Tag Archive for: piscina

O CICLO MÚSICAS ÍNTIMAS OFRECE NA SÚA 8ª EDICIÓN DIVERSOS ESTILOS MUSICAIS

Cartel Músicas Íntimas 2022A Concellería de Cultura do Concello de Carral organiza esta fin de semana o seu ciclo Músicas Íntimas que se desenvolve na piscina municipal. Nesta edición serán os grupos Volando Libre e Black os que ofrezan os seus concertos traendo a Carral música negra, jazz, folk, bandas sonoras e outros estilos musicais.
Volando Libre está formado por tres músicos de recoñecido prestixio no eido galego, como son Alfredo Gómez Sieiro, Vadim Yukhnevich e Mauricio farán un repaso musical por múltiples músicas do mundo. O seu concerto será o sábado 3 de setembro. Pola súa banda o domingo 4 de setembro subirá ao escenario o dúo Black liderado pola vocalista Iria Mejuto, unhas das mellores voces galegas dedicadas ao soul.
As dúas actuacións terá lugar ás 22:00 h. No caso de chuvia, os concertos realizaranse na Casa da Cultura.
Os concertos están incluídos na Rede Cultural da Deputación da Coruña e en Cultura no Camiño de Agadic.

/by

CULTURÚA REMATA ESTA SEMANA CON 4 PROPOSTAS PARA TODOS OS PÚBLICOS

O programa municipal CultuRúa entra na súa recta final con humor, música, cine e folclore.

O martes volve Pedro Brandariz á Piscina municipal con Contos e outras andrómenas. Será unha actuación para usuarios da piscina que comezará ás 18 h.

O xoves, no Campo da Feira ás 18 h, Xabi Longueirón ofrecerá o seu concerto infantil As cancións creadas na casa da miña avoa. O cine volve o sábado co éxito español dirixido por Alejandro Amenábar Mientras dure la guerra. Será no Campo da Feira ás 22 h.

A primeira edición de CultuRúa remata o domingo na feira coa actuación de Xacarandaina ás 12 h. Esta é unha actuación incluída en Danza 3 · Xacobeo 21-22.

CultuRúa naceu este ano para ofrecer no verán unha programación que se desenvolvera en espazos abertos e públicos.

/by
,

A PISCINA ACOLLE UNHA NOVA EDICIÓN DE MÚSICAS ÍNTIMAS

MJ Pérez e Lulavai serán as artistas que conforman o cartel da 7ª edición do ciclo Músicas Íntimas: concertos na piscina, que terá lugar na fin de semana do 31 de xullo e 1 de agosto.

MJ Pérez, que actuará o sábado en formato dúo, é unha das novas voces da música galega. Cantautora que iniciou a súa traxectoria no 2014 e que acumula máis de 100 concertos, 4 discos, o premio Xuventude Crea, ademais de ser finalista noutros certames. A música de MJ Pérez bebe da esencia da canción de autor, unha fusión de diversos estilos musicais co predominio do rock-pop ata o de agora, mais co seu novo disco emprende un cambio de rumbo no que os ritmos latinos e a música de raíz están máis presentes.  A palabra e a mensaxe dos temas cobra especial protagonismo xunto coa voz de MJ, cargada de personalidade.  O seu concerto en Carral servirá para presentar o seu novo disco “A luz prendida”.

O domingo toman o escenario o cuarteto Lulavai, una formación única no que a polifonía se xunta aos fermosos sons das arpas celtas nuns elaborados arranxos de temas tradicionais e de compositores galegos. Lorena Reinaldo, Paula Oanes, Josefa Fernández e Elena Paz formaron Lulavai no 2008, gravaron 3 discos  e acumulan concertos realizados por Galicia, o resto de España e Portugal. O seu concerto será un percorrido por temas propios, adaptacións da nosa música tradicional, con temas tranquilos e outros máis rítmicos, empregando as arpas celtas e outros instrumentos de percusión tradicional.

Para ambos os dous concertos as localidades son limitadas, polo que é necesario reservar convites na Casa da Cultura antes das 14:00 h. do venres chamando ao 981 672 580.

O ciclo Músicas Íntimas é o evento musical de referencia de Carral que cada ano chega no verán con propostas galegas de gran calidade e aceptación por parte do público.

No caso de meteoroloxía desfavorable, as actuacións trasladaranse á Casa da Cultura, dando acollida ás primeiras 25 reservas de entradas de cada concerto.

/by

NOVAS DATAS PARA OS CONCERTOS DE MÚSICAS ÍNTIMAS

A Concellería de Cultura comunica que os concertos do ciclo Músicas Íntimas, previstos inicialmente para esta fin de semana, mudan de datas.

