O Concello de Carral, por mor do tráxico accidente acontecido no Rally da Coruña no seu treito polo termo municipal, ven de declarar 3 días de loito oficial.
As festas na honra á Virxe do Socorro, así como as actividades culturais, gastronómicas e deportivas que durante estes días se realizarían, foron suspendidas.
O Concello de Carral convoca aos veciños e veciñas a unha concentración en recordo das víctimas, hoxe domingo 6 de setembro, ás 12:00 h, diante da Casa do Concello.
Voluntarios británicos, belgas, franceses e españois que están a traballar no Castro das Travesas co programa Working Holidays, comezaron as súas tarefas de limpeza.
Baixo a dirección do arqueólogo Antón Malde, o grupo internacional de voluntarios recibiu primeiro unha explicación da importancia histórica deste emprazamento da idade de ferro, e a súa evolución na etapa da romanización durante os mil anos nos que estivo poboado.
O Alcalde de Carral Jose Luis Fernández Mouriño, deu o pasado luns a benvida ós 14 participantes ao campamento internacional de traballo no Castro das Travesas.
O programa, organizado co apoio de Tesouros de Galicia, ten por obxectivo a limpeza da contorna do castro, un dos máis grandes da provincia da Coruña, dentro dun proxecto trianual que nos próximos anos avanzará nas tarefas de escavación. O proxecto está dirixido polo arqueólogo Antón Malde, que acredita unha longa experiencia en diferentes escavacións. En concreto, no caso das Travesas foi responsable dos primeiros traballos de escavación, nos que atopou restos que ratifican a importancia especial deste asentamento. Ademais do seu tamaño, estimase que estivo poboado durante uns mil anos (dende o 500 A.C. ata o 500 D.C), e os achádegos demostraron que foi un punto de comunicación estratéxico. Non só a nivel galego, senón como referencia nas comunicacións coas illas británicas. Na Colección Visitable de Carral pódese ver un anel feito hai mil anos no norte de Inglaterra, algunhas moedas romanas usadas nas illas, así como restos de lanzas, vasillas e outros indicios de importancia.
O grupo de voluntarios xa visitou a Colección Visitable do Castro das Travesa, onde puideron contemplar os achádegos da última escavación, así como un vídeo no qué se fai unha reconstrución virtual do castro. Tamén visitaron o obradoiro arqueolóxico co que o Concello de Carral apoia os traballos máis delicados, unha vez que se atopan calquera tipo de peza.
O programa acadou o interese de participantes británicos e franceses, membros da rede dos National Trust á que pertence Tesouros de Galicia. O atractivo da iniciativa ven ratificado polo grande interese dos participantes voluntarios, que aportan non só o seu traballo, senón tamén pagan os seus gastos de desprazamento e unha matrícula. O resto dos custos son cofinanciados polo Concello de Carral, de diste xeito fai unha difusión internacional deste recurso patrimonial.
O Concello de Carral, a través do seu departamento de Cultura, organiza unha excursión ao santuario de Santa Minia en Brión, prevista para o sábado 26 de setembro. Esta viaxe inclúe un paseo pola feira de Riveira, o xantar con baile no restaurante O Trapeiro e a visita pola tarde ao santuario.
A actividade está dirixida fundamentalmente para pensionistas, aínda que tamén se poden apuntar outras persoas adultas. O prezo para os socios do centro municipal da terceira idade é de 20 euros, mentres que para os restantes é de 28 euros.
As inscricións faranse na Casa da Cultura ata o 21 de setembro e os pagamentos na sucursal carralesa de Abanca.
O xogador do club de Xadrez Arteixo, pertencendo á categoría sub-16 conseguiu a primeira posición nunha apertada última rolda. Read more
A partir das cinco da tarde do día 8 de setembro poderemos disfrutar da festa gastronómica de Carral, a festa da empanada. Cinco panaderías carralesas venderán os seus mellores produtos: empanada de atún, de bacallau, de carne,…etc,. As múltiples variedades que existen na terra carralesa feitas de forma artesanal con excelente calidade.
Tamén disfrutaremos de grupos do folclore galego, chegando por segundo ano dende Ordes, os cabezudos de Espadana Gaiteiros. Disfrutaremos das actuacións da AGrupación Folclórica Ximiela de Louro que nos visitan dende as terras de Muros e dos grupos tradicionais O Castro de Miño e o Grupo O Rueiro de Carral.
O dia 1 de setembro comeza o Obradoiro de Emprego “Atención á dependencia no fogar e nas institucións” con alumnado desempregado pertencente a cada un dos concellos que forman o proxecto financiado pola Conselleria de Traballo e Benestar e o Fondo Social Europeo, que son Abegondo, Bergondo, Mesía e Carral. A inauguración realizouse ás 11 da mañán coa presencia da Conselleira de Traballo e Benestar Dona Beatriz Mato Otero e os Alcaldes dos respectivos municipios.
