O GOBERNO LOCAL AMOSA A SÚA PREOCUPACIÓN POLOS PRAZOS DE FINALIZACIÓN DAS OBRAS DO CEIP VICENTE OTERO VALCÁRCEL

FOTO CARRAL-El gobierno local muestra su preocupación por los plazos de finalización de las obras del CEIP Vicente Otero Valcárcel

O Concello de Carral amosou hoxe a súa preocupación polo atraso nos prazos de finalización das obras de mellora de eficiencia enerxética que a Xunta de Galicia está a levar a cabo no CEIP Vicente Otero Valcárcel.

O goberno local levou a cabo un seguimento exhaustivo das obras e, vendo a evolución das mesmas, estimou conveniente emprender todas as accións que estean na súa man co obxectivo de evitar demoras no inicio do curso escolar.

En primeiro lugar, o grupo de goberno púxose en contacto coa empresa adxudicataria da obra, a cal informa que están a poñer todos os medios dispoñibles para axilizar as obras.

En segundo lugar tamén se mantiveron contactos coa Dirección do Centro e esta considerou oportuno remitir á Xunta un escrito sobre o estado actual das obras, alertando sobre o posible atraso no inicio do curso escolar.

Por último, e na mesmo sentido, o alcalde de Carral, Javier Gestal, en representación do grupo de goberno, remitiu unha comunicación ao ente autonómico esixindo “axilidade” nas obras para que “de ningún modo” exista atraso no inicio do curso e tamén se puxo en contacto co ANPA do centro para informarlles de primeira man sobre a situación e as posibles consecuencias do atraso nas obras.

/by

CARRAL ABRE O PRAZO DE INSCRICIÓN PARA O CURSO 19/20 DAS ACTIVIDADES MUNICIPAIS

As Concellerías de Deportes, Cultura,  Educación e Servizos Sociais ofertan case 50 actividades para este novo curso. Read more

/by

MÁIS DE 12.000 RACIÓNS DESPACHADAS NA XLVI FESTA DA EMPANADA

Ás 18:30 horas de onte, xoves 5 de setembro, tivo lugar pistoletazo de saída da XLVI Festa da Empanada, que continúa sendo un éxito ano tras ano e nesta ocasión despacháronse máis de 12.000 racións deste produto tan típico de Carral.
Foron miles as persoas que se achegaron a Carral para degustar as empanadas das cinco panaderías participantes: Panadería Dá Cunha, Panadería Cañás, Panadería Manuel Rodríguez, Panadería Pedro Fernández e Panadería Barcia.
Unha cita gastronómica de referencia que tamén conta con boa música. Actuaron as agrupacións: Banda de Gaitas Ferreñas de Vilarmaior, AFC Orballo (Pontedeume), Asociación Cultural ‘ Pandereteiras Ardevento’ e Grupo Baile ‘Ou Rueiro’ de Tabeaio.
O alcalde, Javier Gestal, mostrouse moi agradecido “a todos os veciños e veciñas de Carral e de fóra do noso municipio que se achegaron hoxe ao Campo da Feira a vivir un dos días grandes do ano para todos os carraleses” e tamén aos “panadeiros que durante esta semana traballan duro para continuar con esta tradición”.
Festas do Socorro
E é que a Festa da Empanada serve este ano como antesala ás Festas do Socorro, que xa deron comezo e que durarán ata o domingo.
A programación para estas festas inclúe as actuacións musicais coas orquestras París de Noia, New Cork, Claxxon, Os Satélites, Nova Forza e Dilema; actividades para os máis pequenos, sesións de maxia e teatro.

FestaEmpanada (6)

FestaEmpanada (2)

/by

ADIASE A FUNCIÓN DE SAAABOR!

A Concellería de Cultura do Concello de Carral comunica que por mor de enfermidade dun dos actores do espectáculo Saaabor!, previsto para o sábado 7 de setembro, a función adiase ao domingo 29 de setembro.FranRei_02_baixa

No seu lugar este sábado ás 18:00 h. no Campo da Feira terá lugar o espectáculo A HISTORIA DE BRANCAFLOR. Nesta montaxe Fran Rei achégase á lenda popular de Brancaflor, a filla do Demo, a partir da versión que Xosé Ramón Mariño Ferro recolleu na súa escolma Contos marabillosos. Unha trama chea de probas máxicas, encantamentos, romances e maleficios. Unha fermosa historia de amor entre Brancaflor e Xan, á que se opón o malvado pai da rapaza.

