ARRINCAN OS CURSOS DE NATACIÓN EN CARRAL
O pasado venres clausuráronse os cursos do mes de xullo nos que participaron 107 nenos.
Fotos xullo
Este venres 29 xullo tivo lugar clausura dos cursos de natación do mes de xullo. Durante este mes foron máis de 100 os alumnos que participaron nestes cursos de verán para aprender e/ou mellorar as súas habilidades acuáticas.
Debido a esta alta demanda existente durante o pasado mes, o Concello decidiu realizar unha nova convocatoria de cursos de natación para o mes de agosto que arrincan este luns. Estes cursos están dirixidos a nenos e nenas de entre 3 e 16 anos, impartíndose as clases de luns a venres. Os alumnos organizaranse en grupos segundo as idades, e dentro de cada grupo estableceranse os niveis de iniciación e de perfeccionamento. As clases terán lugar todos os días de luns a venres en horario de mañá (de 12.30 a 13.15 os maiores, e de 13.15 a 14.00 o grupo dos pequenos), sendo impartidos por monitores especialistas. O prezo do curso será de 28 €/alumno todo o mes.
Aqueles que desexen informarse ou inscribirse, aínda poden facelo no Complexo Deportivo de Carral, no teléfono 981.672.580 ou no correo deportes@carral.es.