Durante 6 meses e cun contrato de formación aprendizaxe o alumnado participará nas accións que se impartirán nos distintos locais dos concellos promotores e as prácticas en distintos centros institucionais e domicilios. No caso de Carral se impartirán as clases no Centro de formación Antón Fraguas.
Especialidades que se imparten:
Atención sociosanitaria a persoas no domicilio
Atención sociosanitaria a persoas dependentes en institucións sociais
Unha formación cun nicho de emprego importante e co cal se acadará un alto porcentaxe de inserción laboral.
A Concellería de Cultura do Concello de Carral programa nas festas do Socorro de Carral dous espectáculos infantís. O primeiro é un concerto do grupo Mamá Cabra, no que repasará a súa traxectoria destes 15 anos de existencia da agrupación musical que é unha das máis coñecidas dos nenos galegos. Mamá Cabra actuará o sábado 5 de setembro e é un concerto incluído na Rede Cultural da Deputación.
O domingo 6 os pequenos e os maiores da familia poderán gozar dun espectáculo de títeres a cargo da compañía galega Tanxarina, que chega a Carral coa súa veterana función Titiricircus, un espectáculo que acumula 1200 representacións. Trátase dunha lembranza fantástica e festiva do grande circo de carpa alta e bicolor: a historia de dous vellos traballadores daquel circo que lembran agora con marionetas de fíos as glorias do seu pasado na pista. Nun permanente xogo participativo co público, van aparecendo os números máis importantes daquel vello circo xa desaparecido. Esta función está incluída no programa Cultura no Camiño da Xunta de Galicia.
Ámbolos dous espectáculos terán lugar no Campo da Feira a partir das 18:00 h.
O programa Noite de Cine que promove a Deputación Provincial da Coruña e que en Carral se leva a cabo coa colaboración da Concellería de Cultura, ofrecerá dúas películas o mércores 2 de setembro.
As proxeccións realizaranse no Campo da Feira, comezando ás 21:30 h coa película Frozen: el reino del hielo, e continuando ás 23:00 h con Lo imposible.
A primeira das películas é unha produción dos estudios de Disney que acadou dous premios Oscar e que converteu aos seus personaxes Elsa, Anna e Olaf, en referentes do público infantil. Pola súa banda, Lo imposible, do director español Juan Antonio Bayona e cos actores Naomi Watts e Ewan McGregor, obtivo cinco premios Goya e foi nominada aos Oscar e aos Globos de Ouro. Este drama, baseado nun feito real, narra a historia dunha familia que viviu nas súas propias carnes o tsunami do 2004 en Tailandia.
O acceso ás películas é de balde. No caso de choiva, as proxeccións faranse na sala do edificio social Toñito Espiñeira.
Este sábado 29 de agosto, a partir das 18.00 h, o club Adarve de tiro con arco en colaboración do Concello de Carral, levará a cabo unha mostra da súa disciplina na pista polideportiva da piscina municipal.
O obxectivo do goberno local e do club Adarve, fundado en decembro de 1992, é o de fomentar e dar a coñecer esta modalidade deportiva entre a poboación carralesa de todas as idades. Dende os cinco anos calquera persoa poderá coñecer e probar de forma gratuíta a experiencia do tiro con arco. Sempre estarán axudados e asesorados polos monitores especialistas do club, que achegará o material didáctico e de seguridade para que a práctica discorra da forma máis lúdica posible. Read more
O cantautor e actor galego Xoán Curiel, presentará coa súa banda Son+d2 o concerto Estamos no verán!!! no Campo da Feira de Carral. A actuación, incluída no programa Cultura no Camiño que promove a Xunta de Galicia e no que colabora o Concello de Carral a través da súa concellería de Cultura, vai dirixida a un público familiar na que os rapaces gozan cun repertorio divertido e entrañable.
O concerto terá lugar o domingo 30 de agosto, ás 19:00 h, diante da Casa do Concello. No caso de dificultades meteorolóxicas trasladarase ao edificio Toñito Espiñeira.
Xoán Curiel é un recoñecido cantante galego que leva acumulada unha extensa traxectoria como compositor e intérprete, con cancións de diversos estilos (pop, rock, funky e músicas do mundo). Capaz de facer nas súas composicións ácidas críticas á situación do mundo actual, tamén sabe elaborar repertorios que encaixan cos gustos do público infantil e xuvenil. Co espectáculo Estamos no verán!!! Xoán Curiel está percorrendo a xeografía galega para compartir con nenos e nenas o tempo e ledicia das vacacións estivais. É un concerto divertido e participativo no que rapaces e maiores gozarán cantando e bailando.