O CONCELLO DE CARRAL ORGANIZOU PRETO DE 80 ACTIVIDADES CULTURAIS NO 2019 ÁS QUE ASISTIRON 5.314 PERSOAS

O departamento de Cultura realizou unha avaliación do calendario de accións que se levaron a cabo ao longo de todo o 2019. A programación cultural experimentou, nos últimos

Fillas Bravas - Chévere - Carral

Fillas Bravas – Chévere – Carral

anos, unha tendencia de crecemento, tanto no número de propostas como en cifras de asistencia.
Unha das conclusións máis positivas que indica o estudio é a tendencia de crecemento que a programación cultural experimentou nos últimos anos –tanto en número de actividades como en cifras de asistencia-. Así, tal e como sinala o documento, o Concello organizou, durante o 2019, un total de 73 actividades ás que acudiron 5.314 veciños e veciñas do municipio. En contraposición, en 2015 leváronse a cabo un total de 50 actos culturais que congregaron a 3.452 participantes.
No estudo fíxose unha distinción en función da tipoloxía das iniciativas, dividíndoas nas seguintes categorías: teatro, maxia, títeres e monólogos; contacontos; cine; danza; música; exposicións; festas; obradoiros e escolas e outros –conferencias, club de lectura, etc.-. De todas as propostas realizadas, o concerto de The Cerne foi a que acadou a mellor cifra en canto a número de espectadores (450, en total).
Moitas das propostas están englobadas dentro de programas como a Rede Cultural da Deputación da Coruña, Cultura no Camiño, Ler conta moito, Rede de Normalización Lingüística, Festival Galicreques e o Encontro de Música de Pulso e Púa. Porén, 37 foron de organización propia ou en colaboración con outras institucións.
Por último, o documento presenta algunhas das conclusións e aspectos a mellorar. Para o período actual e para vindeiros exercicios, o departamento de Cultura márcase, entre outros, os seguintes obxectivos:
•    Cubrir a oferta cultural nos meses de menos programación, sobre todo, no primeiro semestre do ano.
•    Valorar a posibilidade de organizar espectáculos de danza na rúa.
•    Consolidar os ciclos de artes escénicas, de cine, festivais, etcétera, que xa obtiveron bos resultados en pasadas edicións.
•    Fomentar a oferta musical con espectáculos atractivos e seguir coa estratexia de concertos didácticos cos que crear novos públicos.
•    Deseñar unha oferta de obradoiros que permita atender a demanda por actividades que mesturen formación e lecer.

Pódese acceder ao informe premendo aquí.

/by

AXUDAS DESTINADAS AO ALUGUER PARA VÍTIMAS DE VIOLENCIA DE XÉNERO

O Instituto Galego de Vivenda e Solo publicou, no DOG do mércores 8 de abril de 2020, a convocatoria de Axudas destinadas ao aluguer para vítimas de violencia de xénero. O prazo de solicitude comezará ao día seguinte da publicación desta resolución no DOG, e rematará o 11 de decembro ou ata o remate dos fondos.

Máis información no servizo de Medio Ambiente do Concello de Carral ou no teléfono 981 67 00 02.

Bando Axudas destinadas ao aluguer para vítimas de violencia de xénero

Convocatoria do Programa do bono de alugueiro social destinado ao alugamento de vivendas para as vítimas de violencia de xénero

/by

INFORMACIÓN DE INTERESE SOBRE O CONSUMO DE AUGA DAS FONTES DURANTE A CRISE SANITARIA

 

Atendendo ás recomendacións da Xefatura Territorial da Consellería de Sanidade da Xunta de Galicia, infórmase do seguinte:

  • O Concello de Carral sinalizará, en canto sexa posible, todas as fontes con billa do termo municipal.
  • Desaconséllase aos veciños e veciñas o consumo de auga procedente destas fontes mentres dure a alerta sanitaria, xa que non se pode asegurar a desinfección destes elementos.

 

INFORMACION FONTES
/by

O ALCALDE, XUNTO CON OUTROS MEMBROS DO GRUPO DE GOBERNO, VISITAN ÁS PERSOAS MAIORES DO MUNICIPIO

O alcalde do Concello de Carral e membros do goberno local visitaron ás persoas maiores do municipio, un dos colectivos máis vulnerables fronte ao coronavirus.

Con estas visitas buscouse cumprir varios obxectivos: comprobar como se atopan os veciños e veciñas máis maiores do municipio,  saber se precisaban algo e informarlles, persoalmente, do servizo de entrega a domicilio de produtos de primeira necesidade como alimentos e medicamentos –unha prestación que o Concello ofrece desde o inicio do confinamento-.

Por último, o goberno local tamén lles entregou aos veciños e veciñas máis maiores material de protección, como máscaras e guantes.

 

FOTO CARRAL- Visitas as persoas maiores do municipio 1

/by

RETIRADA DE NIÑOS DE VESPA VELUTINA DURANTE O ESTADO DE ALARMA

O servizo de Medio Ambiente do Concello de Carral informa de que, aínda no estado de alarma, o persoal do SEAGA ou de Protección Civil seguirán levando a cabo a retirada dos niños de velutina usando, en todo momento, o equipamento apropiado.

