.
INDICACIÓNS:
O alcalde de Carral, José Luis Fernández Mouriño, marcou xa as súas prioridades e liñas de traballo para as próximas semanas. Nos seus primeiros días no cargo, o rexedor contactou co ANPA do CEIP Plurilingüe Vicente Otero Valcárcel e co conselleiro de Educación, Ciencia, Universidades e Formación Profesional, Román Rodríguez, para preguntar pola situación actual no centro de ensino. Neste sentido, informóuselle de que persoal técnico acudirá, a próxima semana, ao colexio para facer unha avaliación das necesidades en canto a persoal. Fernández Mouriño mostrou o seu apoio á asociación de nais e pais, comprometéndose a dar traslado de todas as súas peticións “para que os alumnos e alumnas reciban a mellor atención posible”.
O alcalde avanza que, proximamente, pedirá reunións coas Consellerías de Sanidade, coa de Presidencia, Xustiza e Deportes, con Augas de Galicia e co SEPES. O obxectivo será abordar “cuestións de calado para ou avance do noso municipio”. Entre elas, abordará temas como o futuro do centro de saúde ante a previsión dun aumento de poboación, o estado da depuradora de O Quenllo ou o proceso de ampliación do polígono industrial.
Primeira reunión co persoal municipal
Fernández Mouriño mantivo, ademais, unha primeira reunión de traballo co persoal municipal. Nela, o rexedor marcou as prioridades para os próximos meses e animou aos traballadores para continuar “remando nunha mesma dirección para que ou noso municipio siga medrando”. No encontro tomaron parte tamén os concelleiros Isabel Pérez, Óscar Bodelo, Cristina Casal e Francisco Bello.
O Concello celebrou esta mañá un pleno extraordinario no que a corporación municipal aprobou, por unanimidade, a segunda fase do POS+2025 adicional da Deputación da Coruña. A achega provincial destinarase á execución do proxecto de mellora e ampliación do pavillón do Espiño. Trátase, tal e como explica o alcalde, Javier Gestal, “dunhas obras coas que se acondicionará o estado actual e coas que, ademais, se incrementará a capacidade desta instalación, cun gran uso ao longo de todo o ano”.
As intervencións do Concello contarán cun orzamento total de execución de 395.994,39 euros cos que se mellorarán as condicións e se ampliará a edificación. Por unha banda, proponse un incremento da superficie útil do pavillón cunha nova bancada. Na actualidade, as gradas teñen capacidade para 150 persoas, pero coa solución adoptada haberá espazo para outros 200 espectadores adicionais. Trátase dunha medida que se materializará coa construción dun volume compacto de 218 m² que estará adosado á edificación existente. Por outra banda, o Concello resolverá os problemas de filtracións de auga detectados nalgúns puntos.
As actuacións incluirán tamén outras melloras na dependencia deportiva e na súa contorna, como a substitución da varanda exterior, a colocación dunha valado e dun portal e o cambio das luminarias da cancha polideportiva por unhas novas de tipo LED.
O pleno apoiou tamén por unanimidade a proposta de festivos locais para o 2026, que serán o 17 de febreiro (martes de Entroido) e o 8 de setembro, coincidindo coas festas do Socorro.
O alcalde de Carral, Javier Gestal, formalizou, esta semana, a compra dunha nova parcela de 4.304 m2 situada en Polígono número 15. A compra deste terreo, correspondente coa parcela 85 de Ponche de A Brexa, despexará o camiño para facer realidade uno dos compromisos do rexedor ao comezo do mandato: a ampliación da área recreativa de A Brexa.
Como explica o primeiro edil, trátase dun paso “fundamental para seguir incrementando o uso e os servizos desta zona”. Na actualidade, o espazo conta cun skatepark, zona de mesas e áreas verdes e acolle, anualmente, a Festa da Familia do Concello.
A adquisición posibilitará a conexión co aparcamento e, ademais, a recuperación dos elementos etnográficos asociados coa auga, como o río de San Amaro e un antigo muíño localizado nesta contorna.
O vindeiro 4 de setembro celebramos a 50ª edición da Festa da Empanada!
A partir das 17:30 horas poderemos degustar a empanada das panaderías Mercedes, Pedro Fernández, Cañás e Da Cunha, así como gozar da
música de Arnela e Faiscas da Pontagra.
