O vindeiro 28 de agosto, a OMIX de Carral, organiza un día multi-aventura en Sanxenxo. Sairemos do local Interxeracional ás 9:00 h . e regresaremos ó mesmo lugar ás 21:00 h.
Karts, circuítos arbóreos, tirolina, tobogán acuático, canoas, bicis acuáticas, tiro con arco e máis actividades para as rapazas e rapaces nadas/os entre o ano 2007 e 2012.
Se estás interesado/a envíanos por whatsapp (674 793 475), correo electrónico (omix@carral.es) ou entréganos na OMIX (Local Interxeracional) a inscrición – autorización que atoparás aquí abaixo, entre o 8 e o 22 de agosto. As prazas son limitadas, por orde de inscrición e con preferencia para empadroados/as.
O prezo é de 17 €, e é moi importante que non pagues ata que che confirmemos a praza!
O mércores 26 de xuño, volve a clásica, a clásica excursión que facemos todos os anos e que vos gusta tanto, a do Aquapark de Cerceda.
As/os participantes poderán ser rapazas e rapaces nados entre os anos 2007 e 2016. Sairemos ás 11:30 h do local Inrterxeracional, e voltaremos ó mesmo lugar sobre as 19:30 h.
Para anotarse tedes que enviarnos a autorización, que atoparedes aqui mesmo, por whatsapp ó 674.793.475, por correo electrónico a omix@carral.es ou presentandoa no Local Interxeracional (horario de 16:30 a 20:30). A inscrición estará aberta do luns 17, ás 16:30 h. ata o xoves 20 de xuño ás 13:30 h.
Recordade non facer o pago dos 8 € ata que vos avisemos. Non vos demoredes, xa que as prazas, para as que terán preferencia as/os empadroadas/os, son limitadas.
Recomendacións: Levar a comida, toalla, protección solar, gorra e sandalias.
http://carral.es//wp-content/uploads/2022/11/logo1.png00Antolín Rodríguezhttp://carral.es//wp-content/uploads/2022/11/logo1.pngAntolín Rodríguez2024-06-13 17:33:212024-06-17 08:49:10VOLVE A CLÁSICA…IMOS Ó AQUAPARK!
A exposición achega á cidadanía as políticas da Unión Europea para conseguir a neutralidade climática nas vindeiras décadas
A localidade acollerá tamén unha actuación de malabares, equilibrios e acrobacias na rúa o 20 de xuño ás 17.30 horas
A mostra Pacto Verde Europeo do centro EUROPE DIRECT A Coruña-Deputación da Coruña chega o venres 14 de xuño a Carral. Esta mostra sobre as políticas verdes da Comisión Europea poderá visitarse durante dúas semanas, ata o 28 de xuño, na praza Campo da Feira.
O Pacto Verde Europeo é a folla de ruta da UE para avanzar cara un sistema económico sostible, moderno e competitivo que sexa capaz de facer un uso eficiente dos recursos. Como se explica de maneira accesible nos paneis, o obxectivo inicial é reducir as emisións nun 55% ata 2023 como primeiro paso para acadar a neutralidade climática no ano 2050.
A mostra está acompañada dunha actuación artística que introducirá ao público na temática medioambiental a través de malabares, acrobacias e equilibrios. A cita é o xoves 20 de xuño ás 17.30 horas xunto á exposición.
Despois da parada en Carral, esta exposición itinerante visitará os concellos de Negreira, Rianxo e Lousame.
Experiencia interactiva
A mostra busca tamén a participación do público asistente a través de dúas experiencias interactivas ás que se pode acceder dende o teléfono móbil. A primeira delas é Estación Verde, un entorno virtual en 3D no que se aloxan vídeos realizados polo alumnado de centros galegos con consellos sobre sostibilidade, contidos didácticos, unha versión virtual da mostra e un punto informativo sobre as funcións do centro EUROPE DIRECT A Coruña, aos que se pode acceder escaneando códigos QR.
