Tag Archive for: deportes

, ,

CARRAL INAUGURA A TEMPADA DE VERÁN COA APERTURA DA PISCINA MUNICIPAL

A instalación abrirá este venres 13 de xuño, tras os labores de mantemento e mellora realizados polo Concello

Carral inaugurará o venres 13 de xuño, a nova tempada de verán coa apertura da piscina municipal. O Concello abrirá a instalación despois de realizar melloras no entorno da piscina, como a poda das árbores para garantir unha maior claridade, encintado do vaso da piscina, limpeza da beirarrúa perimetral, resembrado na zona axardinada, etc. A piscina funcionará de luns a domingo (incluídos festivos) ata o 7 de setembro en horario de 12.00 a 21.00 horas.

Como todos os anos, o Concello ofrecerá diferentes modalidades de abono para os empadroados na localidade. Ademais da entrada individual diaria –que contará con bonificacións para a 3ª idade e para as persoas menores de 18-, haberá abonos familiares e individuais. Os menores de 3 anos poderán acceder de xeito gratuíto. Nas piscinas, que contarán con varios socorristas para a súa vixilancia, os bañistas deberán usar roupa de baño e chanclas, sendo recomendable o uso de gorro. Ademais, deberanse cumprir todas as normas relativas ás piscinas de uso público.

Cursos de natación

Pola outra banda, un ano máis, o concello de Carral convoca os cursos de natación para os meses de xullo e agosto para nenos e nenas de entre 3 e 15 anos. As datas previstas para estes cursos serán desde o 1 ao 31 de xullo e do 1 ao 29 de agosto.

Os alumnos distribuiranse en grupos segundo as idades, e dentro de cada grupo estableceranse os niveis de iniciación e de perfeccionamento. Impartiranse en horario de mañá, entre as 11.30 e as 14.00 h segundo os grupos, gardando sempre a premisa de que os maiores acudirán nas primeiras horas da mañá e os máis pequenos en horario máis próximo ao medio día. As clases serán impartidas por monitores especialistas, e terán unha duración de 45 minutos por sesión de luns a venres, sempre coa presenza dun socorrista. O prezo do curso será de 28 €/alumno cada mes.

O prazo de inscrición para os cursos de xullo irá dende o 16 ao 23 de xuño, mentres que a inscrición para os cursos de agosto irá desde o 14 ao 23 de xullo. A inscrición poderase tramitar a través da sede electrónica ou presencialmente no Rexistro Municipal de Carral. Para todos aqueles interesados poderán informarse ou inscribirse no Centro Deportivo de Carral, (tlfo. 678.33.88.47), ou en complexo.deportivo@carral.es.

/by
,

PUBLÍCANSE AS LISTAXES DOS ADMITIDOS/AS NOS CAMPAMENTOS DEPORTIVOS MUNICIPAIS – VERÁN 2025

HORARIO E LUGAR DOS CAMPAMENTOS.

  • As datas nas que se levará a cabo este programa serán durante o período escolar non lectivo das vacacións de Verán: do 23 de xuño ao 29 de agosto de 2025.
  • O horario (luns a venres, excepto festivos) será:
    • Servizo Madrugadores: 7.30 a 10.00 h *
    • Campamentos: 10.00 a 14.00 h (horario obrigatorio dentro do campamento, non podendo nin entregar nin recoller aos nenos/as durante o mesmo salvo excepcións previamente comunicadas.)
    • Servizo de comedor: 14.00 a 16.00 h *
  • *Nota. Nestes servizos contratarase unicamente o coidado e atención dos menores. Os nenos/as que fagan uso destes horarios deberán traer o seu almorzo ou xantar da casa.
  • Este programa se desenrolará no recinto escolar do Colexio Vicente Otero Valcárcel (pavillón polideportivo cuberto, pista polideportiva descuberta, zona axardinada, patio escolar cuberto, comedor escolar, aula psicomotricidade).

 