Así o concerto de MJ Pérez será o sábado 31 de xullo e o de Lulavai o 1 de agosto.

Desde o departamento de Cultura piden desculpas polas molestias que poida ocasionar este cambio.

/by

TALABARTE E LAS ANTONIAS SON OS GRUPOS DO CARTEL DE MÚSICAS ÍNTIMAS 2020

portada Talabarte lowO ciclo de concertos Músicas Íntimas, concertos na Piscina chega esta fin de semana á súa quinta edición coa participación de Talabarte e Las Antonias.

Fake é o título do concerto de Talabarte, que coas súas músicas do mundo ocuparán o escenario o sábado. Pola súa banda Las Antonias actuarán o domingo co seu espectáculo Boleros e outras delicias. Os concertos comezarán ás 22:00 h.

O aforo está limitado polas exixencias sanitarias, polo que é necesario solicitar convites chamando á Casa da Cultura ao 981 67 25 80 antes das 12:00 h. do venres. No caso de choiva os concertos trasládanse á Casa da Cultura limitando a asistencia aos primeiros 25 convites.

Talabarte está formado por Quim Fariña, Kin García e Pedro Pascual, nomes intimamente vencellados con grandes proxectos da música galega coma Berrogüetto ou Marful e tamén con prestixiosos músicos de jazz coma Jorge Pardo, Walter White ou Steve Brown. Tras publicar o seu primeiro traballo discográfico, recibiron grandes eloxios de crítica e público, levando a súa musica por teatros, auditorios e festivais da Península Ibérica, Bretaña, Serbia… Fake saíu en 2016 con ilustracións de Pablo Xiráldez “O Pastor” e textos de Carlos Meixide acompañando músicas inspiradas por esas historias que non se sabe canto teñen de real e canto de mentira.Las Antonias Trío 2

Las Antonias nacen en 2015 na Sala Mardigras da Coruña cando dúas compañeiras de baile, das que queiman pista, decídense a montar unha banda feminina. Toma forma coa necesidade de devolverlles ás cancións de toda a vida, o empoderamento que as mulleres se merecen. Destripan boleros, tangos e outras delicias fundindo as súas voces entre guitarra, escobillas, melódica e un  fagot atopado. Introdúcennos con histriónico pracer no seu mundo Antoñil para facernos sentir e saber que todos somos Antonias e Antonios. Elas son Antonia Le (Ana Le), Antonia Colorees (Mamen  Bazarra) e Antonia  Pentagramas (Elena García-Fresca).

Músicas Íntimas conta co apoio de Agadic e a Deputación da Coruña.

/by

ROSA CEDRÓN E PEPE PIÑA PROTAGONIZAN O CICLO MÚSICAS ÍNTIMAS

Cartel Músicas Íntimas Carral 2018O terceiro ciclo de Músicas Íntimas – Concertos na Piscina presenta esta fin de semana dous espectáculos de estilos diferentes.

Rosa Cedrón abre o ciclo o sábado 1 de setembro cun concerto a dúo. A súa voz gravou innumerables cancións. Converteuse en buque insignia dunha nova xeración de músicos que coidaron cada detalle, cada nota, cada expresión, imprimindo modernidade na tradición. Actualmente é unha das voces máis internacionais de Galicia de todos os tempos.

Pola súa banda o cantautor Pepe Piña trae no seu repertorio cancións propias e moitas versións que todo o público recoñece e aplaude. Os seus concertos convértense en festas. Pepe Piña sube ao escenario o domingo 2 de setembro.

Ámbolos dous concertos comezarán ás 22:00 h. A entrada é libre e o aforo limitado. Músicas Íntimas lévase a cabo nun recuncho moi acolledor da piscina municipal de Carral.

Para levar a cabo este ciclo, o Concello de Carral conta coa colaboración da Deputación da Coruña coa súa Rede Cultural e de Agadic co programa Cultura no Camiño.

/by

A BIBLIOPISCINA ABRE DENDE ESTA FIN DE SEMANA

IMG_20180629_130347Como cada verán a Biblioteca sae do seu espazo habitual e pon á disposición dos usuarios das piscinas municipais o servizo de bibliopiscina.

Mediante este servizo, pretendemos achegar a todo o público lecturas amenas e refrescantes para gozar dos libros nun espazo distinto, a piscina.

Os interesados poderán ler na zona da bibliopiscina ou levar os libros para a zona de baño. Non está permitido sacalos do recinto.

O horario é de 12:00 a 21:00 horas e os libros deben ser devoltos antes da hora de peche da piscina.

