Tag Archive for: carral

ÁBRESE O 2º PRAZO DE INSCRICIÓN NOS CAMPAMENTOS DEPORTIVOS DE VERÁN

Atendendo as bases que rexen a inscrición dos campamentos deportivos do verán 2024, ábrese o SEGUNDO PRAZO DE INSCRICIÓN (DENDE AS 12.00 H DO LUNS 15 ATA AS 14:00 H DO XOVES 18 DE XULLO) para as SEMANAS NAS QUE QUEDAN PRAZAS VACANTES:

DATAS E Nº DE PRAZAS VACANTES:

– 4ª semana (do 22 ao 26 de xullo): 25 prazas

– 5ª semana (do 29 de xullo ao 2 de agosto): 25prazas

– 6ª semana (do 5 ao 9 de agosto):  7 prazas

– 7ª semana (do 12 ao 16 de agosto):  12 prazas

– 8ª semana (do 19 ao 23 de agosto): 6 prazas

– 9ª semana (do 26 ao 30 de agosto):  7 prazas

HORARIOS (luns a venres, excepto festivos):

1. Servizo Madrugadores: 7.30 a 10.00 h *
2. Horario campamento: 10.00 a 14.00 h, ESTE HORARIO SERÁ “OBRIGATORIO” PARA TODOS OS NENOS/AS, non podendo nin entregar nin recoller aos nenos/as durante o mesmo salvo excepcións previamente comunicadas.
3. Tempo de Xantar: 14.00 a 16.00 h *

*Nota. Os nenos/as que fagan uso destes horarios deberán traer o seu almorzo ou xantar da casa.

LUGAR:
Recinto escolar Colexio Vicente Otero Valcárcel (43.224984, -8.354894) 

DESTINATARIOS: 

1. Para nenos/as dende Educación Infantil (dende 3 anos) e toda a Educación Primaria.

2. Preferencia empadroados/as no Concello de Carral ou aqueles nenos/as matriculados nos Centro Educativos públicos da localidade.

PREZO:  30 €/semana (consultar condicións de pago)

              + 9,25 €/semana pola opción de madrugadores/tempo de xantar.

OBSERVACIÓN NA INSCRICIÓN:

1.Prazo entre o 15 (12:00 h) e o 18 (14:00 h)  de xuño.

2.Prazas limitadas por semanas.

CRITERIOS DE ADXUDICACIÓN DAS PRAZAS: 
–  Preferencia aos empadroados/as.
–  Por orde de inscrición ou ata esgotar a oferta (tendo preferencia as persoas empadroadas ou matriculadas nos Centros Educativos públicos da localidade)

XEITO DE INSCRICIÓN: 
– Presencialmente no Complexo Deportivo de Carral (9:00-22:00 h) cubrindo o formulario normalizado.

– A través do formulario web: https://forms.gle/roC4bcpBjte3UWAD9

/by

LISTAS DE ADMITIDOS NOS CURSOS DE PÁDEL DO MES DE XULLO

Rematado o prazo de inscrición nos cursos de pádel do mes de agosto, fanse públicas as LISTAS DE ADMITIDOS – HORARIOS E GRUPOS

INFORMACIÓN DOS CURSOS DE PÁDEL:

Datas e horario: do 1 ao 31 de xullo
Grupo 1: luns e mércores de 19:30 a 20:30 h
Grupo 2: luns e mércores de 20:30 a 21:30 h

Lugar: Complexo Deportivo de Carral
Destinatarios: A partir de 6 anos (preferencia empadroados/as).
Prezo: 22 € /mes
Observacións para a inscrición:
Prazo dende o 21 (09:00 h) ao 26 (12:00 h) de xuño.
Prazas limitadas / adxudicaranse por orde de inscrición

CRITERIOS DE ADXUDICACIÓN DAS PRAZAS:
– Por orde de inscrición ou ata esgotar a oferta
– Preferencia aos empadroados/as.

Publicación das listas de admitidos: 27 de xuño.
Prazo de pago: entre o 28 e 30 de xuño (ata ás 14:00 h). Se o interesado non fixera o pago nas datas sinaladas, perderá a praza en favor do primeiro inscrito en lista de espera se a houbese.

Máis info no Complexo Deportivo (678.33.88.47) ou en complexo.deportivo@carral.es

/by

PUBLÍCANSE AS LISTAXES, GRUPOS E HORARIOS DOS CURSOS DE NATACIÓN DO MES DE XULLO

O verán pasado, máis de 115 nenos e nenas participaron nestes cursos entre os meses de xullo e agosto.