Tamén está dispoñible o xogo Pacto Verde Europeo, un escape room online deseñado para poñer a proba os coñecementos sobre o coidado do medio ambiente do público de todas as idades. Pódese acceder ao mesmo a través da páxina web: https://www.dacoruna.gal/europedirect/escaperoom/
EUROPE DIRECT A Coruña é un centro de información oficial da Comisión Europea que pertence á Deputación da Coruña. A misión do centro, que iniciou a súa traxectoria no ano 1996, é traballar coa cidadanía, os medios de comunicación e as entidades locais cos obxectivos de implicar á poboación en temas europeos, así como proporcionar contidos sobre as políticas e as prioridades da UE. Tamén axudar á Comisión Europea a adquirir unha visión xeral das sensibilidades locais relacionadas coas súas políticas e promover a cidadanía europea activa nas escolas.
Para información complementaria, pódese contactar a través do correo electrónico europedirect@dacoruna.gal, ou ben, no número de teléfono 981 080 331.
Hai tamén máis información dispoñible na seguinte páxina web: https://www.dacoruna.gal/europedirect/europe-direct-coruna/agenda/2024/exposicion-itinerante-pacto-verde-europeo/
http://carral.es//wp-content/uploads/2022/11/logo1.png00Antolín Rodríguezhttp://carral.es//wp-content/uploads/2022/11/logo1.pngAntolín Rodríguez2024-06-12 18:30:442024-06-12 18:32:31A mostra Pacto Verde Europeo de EUROPE DIRECT A Coruña chega o 14 de xuño a Carral
Desde a OMIX (oficina municipal de información xuvenil) queremos repetir a experiencia do ano pasado e por iso volve MOCI-CAMPA. Obradoiros, excursións, xogos, roteiros e moitas mais actividades ó aire libre pero tendo o Local Interxeracional coma punto de encontro, para pasar unhas mañas entretidas entre as 10:30 e as 13:30 h. (agás o día de excursión semanal que será de 9:30 a 14:30 h.)
MOCI-CAMPA, que é para rapaces e rapazas nados entre o ano 2008 e 2012, comezará o 1 de xullo e rematará o 26 do mesmo mes, e os/as interesados/as poden anotarse por semanas (1ª semana do día 1 ó 5 de xullo, 2ª do día 8 ó 12, 3ª do 15 ó 19, e a derradeira do 22 ó 26).
Podedes anotarvos entre o luns 10, a partir das 16:30 h., ata as 20:30 h. do martes 18 de xuño, As prazas son limitadas polo que terase en conta a orde de inscrición e tamen terán preferencia as/os empadroadas/os. O prezo será de 30 € por semana.
Como anotarvos? Tedes que enviarnos por correo electrónico (omix@carral.es) por whatsapp (674.793.475) ou de maneira presencial no Local Interxeracional (luns a venres de 16:30 a 20:30 h.) a folla de inscrición/autorización que atoparás aquí mesmo.
https://carral.es//wp-content/uploads/2024/06/Cartel.png20001414Antolín Rodríguezhttp://carral.es//wp-content/uploads/2022/11/logo1.pngAntolín Rodríguez2024-06-06 17:21:462024-06-13 19:27:06VOLVE O MOCI-CAMPA da OMIX
Xogos, trucos, ilusión, humor e información europea se reúnen nesta actividade para todos os públicos.
A función, con entrada gratuíta, terá lugar no Edificio Social “Toñito Espiñeira” as 18:00 h.
A OMIX de Carral trae o espectáculo ‘A Maxia de Europa’ de EUROPE DIRECT A Coruña.
O Concello de Carral acolle o día 8 de maio o espectáculo ‘A Maxia de Europa’. Esta actividade de EUROPE DIRECT A Coruña mistura xogos, trucos, ilusións e humor para realizar unha viaxe máxica e dinámica para maiores e pequenos a través dos valores, símbolos, beneficios e algún dos programas da Unión Europea. A función, que ten entrada de balde, terá lugar no Edificio Social “Toñito Espiñeira” e comeza ás 18:00 horas, e para acudir deberas solicitar o teu convite no 674.793.475 (Whatsapp ou chamada) no correo electrónico omix@carral.es ou pasando polo Local Interxeracional.
