O cantante galego Manolo Couto ofrecerá un concerto presentación do seu cuarto disco “Tesoros ocultos” o sábado 16 de xullo, ás 21:00 h, no edificio social Toñito Espiñeira.
A entrada é libre e os asistentes poderán levar o disco dedicado.
Manolo Couto leva desde o ano 1975 no mundo musical como membro de diversas orquestras. Nos últimos anos centra a súa carreira, ademais de ofrecer concertos, na composición de cancións.
Na noite do venres 8 de xullo, o cine ao aire libre chega a Quembre coa película El ladrón de palabras. Esta é unha proxección incluída na programación de cine da Concellería de Cultura do Concello de Carral, en colaboración coa Deputación da Coruña.
A película proxectarase ás 23:00 h. na pista deportiva do centro social de Quembre.
El ladrón de palabras trata da historia dun escritor fracasado que ten a fortuna de atopar un manuscrito. Publícao como seu e obtén un éxito espectacular que o converte nun dos mellores escritores do seu tempo. O autor do manuscrito resulta ser un ancián que o escribiu durante a súa mocidade, cando estivo destinado en París tras a Segunda Guerra Mundial.
O programa de cine ao aire libre continuará en Cañás o 25 de agosto e en Carral o 5 de setembro.
Os resultado deportivos desta fin de semana quedan da seguinte forma:
MOTOR:
Os dous pilotos do Ares Racing, subiron o podio no AutoCross de Carballo esta fin de semana. Iván Ares gañou a proba seguido de Juan José Moll e Antón Muíños, que foi terceiro. Este resultado permite a Antón continuar na loita polo Campionato de España da modalidade, no que está a só 9 puntos da cabeza. Clickade aquí para ver a nova: http://www.ivanares.com/…/…300-victoria-para-ares-podium-par…
TIRO OLÍMPICO:
Esta fin de semana, os tiradores do Club De Tiro Olímpico Carral competiron no XVIII Tirada de Pistola Estándar, torneo de carácter nacional organizado polo Club de Tiro Costa Lucense (Xove-Lugo), onde Miguel Iglesias Mosquera acadou a 3ª posición na categoría sénior e José Manuel Álvarez quedou 2º na de veteranos.
FÚTBOL:
Este sábado tivo lugar a clausura da tempada 2015/2016 das escolas de fútbol da Unión Deportiva Carral. Aquí vos deixa máis información: http://www.udcarral.com/#!news/cjg9
Aquí vos deixams os listados dos cursos de natación para o mes de xullo e unhas consideracións para os alumn@s.
¡¡¡¡Comezamos o luns 4 de xullo!!!!
O pasado día 28 de xuño un grupo de 50 nenos e nenas de Carral, pasaron un diferente e divertido día no Aquapark do veciño concello de Cerceda, a pesar de que o día non foi todo o bo que nos houbese gustado, os/as particpantes pasárono en grande nesta excursión organizada pola OMIX (oficina municipal de información xuvenil).
O kamikaze, o multipistas, a “uve”, a piscina de olas ou incluso o jacuzzi, foron algunhas das atraccións das que os máis novos poideron gozar ao longo de todo o día.
Esta actividade é unha das que máis aceptación ten por parte dos nenos e nenas de Carral, polo que ben seguro seguirase organizando en mais ocasións.
Esta é a axenda deportiva desta fin de semana:
MOTOR:
Esta fin de semana Iván Ares e Antón Muíños disputaran o Autocross de Carballo sendo a quinta proba puntuable do Campeonato de España desta especialidade no circuito de Bertoa. Os pilotos do equipo Ares Racing lograron un doblete na cita do campeonato rexional; algo que será difícil repetir, dado o gran nivel de pilotos que disputarán a proba. Sen embargo, ambos loitarán por repetir o… resultado e sumar uns puntos que poden ser moi importantes no certamen nacional.
FÚTBOL:
A Unión Deportiva Carral dende as 12 do mediodía realiza o peche das escolas deportivas no campo do Castro cun partido de pais vs entrenadores e unha gran comida con música e animadores para os nenos
O verán pasado, máis de 200 nenos e nenas participaron nestes cursos entre os meses de xullo e agosto. Read more
A pintora Chechela (Mª José García Martín) exporá unhas vinte obras no edificio social Toñito Espiñeira ata o 30 de xuño.
Natural de Mugardos, Chechela é unha artista autodidacta que centra a súa produción pictórica no óleo sobre lienzo. As súas creacións nacen da necesidade de transmitir as sensacións que sinte dun xeito espontáneo cando ten o lenzo branco diante dela. Busca que cada cadro transmita a quen o mira as mesmas sensacións que ela sentiu cando o pintou.
As obras de Chechela son habituais en diversos certames galegos, obtendo o segundo premio no concurso de Pintura Cidade de Narón. Tamén ten realizado varias exposicións, sendo habituais nas principais salas da comarca de Ferrol.
E exposición de óleos de Chechela está organizada pola Concellería de Cultura do Concello de Carral.
A Panadaría presenta no local Xente Nova de Tabeaio, a premiada obra teatral PAN!PAN!, unha comedia con sabor a western protagonizada por Noelia Castro, Areta Bolado e Ailén Keldenman.
A función terá lugar mañá sábado 11 de xuño, ás 21:00 h, con entrada de balde.
PAN!PAN! é unha parodia de xénero nun dobre sentido. O espectáculo, con música vocal en directo, caricaturiza os westerns americanos e cuestiona o binomio home-muller. Harry, un cowboy americano, viaxa no seu cabalo perseguindo a un indio salvaxe que roubou á súa muller. Unha peza fresca e desenfadada onde tres actrices constrúen toda a música, personaxes e espazos do espectáculo axudadas só por unha bandeira dos EEUU.
Considerada como a revelación do teatro galego no ano 2015, PAN!PAN! obtivo o Premio María Casares á Mellor Actriz Secundaria (Areta Bolado) e o Premio da Crítica Galicia 2015, ademais de recibir unha nominación á Mellor Música Orixinal. Anteriormente foi galardoada co 1º Premio Xuventude crea 2013.