O departamento municipal de Cultura pide desculpas polas molestias que poida ocasionar este cambio.

 

/by

MÚSICA, MAXIA E TEATRO PARA AS TARDES DAS FESTAS DE CARRAL

A Concellería de Cultura do Concello de Carral desenvolve unha programación propia que complementará as actividades planificadas pola Comisión de Festas do Socorro para Cultura nas Festas Socorro 2019.esta semana.

O xoves 5, no edificio Toñito Espiñeira, O Mago Pablo presentará o seu espectáculo Unha maxia diferente, dirixido a público familiar e promovendo valores de igualdade de xénero. A función comezará ás 18:00 h. con entrada libre e aforo limitado.

O venres á mesma hora, no Campo da Feira diante da Casa do Concello, Pakolas ofrecerá un espectáculo con cancións dirixidas a público infantil. No mesmo emprazamento e á mesma hora, o sábado chega Culturactiva cunha comedia gastronómica titulada Saaabor!, protagonizada por Fran Rei e Félix Rodríguez.

O domingo remata esta programación cultural cun concerto do grupo galego The Cerne, interpretando clásicos do rock, do soul e do blues. A actuación comezará ás 19:00 h. no Campo da Feira.

Para facer posible esta programación, o Concello de Carral conta coa colaboración da Deputación da Coruña, de Agadic e da Consellería de Cultura da Xunta de Galicia

O departamento de Cultura convida a todos e todas a gozar das festas e das diversas manifestacións culturais que nelas teñen cabida.

/by

CARRAL CONTINÚA COA TRADICIÓN E CELEBRARÁ ESTE XOVES A XLVI FESTA DA EMPANADA

Esta mañá celebrouse a presentación da XLVI Festa da Empanada, que terá lugar o xoves, 5 de setembro, e este ano dará o pistoletazo de saída ás festas do Socorro de Carral.
Esta festa continúa afianzándose como unha cita gastronómica de referencia, tanto na comarca como fóra desta, e así o destacou o alcalde de Carral, Javier Gestal, no acto de presentación celebrado na casa do concello.
Ademais do alcalde, que animou a todos os carraleses e carralesas “a unirse á celebración” tamén participaron na presentación a concelleira de Traballo, Mercedes Caridade, e os representantes das cinco panadarías que participarán na festa: Panadería Da Cunha, Panadería Cañás, Panadería Manuel Rodríguez, Panadería Pedro Fernández e Panadería Barcia.
Os panadeiros explicaron que esta é unha semana de “moito traballo” para eles pero que “merece a pena porque é moi bonito continuar a tradición”. Tamén destacaron que durante toda a xornada esperan despachar “máis de 12.000 racións de empanada”.
A Festa daa Empanada celebrarase este xoves 5 de setembro a partir das 18.30 horas e o prezo da ración estará unificado: as variedades de atún, bacallau e carne terán un prezo de 3 euros, mentres que as de polbo e zamburiñas serán de 4,5 euros a ración. O custo do resto de empanadas estará marcado por cada un dos obradoiros. Este prezo incluirá viño de forma gratuíta por cortesía das panaderías.

PresentaciónFestaDaEmpanada (3)
Ambientación musical
Boa comida, pero tamén boa música. Están previstas varias actuacións de música e baile a cargo das seguintes agrupacións: Banda de Gaitas Ferreñas de Vilarmaior, AFC Orballo (Pontedeume), Asociación Cultural ‘Pandereteiras Ardevento’ e Grupo Baile ‘O Rueiro’ de Tabeaio.

/by

FESTAS DO SOCORRO 2019

Cartel das festas do Socorro 2019, que se celebrarán do 5 ao 8 de setembro.

69160838_2112393225736023_3058689783371923456_o

/by

XLVI FESTA DA EMPANADA DE CARRAL

O 5 de setembro, a partir das 18:30 horas, terá lugar a XLVI Festa da Empanada de Carral.

70197552_2112941615681184_4500745497048252416_o

/by

MÚSICAS ÍNTIMAS TRAE A SILVIA PENIDE E CÉSAR MORÁN

Flyer imprenta Músicas Íntimas Carral 2019 - trazado.A cuarta edición do ciclo Músicas Íntimas trae a próxima fin de semana os concertos de Silvia Penide, que actuará o sábado e presentará os temas do seu terceiro disco El Efecto Boomerang, e o veterano cantautor galego César Morán que actuará en formato trío na noite do domingo.

/by