Estade atentas e atentos, nos próximos días anunciaremos outras sorpresas na programación!
• As persoas interesadas poderán presentar a súa solicitude ata o 12 de setembro.
• Ofertaranse actividades para diferentes idades en distintas categorías: deportes e educación.
O Concello de Carral presenta a súa programación de escolas municipais que inclúe, un ano máis, diferentes actividades para todos os gustos e idades.
O período de inscricións abrirase o luns 25 de agosto ás 09:00 horas e estará activo ata as 14.00 h do 12 de setembro. Poderá pecharse antes se se completan todas as prazas das modalidades
As prazas son limitadas e as solicitudes poderán presentarse presencialmente no Rexistro Municipal,e a través da sede electrónica (https://sede.carral.es/sxc/gl/procedimientosytramites/tramites/SolicitudInscripcionEscuelasDeportivasMunicipales).
As formacións darán comezo a primeira semana de outubro, sendo responsabilidade do alumnado informarse nas dependencias municipais das datas, horas e lugares concretos das súas actividades.
A cota xeral será de 14 euros mensuais por persoa e actividade ou de 15 euros para aquelas que inclúen tres horas semanais. O prezo da Escola de Música é de 40 euros mensuais.
Haberá bonificacións para as familias numerosas, para persoas da terceira idade ou con discapacidade e para as voluntarias de Protección Civil. Todos elas terán un desconto de tres euros ao mes por actividade.
Deportes
Atletismo, patinaxe, rítmica, xogos predeportivos e judo son as modalidades ofrecidas para os máis pequenos e pequenas no pavillón do colexio durante o horario escolar.
Equitación, baloncesto e pádel serán as opcións para o público xeral.
Pola outra banda, os adultos terán á súa disposición clases de zumba e ximnasia de mantemento en todas as parroquias. Ademais, durante este curso ofreceranse, a través do departamento de Deportes, cursos de iniciación a diferentes modalidades deportivas.
Educación
O CEIP Vicente Otero Valcárcel volverá contar con servizo de madrugadores, de 7:20 a 9:20 horas, e de conciliación, de luns a venres de 15:20 a 16:20 horas.
O centro acollerá tamén distintas actividades extraescolares entre as que se inclúen: robótica, debuxo e pintura, inglés, informática, baile moderno ou cociña.
Ademais, a escola municipal de música continuará coa súa formación de música e movemento nas mesmas instalacións.
Asociacións
As asociacións ofrecerán diferentes opcións deportivas e culturais para os veciños e veciñas das parroquias.
O Concello de Carral resultou beneficiario da subvención solicitada á Consellería de Política Social e Igualdade.
Orde do 3 de xaneiro de 2025 pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento SI436A, SI435A e SI427B).
O programa estpola Consellería de Política Social e Igualdade e polo Ministerio de Igualdade.
Carral celebrará este vindeiro sábado, 23 de agosto, a sexta edición da Festa da Auga para clausurar a tempada de piscina, que pecharán as súas portas o 7 de setembro.
Esta actividade, que será de acceso libre, desenvolverase de 16:00 a 20:00 horas, tempo no que as persoas participantes poderán gozar de inchábeis, haberá para adultos e para rapazada, e dunha festa da escuma para pechar a xornada, que se realizará en horario de 19:00 a 20:00 h.
Durante este tempo, co obxectivo de atender a gran afluencia de xente nas piscinas, reforzarase o servizo de socorrismo. Ademais, estará presente o servizo municipal de emerxencias e a agrupación de voluntarios de Protección Civil, ademais de ambulancia.
En edicións anteriores participaron unhas 400 persoas ao longo de toda a tarde e, desde o goberno local, esperan que este ano a festa volva a ter unha gran acollida entre a veciñanza.
O Concello de Carral solicitou unha subvención da @Deputación da Coruña no marco do FOEAC-2 Programa II de subvencións a concellos e outras entidades locais para financiar actividades de envellecemento activo e actuacións de loita contra a soidade non desexada no ano 2025.
Así, no BOP de hoxe publícase a concesión provisional desta axuda, que destinará a Carral o importe máximo da subvención: 7.000 euros. Consulta a orde aquí.
