CARRAL VIVIRÁ UN OUTONO DE PELÍCULA CO SEU CICLO DE CINE

Ciclo de Cine Concello Carral

O Concello de Carral estrea, esta semana, o seu Ciclo de Cine de outono, que conta cun total de nove films. Todas as películas proxectaranse os venres ás 20.30 horas na Casa da Cultura de Carral, onde se celebraron, ata a data, 20 ciclos de cinema coas mesmas características. Como noutras ocasións, a oferta fílmica conta con propostas de todos os xéneros. Como parte da programación, o Concello ofrece algúns títulos premiados cun Óscar, unha cinta galega (Dhogs) e unha española (Perfectos desconocidos).

Este novo ciclo arrincará con La forma del agua, que se proxectará mañá, venres 11 de outubro. A programación continuará o 18 de outubro con Perfectos desconocidos. Dhogs tomará a substitución o 25 de outubro, e, a continuación, será a quenda de Bohemian Rhapsody, que se emitirá o 8 de novembro. O programa seguirá con Manchester frente al mar o 15 de novembro, e o día 22 con First man (El primer hombre) e, como broche final ao mes de novembro, será a quenda de Infiltrado en el KKKlan o venres 29 de novembro. No mes de decembro proxectaranse as películas El instante más oscuro (13 de decembro) e El Grinch (20 de decembro).

A entrada é gratuíta pero as prazas son limitadas. Así, os interesados en visionar calquera dos filmes deberán retirar as súas entradas previamente na Casa da Cultura.

 

Ciclo de Cine Concello Carral

Ciclo de Cine Concello Carral

/by

A CANTAUTORA CHILENA ANDREA ANDREU OFRECEU UN CONCERTO NO COLEXIO DE CARRAL

DesdAndrea Andreu en Carral 2019e Chile chegou a cantautora Andrea Andreu para ofrecer no colexio público Vicente Otero un concerto didáctico, dentro do Encontro Internacional de Música de Pulso e Púa en Galicia, no que colabora o Concello de Carral a través da súa concellería de Cultura.

Andreu actuou para alumnado de 6º de primaria interpretando pezas do folclore chileno e explicando a orixe das cancións, os estilos musicais de Chile e a súa traxectoria como cantante e guitarrista.

Este encontro internacional desenvólvese en diversos concellos da provincia durante esta semana, coa participación de grupos de Colombia, Portugal, Chile, Rusia e España. O concerto de clausura terá lugar no Teatro Rosalía de Castro da Coruña, o domingo 6 de outubro ás 19:00 h. con entrada libre.

/by

O CONCELLO VESE OBRIGADO A AUMENTAR A PARTIDA ORZAMENTARIA DO SERVIZO DE AXUDA NO FOGAR PARA GARANTIR A SÚA CORRECTA PRESTACIÓN

O novo equipo de goberno tivo que aumentar a partida orzamentaria do Servizo de Axuda non Fogar (SAF) co fin de garantir a calidade desta prestación aos usuarios. No último pleno, que se celebrou a semana pasada, aprobouse un modificativo de crédito para atrasar as partidas de compra de terreos, adquisición de equipamentos e saídas, e poder así atender ás persoas maiores do municipio nas súas necesidades básicas. Con esta medida, garántense, non só as condicións do convenio das traballadoras, senón tamén a correcta atención ás persoas maiores do municipio, unha máxima para o goberno local.

O goberno denuncia a “situación insustentable” na que este servizo se atopaba á súa entrada no Concello. Así, existían tres empresas paralelas encargadas desta prestación, algunhas en condicións irregulares para as traballadoras -ás que non se lles cumprían as garantías do seu convenio-. Con todo, os grandes prexudicados eran as persoas usuarias, que en moitos casos levaban días sen ser atendidos.

