CONCERTO PARA O ALUMNADO DE 4º DA E.S.O. ORGANIZADO POLA OMIX

O pasado venres día 4 de novembro, a OMIX (oficina municipal de información xuvenil) organizou un concerto e un taller de improvisación para o alumnado de 4º da E.S.O. do I.E.S. de Carral.
Neste concerto, que se levou a cabo no edificio social “Toñito Espiñeira” as alumnas e alumnos, gozaron dun espectáculo a cargo de “Stomp Quartet”, un grupo madrileño de jazz formado por catro mozos, entre os que se atopa un veciño de Carral.
Ademais do concerto, que durou unha hora aproximadamente, os rapaces e rapazas puideron saber máis sobre a historia do jazz e os instrumentos que tocaban cada un dos compoñentes de esta banda, coma a batería, o contrabaixo, a frauta traveseira e o piano, dándolles a posibilidade incluso de tocalos.

IMG_20161104_123958

IMG_20161104_135343

IMG_20161104_135133

IMG_20161104_125113

IMG_20161104_124821

/by

O CICLO DE CINE DA CASA DA CULTURA CONTINÚA CUNHA COMEDIA DE ACCIÓN

Kingsman. Servicio Secreto é a terceira película que a Concellería de Cultura do Concello de Carral ofrece no ciclo de cine de outono na Casa da Cultura.kingsman 3

Esta comedia de acción conta como un veterano axente espía inglés (Colin Firth) ten que adestrar a un rapaz da rúa (Taron Egerton) para convertelo nun competitivo membro da organización de espías e enfrontarse á ameaza global que lidera un peculiar e perigoso xenio da tecnoloxía (Samuel L. Jackson).

Esta é unha entretida película dirixida por Matthew Vaughn, na que hai aparicións de celebridades como Elton John ou David Beckham.

A proxección comezará ás 20:30 h. de mañá venres, 4 de novembro, con entrada de balde. É aconsellable retirar previamente as entradas, xa que as localidades son limitadas. Este é un filme calificado como non recomendado para menores de 16 anos.

/by

I CARREIRA BENÉFICA IES DE CARRAL

O concello de Carral e o IES de Carral organizarán o próximo 26 de novembro a 1ª edición da carreira na que se espera xuntar a máis de 350 corredores. Read more

/by

O MUSEO DO CASTRO DAS TRAVESAS OFERTA VISITAS GUIADAS

A colección visitable do Castro das Travesas ven de iniciar unha campaña de promoción para que os colectivos que o desexen poidan facer visitas guiadas.

A sala da Colección Visitable do Castro das Travesas está na Casa da Cultura de Carral, cun amplo horario e posibilidade de visitas guiadas. Na exposición móstranse case trescentas das mellores pezas recuperadas, xunto a unha explicación da configuración do castro.

Hai materiais, algúns únicos, de gran valor pola súa cualidade e a boa conservación que evidencian o carácter principal do asentamento, e amosan fortes relacións directas con Europa ao longo do tempo.

As instalacións da Colección Visitable son de visita gratuíta (sala expositiva e espazos arqueolóxicos), mais tamén existe a visita guiada que é de pago. As visitas guiadas están deseñadas para o público xeral e para a comunidade escolar, e serán complementadas con contidos inéditos nos que está a traballar o equipo científico. O desenvolvemento das visitas escolares están pensadas segundo os distintos currículos, desde primaria ata bacharelato. Preténdese unha ligazón entre os contidos escolares e o museo. Durante a visita están deseñadas actividades que reforzan os contidos do museo, adaptadas aos distintos niveis escolares.

As visitas guiadas deberanse solicitar no teléfono 981 672 580. A visita libre é sen guía e de balde a calquera das instalacións.

Descargar Folla promoción visitas guiadas Coleción Visitable Castro das Travesas

 

/by

NACE UN CONCURSO DE FOTOGRAFÍA EN CARRAL

A Asociación Cultura Aberta de Carral, en colaboración coa Concellería de Cultura, ven de publicar as bases do seu primeiro concurso fotográfico, que leva o nome de Manuel manuel ferrolFerrol, o fotógrafo da emigración que contou con estudio en Carral.