Os avisos deberán realizarse empregando os teléfonos 678 33 88 96 ou 012.

 

/by

ARCOIRIS SENSORIAL, A ACTIVIDADE DO EQUIPO DE ATENCIÓN TEMPERÁ PARA FACER EN FAMILIA DURANTE O CONFINAMENTO

O equipo do Servizo de Atención Temperá do Concello de Carral preparou un vídeo para crear un Arcoiris sensorial. Trátase dunha actividade ideal para traballar a estimulación sensorial dos nenos e nenas durante o confinamento.

/by

O CONCELLO COMEZOU ESTA SEMANA COS LABORES DE DESINFECCIÓN NOS ESPAZOS PÚBLICOS MÁIS CONCORRIDOS DO MUNICIPIO

Como parte do protocolo para frear a expansión do coronavirus, o Concello de Carral puxo unha nova medida en marcha: a desinfección dos espazos públicos máis concorridos do termo municipal. Todos os días á primeira hora da mañá, os operarios percorren algúns dos lugares e puntos máis frecuentados de Carral para aplicar unha mestura de auga e lixivia, a solución recomendada polo Ministerio de Sanidad para executar os labores de desinfección.

Esta medida levarase a cabo de forma continuada e por un período de tempo indefinido. Estes traballos están realizándose nas inmediacións do centro médico de Carral, nos supermercados, farmacias, bancos, nos estancos e, en xeral, nos establecementos que seguen abrindo as súas portas.

O goberno local agradece o “esforzo e dedicación destes operarios”, así como de “todos os voluntarios e voluntarias que, de maneira anónima, levan aportado o seu gran de area desde o comezo deste confinamento”.

FOTO CARRAL- Labores desinfección Concello Carral 2

/by

O CONCELLO DE CARRAL CONTINÚA PRESTANDO APOIO ÁS VÍTIMAS DE VIOLENCIA DE XÉNEROENCIA DE GÉNERO

A crise sanitaria actual provocada polo coronavirus non impide que o Concello de Carral siga prestando servizos básicos e fundamentais para os veciños e veciñas do municipio. Entre eles, o goberno local confirma que o Concello continuará dando apoio ás vítimas de violencia de xénero do municipio. Tal e como explican desde o equipo de goberno “o confinamento está obrigando a moitas mulleres a vivir cos seus agresores, aumentando os riscos de que se produzan episodios de violencia machista”. Ante esta situación, o goberno local lembra ás carralesas “que agora, máis que nunca, non están soas”.

Como comentan desde o goberno local, o protocolo nestes casos é claro: en primeiro lugar, a muller deberá denunciar esta situación no 016, e a Garda Civil encargarase da situación. Unha vez analizado o caso, poderá remitirse ao Concello de Carral para que se preste apoio e asesoramento xurídico á muller.

Os concelleiros e concelleiras lembran que o Goberno de Estado habilitou un servizo de apoio psicolóxico e de asesoramento xurídico ás vítimas mediante un sistema de mensaxería por WhatsApp –en horario de 8.00 a 22.00 horas-. As mulleres que necesiten recorrer a este servizo poderán utilizar os teléfonos 682 916 136 e 682 508 507.

Así mesmo, a través da aplicación AlertCops, as vítimas de violencia de xénero poderán enviar unha alerta que se recibirá, de maneira instantánea, nos servizos de atención das forzas de seguridade do Estado.

Por último, o goberno lembra que, aínda que as instalacións municipais permanecen pechadas, o Concello pon ao dispor dos veciños e veciñas os seguintes teléfonos:

Casa do Concello: 981 67 00 02
Servizos Sociais: 981 61 35 20
Policía Local: 981 67 00 02 e 689 544 311

/by

INFORMACIÓN DE INTERESE SOBRE A REALIZACIÓN DE ACTIVIDADES AGRARIAS NO ESTADO DE EMERXENCIA

 

O Concello Carral informa aos veciños e veciñas sobre a realización de actividades agrarias no estado de alarma:

  •  Os agricultoras/as e viticultores/as profesionais poden desplazarse para realizar traballos de mantemento e coidado dos cultivos. Teñen que estar dados de alta no REAGA.
  • As persoas que teñan cultivos de autoconsumo poden realizar os desprazamentos impresicindibles para o mantemento e coidado dos cultivos a menos de 500 m da súa vivienda habitual. Non poderá haber mais de 2 persoas na leira e deberán cumprir coas medidas de prevención. Acreditarase mediante o carne de manipulador de produtos fitosanitarios.
  • Os permisos de queima están suspendidos.
  • Pódese sacar a pasear o can nas proximidades do domicilio e polo tempo xusto e necesario.

As persoas que precisen máis información poderán empregar as seguintes vías:

  • Teléfono: 678 33 88 96
  • Correo electrónico: maria.couto@carral.es
/by