Para solucionar esta situación, o goberno local realizou un minucioso estudo de mercado, solicitando varios orzamentos. A continuación, procedeuse á contratación dunha empresa ponte que cumprise os dereitos de subrogación de todas as traballadoras, axustando un prezo que garantise a posibilidade de realizar este servizo. O Concello esixiu que todas as traballadoras tivesen a formación e os medios necesarios para o bo desenvolvemento do servizo.

Actualmente, o equipo de goberno está a traballar xa na redacción dos pregos para a contratación deste servizo.

/by

O CONCELLO REUNIRASE CON 20 ENTIDADES E CLUBS DEPORTIVOS DE CARRAL PARA ESTUDAR POSIBLES CONVENIOS DE COLABORACIÓN

FOTO CARRAL-El Concello se reunirá con 20 entidades y clubs deportivos de Carral para estudiar posibles convenios de colaboración

 

O novo equipo de goberno do Concello de Carral acaba de iniciar unha rolda de reunións cos representantes dunhas 20 entidades e clubs deportivos do municipio. O obxectivo destes encontros é escoitar as principais peticións dos clubs deportivos para estudar a viabilidade de convenios de colaboración de fronte ao próximo ano.

A primeira reunión tivo lugar esta semana co presidente e o secretario da Unión Deportiva Carral, unha das entidades deportivas máis activas do municipio. Con todo, nas próximas semanas fixaranse entrevistas similares co resto de asociacións e clubs de diferentes modalidades deportivas. Unha vez se fale con todos, o Concello estudará a posibilidade de establecer convenios de colaboración con algúns clubs, que se asinarán no 2020.

Trátase dunha iniciativa nova coa que o goberno local pretende coñecer, de primeira man, as principais peticións e necesidades dos diferentes clubs do concello.

Axudas a deportistas de alto nivel

O equipo de goberno expón unha segunda novidade importante para o 2020: a creación dunha liña de axudas para deportistas destacados do municipio. As subvencións concedidas polo Concello estarán dirixidas a sufragar parte dos gastos derivados dos desprazamentos que moitos deportistas realizan para participar en competicións e certames.

/by

O ESPECTÁCULO DE RÚA SAAABOR! PRESÉNTASE ESTE DOMINGO NO CAMPO DA FEIRA

7041recA Concellería de Cultura do Concello de Carral presenta o vindeiro domingo o espectáculo de teatro de rúa Saaabor!, da compañía Culturactiva. É o espectáculo que estaba previsto para levarse a cabo na programación das Festas do Socorro, pero que por enfermidade dun dos seus actores non se puido realizar.

Saaabor! é un espectáculo cómico que mestura música, maxia, humor, ritmo e participación do público, co mundo da gastronomía de fondo. Os protagonistas convértense en dous recoñecidos chefs que nos ofrecen pratos para todos os gustos: desde a comida máis práctica e sinxela ata a máis elaborada, sen esquecer o viño e a sobremesa, elaborando un saboroso menú para toda a familia.

A función comezará ás 18:00 h. no Campo da Feira. Se as condicións meteorolóxicas non son as axeitadas, o espectáculo realizarase no Edificio Social Toñito Espiñeira.

Saaabor! é un espectáculo incluído en Cultura no Camiño, que promove AGADIC cos concellos polos que transcorren os camiños de Santiago.

/by

CARRAL, ABEGONDO E BERGONDO POÑEN EN MARCHA UN SERVIZO CONXUNTO DE ATENCIÓN TEMPERÁ

Servizo de Atención Temperá (Concellos de Carral, Abegondo e Bergondo)

O Concello de Carral e os de Abegondo e Bergondo ofrecen, conxuntamente, unha nova prestación de benestar social que está a mellorar a calidade de vida dos veciños e veciñas: un servizo de atención temperá que xa está en marcha grazas a unha subvención obtida pola Xunta de Galicia.

Este novo servizo está dirixido a nenos e nenas de entre 0 e 6 anos de idade, e con el, búscase atender posibles trastornos de desenvolvemento e detectar casos de pequenos e pequenas con risco de padecelos. Así, o obxectivo é traballar no desenvolvemento da autonomía personal e da inclusión social dos cativos e cativas.

