O pasado mes de decembro foi aprobado o proxecto «EVS Carral: Enjoy Volunteering!» pola Axencia Nacional Española do Programa Erasmus+: Xuventude en Acción (Instituto da Xuventude – Injuve), despois de que o Concello de Carral recibise o ano pasado a acreditación como organización de envío, de acollida e coordinadora de proxectos para a xuventude dentro do Servizo de Voluntariado Europeo.
«EVS Carral: Enjoy Volunteering!», promovido polo Concello de Carral en colaboración con outro municipio europeo, o de Prato (Toscana, Italia), é un proxecto europeo que ten como principal obxectivo ofrecer á xente nova de Carral e doutro país da Unión Europea, neste caso Italia, unha oportunidade de mobilidade que mellore as súas competencias pre-laborais, como a iniciativa, a creatividade, a responsabilidade, o traballo en equipo, ou a comunicación e as competencias lingüísticas, a posta en práctica de valores, como a solidariedade, a cooperación, a empatía ou a creación de redes, e o coñecemento doutros ambientes de traballo, así como a adquisición de competencias técnicas, a través da aprendizaxe non formal e informal.
Cofinanciado nun 100 % polo programa ERASMUS+ 2014-2020, ofrecerá unha experiencia de voluntariado de 6 meses de duración a 3 mozos e mozas de entre 18 e 30 anos (de febreiro a agosto de 2017 en Carral a dous mozos ou mozas italianos/as e de abril a setembro de 2017 en Prato a un mozo ou moza de Carral).
Isto brindará aos mozos e mozas voluntarios a oportunidade de contribuír ao traballo diario que se realiza desde as administracións locais participantes, e adquirir así competencias pre-laborais e de carácter social, nas áreas que máis se adapten aos seus intereses ou ao seu perfil formativo previo.
O vindeiro luns 20 de marzo ás 6 da tarde a compañía Forma Teatro, presenta o seu Bebeconto de Choupiña e Trasnón, unha historia dirixida ós máis pequenos da casa.
Cantos, nanas, texturas… un conto interactivo dirixido a nenos de 0 a 3 anos.
Será na Biblioteca Pública Municipal, na Casa da Cultura.
Entrada libre.
O vindeiro 18 de marzo de 2017, ás 18 horas, no local Xente Nova de Tabeaio, da man da Secretaría Xeral de Política Lingüística, terá lugar a adaptación teatral dun dos contos infantís de Carlos Casares, A galiña azul, actividade incluída no programa FalaRedes 2017.
Apta para todo o público familiar, preferiblemente entre idades comprendidas entre tres e once anos, A galiña azul contén cinco contos cheos de maxia e fantasía que entreterán a tarde de todos os da casa.
Agardámosvos!
El puente de los espías é a próxima película que se proxectará no ciclo de Cine de Inverno que acolle a Casa da Cultura. A proxección terá lugar este venres 11 de marzo ás 20:30 h. A entrada é de balde.
A fita, dirixida por Steven Spielberg, narra o que lle acontece a James Donovan (Tom Hanks), un avogado de Brooklyn (Nova York) que se ve inesperadamente involucrado na Guerra Fría entre o seu país e a URSS, cando a CIA lle encarga unha difícil misión: ir a Berlín para negociar un intercambio de prisioneiros e conseguir a liberación dun piloto norteamericano.
A partir do luns 13 de febreiro, a biblioteca infantil amplia o seu horario.
O novo horario será de luns a xoves de 16:30 a 19:00 horas, engadindo un día máis ós habituais de apertura.
A Casa da Cultura volve acoller un novo ciclo de cine con seis proxeccións. O programa ábrese con Star Wars: el despertar de la fuerza, que se proxectará o venres 3 de marzo, ás 20:30 h.
As restantes películas deste ciclo son El libro de la selva (sábado 4 de marzo, 17:30 h.), El puente de los espías (venres 10 de marzo, 20:30 h), La Cumbre escarlata (venres 17 de marzo, 20:30 h), Spotlight (venres 24 de marzo, 20:30 h) e El Renacido (venres 31 de marzo, 20:30 h).
