O programa de teatro que veu desensolvendo a concellería de Cultura nestes meses remata o martes 22 de decembro co espectáculo para bebés “A alfombra máxica” de Títeres Babaluva.

_PX_4818w“A alfombra máxica” é un prelibro onde a artista plástica convida aos máis pequenos a mergullarse nunha viaxe sensorial. Un lugar de libre experimentación, unha alfombra táctil, sonora e olfactiva. Xuntos descobren o pracer de apalpar, manipular, escoitar, ver… Unha invitación a xogar, explorar, experimentar con todo o corpo. Xogos, música e outras sorpresas viaxarán cos máis pequenos e cos seus acompañantes adultos por un mundo de emocións e sensacións.

Este espectáculo-obradoiro realizarase na sala polivalente do edificio social Toñito Espiñeira, ás 17:00 h. O aforo está limitado e prégase puntualidade aos espectadores.

Laura Ponte e Roi Vidal protagonizaron a obra Rosalías, que se representou no local Xente Nova de Tabeaio para o alumnado de 3º e 4º da ESO dRosalías - Teatro do Antroido-  2015 - 24e Carral.
Foi unha función que serviu para coñecer as múltiples facetas de Rosalía de Castro, fuxindo dos tópicos que a categorizan como autora melancólica.
Esta función de Teatro do Antroido formaba parte do programa Teatro de Outono que organiza a Concellería de Cultura do Concello de Carral, e con ela pretendeuse, ademais do coñecemento de Rosalía de Castro, achegar aos mozos e mozas a unha obra teatral, un tipo de espectáculo ao que apenas acode a mocidade. É unha liña de acción do departamento municipal de Cultura o ofrecerlle á mocidade aquelas manifestacións culturais ás que non se achegan, moitas veces por descoñecemento ou prexuízos.

 

Cartel Concerto Panxoliñas 2015.Tres corais da provincia participarán no Festival de Panxoliñas de Carral, que organiza a concellería de Cultura coa colaboración da Asociación Cultural Aires de Carral e da Deputación Provincial da Coruña. As corais polifónicas que participarán son Vía Sacra de Sobrado dos Monxes, San Valentín de Fene e Aires de Carral.

Este evento musical terá lugar no Local Xente Nova de Tabeaio, o domingo 20 de decembro, ás 19:00 h. A entrada será libre.

A coral polifónica San Valentín, dirixida por Miriam Fernández Marín, naceu no ano 1980 e desde entón ten viaxado por diversas cidades españolas e a meirande parte das vilas galegas participando en concertos, festivais e certames. Pola súa banda a agrupación Vía Sacra, creada en 2008, recibe o seu nome en honra ao paseo entre a Casa das Audiencias e o mosteiro de Sobrado dos Monxes. Comeza con tan só 6 compoñentes, contando na actualidade con 28. Desde o seu comezo está dirixida por Malena Pazos Pintor.

A coral anfitriona, Aires de Carral conta cun longo historial de concertos por localidades galegas e española, acadando distincións en diversos certames. No ano 2013 gravou o seu último disco, Ecos de Carral, e desde 1982 dirixe a coral Juan José Gordillo.

O artista e deseñador gráfico betanceiro, Luis Galán, fixo hoxe entrega de tres obras que formaron parte da exposición As Mariñas de nunca xamais que percorreu os nove concellos do Consorcio das Mariñas. O alcalde José Luis Fernández Mouriño e a concelleira de Cultura, Margarita Ramilo Varela foron os encargados de recepcionar os tres cadros que pasarán a formar parte do patrimonio artístico do que dispón o Concello de Carral.

Os cadros, que en breve estarán pendurados no Salón de Plenos e na alcaldía, representan tres lugares emblemáticos do municipio. Son o monumento aos Mártires da Liberdade, os muíños de Costa da Egua e o edificio modernista da depuradora de auga de Cañás. A técnica empregada por Luis Galán nestas obras é a ilustración vectorial e a impresión coa técnica glicée.

Luis Galán - alcalde - concelleira cultura - Carral 2015 web

Este sábado terá lugar unha nova edición deste trofeo carralés de Tiro con Arco. Read more

O xoves 17 de decembrcartel os sete cabritos peqo, na Biblioteca Pública Municipal, a compañía do Trinketrinke presentará un novo contacontos coa familia Ratoncia como protagonista, nesta ocasión será outro conto tradicional: “Os sete cabritos e o lobo”

Destinado ó público infantil de 3 a 8 anos.

Será o xoves 17 de decembro ás 6 da tarde na Biblioteca Pública Municipal (Casa da Cultura).

A entrada será libre.

A Concellería de Cultura do Concello de Carral, dentro do seu programa Teatro de Outono, ofrece o espectáculo infantil Rodarirodari (Contos do tranvía) da compañía galega Foto RodariRodariFantoches Baj, este sábado 12 de decembro, no edificio social Toñito Espiñeira, ás 18:00 h.

RodariRodari (Contos do tranvía) é un espectáculo de narración oral, manipulación de títeres e acompañamento musical en directo, no que se emprega o conto tradicional, a tradición dos contos de Gianni Rodari, e os monicreques para, partindo da domesticación dun animal como o burro, chegar ó uso ou abuso das novas tecnoloxías. O tema do xogo está presente para introducir cancións tradicionais como a do Trole, nas que o músico Carlos Quintá, irá acompañándo co seu acordeón diatónico, e o narrador Inacio Vilariño xogará coas onomatopeias producidas polo funcionamento das máquinas, ao mesmo tempo que se acompañan coa melodía producida maquinalmente por unha caixa de música.

O espactáculo está recomendado para rapaces de 4 a 12 anos, e o acceso é libre ata completar o aforo. Prégase que o público sexa puntual para que unha vez iniciada a función non existan interrupcións.