HFJ-0087r In DreamWorks Pictures' charming new film "The Hundred-Foot Journey," Hassan (MANISH DAYAL, center) serves his father (OM PURI) Beef Bourguinon á la Hassan, a classic French dish with an Indian twist, as Madame Mallory (HELEN MIRREN) explains its significance to French chefs. Photo: Francois Duhamel ©DreamWorks II Distribution Co., LLC. All Rights Reserved.

A película Un viaje de diez metros proxectarase mañá xoves 28 de agosto, no centro social de Cañás, a partir das 22:30 h.

O filme protagonizado por Helen Mirren e producida por Steven Spielberg e Oprah Winfrey, é unha entretida comedia, na que unha familia india se traslada ao sur de Francia, onde abre un restaurante fronte a outro cunha estrela Michelin e rexentado pola odiosa Madame Mallory (Helen Mirren).

Esta película forma parte do programa Noites de Película, que comezou o pasado mes de xullo en Tabeaio e rematará no Campo da Feira de Carral o luns 5 de setembro coa película Al encuentro de Mr. Banks, protagonizada por Tom Hanks e Emma Thompson.

 

A OMIX (oficina municipal de información xuvenil) organiza unha excursión o fin de semana do 17 e 18 de setembro, ó concello de Muiños (Ourense). Esta actividade, Xogando no medio ambiente, que vai pola sua terceira edición, pretende nesta ocasión dar a coñecer a nenos e nenas de 10 a 14 anos diferentes roteiros naturais, ao tempo que se fomenta a convivencia entre os participantes a través de diferentes actividades. Nesta edición realizaremos un roteiro polo Parque Natural do Xurés, visitaremos o campamento romano de Aquis Querquenis, e realizaremos actividades de orientación e kaiak
Esta excursión ten un prezo de 32 €, e inclúe o aloxamento, a manutención, o transporte e as actividades que nela se realicen.
A saída será o sábado 17 de setembro desde a Casa da Cultura ás 8:00 h., e o regreso, ó mesmo lugar, o domingo 18 de setembro ao redor das 18:00 h.
O prazo de inscrición remata o 5 de setembro e as prazas son limitadas.
Para inscribirse ou se precisas máis información podes pasar ou chamar á OMIX (Casa da Cultura) ó 981 67 25 80.

Cartel (Imaxe)

O pasado día 3, un grupo de máis de 30 nenos e nenas puideron gozar de novo do Aquaprk no veciño Concello de Cerceda. Este ano desde a OMIX (oficina municipal de información xuvenil), organizamos unha segunda excursión ó parque acuático, debido á gran demanda que tivemos na primeira. Coma sempre os nenos e nenas con idades comprendidas entre os 8 e os 17 anos, pasaron un día do mais divertido, nunhas instalacións, que ano tras ano visitamos a través das excursións que se organizan desde o Departamento de Xuventude do Concello de Carral.

20160803_185427

O corredor do club ciclista Betanzos repetiu a primeira posición do ano pasado, esta vez cun tempo de 20 minutos e 2 segundos. Read more

Para esta 5ª edición son xa máis de 50 os inscritos nesta proba ciclista de verán. Read more

O pasado venres clausuráronse os cursos do mes de xullo nos que participaron 107 nenos. Read more

Aquí vos deixamos os listados dos cursos de natación para o mes de agosto e unhas consideracións para os alumn@s.
¡¡¡Comezamos o luns 1 de agosto!!!!

 

Indicacións Listados Grupos natación. Agosto 2016

O Concello de Carral abre o prazo para que todos aqueles que o desexen, ademais das persoas remitidas polo SPEG, presenten a documentación relacionada nas bases que se achegan a continuación para a futura contratación dun oficial de primeira, un oficial de segunda e un peón (albaneis) ata o 31 de decembro de 2016 (a xornada completa) ao abeiro do Programa de Integración Laboral (PIL) da Excma. Deputación da Coruña.
Para tomar parte na selección será preciso reunir os requisitos recollidos no punto 2 das bases.
O prazo para a presentación de solicitudes remata o 8 de agosto, incluído.
Para calquera dúbida ou aclaración poden dirixirse ao departamento de Persoal do Concello ou chamar ao 981670002.

bases

Este ano, desde a OMIX (oficina municipal de información xuvenil) de Carral, organizamos unha segunda excursión ó Aquapark de Cerceda. Debido a gran demanda que tivemos para a primeira excursión que organizamos ó Aquapark, o vindeiro día 3 voltamos.

E coma na anterior, poderán ir nenos e nenas con idades comprendidas entre os 8 e os 17 anos, sairase desde a Casa da Cultura ás 11:15 h. e regresaremos, ó mesmo lugar ás 19:30 h. O prezo segue sendo de 8 €.
Se estás interesado/a o prazo de inscrición estará aberto entre o 18 e o 26 de xuño., e as prazas son limitadas.

As recomendacións que vos damos para acudir ó parque acuático coa OMIX son, levar protección solar, gorra e chancletas. Recorda que tes que levar a comida.

Para anotarse ou se precisas máis información podes chamar ó 981.67.25.80, ou pasarte pola Casa da Cultura.

Cartel (imaxe)