Dita axuda servirá para que a entidade provincial financie os obradoiros de memoria para persoas adultas que se realizarán no noso municipio.
Estes obradoiros teñen como obxectivo fortalecer a memoria, a atención e outras capacidades mentais que se poden ver afectadas co paso dos anos. Este tipo de actividades non só teñen beneficios a nivel individual, senón que tamén contribúen a combater a soidade non desexada.
Dende o equipo de goberno local seguiremos traballando por novas axudas e subvencións que melloren a vida da nosa veciñanza.
O Concello de Carral solicitou unha subvención para entidades locais para a promoción da igualdade e como resultado obtivemos uns fondos por importe de 51.760,50 euros.
Dita axuda servirá para que a Consellería de Política Social e Igualdade e o Ministerio de Igualdade financien os campamentos de verán, o concilia e os campamentos de Nadal.
Estas actividades de conciliación laboral e familiar son fundamentais para as familias do municipio.
Como mostra, neste momento estase a celebrar o campamento de verán, no que preto de 200 rapaces e rapazas de Carral participan nesta actividade de conciliación que ofrece aos máis pequenos e pequenas as distintas modalidades deportivas que se practican no municipio.
Dende o equipo de goberno local seguiremos traballando por novas axudas e continuaremos apoiando a conciliación laboral e familiar.
O Concello celebrará o xoves, 14 de agosto, e o venres, día 15, a décima edición do seu ciclo Músicas Íntimas. O programa volve con varias novidades, a primeira en relación ao formato dos espectáculos e a segunda encanto á localización dos mesmos. Por un lado, ademais de música, esta convocatoria incluirá tamén espectáculos de danza previos aos concertos, ofrecendo así ao público asistente unha experiencia máis completa. Pola outra banda, as actividades levaranse a cabo no Campo da Feira de Carral.
A primeira proposta terá lugar o xoves, 14 de agosto, ás 20.30 horas. Compañía de Danza será a encargada de inaugurar o ciclo
con Un baile ceibe. Trátase dunha adaptación coreográfica de Ceibe, unha peza contemporánea de baile e música tradicional que afondará na relación entre o xénero e a nosa tradición. Ao longo do espectáculo, os bailadores convidarán ao público a reflexionar sobre as categorías de xénero e os estereotipos impostos socialmente para establecer distancia coa normatividade e construír novas formas de entender o corpo e o movemento.
Ese mesmo día, ás 21.00 horas, chegará Abril, un proxecto integrado por Claudia Abril (voz e percusións) e Marina Carpente
(violín e voz). Ambas as dúas interpretarán distintas melodías tradicionais galegas e ibéricas, adaptándoas ás sonoridades actuais
e cunha personalidade e frescura propias. No concerto soarán instrumentos como a pandeireta, o pandeiro ou o violín folk, dando
como resultado un repertorio que combinará a tradición e a modernidade.
Programa do venres
Analepsis, de Paula Quintas será a función de danza que inaugurará a xornada do venres, 15 de agosto (ás 20.30 horas).
Neste caso, trátase dun actuación de danza e circo na que se exporá unha historia de acción e reacción entre o corpo e o obxecto. Durante a mesma, o corpo verase sometido a diferentes experiencias acrobáticas e de funambulismo dirixidas polo obxecto.
O peche de Músicas Íntimas virá da man de SeKadra, un dúo galego-brasileiro formado a principios de 2022 e composto por
Arturo Rúa (teclados e sintetizadores) e Paulo Silva (batería, percusión e sintetizadores). O dueto ofrecerá un recital baseado na
música tradicional galega e con influencias da tradición escandinava, o jazz, a música flamenca e a brasileira. A pesar da
súa curta traxectoria, SeKadra actuou xa en numerosos escenarios, salas e teatros de España e participou tamén no festival alternativo de recente creación “Sons D’Ardora”. O seu concerto arrincará ás 21.00 horas.
A entrada é gratuíta. As persoas interesadas en asistir poderán obter máis información sobre as distintas propostas na páxina web
do Concello de Carral.
Concello: 981670002
Policía local: 689544311 / 981670002
Protección civil: 112
Casa da cultura/bibliotecas: 981672580
Edif. Social Toñito Espiñeira: 981613520
Centro de saúde:981672186
