Tag Archive for: Mártires de Carral

A CASA DA CULTURA ACOLLE A PRESENTACIÓN DA BIOGRAFÍA DE ANTOLÍN FARALDO

Neste ano 2022 estase a conmemorar o bicentenario do nacemento en Betanzos de Antolín Faraldo, un dos pais da Revolución de 1846 que rematou co fusilamento dos coñecidos como Mártires de Carral. Por mor da efeméride, a editora Alvarellos ven de publicar o libro “Querida liberdade. Vida e obra dun precursor do Rexurdimento”, do que é autor Xurxo Martínez.

A Casa da Cultura acollerá o sábado 28 de maio, ás 12:30 h, a presentación do libro, na que intervirán, ademais do autor, o concelleiro de Cultura, Fran Bello, o deputado de Cultura da Deputación da Coruña, Xurxo Couto, e o editor Henrique Alvarellos. O acto servirá tamén que as persoas interesadas poidan adquirir o libro e que lle sexa dedicado polo autor.

/by

HOMENAXE NO 175 ANIVERSARIO DOS MÁRTIRES DE CARRAL

O Concello de Carral e a Asociación Teatral Abril de Lume e Ferro levarán a cabo un acto de homenaxe aos Mártires de Carral no 175 aniversario dos tráxicos fusilamentos acontecidos en Paleo e a Fraga do Rei.

O acto terá lugar o domingo 25 de abril ás 13 horas, partindo unha comitiva desde a Casa do Concello cara o monumento onde se fará unha ofrenda floral. Se a climatoloxía o permite, antes da ofrenda, na Praza da Capela, o alcalde e un representante da asociación Abril de Lume e Ferro se dirixirán aos presentes para lembrar os 12 oficiais mortos o 26 de abril de 1846 en Carral. Logo farase unha lectura do poema “É xa tempo de erguer a Liberdade” de Manuel María.

/by

A PANDEMIA ANULA A HOMENAXE AOS MÁRTIRES

Monumento Mártires de Carral - 16 webO estado de alarma decretado pola pandemia do coronavirus, coas recomendacións e restricións que supón, obrigan ao Concello de Carral a non levar a cabo ningún tipo de acto o 26 de abril para homenaxear o cabodano do fusilamento dos Mártires de Carral, tal e como se veu facendo desde sempre.
O Concello, en representación da cidadanía carralesa, sen ningún tipo de protocolo depositará flores no monumento que honra aos oficiais executados na Revolución de 1846.

/by

CARRAL E CACHEIRAS LEMBRAN A HISTORIA QUE UNE A AMBOS OS LUGARES NUNHA HOMENAXE AOS MÁRTIRES

CARRAL E CACHEIRAS LEMBRAN A HISTORIA QUE UNE A AMBOS OS LUGARES NUNHA HOMENAXE AOS MÁRTIRES

Máis de sesenta alumnos do IES Carral e IES de Teo reencontráronse este xoves, 26 de abril, para lembrar a historia que une a ambos os municipios e para render homenaxe, ante o Monumento dos Mártires, a Miguel Solís e aos seus oficiais, fusilados na vila carralesa o 26 de abril do 1846, un acontecemento do que se cumpren 172 anos.

O encontro entre o alumnado arrincou no Campo dá Feira, onde o alcalde de Carral, José Luis Fernández Mouriño, exerceu de anfitrión e explicoulles parte dos feitos acaecidos no 1846. A continuación, os mozos, acompañados por persoal de Protección Civil e da concellería de Educación e Benestar, percorreron o camiño ata o cemiterio de Paleo, onde descansan os restos dos oficiais sublevados. Alí depositaron un ramo de flores nas tumbas, realizaron unha lectura de poemas e mesmo cantaron unha canción composta polos estudantes de Cacheiras.

Máis de 60 alumnos de Carral e Cacheiras realizaron a clásica homenaxe aos Mártires

Máis de 60 alumnos de Carral e Cacheiras realizaron a clásica homenaxe aos Mártires

Durante a propia ofrenda fronte ao Panteón os estudantes de ambos os institutos alzaron as súas voces para entoar ao unísono o himno galego, un canto ao que tamén se uniron algúns carraleses. Así mesmo, os mozos depositaron unha coroa de flores no lugar.

/by