O CONCELLO ANUNCIA A SÚA OFERTA CULTURAL E DEPORTIVA DE VERÁN, CON PRETO DE 30 ACTIVIDADES PARA TODOS OS PÚBLICOS

O Concello de Carral prepárase para un verán cheo de actividades culturais, deportivas e xuvenís para todos os públicos. A oferta conta con preto de 30 propostas que se levarán a cabo ao longo dos meses de xuño, xullo e agosto. O edil das áreas de Cultura, Deportes e Xuventude, Francisco Bello, sinala que o obxectivo do programa “é seguir apostando pola promoción da cultura e o deporte, ofrecendo alternativas de lecer para todos os públicos”.

O deporte terá un gran peso dentro do calendario estival da man das seguintes iniciativas: os campus de fútbol e balonmán da U.D. Carral (do 27 de xuño ao 1 de xullo e do 4 ao 8 de xullo, respectivamente), do XVIII Torneo de Tiro Olímpico (9 de xullo e 13 de agosto), do Torneo de Pádel x Parellas (do 11 de xullo ao 24 de setembro), do campus de ximnasia rítmica (do 27 de xuño ao 1 de xullo), dos cursos de natación, do Torneo de Fútbol Sala 4×4 (13 e 14 de xullo), dos cursos de ioga (do 8 de agosto ao 2 de setembro), da celebración da I Copa Galicia XCM Carral V Ruta BTT Carral (21 de agosto), da ruta a cabalo do 20 de agosto e do X Torneo de Xadrez de Verán (27 de agosto).

A través da OMIX, está prevista a realización de varias excursión: a primeira, ao Aquapark de Cerceda (29 de junio), a segunda ao Galipark (20 de xullo) e unha última ao Mar-Eando (9-10 e 11 de agosto).

A programación de verán suporá tamén a volta do programa “Culturúa”, con proxeccións de filmes ao aire libre, espectáculos na rúa e música. A iniciativa arrincará o 15 de xullo, ás 18.00 horas, no Campo da Feira co espectáculo ‘Só’ e continuará o 22 de xullo coa proxección de Cuñados (Campo da Feira, ás 22.30 horas). O 30 de agosto (Campo da Feira, 18.00 horas) será a quenda do espectáculo Rockeando con Ramona Órbita, a dona do tempo e o día 1 (Campo da Feira, ás 22.00 horas) levarase a cabo a proxección de A Galiña Turuleca. As dúas últimas accións chegarán da man do ciclo de Músicas Íntimas, con concertos a cargo de O Camaleón musical-Volando libre (3 de setembro, ás 22.00 horas) e de Iria Mejuto, do grupo Black (4 de setembro, ás 22.00 horas). En ambos casos, as actuacións musicais serán na piscina municipal de Carral.

Actividades de conciliación

Ao longo de toda a época estival levaranse a cabo tamén os campamentos urbanos de verán en diferentes quendas: primeiro irán os campamentos deportivos (27 de xuño ao 15 de xullo), a continuación os English sport camp (18 de xullo ao 5 de agosto) e, por último, os campamentos sobre Medio Ambiente (do 8 de agosto ao 2 de setembro).

Festa do Verán en Familia

A II Festa do Verán en Familia forma parte tamén do calendario de verán. Será o 9 de xullo na área recreativa da Brexa e, ao longo do día, haberá xogos e inchables para os nenos e nenas, xantar e actuacións musicais. A inscrición pode realizarse ata o 6 de xullo no teléfono 674 793 475.

/by

ÁBRESE O PRAZO DE INSCRICIÓN NOS CURSOS DE NATACIÓN DO MES DE XULLO

O prazo de inscrición nestes cursiños estará aberto ata o 30 de xuño ou ata completar as prazas Read more

/by

LISTAXE DE ADMITIDOS CAMPAMENTOS DEPORTIVOS MUNICIPAIS (1ª SEMANA: 27 DE XUÑO AO 1 DE XULLO)

Fanse públicas as listaxes de admitidos e reservas para a primeira semana dos campamentos deportivos municipais (1ª Semana: 27 de xuño ao 1 de xullo)

LISTAS ADMITIDOS-EXCLUÍDOS

Páxina 1 Páxina 2Páxina 3Páxina 4Páxina 5

 

/by

AS PISCINAS DE CARRAL INICIAN A TEMPADA DE VERÁN

Ao longo do verán pasado, as piscinas de municipais contaron con máis de 150 abonados e ao redor de 2.800 bañistas. Read more

