A Casa da Cultura de Carral acollerá un curso formativo para coidadores de persoas con demencia

Curso AFACO

O Concello de Carral organiza, en colaboración coa Federación de Alzhéimer  Galicia (FAGAL), a Asociación de Familiares de Enfermos de Alzhéimer e a Consellería de Política Social da Xunta de Galicia, un curso dirixido a coidadores e coidadoras de persoas con demencia.

Ao longo do programa formativo darase unha explicación  introductoria sobre o Alzhéimer, abordaranse os síntomas da enfermidade (cognitivos e trastornos psicolóxicos, entre outros), as alternativas farmacolóxicas existentes e a comunicación coas persoas con demencia, entre outras temáticas. A encargada de impartir o curso será  Nerea Rey,  logopeda e responsable dun dos centros terapéuticos de  AFACO.

O obxectivo desta formación é que os coidadores adquiran todas as habilidades e coñecementos necesarios para mellorar e facilitar a atención que prestan ás persoas con demencia.

O curso levarase a cabo os días 26, 27 e 28 de novembro en horario de 17.00 a 20.00 horas na Casa da Cultura de Carral. Esta acción formativa está a suscitar un gran interese entre os veciños e veciñas do municipio. As prazas son limitadas, polo que é necesario inscribirse previamente. As persoas interesadas en anotarse poden chamar ao Edificio Social  Toñito Espiñeira no teléfono 981 61 35 20 ou a  AFACO no teléfono 981 20 58 58 (extensión 3001).

/by

CARRAL PREPARA O SEU XII DÍA DO PATÍN

A concellería de deportes espera xuntar a máis de 150 patinadores nesta xornada festiva que xa tradicional no outono carralés. Read more

/by

GAZAFELHOS OFRECE UN CONTACONTOS DRAMATIZADO NO TOÑITO ESPIÑEIRA

Cartaz_IrinhaTeatro dos Gazafelhos ven a Carral o vindeiro domingo 24 de novembro cun contacontos dramatizado titulado “Iriña bailarina”.

É unha proposta dirixida a rapaces de 3 a 10 anos para reflexionar sobre a igualdade de xénero, o cambio de roles ou os estereotipos sociais. É unha función promovida pola Secretaría Xeral de Política Lingüística, organizada polos departamentos de Normalización Lingüística e de Cultura do Concello de Carral.
Terá lugar no Edificio Social Toñito Espiñeira ás 12:00 h. A entrada é de balde e o aforo limitado.

/by

O ESPECTÁCULO TEATRAL “DÚAS DONAS QUE BAILAN” MUDA DE DATA

A representación de “Dúas donas que bailan” de Teatro do Atlántico, incluída no ciclo de Teatro de Outono e prevista para este sábado, muda de data para o 14 de decembro ás 20:30 h.
O motivo do cambio é a baixa médica dun membro do elenco.
Esta mudanza afecta tamén ao espectáculo “Puño Puñete” de Baobab Teatro, que fica fixado para o venres 6 de decembro ás 19:00 h.
Ámbolos dous espectáculos terán lugar no Local Xente Nova de Tabeaio.

Cartel 2 rectificadas datas trazado ciclo teatro 2019.Puño Puñete-10 con dataDúas donas que bailan-10 con data

/by

FIRST MAN (EL PRIMER HOMBRE) É A PRÓXIMA PELÍCULA DO CICLO DA CASA DA CULTURA

Este venres ofrécese unha película de aventuras que narra a historia da NASA para levar o primeiro home á lúa. O próximo filme de Cine na Casa da Cultura é “First man (El primer

Ciclo de Cine Concello Carral

Ciclo de Cine Concello Carral

hombre)”.
A proxección do filme protagonizado por Ryan Gosling comezará ás 20:30 h. Non está recomendada para menores de 7 anos.

A entrada é de balde e o aforo limitado.

/by

ALUMNADO DA ESO ACHÉGASE ÁS ARTES PLÁSTICAS GALEGAS FEITA POR MULLERES

A sala de audiovisuais da Casa da Cultura acollerá mañá a proxección do documental Arte+Muller+Galicia destinada a alumnado de 3º da ESO do instituto de Carral.

O filme, dirixido pola experta en arte Rosario Sarmiento, expón un achegamento ao traballo daquelas artistas mulleres cuxa obra resulta fundamental para entender o desenvolvemento da historia da arte en Galicia.

O alumnado terá ocasión, despois da proxección, de manter un coloquio coa directora.

Con esta actividade, o departamento de Cultura pretende reforzar o coñecemento e difusión das nosas artes plásticas, á vez que quere poñer en valor o importante papel que na creación artística teñen as mulleres, que se teñen que enfrontar a maiores dificultades que os homes para desenvolver unha carreira profesional no mundo das artes.

/by

CAMPAÑA AUTONÓMICA DE PEÓNS NO CONCELLO DE CARRAL

Cartel Charla Seguridade Viaria

Este domingo 24 de novembro, a partir das 11.30 h, a Policía Local de Carral impartirá unha charla enmarcada dentro da campaña autonómica de seguridade viaria de Peóns de mans da Dirección Xeral de Tráfico.

Nesta charlas trasladaranse normas e consellos que contribuían a mellora da seguridade dos peóns do municipios carralés.

Ao rematar esta charla repartiranse chalecos de alta visibilidade entre os asistentes ata esgotar existencias.

 

Para máis información pódese chamar á Policía Local de Carral (981.67.00.02) ou ao departamento de Educación (981.61.35.20).

 

/by

AFACO ORGANIZA EN CARRAL UN CURSO FORMATIVO PARA COIDADORES DE PERSOAS CUNHA DEMENCIA

O Concello de Carral, AFACO, a Federación de Alzhéimer de Galicia e a Consellería de Política Social organizan os días 26,27 e 28 de novembro un curso formativo dirixido a coidadores e coidadoras de persoas cunha demencia.
Estas sesións levarán a cabo de 17 a 20 horas na Casa da Cultura de Carral e os interesados ou interesadas en anotarse deben chamar AFACO no teléfono 981205858 ext. 3001.

AFACO

/by

CARRAL CELEBRA MAÑÁ O MAGOSTO CON COMIDA E MÚSICA NO CAMPO DA FEIRA

O Concello de Carral, dentro das actividades programadas para este mes de novembro pola área de Servizos Sociais, celebrará mañá o seu Magosto a partir das 14 horas no Campo da Feira.
O menú estará composto por polbo, carne ao caldeiro, prostre e café e, durante a tarde, serviranse castañas asadas. A recanteira do programa Luar da TVG, Ruth Cundíns, amenizará a tarde aos asistentes coa súa música.
Ademais, este domingo celebrarase outra sesión máis dos obradoiros de baile que levan a cabo de 17:30 a 20:30 todos os domingos no edificio Toñito Espiñeira. Neste caso correrá a cargo do dúo Karma.

CartelNovembroServSociais

/by