DESTINATARIOS: Idades e grupos

  • Para nenos/as dende Educación Infantil (dende 3 anos) e toda a Educación Primaria.
  • Para formalizar a inscrición é preciso que o interesado/a non teña débedas co Concello de Carral.
  • Este campamento dividirase en quendas/semanas atendendo ao número de inscritos:
  1. 1ª semana: do 23 ao 27 de xuño (120 prazas)
  2. 2ª semana: do 30 de xuño ao 4 de xullo (120 prazas)
  3. 3ª semana: do 7 ao 11 de xullo (120 prazas)
  4. 4ª semana: do 14 ao 18 de xullo (120 prazas)
  5. 5ª semana: do 21 ao 24 de xullo (90 prazas)
  6. 6ª semana: do 28 de xullo ao 1 de agosto (90 prazas)
  7. 7ª semana: do 4 ao 8 de agosto (90 prazas)
  8. 8ª semana: do 11 ao 14 de agosto (90 prazas)
  • As prazas son limitadas e adxudicaranse por rigorosa orde de inscrición.
  • O concello fará unha reserva de prazas dun 10% para nenos/as con NEAE, con NEE con autonomía persoal ou en risco de exclusión social,  para participar nas diversas actividades propostas en cada campamento, previa valoración polo equipo técnico municipal competente.
  • Organizaranse os grupos por idades. Estes grupos serán o máis homoxéneos posible (permitíndose unha oscilación de 2 anos), cumprindo sempre a normativa vixente.
  • Os nenos/as poderán facer uso do servizo Madrugadores (7.30‐10.00 h) e Tempo de Xantar (14.00‐16.00 h) para o que deberán traer o seu propio almorzo e xantar da casa (disponse de forno microondas).

PREZOS: Cotas e xeito de pagamento.

  • Segundo o acordo regulador nº 1 do prezos por actividades deportivas, culturais, xuvenís e socio educativas do Concello de Carral (Epígrafe 5: Actividades durante as vacacións escolares e outras actividades), o prezo do campamento urbano será de 30 €/semana, máis 9,25 €/semana polas opcións de madrugadores e tempo de xantar:
  • Os importes aboados NON SE DEVOLVERÁN AGÁS CAUSAS DEBIDAMENTE XUSTIFICADAS.
  • As datas límites para facer os pagos serán:
    • Semanas da 1º á 5ª: pago entre o 11 e 18 de xuño.
    • Semanas da 6º á 10ª: pago entre o 16 e o 23 de xullo.
  • SE O INTERESADO/A NON ABOA A CANTIDADE CORRESPONDENTE ÁS SEMANAS QUE ELIXA DENTRO DO PRAZO MARCADO, PERDERÁ O DEREITO Á PRAZA RECAENDO ESTA NA SEGUINTE PERSOA NA LISTA DE AGARDA.
  • Formas de pago:
    • Mediante transferencia bancaria (ES21 2100 5781 3102 0000 1826), para o cal será IMPRESCINDIBLE enviar o resgardo de ingreso ao mail casadacultura@carral.es.
    • Con Tarxeta bancaria nas dependencias da Casa da Cultura.
  • Condicións de pago: O pago de cada semana elixida deberase realizar nas datas e xeitos indicados.

O Concello de Carral resultou beneficiario da subvención solicitada á Consellería de Política Social e Igualdade.

Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).

Este programa está financiado pola Consellería de Política Social e Igualdade e polo Ministerio de Igualdade.

/by
,

A DEPUTACIÓN CONCEDE 15.000 € AO CONCELLO DE CARRAL PARA O MANTEMENTO DO PERSOAL DO SERVIZO MUNICIPAL DE DEPORTES

A colaboración do Ente Provincial con Concello de Carral remóntase ao ano 2005

O concello de Carral solicitou a finais do pasado mes de novembro a subvención do programa provincial para concellos para o mantemento do persoal técnico no servizo municipal de deportes.

A pasada semana publicouse no boletín provincial a concesión definitiva desta axuda, onde a contía económica que recibirá o Concello de Carral ascende a 15.000 €, ao tratarse o persoal contratado dun graduado en Ciencias da Actividade Física e o Deporte a xornada completa. Esta aportación económica destinarase ao pago de parte do salario e os custos de Seguridade Social do técnico municipal de deportes.

Por outra banda, cambe destacar que este é unha axuda que a Deputación ven concedendo aos diferentes concellos da provincia dende hai máis de dúas décadas, no caso de Carral, dende o ano 2005. Con ela preténdese a promoción do deporte, actividades e servizos á cidadanía mediante a promoción da contratación de persoal especialista neste ámbito.

/by
,

ABERTA A INSCRICIÓN PARA A III LIGA DE PÁDEL DE CARRAL


O Concello de Carral abre este mércores o prazo de inscrición para a III Liga de Pádel de Carral que se disputará durante estes meses de verán. Na 2ª edición desta liga foron un total de 18 parellas as rexistradass nesta competición con formato de parellas e mixto.

O torneo dará comezo o próximo 3 de febreiro estando previsto que se prolongue ata o 15 de xuño. Nas primeiras semanas disputarase unha fase de liguiña por grupos, de cuxas clasificacións sairá o cadro eliminatorio. Os partidos disputaranse en horario de serán, podendo modificarse os horarios sempre co acordo entre as parellas enfrontadas.

O obxectivo desta competición é o fomento do deporte entre a poboación adulta, así como posibilitar a práctica de novas modalidades deportivas aos habitantes de carraleses. Por iso, a participación no torneo terá un custo reducido.