O público asistente poderá seguir os trucos de maxia realizados coas bandeiras europea e dos estados membro ou a moeda común, entre outros elementos. O espectáculo estará guiado polo mago Pedro Bugarín, un ilusionista con máis de 15 anos de experiencia no seu eido e que tamén ten vivido múltiples experiencias de mobilidade en Europa.
Esta actividade lúdica e máxica está organizada por EUROPE DIRECT A Coruña dentro da iniciativa Europa no teu Concello, da que forma parte a OMIX (oficina municipal de información xuvenil) do Concello de Carral. O espectáculo levará durante o mes de maio os valores, símbolos e oportunidades da Unión Europea a un total de seis concellos da provincia adheridos a esta rede. ‘A Maxia de Europa’ percorrerá Rianxo, Carral, Vedra, A Laracha, Pontedeume e Rois entre os días 7 e 15 de maio.
Este espectáculo itinerante forma parte da programación que Europa no teu Concello ofrece aos membros da rede. EUROPE DIRECT A Coruña puxo en marcha esta iniciativa, da que xa forman parte 46 concellos, para aproximar a información sobre a Unión Europea a toda a cidadanía da provincia, en especial, da mocidade. EUROPE DIRECT A Coruña é un centro de información oficial da Comisión Europea que pertence á Deputación da Coruña. A misión do centro, que iniciou a súa traxectoria no ano 1996, é traballar coa cidadanía, os medios de comunicación e as entidades locais cos obxectivos de implicar á poboación en temas europeos, así como proporcionar contidos sobre as políticas e as prioridades da UE. Tamén axudar á Comisión Europea a adquirir unha visión xeral das sensibilidades locais relacionadas coas súas políticas e promover a cidadanía europea activa nas escolas.
Para información complementaria, pódese contactar a través do correo electrónico europedirect@dacoruna.gal, ou ben, no número de teléfono 981 080 331.
https://carral.es//wp-content/uploads/2024/04/Cartel_web_horizontal.png17693375Antolín Rodríguezhttp://carral.es//wp-content/uploads/2022/11/logo1.pngAntolín Rodríguez2024-04-24 18:29:352024-04-24 18:35:37A OMIX de Carral trae o espectáculo ‘A Maxia de Europa’ de EUROPE DIRECT A Coruña.
A actividade, dispoñible para municipios membros da rede ‘Europa no teu Concello’, percorre quince concellos da provincia para achegar a Unión Europa ao público infantil.
As funcións contan con intérprete de lingua de signos para garantir a accesibilidade.
Poderás solicitar o teu convite en omix@carral.es, no 674.793.475 (chamando ou por WhatsApp) ou no Local Interxeracional.
O Concello de Carral a través da OMIX (oficina municipal de informacion xuvenil) acolle o día 22 de marzo as 17:30 h. no Local Interxeracional, o contacontos Coñece Europa con Kalopsia, que percorrerá quince municipios da provincia da Coruña nos vindeiros meses para achegar a Unión Europea a nenos e nenas. Esta actividade forma parte da programación que EUROPE DIRECT A Coruña ofrece aos concellos adheridos á rede Europa no teu Concello e poderá verse en Cerceda, Narón, Carral, Dodro, Cariño, Boiro, Pontedeume, Rianxo, A Laracha, Negreira, Rois, Valdoviño, Padrón, Dumbría e Lousame.
Coñece Europa con Kalopsia é un obradoiro de contacontos para rapaces e rapazas de 6 a 12 anos, que explica dunha maneira sinxela e entretida o funcionamento e valores da UE. A sesión comezará cun achegamento a algúns contos e libros infantís europeos para coñecer un pouco da tradición literaria da Unión Europea e as diferentes culturas que a compoñen.
