O concerto de Gonçalo Guerreiro Cuarteto, previsto para este domingo 3 de setemebro no ciclo Músicas Íntimas, levarase a cabo na Casa da Cultura debido ás condicións climatolóxicas desfavorables para realizalo no exterior na piscina municipal.
O concerto comezará ás 22:30 h. O aforo é limitado. Prégase puntualidade.
O espazo de baño infantil da piscina municipal de Carral acollerá os días 2 e 3 de setembro, os concertos do ciclo Músicas Íntimas, nos que actuarán os grupos De Vacas e 
Gonçalo Guerreiro Cuarteto.
Este programa musical, que chega á segunda edición, presenta artistas galegos en concertos de pequeno formato e cun aforo reducido, propiciando o goce da música en directo nun entorno acolledor.
De Vacas, que actuarán o sábado 2 de setembro, son un cuarteto musical composto por unha guitarra e tres voces. Fan versións de grandes temas venerados polo público. De Vacas defende que detrás de cada canción mala hai un corazón que queren reivindicar. Desde as Spice Girls ata o Gagnam Style, pasando por Enrique Iglesias ou Michel Teló… temas que “marcaron as nosas tardes de domingo na discoteca e que rescatamos para vós nun formato fresco e divertido co que emocionarse e rir a partes iguais”.
Gonçalo Guerreiro ofrecerá o seu concerto en formación de cuarteto o domingo 3 de setembro. Presenta un repertorio de temas en portugués: “Estas cancións xorden das sensacións e pensamentos que foron nacendo en min ao longo dos anos que levo vivindo lonxe da miña cidade, Lisboa. Existen para que eu poida atopar memorias dela nos lugares por onde vou pasando.” O espectador mergúllase nun universo rítmico e melódico que viaxa do humor á nostalxia, do rock á canción de amor, do pop ao jazz, pasando sempre polo fado.
Ámbolos dous concertos comezarán ás 22:30 h. con entrada de balde e aforo limitado. Aínda que as previsións meteorolóxicas amósanse favorables para facer os concertos na piscina municipal, ante a posibilidade de choiva trasladaríanse á sala de audiovisuais da Casa da Cultura.
O ciclo está organizado pola Concellería de Cultura do Concello de Carral, coa participación da Deputación provincial a través da súa Rede Cultural, e de Agadic e da Xunta de Galicia co seu programa Cultura no Camiño.
Por mor da climatoloxía desfavorable do día de hoxe, o espectáculo Dous no Camiño, con Isabel Risco e Fran Rei, realizarase no edificio social Toñito Espiñeira á hora prevista (18:30 h).
A exposición que acompaña o espectáculo permanecerá durante toda a tarde no Campo da Feira.
A Concellería de Cultura do Concello de Carral e a Deputación da Coruña dentro do seu programa Rede Cultural, ofrecen esta semana dúas novas proxeccións no ciclo Noite de
Película que ten lugar no Campo da Feira.
O xoves 31 de agosto preséntase a comedia francesa “El extraordinario viaje de T.S. Spivet”, do mesmo director da afamada “Amélie”. T.S. Spivet é un neno de 10 anos cun especial talento para os inventos. O museo Smithsonian lle comunica a concesión dun prestixioso premio pola invención da máquina do movemento perpetuo, e sen dicirllo a ninguén emprende unha viaxe cara Washington D.C.
Pola súa banda, o venres 1 de setembro ofrecerase a película de aventuras e acción “Jurassic World”, que narra o que acontece no parque temático Jurassic Park dedicado aos dinosaurios na illa de Nublar, cando un exemplar creado manipulando o seu ADN resulta ser dunha gran intelixencia e causa o terror entre os visitantes á illa.
As dúas proxeccións comezarán ás 22:30 h.
O ciclo Noite de Película rematará a vindeira semana con outras dúas proxeccións o luns e o martes.
Os actores galegos Fran Rei e Isabel Risco serán dous peregrinos do Camiño Inglés de Santiago, que chegarán a Carral o mércores 30 de agosto, as 18:30 h. No Campo da Feira presentarán unha comedia para todos os públicos no que coñeceremos as peripecias destes dous peregrinos que se dirixen a Compostela. A obra titúlase “Dous no Camiño”.
Esta función teatral inclúese no prograna Vive o Camiño que promove a Xunta de Galicia e que en Carral conta coa colaboración da Concelleria de Cultura.
No caso de que a meteoroloxía sexa desfavorable, a obra trasládarase ao edificio social Toñito Espiñeira.
A OMIX organiza unha excursión, na que os/as participantes poderán realizar unha ruta de sendeirismo polas fragas do Eume e unha ruta en kaiak, por esa mesma zona.
Esta actividade planificada para o día 5 de setembro, está destinada a nenas e nenos de 10 a 14 anos.
A saída realizarémola desde a Casa da Cultura, ás 10 h. e o regreso ó mesmo lugar sobre ás 19 h. Informámoste de que se inclúe a comida e que debes levar roupa para cambiarte así coma traxe de baño e unha pequena toalla, tamén algo para picar se queres.
As prazas son limitadas e o prazo de inscrición remata o 31 de agosto. Recodámosche que está actividade e totalmente de balde!
Desde o venres 25 de agosto ata o martes 6 de setembro, a Concellería de Cultura do Concello de Carral, coa participación da Deputación da Coruña, ofrecerá 6 películas ao aire libre no Campo da FeIra.
Noite de Película trae este ano títulos para os diversos grupos de idade, proxectando ademais tres películas galegas. Todas as proxeccións comezarán ás 22:30 h, e no caso de que a climatoloxía non permita facelas ao aire libre, realizaranse no edificio social Toñito Espiñeira.
O ciclo comeza o venres 25 de agosto con El desconocido, un thriller multipremiado, protagonizado por Luis Tosar e rodada integramente na cidade da Coruña.
O sábado 26 proxectarase o filme galego de animación Holy Night – Noche de Paz, apta para todos os públicos. A comedia francesa El extraordinario viaje de T.S. Spivet presentarase o xoves 31, e ao día seguinte proxectarase a exitosa Jurassic World.
O programa de cine ao aire libre remata na semana das festas de Carral con Atrapa la bandera o luns 4 de setembro, e ao día seguinte presentarase a película Linko, do produtor e director carralés, Xosé Zapata.
Con este programa téntase ofrecer unha selección de diferentes xéneros que agrupa grandes éxitos de Hollywood con películas galegas, españolas e europeas.
O corredor do club Ciclista Betanzos leva camisola de campión desta sexta edición ademais de establecer un novo récord na proba. Read more
Unha vez rematado o prazo de inscrición para os cursos de natación do mes de agosto, pásase a expoñer os listados PROVISIONAIS dos admitidos así como os correspondentes grupos e horarios.
Coma cada ano a OMIX (oficina municipal de información xuvenil) de Carral, organiza a súa excursión ó aquapark de Cerceda. Nesta ocasión será o día 9 de agosto, mércores.
A excursión, destinada a nenos e nenas de 8 a 17, sairá desde a Casa da Cultura ás 11:15 h., a volta esta programada para as 19:45 h. O prezo e de 8 €, e o prazo de inscrición estará aberto entre o 17 e 31 de xullo. Recorda que as prazas son limitadas.
As recomendacións para pasar o día no parque acuático son: levar protección solar, gorra e chancletas, recorda tamén levar a túa comida.
Para anotarse ou se precisas mais información podes chamar ó 981.67.25.80, ou pasarte pola Casa da Cultura.