LISTADOS ADMITIDOS/RESERVAS – HORARIOS E GRUPOS

INFORMACIÓN PARA OS ALUMNOS/AS DOS CURSOS DE NATACIÓN

INDICACIÓNS:

  • As datas previstas para estes cursos serán desde o 1 ao 31 de xullo.
  • Os cursos impartiranse nas piscinas municipais
  • Os grupos están divididos en función das idades dos inscritos, tendo preferencia os empadroados, naqueles grupos nos que se superan os rateos alumnos/monitor.
  • Impartiranse clases de 45 minutos, nos seguintes horarios:
    • Grupo 1: nados do 2014 ao 2011, de 11:45 a 12:30 h.
    • Grupo 2: nados do 2017 ao 2015, de 12:30 a 13:15 h.
    • Grupo 3: nados do 2021 ao 2018, de 13:15 a 14:00 h.
  • O prazo de pago será ata o 28 de xuño (14:00 h).
  • Formas de pago: (28 €/alumno/a)
    • Mediante transferencia bancaria (ES21 2100 5781 3102 0000 1826), para o cal será imprescindible enviar o resgardo de ingreso ao mail complexo.deportivo@carral.es.
    • Con Tarxeta bancaria nas dependencias do Complexo Deportivo

Máis información, no Complexo Deportivo de Carral (678.88.33.47 – complexo.deportivo@carral.es).

/by

CARRAL ABRE O PRAZO DE PREINSCRICIÓN NOS CAMPAMENTOS DEPORTIVOS DE VERÁN 2024

Carral abre este venres, 7 de xuño ás 9:00 h, o prazo de inscrición nos campamentos de verán, un programa co que o Concello busca favorecer a conciliación entre as familias do municipio. O período de inscrición estará aberto ata o 14 de xuño ás 12:00 h, dándolles aos veciños e veciñas a posibilidade de inscribir aos nenos e nenas nalgunha/s das 9 semanas que se ofertan dende o 1 de xullo ata o 30 de agosto.

Como nas últimas edicións, o Concello mantén o horario ampliado destas actividades. Deste xeito, os pequenos e pequenas poderán ser atendidos entre as 10.00 ata as 14.00 horas xa que, ademais das propias actividades dos campamentos, o Concello ofrece servizos opcionais de Madrugadores (de 7.30 a 10.00 horas) e de tempo de xantar (de 14.00 a 16.00 horas).

Os campamentos, dirixidos a rapaces e rapazas de 3 a 11anos, terán lugar ao longo de todo o verán divididos en quendas semanais (9), tendo preferencia os nenos e nenas empadroados ou matriculados nos centros de ensinanza de Carral:

  • 1ª semana: do 1 ao 5 de xullo (120 prazas)
  • 2ª semana: do 8 ao 12 de xullo (120 prazas)
  • 3ª semana: do 15 ao 19 de xullo (120 prazas)
  • 4ª semana: do 22 ao 26 de xullo (120 prazas)
  • 5ª semana: do 29 de xullo ao 2 de agosto (120 prazas)
  • 6ª semana: do 5 ao 9 de agosto (120 prazas)
  • 7ª semana: do 12 ao 16 de agosto (90 prazas)
  • 8ª semana: do 19 ao 23 de agosto (90 prazas)
  • 9ª semana: do 26 ao 30 de agosto (90 prazas)

O prezo destes campamentos é de 30,00 €/semana, e o prezo polo uso do servizo opcional de madrugadores (7:30-10.00 h)/tempo de xantar (14:00-16:00): 9,25 €/semana.

As inscricións poden tramitarse ata o 14 de xuño. Para facelo, os veciños e veciñas poderán cubrir o boletín de inscrición dispoñible na páxina web do Concello ou, se o prefiren, cumprimentar o formulario online da web municipal. Como noutras convocatorias, as persoas interesadas terán a posibilidade de inscribir aos nenos e nenas por semanas soltas.

/by

SORTEO DOS CAMPAMENTOS DEPORTIVOS DA DEPUTACIÓN DA CORUÑA

O sorteo das 5 prazas adxudicadas ao Concello de Carral terá lugar o mércores 29 ás 10:00 h no Salón de Plenos Municipal

/by

ABERTO O PRAZO DE PREINSCRICIÓN PARA OS CAMPAMENTOS DEPORTIVOS DA DEPUTACIÓN

O concelleiro de Deportes, Francisco Bello, sinala que, ademais do programa provincial, o Concello terá tamén o seu propio programa “nunha nova aposta por promover a conciliación da veciñanza de Carral”.

Formulario
Boletín
Inscrición

O prazo de preinscrición para os campamentos deportivos da Deputación da Coruña estará aberto ata o 28 de maio. No caso de Carral, o ente provincial oferta cinco prazas para a cuarta quenda, entre o 14 e o 19 de xullo.

O concelleiro de Deportes, Francisco Bello, sinala que, ademais do programa provincial, o Concello celebrará, este verán, os seus propios campamentos “nunha nova aposta por promover a conciliación da veciñanza de Carral”. A previsión, tal e como avanza o edil, é abrir o período de inscrición para o programa a principios do mes de xuño.

Os campamentos da Deputación están dirixidos a nenos e nenas de entre 9 e 14 anos e levaranse a cabo no IES Rosalía de Mera. Os rapaces e rapazas que participen na iniciativa poderán gozar de deportes náuticos, actividades ao aire libre, dunha xornada de praia e de visitas culturais e etnográficas.