A continuación, o público poderá escoitar a narración do libro Kalopsia. Un planeta non tan diferente: descubre Europa desde o espacio exterior, editado pola Representación da Comisión Europea en España. O conto está pensando para que os nenos e nenas coñezan a orixe da Unión Europea e entendan que a diversidade é un valor que nos enriquece.
Para rematar, os cativos converteranse en protagonistas e poderán xogar a formar os seus propios países e alianzas. A actividade contará con intérprete de lingua de signos para garantir a accesibilidade.
https://carral.es//wp-content/uploads/2024/03/Imaxe-web.jpg12411755Antolín Rodríguezhttp://carral.es//wp-content/uploads/2022/11/logo1.pngAntolín Rodríguez2024-03-08 18:16:162024-03-08 18:16:17O contacontos ‘Kalopsia’ de EUROPE DIRECT A Coruña chega o día 22 de marzo a Carral.
https://carral.es//wp-content/uploads/2023/11/WhatsApp-Image-2022-12-20-at-21.59.15.jpeg20481536Carloshttp://carral.es//wp-content/uploads/2022/11/logo1.pngCarlos2023-11-29 16:03:422023-11-29 16:04:15CONCURSO “DECORACIÓN DE NADAL 2023”
O Concello de Carral presenta a súa programación de escolas municipais que inclúe, un ano máis, diferentes actividades para todos os gustos e idades.
O período de inscricións abriuse hoxe, mércores, ás 09:00 horas e estará activo ata o 20 de setembro. Poderá pecharse antes se se completan todas as prazas da modalidade.
As prazas son limitadas e as solicitudes deberán presentarse preferiblemente a través do correo electrónico casadacultura@carral.es e tamén de forma presencial na Casa da Cultura de Carral.
As formacións darán comezo a primeira semana de outubro, sendo responsabilidade do alumnado informarse nas dependencias municipais das datas, horas e lugares concretos das súas actividades.
A cota xeral será de 14 euros mensuais por persoa e actividade ou de 15 euros para aquelas que inclúen tres horas semanais. O prezo da Escola de Música é de 40 euros ao mes.
Haberá bonificacións para as familias numerosas, para persoas da terceira idade ou con discapacidade e para as voluntarias de Protección Civil. Todos elas terán un desconto de tres euros ao mes por actividade.
Deportes Atletismo, ioga, patinaxe, rítmica e judo son as modalidades ofrecidas para os máis pequenos e pequenas no pavillón do colexio. Por outra banda, deportes como equitación, baloncesto, pádel, tiro con arco e tiro olímpico serán as opcións para o público xeral.
Os adultos terán tamén á súa disposición clases de zoa e ioga. Ademais, durante este curso ofreceranse, a través do departamento de Deportes, cursos de iniciación a diferentes modalidades deportivas.
Cultura O departamento de Cultura ofrecerá diversas actividades destacando unha formación en teares e tapices que se desenvolverá os xoves, de 17:00 a 20:00 horas, no centro de formación Antón Fraguas.
Educación O CEIP Vicente Otero Valcárcel volverá contar con servizo de madrugadores, de 7:30 a 9:20 horas, e de conciliación, de luns a venres de 15:20 a 16:20 horas.
BOLETÍN DE INSCRICIÓN(non se aceptarán inscricións anteriores ás 9:00 do mércores 6 de setembro)
https://carral.es//wp-content/uploads/2023/09/yoga-2959214_1280.jpg8531280Deportes Carralhttp://carral.es//wp-content/uploads/2022/11/logo1.pngDeportes Carral2023-09-05 17:52:032023-09-06 16:36:49CARRAL ABRE O PRAZO DE INSCRICIÓN PARA AS ESCOLAS MUNICIPAIS DO CURSO 2023-2024
As vacacions de verán están chegando ó seu fin e desde a OMIX (oficina municipal de información xuvenil) organizamos unha actividade para despedilas, o DÍA MULTIAVENTURA! O mércores 30 de agosto pasaremos unha xornada nos karts e nos kaiak.
