EXCURSIÓN Á NEVE COA OMIX!

Entre os días 3 e 7 de marzo a OMIX de Carral, organiza unha excursión á neve, concretamente a Astún, estación de esquí do Perineo aragonés, para mozos e mozas a partir de 14 anos.

A saída realizaríase o día 3, desde a Casa da Cultura, ás 7:00 h. e o regreso ó mesmo punto ás 3:00 h. aproximadamente, da madrugada, xa do día 8.

O prezo da excursión é de 300 €uros, e inclúe o transporte, o aloxamento, a manutención (agás a comida do día 3 e a cea do día 7), o material deportivo (esquís, botas, bastóns e casco), o forfait para os catro días, clases de esquí (12 horas) e o seguro en pista e de viaxe así coma de responsabilidade civil.

Para facer mais cómodo o pago podedes realizalo en tres veces. O primeiro de 50 € no momento da inscrición, o segundo de 125 € ata o 15 de decembro, e o terceiro tamén de 125 € ata o 15 de febreiro. Temos que aclararche que si prefires recibir clases de snow terás que aboar un suplemento de 24 € (12 € polas clases e 12 € do equipamento deportivo), pero pola contra se tes o teu propio equipamento de esquí, pagarías 12 € menos e se levas o teu equipamento de snow, tampouco pagarías os 12 €.

Realizaremos unha reunión informativa da que avisaremos os/as participantes.

O prazo de inscrición remata o 15 de novembro e as prazas son limitadas. Para anotarte podes pasarte pola casa da cultura e se precisas mais información chamar ó 981.67.25.80

Cartel (imaxe)

/by

RAPACES DE PRIMARIA GOZARON DO TEATRO DE GALICREQUES

Galicreques Carral 2018 -3wAlumnado de 1º e 2º de primaria do CEIP Vicente Otero tiveron ocasión de desfrutar do espectáculo da compañía arxentina Chachakün, Un secreto increíble. A función tivo lugar o pasado martes no local Xente Nova de Tabeaio.

A Concellería de Cultura do Concello de Carral optou por manter unha das funcións previstas do festival Galicreques das Mariñas, que contaba ata o presente ano co apoio do Consorcio das Mariñas; mentres que  nalgúns outros concellos onde tiña lugar a mostra, optaron por non programalo neste exercicio. En Carral decidiuse manter a función escolar de Galicreques para que os máis pequenos teñan unha opción máis de achegarse ao teatro de títeres.

Antes do inicio do espectáculo, o técnico municipal de Cultura explicoulles aos rapaces as características dunha función teatral, cal é o comportamento que hai que ter durante o espectáculo e animounos a participar d as múltiples disciplinas da cultura.

/by

O CONCELLO DE CARRAL CELEBRA O SAMAÍN

20070612193323-samainO próximo sábado, 27 de outubro, o Concello de Carral celebra o Samaín cunha gran festa para tódolos nenos e nenas.

O pavillón do Espiño acollerá dende ás cinco da tarde, inchables, xogos e obradoiros de pintacaras e globoflexia.

Tres horas de diversión con música e baile e por suposto con disfraces propios da celebración.

/by

A PRÓXIMA SEMANA TRINKETRINKE VOLVE ÁS BIBLIOTECAS MUNICIPAIS

Imaxe logo Biblioteca InfantilCo comezo do curso escolar, a Biblioteca Municipal retoma as actividades de animación á lectura. Estas actividades están dirixidas a nenas de 3 a  8 anos e celébraranse como xa é habitual o último xoves de cada mes na Biblioteca Municipal da Casa da Cultura, dende o mes de outubro ata o mes de maio.

As sesións de contacontos estarán a cargo, un ano máis de Trinketrinke Teatro,  uns vellos coñecidos dos nosos usuarios e comezarán o xoves día 25 de outubro ás 18:00 horas coa sesión:  “A escola de Lonxedetodo”.

O mércores 24 de outubro, Trinketrinke presentará una sesión moi especial. Nesta ocasión dirixida ós máis pequenos da casa, nenos e nenas de 0 a 3 anos: “Paxariños”, un contacontos cheo de música e cor pensado para bebés. Será o mércores 24 de outubro ás 17:00 horas na Biblioteca Infantil (Rúa do Castro)

Para asistir é necesario retirar con anterioridade a invitación nas Bibliotecas Municipais. As prazas son limitadas.

/by

CULTURA OFRECE 13 PELÍCULAS ATA FINAL DE ANO

A Casa da Cultura acollerá desde este venres ata final de ano, trece filmes de diferentes xéneros. A serie comezará con catro películas de produción galega, continuando con Cartel ciclo cine outono-nadal 2018filmes de gran éxito de recadación e galardóns, programando nas datas do Nadal tres películas de animación para todos os públicos.

O programa queda configurado así:

  • NOVE DE NOVEMBRO: 19 de outubro
  • PSICONAUTAS: 26 de outubro
  • MIMOSAS: 2 de novembro
  • SICIXIA: 9 de novembro
  • CHURCHILL: 16 de novembro
  • HANDÍA: 23 de novembro
  • LA LIBRERÍA: 30 de novembro
  • ASESINATO EN EL ORIENT EXPRESS: 7 de decembro
  • KINGSMAN: EL CÍRCULO DE ORO: 14 de decembro
  • LA REINA VICTORIA Y ABDUL: 21 de decembro
  • COCO: 15 de decembro
  • CARS 3: 22 de decembro
  • GRU 3: MI VILLANO FAVORITO: 29 de decembro

O próximo venres ábrese o programa cunha película recentemente premiada na Semana de Cine de Autor de Lugo. Trátase da primeira película galega de temática LGTB. En Nove de novembro Roberto e Miguel levan saíndo xuntos dez anos. Unha década de vida en común que volverá á súa memoria ao longo de catro días de novembro. Unha relación que parecía funcionar comeza a esnaquizarse co regreso de cada recordo. Na proxección desta obra contarase coa presenza do director, Lázaro Louzao, que Nove_de_Novembro-108637736-largepresentará o filme e manterá un coloquio cos asistentes ao final da proxección.