O certame reparte 600 € en premios, e nesta primeira edición está dedicado ao retrato, modalidade na que foi especialista Ferrol. Poden participar fotógrafos afeccionados ou profesionais presentando fotos en papel, cun tamaño de 30×40 cm montadas nunha cartolina de 40×50 cm. Achegará ademais unha copia en formato dixital. O prazo para presentar obras remata o 27 de decembro.

Coas obras gañadoras e unha selección que realice o xurado, Cultura Aberta realizará unha exposición no edificio social Toñito Espiñeira.

Bases do Concurso Fotografía Manuel Ferrol

/by

CONTINÚA ESTE VENRES O CICLO DE CINEMA NA CASA DA CULTURA

corredorA película El Corredor del Laberinto. Las Pruebas proxectarase este venres na Casa da Cultura dentro do ciclo Películas para o outono.

Thomas e os demais clarianos terán que buscar pistas sobre a misteriosa e poderosa organización “CRUEL”. Esta aventura levaraos a “A Queimadura”, un apocalíptico lugar cheo de inimaxinables obstáculos. Xunto a  membros da Resistencia, terán que descubrir quen son os dirixentes da seita e cales son os seus plans.

A película comezará ás 20:30 h. e a entrada é de balde. Aconséllase retirar previamente a entrada para garantir dispor de localidade. Este filme non é recomendable para menores de 12 anos.

A seguinte película, Kingsman. Servicio Secreto, ofrécese o venres 4 de novembro.

/by

CARRAL SOBRE RODAS NO IX DÍA DO PATÍN

Este domingo 23 de outubro, 112 afeccionados aos patíns de toda a Comarca, gozaron en Carral de numerosas actividades.  Read more

/by

CARRAL CELEBRA ESTE DOMINGO O IX DÍA DO PATÍN EN CARRAL

A concellería de deportes espera xuntar a máis de 150 patinadores nesta xornada festiva que xa tradicional no outono carralés.  Read more

/by

SAMAÍN NAS BIBLIOTECAS

Un ano máis a Biblioteca Municipal de Carral celebra a festa do Samaín e para elo ten programado unha serie de actividades propias desta data. Samaín

Dirixido ós máis pequenos da casa, o día 26 de outubro, mércores, presentamos unha sesión de contacontos moi especial  para nenos pequenos. Cancións e contos para fomentar o gusto pola lectura a través de experiencias sensoriales básicas.

Esta sesión complementarase cunha pequena charla educativa dirixida aos pais.

Os asistentes terán a oportunidade tamén de participar nun obradoiro de cestiñas para preparar a noite de Samaín.

Esta actividade será na Biblioteca Infantil (Rúa do Castro) ás 18.00 horas e está dirixida a nenos e nenas entre 0 e 5 anos. A entrada é libre.

O xoves 27, celebraremos unha festa de Samaín. Será no edificio Toñito Espiñeira. Esta actividade inclúe xogos, obradoiro de maquillaxe e por suposto contos de medo cun personaxe misterioso. Os participantes poderán asistir co seu disfraz máis terrorífico. A idade recomendada é a partir dos 5 anos.

/by

LOS 4 FANTÁSTICOS ABRE UN NOVO CICLO DE CINEMA NA CASA DA CULTURA

4 fantásticosA Casa da Cultura volve programar cinema. Nesta ocasión cun ciclo formado por catro películas que se proxectarán os próximos catro venres ás 20:30 h.

Comeza este venres con Los 4 Fantásticos, un filme de ciencia ficción que narra que catro astronautas convértense en superheroes tras ser contaminados no espazo exterior.

Nas próximas sesións proxectaranse El Corredor del Laberinto – Las Pruebas, Kingsman. Servicio Secreto e Ex Machina. O acceso a todas as sesións é gratuíto.

/by