de Cultura municipal, Carlos Lorenzo, que foi o coordinador desde o nacemento do premio. O documental estará presente na rede a partir desta fin de semana.

A parte musical do acto correrá  a cargo de Gonçalo Guerreiro, presentando temas do seu disco Ar, con temas creados a partir de poemas do escritor portugués Fernando Pessoa na súa versión orixinal. Ao igual que en todas as edicións deste premio, o Concello de Carral, grazas á colaboración da Xunta de Galicia, agasallan aos asistentes o libro que se presenta. Nesta ocasión Modesto Fraga poderá dedicarllo aos participantes no acto.

No marco desta celebración dos 20 anos do certame Concello de Carral, nos exteriores da Casa da Cultura estará ata o 8 de xuño unha exposición que revisa aos gañadores e gañadoras do premio, con datos biográficos e fragmentos da súa poesía. Tamén a Concellería de Cultura desenvolveu nos centros de ensino de Carral concursos e obradoiros de poesía, co fin de fomentar entre os máis novos, tanto a lectura como a creación poética.

/by

MODESTO FRAGA Y XOSÉ LUÍS MOSQUERA PROTAGONIZAN EL ACTO DE CELEBRACIÓN DE LOS 20 AÑOS DEL PREMIO DE POESÍA CONCELLO DE CARRAL

Cartel acto Poesía 2017.La Casa de la Cultura de Carral acogerá este viernes, a las 20:00 h, el acto del 20º Certamen de Poesía Concello de Carral, en el que se le entregará el premio a Xosé Luís Mosquera Camba por ganar esta edición con su libro Das árbores tropicais e do amor, y en el que también se presentará la publicación del ganador del año pasado, Devalar sen pel del poeta fisterrán Modesto Fraga.

El acto estará presidido por el alcalde José Luis Fernández Mouriño, y contará también con la participación del secretario xeral de Cultura, Anxo Lorenzo, del escritor y editor Miguel Anxo Fernán Vello, y de Inma Otero Varela, miembro del jurado de la presente edición.

El acto servirá también para el estreno del audiovisual que el Ayuntamiento de Carral realizó para repasar estas dos décadas de la vida del certamen, en el que aparecen todos los premiado, así como el editor Miguel Anxol Fernán Vello, varios especialistas y escritores y escritoras que formaron parte de los jurados, el actual alcalde, el exconcejal de Cultura, Lois Anxo Ferreiro, que tuvo la iniciativa de poner en marcha este premio, y el técnico de Cultura municipal, Carlos Lorenzo, que fue el coordinador desde el nacimiento del premio. El documental estará presente en la red a partir de este fin de semana.

La parte musical del acto correrá  a cargo de Gonçalo Guerreiro, presentando temas de su disco Ar, con temas creados a partir de poemas del escritor portugués Fernando Pessoa en su versión original. Al igual que en todas las ediciones de este premio, el Ayuntamiento de Carral, gracias a la colaboración de la Xunta de Galicia, regalan a los asistentes el libro que se presenta. En esta ocasión Modesto Fraga podrá dedicárselo a los participantes en el acto.

En el marco de esta celebración de los 20 años del certamen Concello de Carral, en los exteriores de la Casa de la Cultura estará hasta el 8 de junio una exposición que revisa a los ganadores y ganadoras del premio, con datos biográficos y fragmentos de su poesía. También la Concejalía de Cultura desarrolló en los centros de enseñanza de Carral concursos y talleres de poesía, con el fin de fomentar entre los más jóvenes, tanto la lectura como la creación poética.

/by

XOSÉ LUÍS MOSQUERA CAMBA GAÑA O XX CERTAME DE POESÍA “CONCELLO DE CARRAL”

Xosé Luis Mosquera Camba 100pppO poeta e profesor de arte, Xosé Luís Mosquera Camba, obtén por segunda vez o premio do Certame de Poesía Concello de Carral, co libro titulado Das árbores tropicais e do amor e que presentou co seudónimo Sula Bassana.

Mosquera Camba xa fora premiado na edición décima do concurso co poemario Nadja c´est moi, publicado, ao igual que os restantes libros premiados, en Edicións Espiral Maior.

O xurado do concurso, que se reuniu onte na Casa da Cultura de Carral, estivo formado por Teresa Seara, Inma Otero, da Asociación da Crítica, e Modesto Fraga, gañador da pasada edición, baixo a presidencia da Concelleira de Cultura, Margarita Ramilo Varela, e asistidos en calidade de secretario, polo técnico municipal de Cultura e coordinador do premio, Carlos Lorenzo Pérez. Ao certame presentáronse un total de 46 poemarios.

O xurado salienta a alta calidade dun bo número dos traballos presentados, sendo moitos deles merecentes de se publicar. Da obra seleccionada salienta que é un poemario de grande orixinalidade que domina a tradición, mesmo a non convencional, e que recorre a unha linguaxe depurada para, a través dela, facer unha viaxe xeográfica e tamén emocional onde teñan cabida outras linguas e presenzas culturais de gran calado.