As inscricións poden tramitarse na Casa da Cultura (981 67 25 80) e no Complexo Deportivo de Carral (678 33 88 47 e en deportes@caral.es) ata o 28de maio.

/by

O TEATRO EN CARRAL OBTIVO NO 2023 OS SEUS MELLORES DATOS HISTÓRICOS DE ASISTENCIA

O departamento municipal de Cultura ven de presentar o informe sobre o programa Teatro de Outono de 2023, que elabora o técnico de Cultura para avaliar as programacións e os seus impactos socioculturais.

Do informe conclúese a evolución positiva no incremento de asistencia aos espectáculos, sendo no pasado ano de 117 persoas; que o grupo maioritario de idade que asiste é o da franxa dos 41 aos 65 anos; que de xeito semellante a outros ámbitos culturais as mulleres supoñen 2 terzos do total de asistencia; que a obra que mellor puntuación obtivo foi Hugo, de Náufragos Teatro; que o método de comunicación que se demostra máis eficaz para coñecer a programación é a canle de Whatsapp “Novas Carral”, ou que os residentes nas parroquias máis rurais apenas asisten ao teatro.

Os datos cos que se confecciona o informe obtéñense fundamentalmente das enquisas que o público atende ao rematar as funcións. Nesta edición a enquisa contou con dúas partes, sendo a primeira a que preguntaba sobre a función que acababan de ver, e a segunda parte que só se cubría unha vez e que consultaba sobre hábitos de consumo de artes escénicas.

O Concello de Carral considera fundamental aplicar estas metodoloxías para a análise das programacións, para atender as preferencias dos públicos e para deseñar novos modelos que fomenten un aumento das prácticas culturais e que melloren os impactos na calidade de vida da cidadanía.

Pódese descargar o informe premendo aquí.

/by

PUBLÍCANSE AS LISTAXES DE ADMITIDOS NOS CAMPAMENTOS DEPORTIVOS DE NADAL

INFORMACIÓN XERAL SOBRE OS CAMPAMENTOS DEPORTIVOS DE NADAL

LISTAXE DE ADMITIDOS


DATAS: do 22 de decembro ao 5 de xaneiro.

HORARIOS: (luns a venres, excepto festivos) 

      1. Servizo Madrugadores: 7.30 a 10.00 h *
      2. Campamentos: 10.00 a 14.00 h, ESTE HORARIO SERÁ “OBRIGATORIO” PARA TODOS OS NENOS/AS, non            podendo nin entregar nin recoller aos nenos/as durante o mesmo salvo excepcións previamente                          comunicadas.
      3. Tempo de Xantar: 14.00 a 16.00 h *

*Nota. Os nenos/as que fagan uso destes horarios deberán traer o seu almorzo ou xantar da casa.

LUGAR: 

Recinto escolar e pavillón do Colexio Vicente Otero Valcárcel.

DESTINATARIOS:

Para nenos/as nados do 2013 ao 2020.

PREZO: 35 € (prezo indivisible / campamento completo)

OBSERVACIÓNS NA INSCRICIÓN:

      1. Prazo entre o 12 (09:00 h) e o 19  de decembro (14:00 h).

      2. Prazas limitadas (60). 

      3. CRITERIOS DE ADXUDICACIÓN DAS PRAZAS: 

                – Por orde de inscrición ou ata esgotar a oferta
                – Preferencia aos empadroados/as.

      4. Publicación das listaxes:

                –  20 de decembro (pago do 20 ao 22 de decembro)

Máis info na Casa da Cultura (981.67.25.80) ou en casadacultura@carral.es

/by

ÁBRESE O PRAZO DE INSCRICIÓN NOS CAMPAMENTOS DEPORTIVOS DE NADAL

Carral abre hoxe, martes 12 de decembro, o prazo de solicitude dos campamentos de Nadal, un programa co que o Concello busca favorecer a conciliación entre as familias do municipio. O período de inscrición estará aberto ata as 14.00 h do 19 de decembro.

Como nas últimas edicións, o Concello mantén o horario ampliado destas actividades. Deste xeito, os pequenos e pequenas poderán ser atendidos entre as 7.30 ata as 16.00 horas xa que, ademais das propias actividades dos campamentos, o Concello ofrece servizos de Mañanceiro (de 7.30 a 10.00 horas) e de Xantar (de 14.00 a 16.00 horas).

Estes campamentos, dirixidos a rapaces e rapazas nados entre os anos 2013 e o 2020, terá unha temática deportiva, con especial atención aos deportes de inverno e as disciplinas locais. Ofertaranse 60 prazas, tendo preferencia os nenos e nenas empadroados ou os que acudan aos centros de ensinanza de Carral.

Para inscribrise, os veciños e veciñas poderán cubrir o boletín de inscrición dispoñible na páxina web do Concello ou, se o prefiren, cumplimentar o formulario online da web municipal.

Form. web
B. inscrición
/by