As entradas son de balde e poden recollerse na Casa da Cultura desde 48 horas antes do inicio de cada película. A reserva das localidades terá vixencia ata 5 minutos despois de iniciada cada proxección.
Os nenos e nenas menores de 8 anos deberán estar acompañados dalgún adulto. En calquera caso, a concellería de Cultura recomenda que as películas aptas para todos os públicos sexan desfrutadas en familia co fin de axudarlle aos máis pequenos á comprensión da temática e dos valores que transmiten os filmes, ademais de gozar da cultura en familia.
O próximo xoves, 23 de febreiro, na Biblioteca Pública Municipal, Trinketrinke teatro presentará unha nova sesión de contacontos: “ A saúde afectiva”.
Nesta ocasión os ratiños de Lonxedetodo ensinarán ós rapaces o importante que é ser boa persoa, e ter unha relación satisfactoria con todos os que nos rodean.
Os contos escollidos para esta actividade son: “Mi vecina está enamorada” de Réjis Lejonc e “Yo” de Philip Waechter.
Será ás 18:00 horas na Biblioteca Municipal.
Entrada libre.
Pregamos puntualidade.
Dende a Biblioteca Municipal estase a organizar un club de lectura para todos os amantes dos libros e con gañas de compartir as súas vivencias literarias.
Os clubs de lectura presenciais consisten en grupos de persoas que se reúnen periodicamente para valorar e comentar libros que previamente foron escollidos coa axuda dun coordinador do club.
Para participar, so é necesario amar a lectura e ter interese en compartir opinións e puntos de vista. Os libros recomendados proporciónaos a propia biblioteca.
As xuntanzas serán en principio os mércores, cada dúas semanas en horario de 19:00 a 20:30 horas, e a inscrición está aberta para todos os lectores maiores de 15 anos.
Os interesados poderán anotarse na Biblioteca Pública Municipal da Casa da Cultura ou chamando ó teléfono 981 672 580. A data de comezo será o vindeiro 8 de marzo.
O proxecto «EVS Carral: Enjoy Volunteering!» acaba de ser aprobado pola Axencia Nacional Española do Programa Erasmus+: Xuventude en Acción (Instituto da Xuventude – Injuve), despois de que o Concello de Carral recibise o ano pasado a acreditación como organización de envío, acollida e coordinadora de proxectos para a xuventude dentro do Servizo de Voluntariado Europeo.
«EVS Carral: Enjoy Volunteering!» é un proxecto europeo cofinanciado polo programa ERASMUS+ 2014-2020, que ten como principal obxectivo ofrecer á xente nova de Carral e doutro país da Unión Europea, neste caso Italia, unha oportunidade de mobilidade que mellore as súas competencias pre-laborais – como iniciativa, creatividade, responsabilidade, traballo en equipo, comunicación ou competencias lingüísticas – a través da aprendizaxe non formal e informal, e que poña á vez en práctica determinados valores – como a solidariedade, a cooperación, a empatía ou a creación de redes— o coñecemento doutros ambientes de traballo e a adquisición de competencias técnicas. Trátase dunha experiencia de participación activa na vida das administracións e na vida destas comunidades locais de acollida, que se pretende que reverta positivamente nelas e fomente o voluntariado local e europeo.
O tempo de voluntariado do proxecto «EVS Carral: Enjoy Volunteering!», financiado totalmente polo programa ERASMUS+, ten unha duración de 6 meses. Está promovido polo Concello de Carral en colaboración con outro municipio europeo, o de Prato (Toscana, Italia). Así un mozo ou moza de Carral realizará o Servicio de Voluntariado Europeo nesta rexión italiana, entre abril e outubro, e dous mozos ou mozas italianos/as no noso concello entre marzo e agosto.
Se tes entre 18 e 30 anos, e estas interesado en realizar o Servizo de Voluntariado Europeo no país italiano infórmate na OMIX. No proceso de selección darase prioridade a aqueles mozos e mozas que formen parte de colectivos en risco de exclusión social, ou ben que estean en situación de inactividade e que posúan menos oportunidades para acceder á formación ou ao mundo laboral.
Se precisas máis información podes pasarte pola OMIX (1º andar da Casa da Cultura) ou chamar ó teléfono 981.672.580