Aspace é a entidade adxudicataria do servizo. Para levar a cabo o seu labor, contan cun psicólogo e psicopedagogo, cun mestre en educación especial e estimulador, e cun logopeda. A atención é rotatoria nos tres municipios.

O período que abarca a subvención, de 14.996,25 euros, comprende os meses de setembro e outubro, podendo os Concellos valorar a súa continuidade. Nestes dous meses, ao tratarse dunha unidade de nova creación, o servizo centrarase na valoración inicial dos usuarios.

Servizo de Atención Temperá (Concellos de Carral, Abegondo e Bergondo)

Servizo de Atención Temperá (Concellos de Carral, Abegondo e Bergondo)

/by

OBRADOIRO DE BANDA DESEÑADA IMPARTIDO POR XOSÉ TOMÁS

O vindeiro venres, día 27 de setembro entre as 18:00 e as 19:30 h. organízase desde o departamento de Cultura, a través do programa Ler Conta Moito, e en colaboración coa OMIX de Carral, un obradoiro de banda deseñada para rapazas e rapaces de entre 9 e 16 anos na Biblioteca Publica Municipal.
Traballarase a creación de guións e personaxes, así coma as técnicas para facelo, tamén explicaranse aspectos da banda deseñada coma as viñetas, as elipses narrativas os planos, etc.
Se estás interesada/o, o prazo para anotarse é ata o día 26 de setembro na Casa da Cultura ou chamando ó 981.67.25.80. Lembrar que é totalmente gratuíto e que as prazas son limitadas.

Cartel (Imaxe)

/by

CARRAL INICIA OS TRABALLOS PARA CUBRIR AS PISTAS DE PÁDEL DO COMPLEXO DEPORTIVO

FOTO CARRAL-Carral inicia los trabajos para cubrir las pistas de pádel del Complexo Deportivo 2

O Concello de Carral acaba de iniciar os traballos para cubrir as pistas de pádel do Complexo Deportivo. As actuacións arrincaron esta semana e, con elas, o Concello busca que os veciños e veciñas do municipio poidan darlle un maior uso a estas instalacións. As obras están cofinanciadas con fondos municipais e do Grupo de Desenvolvemento Rural Mariñas-Betanzos con cargo aos fondos europeos dos programas Leader e Feder. O orzamento total do proxecto ascende a preto de 52.000 euros.

O proxecto contempla a realización dunha cubrición das dúas pistas consistente nunha cuberta de chapa grecada con curva autoportante e sustentada por alicerces metálicas e vigas en todo o perímetro. Desta forma, o corredor que separa ambas as pistas quedará tamén resgardado. Con todo, e para incrementar a funcionalidade da dependencia, o novo equipo de goberno incluíu, ademais, a instalación de iluminación nas pistas, que incrementará en preto de 2.000 euros o importe do proxecto. Con este engadido, o espazo poderá utilizarse, non só con condicións meteorolóxicas adversas, senón tamén durante un maior número de horas ao día.

Ademais de incrementar o uso nestas instalacións, o proxecto servirá para mellorar as condicións de durabilidade deste espazo deportivo.

Actualmente, os traballos están a ocupar as dúas pistas de pádel, polo que permanecerán temporalmente pechadas ata, aproximadamente, o 15 de outubro, data na que se prevé que finalicen as obras.

/by

AS PISTAS DE PÁDEL ESTARÁN TEMPORALMENTE PECHADAS POLOS TRABALLOS DE CUBRICIÓN

O Concello inicia os traballos para cubrir as pistas de pádel

O novo equipo de goberno do Concello de Carral acaba de iniciar as obras para cubrir as pistas de pádel. Para realizar estes traballos é preciso ocupar as dúas pistas. Por mor deses labores, que durarán aproximadamente ata o 15 de outubro, estas instalacións estarán temporalmente pechadas. Desculpade as posibles molestias ocasionadas.

/by