Para todas aquelas parellas que desexen máis información ou inscribirse, poden facelo entre o 15 e o 24 de xaneiro, no Complexo Deportivo de Carral, no 678.33.88.47 ou a través do formulario web habilitado para tal fin: https://forms.gle/uKSexGHLRa6cGdut5

/by
,

O CONCELLO DE CARRAL ABRE O TERCEIRO PRAZO DE INSCRICIÓN PARA AS ACTIVIDADES DAS ESCOLAS MUNICIPAIS

O Concello de Carral abre o terceiro prazo de inscrición das Escolas Municipais para aquelas actividades nas que aínda quedan prazas dispoñibles.

As persoas interesadas poderán inscribirse entre as 9:00 h do 7 de xaneiro ata as 12:00 h do 10 de xaneiro. A matrícula pode formalizarse de maneira presencial na Casa da Cultura, a través do enlace http://manuelseijas.ddns.net/fmi/webd/MSInscripcionWEB, ou a través da sede electrónica no enlace: https://sede.carral.es/sxc/gl/procedimientosytramites/index.html#actividades_culturales_deportivas

PRAZAS VACANTES ESCOLAS MUNICIPAIS DE CARRAL

SOLICITUDE DE INSCRICIÓN

O Concello de Carral resultou beneficiario da subvención solicitada á Consellería de Política Social e Igualdade.

Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).

O programa estpola Consellería de Política Social e Igualdade e polo Ministerio de Igualdade.

/by
,

O CAMBRÉS, RODRIGO PENA BARBEITO, LEVOU O 23º TORNEO DE XADREZ DE NADAL DE CARRAL.

O trofeo ao mellor xogador local recaeu sobre Xosé Manuel Zapata Pérez (5º na clasificación xeral).

Dentro da programación municipal de Nadal, o Concello de Carral organizou este domingo 22 de decembro a 23ª edición do Torneo de Xadrez de Nadal.

Esta competición, clásica destas datas festivas, disputouse no pavillón municipal de Espiño reunindo a un total de 56 inscritos. Os participantes dividíronse en 4 categorías (sub-10, sub-14, absoluto e mellor local). A competición iniciouse ao redor ás 16.00 h e constou de 7 roldas de 10 min. por xogador cun incremento de 3 segundos. A sétima e última partida terminou ás 19.50 h, tras a cal Rodrigo Pena Barbeito (Club Ajedrez Magic de Extremadura) proclamouse campión absoluto do torneo. O xogador do club extremeño, fíxose co título de campión na categoría absoluta nunha apertada última rolda, xusto por diante do cercedense Guillermo Ambroa Barbeito e Roberto Blandón Pao (Club Xadrez Sigrás).

O xogador do Club de Xadrez Magic de Estremadura, fíxose co título de campión na categoría absoluta nunha apertada última rolda.

En canto á categoría sub-14 o triunfador foi Andrés Blanco Rodríguez (Club Xadrez Arteixo e 4º na xeral). A segunda posición da categoría foi para Mario Graña Vázquez (de Carral), pechando o pódium Rafael Soto Flrian (Club Xadrez Arteixo).

Por último, en canto á categoría sub-10, o campión foi Roi Bello (Carballo). A segunda recaeu en Mario García (Carballo) e finalmente a terceira posición foi para Brais García (Carral).

En canto ao trofeo ao mellor xogador local recaeu sobre Xosé Manuel Zapata Pérez.

Terminada a rolda de partidas, ao redor das 20.00, foron entregados os premios da man do alcalde de Carral, Fº. Javier Gestal Pouse, quen destacou a altísima participación de xogadores nas categorías máis novas do evento (uns dos principais obxectivos do torneo), chegando a alcanzar o 65 % do total de rexistrados.

/by
,

PUBLÍCANSE AS LISTAXES DE ADMITIDOS NOS CAMPAMENTOS DEPORTIVOS DE NADAL

INFORMACIÓN XERAL SOBRE OS CAMPAMENTOS DEPORTIVOS DE NADAL

LISTAXE DE ADMITIDOS


DATAS E Nº DE PRAZAS:

– 1ª semana: do 23 ao 27 de decembro (60 prazas)

– 2ª semana: do 30 de decembro ao 3 de xaneiro (60 prazas)

HORARIOS: (luns a venres, excepto festivos) 

1. Servizo Madrugadores: 7.30 a 10.00 h *
2. Campamentos: 10.00 a 14.00 h, ESTE HORARIO SERÁ “OBRIGATORIO” PARA TODOS OS NENOS/AS, non       podendo nin entregar nin recoller aos nenos/as durante o mesmo salvo excepcións previamente                          comunicadas.
3. Tempo de Xantar: 14.00 a 16.00 h *

*Nota. Os nenos/as que fagan uso destes horarios deberán traer o seu almorzo ou xantar da casa.