/by

AS PISCINAS DE VERÁN DE CARRAL VOLVEN A ABRIR AS SÚAS PORTAS O SÁBADO 16

Ao longo do verán pasado, as piscinas de municipais contaron con máis de 250 abonados e ao redor de 3.800 bañistas. Read more

/by

DE VACAS E GONÇALO GUERREIRO PROTAGONIZAN O CICLO MÚSICAS ÍNTIMAS

O espazo de baño infantil da piscina municipal de Carral acollerá os días 2 e 3 de setembro, os concertos do ciclo Músicas Íntimas, nos que actuarán os grupos De Vacas e Cartel Músicas Íntimas Carral 2017Gonçalo Guerreiro Cuarteto.

Este programa musical, que chega á segunda edición, presenta artistas galegos en concertos de pequeno formato e cun aforo reducido, propiciando o goce da música en directo nun entorno acolledor.

De Vacas, que actuarán o sábado 2 de setembro, son un cuarteto musical composto por unha guitarra e tres voces. Fan versións de grandes temas venerados polo público. De Vacas defende que detrás de cada canción mala hai un corazón que queren reivindicar. Desde as Spice Girls ata o Gagnam Style, pasando por Enrique Iglesias ou Michel Teló… temas que “marcaron as nosas tardes de domingo na discoteca e que rescatamos para vós nun formato fresco e divertido co que emocionarse e rir a partes iguais”.

Gonçalo Guerreiro ofrecerá o seu concerto en formación de cuarteto o domingo 3 de setembro. Presenta un repertorio de temas en portugués: “Estas cancións xorden das sensacións e pensamentos que foron nacendo en min ao longo dos anos que levo vivindo lonxe da miña cidade, Lisboa. Existen para que eu poida atopar memorias dela nos lugares por onde vou pasando.” O espectador mergúllase nun universo rítmico e melódico que viaxa do humor á nostalxia, do rock á canción de amor, do pop ao jazz, pasando sempre polo fado.

Ámbolos dous concertos comezarán ás 22:30 h. con entrada de balde e aforo limitado. Aínda que as previsións meteorolóxicas amósanse favorables para facer os concertos na piscina municipal, ante a posibilidade de choiva trasladaríanse á sala de audiovisuais da Casa da Cultura.

O ciclo está organizado pola Concellería de Cultura do Concello de Carral, coa participación da Deputación provincial a través da súa Rede Cultural, e de Agadic e da Xunta de Galicia co seu programa Cultura no Camiño.

 

/by

DE VACAS Y GONÇALO GUERREIRO PROTAGONIZAN EL CICLO MÚSICAS ÍNTIMAS

El espacio de baño infantil de la piscina municipal de Carral acogerá los días 2 y 3 de septiembre, los conciertos del ciclo Músicas Íntimas, en los que actuarán los grupos De VacasCartel Músicas Íntimas Carral 2017 y Gonçalo Guerreiro Cuarteto.

Este programa musical, que llega a la segunda edición, presenta artistas gallegos en conciertos de pequeño formato y con un aforo reducido, propiciando el disfrute de la música en directo en un entorno acogedor.

De Vacas, que actuarán el sábado 2 de septiembre, son un cuarteto musical compuesto por una guitarra y tres voces. Hacen versiones de grandes temas venerados por el público. De Vacas defiende que detrás de cada canción mala hay un corazón que quieren reivindicar. Desde las Spice Girls hasta el Gagnam Style, pasando por Enrique Iglesias o Michel Teló… temas que “marcaron nuestras tardes de punta en blanco en la discoteca y que rescatamos para vosotros en un formato fresco y divertido con el que emocionarse y reír a partes iguales”.

Gonçalo Guerreiro ofrecerá su concierto en formación de cuarteto el domingo 3 de septiembre. Presenta un repertorio de temas en portugués: “Estas canciones surgen de las sensaciones y pensamientos que fueron naciendo en mí a lo largo de los años que llevo viviendo lejos de mi ciudad, Lisboa. Existen para que yo pueda encontrar memorias de ella en los lugares por donde voy pasando.” El espectador se sumerge en un universo rítmico y melódico que viaja del humor a la nostalgia, del rock a la canción de amor, del pop al jazz, pasando siempre por el fado.

Ambos conciertos comenzarán a las 22:30 h. con entrada gratuita y aforo limitado. Aunque las previsiones meteorológicas se muestran favorables para hacer los conciertos en la piscina municipal, ante la posibilidad de lluvia se trasladarían a la sala de audiovisuales de la Casa de la Cultura.

El ciclo está organizado por la Concejalía de Cultura del Ayuntamiento de Carral, con la participación de la Diputación provincial a través de su Rede Cultural, y de Agadic y de la Xunta de Galicia con su programa Cultura no Camiño.

/by