A entrada a todas as películas é de balde. Para a presentación dalgunhas das producións galegas cóntase coa colaboración da Deputación da Coruña.

Díptico programa de cine da Casa da Cultura

/by

COMEZAN AS ESCOLAS DEPORTIVAS DE CARRAL

Foron 13 as actividades deportivas que comezaron esta pasada semana, xuntando a máis de 410 alumnos/as. Read more

/by

O aparcadoiro de Paleo permanecerá pechado o próximo luns 8 de outubro

Aparcadoiro
O luns 8 de outubro, o aparcadoiro de Paleo permanecerá pechado desde as 7.00 ata as 20.00 horas por mor dos traballos de marcaxe e mellora das prazas de aparcamento. Habilitarase unha finca anexa ao complexo deportivo a modo de área de estacionamento provisional. Desculpen as molestias.
/by

O DÚO ITALIANO PIZZICAN OFRECEU UN CONCERTO PARA ALUMNADO DA ESO

ConcertoPizzicanDuo2018_1A Casa da Cultura acolleu na mañá de hoxe un concerto didáctico de Pizzican Duo, de Italia, para alumnado de 2º da ESO de Carral. O concerto forma parte do programa do Encontro Internacional de Música de Pulso e Púa de Galicia no que desde hai tres anos Carral é unha das súas sedes. O festival está organizado por Pórtico das Artes e o Concello de Carral, a través da Concellería de Cultura, é unha das entidades colaboradoras.

O programa da actividade didáctica comprendeu obras de autores italianos e internacioais, entre eles Ennio Morricone e Astor Piazzolla. O dúo formado por Paola Esposito (mandolina) e Marcos Pizzorno (guitarra) comentaron as pezas interpretadas e as características dos instrumentos, respondendo ás preguntas dos asistentes.

O festival de pulso e púa rematará o vindeiro domingo cunha gala no teatro Rosalía de Castro con actuacións dos seis grupos participantes, procedentes de Colombia, Rusia, Italia, España, Arxentina e Portugal.

/by

O CICLO DE TEATRO DE OUTONO PRESENTA SEIS ESPECTÁCULOS EN TABEAIO

A compañía Contraproducións abrirá o ciclo Teatro de Outono de Carral coa representación da obra Fillos do Sol. Será este sábado 6 de outubro en Tabeaio.Feira 2

Como cada ano, a Concellería de Cultura do Concello de Carral, en colaboración coa Deputación da Coruña co seu programa Rede Cultural, leva a cabo no último trimestre do ano unha programación de artes escénicas na que presenta obras de compañías profesionais e afeccionadas, con espectáculos de comedia, dramáticos e de maxia. Na edición de 2018 serán seis as funcións que se leven a cabo no local Xente Nova de Tabeaio: Fillos do sol – Contraproducións (sábado 6 de outubro), Será por camiños – Grupo Teatro Escola Narón (sábado 20 de outubro), Linguado país (maxia) – Martín Camiña – Ilusionista (sábado 3 de novembro), O caso é ter saúde – Malasombra Producións (sábado 17 de novembro), Helena, xuízo a unha lurpia – Teatro do Atlántico (sábado 24 de novembro), Politicamente incorrecto – Sal-Monela Teatro (sábado 1 de decembro).

Todas as funcións comezarán ás 20:30 h. e a entrada será de balde.

A obra deste sábado, Fillos do sol, está escrita e dirixida por Cándido Pazó e interpretada por César Cambeiro, Adrián Ríos e Alba Bermúdez. A cabalo entre a realidade ficcionada e a fabulación dramática, o poeta Eduardo Pondal, xa octoxenario e comesto pola neurose dos seus últimos anos, confronta as súas dúbidas, medos e insatisfaccións creativas, tendo por interlocutores un personaxe nacido da súa perturbación e a xove criada da pensión na que está albergado.

Cartel ciclo teatro 2018w

/by

O Concello pon a punto o pavillón deportivo do Vicente Otero Valcárcel

PAVILLÓN VICENTE OTERO VALCÁRCEL

O pavillón do Vicente Otero Valcárcel acaba de recibir un bo lavado de fronte. Todo grazas ás actuacións que o Concello de Carral acometeu neste espazo deportivo, unha das áreas máis utilizadas polo alumnado do centro educativo.

PAVILLÓN VICENTE OTERO VALCÁRCEL 1

Entre as actuacións acometidas no pavillón, destacan o pintado de varias paredes e a substitución de uralitas

Estas intervencións, que arrincaron no mes de agosto, termináronse para o inicio do curso escolar. Dentro a lista de actuacións destacan os traballos de pintura que se realizaron nalgunhas paredes do pavillón. O goberno local executou tamén o arranxo das uralitas da cuberta e dos canlóns, a retirada da rede situada no teito e a reposición do equipamento nos vestiarios desta instalación deportiva.

Con todo, estas non serán as únicas tarefas que se efectuarán no edificio. O Concello proxecta, a curto prazo, outros traballos que inclúen, por exemplo, o repaso das liñas de xogo do firme da instalación deportiva.

/by