O premio de Carral está dotado con 2500 euros e a publicación da obra na colección de poesía de Edicións Espiral Maior.

O acto de entrega do premio terá lugar o 26 de maio, na Casa da Cultura de Carral, dentro da programación de Letras Galegas 2017. O mesmo acto servirá para a presentación do poemario que gañou na pasada edición, Devalar sen pel de Modesto Fraga. Para a publicación do libro o Concello de Carral contou coa colaboración económica da Secretaría Xeral de Política Lingüística e da Secretaría Xeral de Cultura da Xunta de Galicia.

Por mor do vixésimo aniversario deste certame literario, o Concello de Carral ten previsto varias actividades para repasar estas dúas décadas de promoción da poesía galega. O 10 de maio preséntase unha exposición nos exteriores da Casa da Cultura no que se repasan os autores e obras premiadas no certame. A mostra permañecerá ata o 4 de xuño. E por outra banda, no acto do 26 de maio estrearase o documental sobre a traxectoria do concurso carralés.

 

/by

HOMENAXE AOS MÁRTIRES DE CARRAL

A Corporación municipal, encabezada polo alcalde José Luis Fernández Mouriño, levarán a cabo no monumento aos Mártires da Liberdade, unha ofrenda floral para homenaxear aos doce oficiais fusilados en Carral o 26 de abril de 1846.

Unha comitiva partirá desde a Casa do Concello ás 12:00 h, en dirección ao monumento. No acto participará tamén alumnado dos institutos de secundaria de Carral e de Teo.

/by

O LOCAL XENTE NOVA ACOLLE A OBRA TEATRAL NOITEBOA

NoiteboaA compañía Redrum Teatro presenta este sábado 1 de abril, a obra Noiteboa, protagonizada por Mela Casal, Ernesto Chao e Guillermo Carbajo.

Chega o Nadal a Compostela e con el os agasallos, as panxoliñas, as ceas en familia e o xa tradicional rapto do Neno Xesús da Praza do Obradoiro. Ninguén debería cear só en Noiteboa e por iso Mariví fará todo o posible para que durante unhas horas, Arturo, Nico e máis ela sexan unha familia de verdade.

Noiteboa  é unha traxicomedia, non recomendada para menores de 12 anos.

A función comezará ás 21:00 h. A entrada é de balde e as localidades limitadas. A concellería de Cultura prega puntualidade aos espectadores, xa que unha vez comezada a función, non se poderá acceder á sala.

/by

O CONCELLO CONVOCA CONCURSOS DE POESÍA PARA OS ESTUDANTES DE CARRAL

A Concellería de Cultura do Concello de Carral ven de convocar dous concursos de poesía para o alumnado do colexio Vicente Otero e do instituto da ESO. Esta convocatoria Logo 20 anos poesía Carralfaise enmarcada na celebración do vixésimo aniversario do Certame de Poesía Concello de Carral e despois de que boa parte do alumnado participara en obradoiros de poesía impartidos por Dores Tembrás.

Existe un concurso para cada centro de ensino, na que a diferenza entre eles non é máis que a extensión mínima dos poemas. Todos os participantes recibirán agasallos e os tres mellores poemas de cada centro recibirán como premio un altofalante Bluetooth.

Para presentar os seus orixinais, os participantes poden facelo nos propios centros ou na Casa da Cultura ata o 29 de abril.

Con esta actividade o departamento de Cultura quere aproveitar o prestixio acadado polo certame Concello de Carral, para que a poboación de municipio, e en especial os máis novos, se acheguen tamén á poesía.

Con respecto ao certame para adultos, o prazo remata o vindeiro 8 de abril. Xa son numerosos os exemplares participantes, mais agárdase que na vindeira semana a cifra de poemarios supere os 60.

Bases concurso escolar poesía 2017

Bases concurso xuvenil poesía 2017

/by

TRINKETRINKE TEATRO ESTARÁ DE NOVO NA BIBLIOTECA MUNICIPAL CON “ A SAÚDE EFECTIVA”

asaúdeafectivaO próximo xoves, 23 de febreiro, na Biblioteca Pública Municipal,  Trinketrinke teatro presentará unha nova sesión de contacontos: “ A saúde afectiva”.

Nesta ocasión os ratiños de Lonxedetodo ensinarán ós rapaces o importante que é ser boa persoa, e ter unha relación satisfactoria con todos os que nos rodean.

Os contos escollidos para esta actividade son: “Mi vecina está enamorada” de Réjis Lejonc e “Yo” de Philip Waechter.

Será ás 18:00 horas na Biblioteca Municipal.

Entrada libre.

Pregamos puntualidade.

/by