A actividade está destinada a rapazas e rapaces de entre 12 e 17 anos, con preferencia para empadroadas/os, saindo do Local Interxeracional ás 9:00 h., e regresando o mesmo lugar sobre as 19:30 h. aproximadamente.
O prazo de inscrición será do 16 de agosto (a partir das 17:00 h.) ó 23 de agosto (ata as 20:00 h.) Para anotarte deberás pasarte pola OMIX (Local Interxeracional, r/ Alcalde Juan Seijas, nº 8, baixo – luns a venres de 17:00 a 20:00 h.) e cubrir folla de inscrición/autorización pola tua nai/pai/titor-a
As prazas son limitadas!
O prezo da actividade é de 17 €. Pero non debes facer o pago ata que te avisemos de que tes praza.
RECOMENDACIONS: Levar traxe de baño, sandalias, toalla, protección solar, gorra, comida e bebida.
https://carral.es//wp-content/uploads/2023/08/DSC3542-scaled-e1617121203750.jpg10001001Carloshttp://carral.es//wp-content/uploads/2022/11/logo1.pngCarlos2023-08-11 13:57:582023-08-11 13:57:59DÍA MULTI-AVENTURA CON KARTS E KAIAKS!
Desde a OMIX (oficina municipal de información xuvenil) organizamos os días 9, 10 e 11 de agosto dous cursos de actividades marítimas.
Dentro do programa MAR-E ANDO, durante tres días poderedes aprender vela, paddel surf ou kayak. Esta actividade está programada para rapaces e rapazas a partir de 12 anos.
A saída a realizaremos desde o local Interxeracional, ás 8:45 h. e o regreso ó mesmo lugar ás 14:15 h.
O prezo son 50 euros polos tres dias, as prazas limitadas e o prazo para anotarse é do 1 ó 5 de agosto.
A autorización podes atopala, na web do concello (carral.es), no Facebook (omix carral) ou no noso Instagram (@omix_carral). E tes que enviala por whatsapp ó 674.793.475, por correo electrónico a omix@carral.es. ou entregala na OMIX (Local Interxeracional, rúa Alcalde Juan Seijas, nº 8, baixo).
https://carral.es//wp-content/uploads/2022/08/Imaxe-Cartel.jpg457740Carloshttp://carral.es//wp-content/uploads/2022/11/logo1.pngCarlos2022-08-04 10:18:252022-08-04 10:18:25MAR-E ANDO, OS CURSOS DE ACTIVIDADES MARÍTIMAS DA OMIX.
Para ofrecer las mejores experiencias, utilizamos tecnologías como cookies para almacenar y/o acceder a la información del dispositivo. El consentimiento para estas tecnologías nos permitirá procesar datos como el comportamiento de navegación o identificaciones únicas en este sitio. No dar su consentimiento o retirarlo puede afectar negativamente a ciertas características y funciones.
El almacenamiento o acceso técnico sea estrictamente necesario con el fin legítimo de posibilitar la utilización de un determinado servicio expresamente solicitado por el abonado o usuario, o con la única finalidad de efectuar la transmisión de una comunicación a través de una red de comunicaciones electrónicas.
Preferences
The technical storage or access is necessary for the legitimate purpose of storing preferences that are not requested by the subscriber or user.
Estadísticas
The technical storage or access that is used exclusively for statistical purposes.El almacenamiento o acceso técnico que se utilice exclusivamente con fines estadísticos anónimos. Sin una citación, el cumplimiento voluntario por parte de su proveedor de servicios de Internet o registros adicionales de un tercero, la información almacenada o recuperada solo con este propósito generalmente no se puede usar para identificarlo.
Marketing
El almacenamiento técnico o el acceso son necesarios para crear perfiles de usuario para enviar publicidad o rastrear al usuario en un sitio web o en varios sitios web con fines de marketing similares.