LUGAR: 

No recinto escolar do Colexio Vicente Otero Valcárcel – (ubicación: 43.224984, -8.354894) -; pavillón polideportivo cuberto, pista polideportiva descuberta, zona axardinada, patio escolar cuberto, comedor escolar, aula psicomotricidade)

DESTINATARIOS:

1. Para nenos/as dende Educación Infantil (dende 3 anos) e toda a Educación Primaria.

PREZO:  30 €/semana (consultar condicións dos campamentos)

              + 9,25 €/semana pola opción de madrugadores/tempo de xantar.

OBSERVACIÓNS NA INSCRICIÓN:

  1. Prazo entre o 11 (09:00 h) e o 18  de decembro (12:00 h).
  2. Prazas limitadas (60/semana). 
  3. CRITERIOS DE ADXUDICACIÓN DAS PRAZAS: 

                – Por orde de inscrición ou ata esgotar a oferta.
                – Preferencia aos empadroados/as en Carral ou matriculados nos centros educativos da localidade. 

       4. Publicación das listaxes: 19 de decembro (pago do 19 ao 22 de decembro)

Máis info na Casa da Cultura (981.67.25.80) ou en casadacultura@carral.es

O Concello de Carral resultou beneficiario da subvención solicitada á Consellería de Política Social e Igualdade.

Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).

Este programa está financiado pola Consellería de Política Social e Igualdade e polo Ministerio de Igualdade.

/by
,

XXIII TORNEO DE XADREZ DE NADAL EN CARRAL

A concellería de deportes agarda a uns 50 inscritos para este clásico torneo do 22 de decembro.  Read more

/by
, ,

ÁBRESE O PRAZO DE INSCRICIÓN NOS CAMPAMENTOS DEPORTIVOS DE NADAL

Carral abre este mércores, 11 de decembro ás 9:00 h, o prazo de inscrición nos campamentos de Nadal, un programa co que o Concello busca favorecer a conciliación entre as familias do municipio. O período de inscrición estará aberto ata o 18 de decembro ás 12.00 h, dándolles aos veciños e veciñas a posibilidade de inscribir aos nenos e nenas nalgunha/s das 2 semanas que se ofertan dende o 23 de decembro ata o 3 de xaneiro.

Como nas últimas edicións, o Concello mantén o horario ampliado destas actividades. Deste xeito, os pequenos e pequenas poderán ser atendidos entre as 7.30 ata as 16.00 horas xa que, ademais das propias actividades dos campamentos (10.00-14.00 h), o Concello ofrece servizos opcionais de Madrugadores (de 7.30 a 10.00 horas) e de tempo de xantar (de 14.00 a 16.00 horas).

Estes campamentos, dirixidos a rapaces e rapazas de Ed. Infantil e Ed. Primaria, levaranse a cabo durante as vacacións de Nadal en quendas semanais (2) e terán unha temática deportiva, con especial atención aos deportes de inverno e as disciplinas locais. Ofertaranse 60 prazas/semana, tendo preferencia os nenos e nenas empadroados ou os que acudan aos centros de ensinanza de Carral.

O prezo destes campamentos é de 30,00 €/semana, e o prezo polo uso do servizo opcional de madrugadores (7:30-10.00 h)/tempo de xantar (14:00-16:00): 9,25 €/semana.

As persoas interesadas poderán tramitar a inscrición cubrindo o boletín dispoñible na páxina web do Concello ou, se o prefiren, cubrindo o formulario online disposto para tal fin. Como noutras convocatorias, as persoas interesadas terán a posibilidade de inscribir aos nenos e nenas por semanas soltas. Máis información na Casa da Cultura de Carral – casadacultura@carral.es – 981.67.25.80.

O Concello de Carral resultou beneficiario da subvención solicitada á Consellería de Política Social e Igualdade.

Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).

Este programa está financiado pola Consellería de Política Social e Igualdade e polo Ministerio de Igualdade.

/by
, ,

SORTEO DAS PRAZAS (6) DA CAMPAÑA DA NEVE DA DEPUTACIÓN DA CORUÑA

En cumprimento do punto 3.d das bases reguladoras da convocatoria da “Campaña da Neve da Deputación da Coruña para o ano 2025”,, comunícase a todos os interesados que o MÉRCORES 4 DE DECEMBRO, ÁS 10.00 H NO SALÓN MUNICIPAL DE PLENOS terá lugar o SORTEO PÚBLICO DAS 6 PRAZAS ADXUDICADAS A ESTE CONCELLO, ASÍ COMO A ORDE DOS SUPLENTES.

Aquí podedes consultar as bases do sorteo

/by