/by

INFORMACIÓN RELATIVA Á FESTIVIDADE DE SAN XOÁN

O Concello de Carral informa aos veciños e veciñas das medidas de cara á celebración de San Xoán 2022:
  • Non se permite a realización de fogueiras en espazos públicos que non estean habilitados.
  • Para a realización de fogueiras en espazos privados así como grelladas en locais de hostalaría deberase presentar unha comunicación previa ao Concello de Carral presencialmente ou a través do correo electrónico maria.couto@carral.es ou cubrindo o furmulario a disposición na páxina web.
  • A comunicación será válida exclusivamente para a realización de fogueiras na noite do 23 ao 24 de xuño e non exime da responsabilidade por por neglixencias ou incumprimento da lexislación vixente de aplicación.

/by

CARRAL, ESCENARIO DA VINDEIRA XORNADA DO CICLO PROVINCIAL ‘A CULTURA É UN DEREITO’

Coincidindo co 25 aniversario do Premio de Poesía, a Casa da Cultura de Carral acollerá mañá, xoves 9 de xuño, a xornada ‘Os certames de poesía como motores dunha literatura propia’. A proposta, organizada pola Deputación da Coruña e en colaboración co Concello, está englobada dentro do ciclo provincial ‘A Cultura é un Dereito’. A actividade contará coa presenza do alcalde, Javier Gestal, do deputado de Cultura, Xurxo Couto, e do concelleiro de Cultura de Carral, Francisco Bello. Con esta accción búscase reunir a editores e editoras, entidades convocantes de certames e autores/as gañadores de diversos premios e poesía de Galicia.

O programa da xornada comezará arredor das 10.30 horas coa inauguración e coa presentación do estudo ‘Os certames de poesía en Galicia: unha análise das convocatorias actuais’, a cargo do técnico de Cultura de Carral e presidente da Asociación Galega de Profesionais da Xestión Cultural, Carlos Lorenzo. Tanto ás 11.30 como ás 13.00 horas, está prevista a celebración de dúas mesas redondas. A primeira será sobre editoriais (‘A edición de poesía premiada’) e a segunda sobre autores e autoras galardoados (‘Chámome poeta e preséntome a concursos’).

A quenda de tarde comezará coa presentación dos Premios de Poesía do Concello de Carral e o Miguel González Garcés da Deputación da Coruña (ás 16.00 horas), e continuará coa conferencia ’25 anos da poesía galega’ a cargo de Yolanda Castaño (16.30 horas). A xornada rematará coa mesa redonda sobre ‘O futuro dos premios de poesía’ (17.15 horas).

Tras a clausura, terá lugar o concerto ‘Treides comigo!’ de Xoán Curiel na piscina municipal de Carral.

 

/by

O CONCELLO INICIA AS OBRAS PARA REMATAR AS BEIRARRÚAS INACABADAS NA RÚA SOUTO DE CASTIÑEIROS

O Concello iniciou, esta semana, as obras para concluír as beirarrúas inacabadas na rúa Souto de Castiñeiros. O alcalde, Javier Gestal, sinala a “importancia” destas actuacións, coas que se “reforzará a seguridade viaria nesta rúa, pola que pasan, a diario, os alumnos e alumnas do IES de Carral”.

Con estas intervencións, o equipo de goberno finiquitará o proxecto iniciado polo anterior goberno local e que quedara inconcluso.

Para terminar estes traballos, o rexedor negociou coas persoas propietarias dos terreos, que concederon o permiso necesario para construír estas sendas. A execución destes traballos terá un custo duns 30.000 euros procedentes das arcas municipais.

/by

CARRAL MANTÉN A SÚA APOSTA POLA CONCILIACIÓN E OFRECE UNHAS 300 PRAZAS PARA OS SEUS CAMPAMENTOS URBANOS DE VERÁN

O goberno local de Carral mantén a súa aposta pola conciliación e ofertará unhas 300 prazas para a próxima convocatoria dos campamentos de verán. O programa celebrarase ao longo de todo o período estival en tres quendas con temáticas ben diferenciadas: a primeira centrarase no deporte, a segunda na aprendizaxe do inglés e, na última, o medio ambiente será o gran protagonista.

O concelleiro de Servizos Sociais, Cultura, Deportes, Xuventude e Participación Cidadá, Francisco Bello, apunta que o obxectivo “é darlle á veciñanza máis facilidades a prol da conciliación da vida familiar e laboral durante a época estival”. Precisamente, para conseguilo, o Concello ampliou, na última edición, os horarios de atención, podendo os nenos e nenas permanecer no recinto desde as 7.30 ata as 16.00 horas.

