Rematada a Campaña de Comercio de Carral con 30000 boletos repartidos entre os comercios participantes na mesma publicamos a listaxe dos gañadores dos premios de este ano

.IMG_7517  IMG_7514 IMG_7513 IMG_7512 IMG_3125

listado de premiados campaña comercio 20152016

A Consellería de Infraestruturas e Vivenda publicou no DOG do 30 de decembro de 2015 axudas para o alugueiro social. O prazo rematará o 30 de novembro de 2016 ou cando se esgote o orzamento destinado a este fin.

Así mesmo, o Instituto Galego de Vivenda e Solo tamén publicitou axudas para o alugueiro a persoas afectadas por execucións hipotecarias ou que teñan alugadas vivendas inscritas no programa Aluga.

Para máis información diríxanse ao servizo de Medio Ambiente do Concello ou no 981670002.

 

 

A Concellería de Deportes de Carral prepara para o sábado 16 de xaneiro a 16ª edición da viaxe á pista de xeo, este ano a Marina Coruña (Paseo Marítimo). Read more

Coa entrada do novo Parque rúa Castro - 2014 - 18wano a Concellería de Cultura comunica a variación que desde esta semana existe no horario de apertura da biblioteca infantil da Rúa do Castro. Agora abrirá os luns, mércores e xoves, de 16:30 a 19:00 h.

Este cambio realízase para axustarse ás preferencias dos usuarios e usuarias, detectándose que na tarde dos venres o uso da biblioteca infantil era moi escaso. Despois dun proceso de consulta, trasladouse a apertura dos venres para o xoves.

Estas dependencias acollen os exemplares destinados ao público de entre 0 e os 12 anos, con elementos nas instalacións que permiten aos nenos iniciarse e fomentar a lectura nun espazo que reúne as condicións idóneas para o seu lecer.

Presentación Certame Poesía Carral 2016 -  - 08 - wO alcalde de Carral presentou esta mañá as bases da décimo novena edición do premio poético “Concello de Carral”.
José Luis Fernández Mouriño, acompañado do secretario xeral de Cultura, Anxo Lorenzo, e do director de Espiral Maior, Miguel Anxo Fernán Vello, presentou na Casa da Cultura a nova edición do certame poético, que continúa co obxectivo de contribuír ao descubrimento e consolidación dos autores en lingua galega.
O alcalde salientou a colaboración que ofrece a Consellería de Cultura e Educación, a través das súas secretarías xerais de Cultura e de Política Lingüística, que serve para que a Editorial Espiral Maior publique na súa colección de poesía o libro Soño e vértice de Eva Veiga, que obtivo o premio na pasada edición. O libro presentarase no acto de entrega do premio deste ano, previsto para o 27 de maio. Fernández Mouriño resaltou a traxectoria que leva acumulada o concurso, e a intención de fornecelo co aumento no premio económico que chega nesta edición aos 2.500 euros.
Pola súa banda Anxo Lorenzo resaltou tamén a traxectoria deste certame que está servindo para demostrar a consolidación dunha xeración de poetas que están nutrindo de saúde a literatura galega. Fixo fincapé que o certame de Carral, aínda que non é dos que teñen un premio económico dos máis elevados, si é dos que maior prestixio lle outorga a quen o recibe, dada a importante relación de autores e autoras gañadoras. Manifestou a vontade da Consellería de Cultura de apoiar este concurso dado o valor cultural que supón ofrecer posibilidades de publicar obra aos autores galegos á vez que se dá posibilidades á cidadanía para ler poesía.
Pola súa banda, Miguel Anxo Fernán Vello manifestou o especial cariño que lle ten a este concurso, xa que desde o seu nacemento estivo vencellado a el, vendo como foi medrando e como gran parte dos escritores galegos de éxito teñen no seu haber este premio. Salientou a circunstancia de que as tres últimas gañadoras foran mulleres e aproveitou a súa intervención para felicitar ao alcalde pola labor cultural que desenvolve o Concello de Carral, estando recoñecida na comarca coruñesa e en Galicia.
Esta nova edición do certame contempla un prazo para presentar exemplares aberto ata o 9 de abril. Poderán presentar obras os autores e autoras maiores de idade, con poemarios cun mínimo de 500 versos escritos en lingua galega.
O premio entregarase o 27 de maio, dentro dos actos das Letras Galegas en Carral, no que ademais se prevé a presentación do libro gañador da décima oitava edición do concurso, titulado Soño e vértice, do que é autora Eva Veiga.
Para ampliar información, os interesados poden dirixirse á Casa da Cultura de Carral, no teléfono 981 672580, ou a través da web carral.es.

Bases XIX Concurso de Poesía Concello de Carral

Cartel 2015 Nadal Infantil.A concellería de Cultura volve a ofrecer un ciclo de cine na sala de audiovisuais da Casa da Cultura. Nesta ocasión, aproveitando as datas do Nadal, ofrécense tres películas de animación para todos os públicos.
O ciclo comezará o luns 28 coa película Del revés, considerada por algúns críticos como unha obra mestra de Disney e os Estudios Pixar. O martes 29 proxectarase o filme galego-cubano nominado aos premios Goya Maimiño e o espello máxico, baseada no clásico conto infantil Polgariño e na versión libre que sobre este fixo o autor cubano José Martí. E rematarase o mércores 30 de decembro coa película Los Minions, outro éxito deste ano que está rematar.
Todas as sesións comezarán ás 17:00 h. As entradas son de balde e poden recollerse na Casa da Cultura desde 48 horas antes do inicio de cada película. Para a primeira película as entradas pódense recoller desde o día 22. A reserva das localidades terá vixencia ata 5 minutos despois de iniciada cada proxección.