Os campamentos están dirixidos a rapaces e rapazas de 3 a 15 anos, e celebraranse no recinto do CEIP Vicente Otero Valcárcel (pavillón, pista polideportiva, patio cuberto, etc.) e no local interxeracional, sito a poucos metros do centro de ensinanza.

A rapazada terá a posibilidade de entrar no recinto desde as 7.30 horas. Entre a hora de entrada e as 10.00 horas terá lugar o programa Madrugadores, entre as 10.00 e as 14.00 horas realizaranse as propias actividades e, de 14.00 a 16.00 horas, será a hora do xantar.

A 1ª quenda terá lugar entre o 27 de xuño e o 15 de xullo. As persoas interesadas poderán anotarse entre o 1 e 20 de xuño, podendo achegar a documentación a través do correo electrónico casadacultura@carral.es.

/by
,

SUBVENCIÓNS PARA A TRANSFORMACIÓN DIXITAL E MODERNIZACIÓN DO SECTOR COMERCIAL E ARTESANAL

Prazo: 24/05/2022 – 23/06/2022

Obxecto
As subvencións reguladas por estas bases teñen por obxecto a concesión de subvencións para a transformación dixital e modernización do sector comercial e artesanal. O procedemento de concesión destas subvencións tramitarase en réxime de concorrencia competitiva e quedará suxeito ao réxime de axudas de minimis

A quen vai dirixido?
As persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas.

Requisitos
Poderán ser beneficiarias das subvencións, sen prexuízo de reunir os demais requisitos establecidos nestas bases e sempre que nas persoas solicitantes non concorra algunha das circunstancias previstas no artigo 10 da Lei 9/2007, do 13 de xuño, de subvencións de Galicia, as persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas que, en todo caso, cumpran ademais os seguintes requisitos:

1. Comerciantes retallistas:
a) Que desenvolvan a súa actividade comercial en Galicia, que o domicilio social radique na Comunidade Autónoma, que non teñan a consideración de grande establecemento comercial segundo a normativa aplicable e que cumpran os requisitos establecidos legalmente para exercer a actividade. No caso de comerciantes que realicen a actividade comercial en liña, deberán ter o domicilio social na Comunidade Autónoma de Galicia.
b) Que, tendo a condición de peme conforme os requisitos establecidos pola Comisión Europea no Regulamento da Unión Europea 651/2014 (DOUE 187, do 26 de xuño), teñan un número de empregados/as igual ou inferior a vinte (20), incluídas as persoas en situación de autoemprego.
c) Que estean dados de alta nalgunhas das epígrafes do IAE que se relacionan no anexo II e III e que esta constitúa a actividade principal da persoa solicitante. No caso de que a actividade principal sexa unha actividade das epígrafes relacionadas no anexo III, deberá estar dado de alta nalgunha actividade comercial relacionada no anexo II.
d) Que desenvolvan a actividade comercial nun establecemento comercial cunha superficie de exposición e venda igual ou inferior a 300 metros cadrados, agás que a actividade comercial se encadre na epígrafe 653.1 do IAE.

2. Obradoiros artesáns:
Que estean inscritos no Rexistro Xeral de Artesanía de Galicia. En caso de novos obradoiros, poderán solicitar a inscrición no dito rexistro ata o último día do prazo establecido para a presentación de solicitudes.
Non poderán ser beneficiarias destas axudas: as empresas en crise, conforme a definición prevista no artigo 2 número 18 do Regulamento (CE) nº 651/2014, do 17 de xuño de 2014, polo que se declaran determinadas categorías de axudas compatibles co mercado interior en aplicación dos artigos 107 e 108 do Tratado (DOUE 26.6.2014, L 187/1), nin aquelas persoas que, tendo sido beneficiarias do procedemento CO300C, renunciasen ou perdesen o dereito ao cobramento da subvención no ano 2021.

Normativa
Ámbito Autonómico
Orde do 22 de abril de 2022 pola que se establecen as bases reguladoras para a concesión, en réxime de concorrencia competitiva, de subvencións para a transformación dixital e modernización do sector comercial e artesanal e se procede á súa convocatoria para o ano 2022 (DOG nº 98 do 23 de maio de 2022).

Ligazón a normativa
https://www.xunta.gal/dog/Publicados/2022/20220523/AnuncioG0596-020522-0008_gl.html

/by