As Concellerías de Deportes, Cultura, Educación e Servizos Sociais ofertan case 50 actividades para este novo curso. Read more
Ás 18:30 horas de onte, xoves 5 de setembro, tivo lugar pistoletazo de saída da XLVI Festa da Empanada, que continúa sendo un éxito ano tras ano e nesta ocasión despacháronse máis de 12.000 racións deste produto tan típico de Carral.
Foron miles as persoas que se achegaron a Carral para degustar as empanadas das cinco panaderías participantes: Panadería Dá Cunha, Panadería Cañás, Panadería Manuel Rodríguez, Panadería Pedro Fernández e Panadería Barcia.
Unha cita gastronómica de referencia que tamén conta con boa música. Actuaron as agrupacións: Banda de Gaitas Ferreñas de Vilarmaior, AFC Orballo (Pontedeume), Asociación Cultural ‘ Pandereteiras Ardevento’ e Grupo Baile ‘Ou Rueiro’ de Tabeaio.
O alcalde, Javier Gestal, mostrouse moi agradecido “a todos os veciños e veciñas de Carral e de fóra do noso municipio que se achegaron hoxe ao Campo da Feira a vivir un dos días grandes do ano para todos os carraleses” e tamén aos “panadeiros que durante esta semana traballan duro para continuar con esta tradición”.
Festas do Socorro
E é que a Festa da Empanada serve este ano como antesala ás Festas do Socorro, que xa deron comezo e que durarán ata o domingo.
A programación para estas festas inclúe as actuacións musicais coas orquestras París de Noia, New Cork, Claxxon, Os Satélites, Nova Forza e Dilema; actividades para os máis pequenos, sesións de maxia e teatro.
A Concellería de Cultura do Concello de Carral comunica que por mor de enfermidade dun dos actores do espectáculo Saaabor!, previsto para o sábado 7 de setembro, a función adiase ao domingo 29 de setembro.
No seu lugar este sábado ás 18:00 h. no Campo da Feira terá lugar o espectáculo A HISTORIA DE BRANCAFLOR. Nesta montaxe Fran Rei achégase á lenda popular de Brancaflor, a filla do Demo, a partir da versión que Xosé Ramón Mariño Ferro recolleu na súa escolma Contos marabillosos. Unha trama chea de probas máxicas, encantamentos, romances e maleficios. Unha fermosa historia de amor entre Brancaflor e Xan, á que se opón o malvado pai da rapaza.
O departamento municipal de Cultura pide desculpas polas molestias que poida ocasionar este cambio.
A Concellería de Cultura do Concello de Carral desenvolve unha programación propia que complementará as actividades planificadas pola Comisión de Festas do Socorro para 
esta semana.
O xoves 5, no edificio Toñito Espiñeira, O Mago Pablo presentará o seu espectáculo Unha maxia diferente, dirixido a público familiar e promovendo valores de igualdade de xénero. A función comezará ás 18:00 h. con entrada libre e aforo limitado.
O venres á mesma hora, no Campo da Feira diante da Casa do Concello, Pakolas ofrecerá un espectáculo con cancións dirixidas a público infantil. No mesmo emprazamento e á mesma hora, o sábado chega Culturactiva cunha comedia gastronómica titulada Saaabor!, protagonizada por Fran Rei e Félix Rodríguez.
O domingo remata esta programación cultural cun concerto do grupo galego The Cerne, interpretando clásicos do rock, do soul e do blues. A actuación comezará ás 19:00 h. no Campo da Feira.
Para facer posible esta programación, o Concello de Carral conta coa colaboración da Deputación da Coruña, de Agadic e da Consellería de Cultura da Xunta de Galicia
O departamento de Cultura convida a todos e todas a gozar das festas e das diversas manifestacións culturais que nelas teñen cabida.
Esta mañá celebrouse a presentación da XLVI Festa da Empanada, que terá lugar o xoves, 5 de setembro, e este ano dará o pistoletazo de saída ás festas do Socorro de Carral.
Esta festa continúa afianzándose como unha cita gastronómica de referencia, tanto na comarca como fóra desta, e así o destacou o alcalde de Carral, Javier Gestal, no acto de presentación celebrado na casa do concello.
Ademais do alcalde, que animou a todos os carraleses e carralesas “a unirse á celebración” tamén participaron na presentación a concelleira de Traballo, Mercedes Caridade, e os representantes das cinco panadarías que participarán na festa: Panadería Da Cunha, Panadería Cañás, Panadería Manuel Rodríguez, Panadería Pedro Fernández e Panadería Barcia.
Os panadeiros explicaron que esta é unha semana de “moito traballo” para eles pero que “merece a pena porque é moi bonito continuar a tradición”. Tamén destacaron que durante toda a xornada esperan despachar “máis de 12.000 racións de empanada”.
A Festa daa Empanada celebrarase este xoves 5 de setembro a partir das 18.30 horas e o prezo da ración estará unificado: as variedades de atún, bacallau e carne terán un prezo de 3 euros, mentres que as de polbo e zamburiñas serán de 4,5 euros a ración. O custo do resto de empanadas estará marcado por cada un dos obradoiros. Este prezo incluirá viño de forma gratuíta por cortesía das panaderías.
Ambientación musical
Boa comida, pero tamén boa música. Están previstas varias actuacións de música e baile a cargo das seguintes agrupacións: Banda de Gaitas Ferreñas de Vilarmaior, AFC Orballo (Pontedeume), Asociación Cultural ‘Pandereteiras Ardevento’ e Grupo Baile ‘O Rueiro’ de Tabeaio.
O 5 de setembro, a partir das 18:30 horas, terá lugar a XLVI Festa da Empanada de Carral.
A cuarta edición do ciclo Músicas Íntimas trae a próxima fin de semana os concertos de Silvia Penide, que actuará o sábado e presentará os temas do seu terceiro disco El Efecto Boomerang, e o veterano cantautor galego César Morán que actuará en formato trío na noite do domingo.
O novo goberno local do Concello de Carral decidiu recalcular o ancho que a anterior corporación proxectou para a ampliación da ponte do río Brexa, ao consideralo totalmente insuficiente.
“O anterior proxecto só contemplaba cinco metros de ancho para ampliar a ponte polo que non se conseguía arranxar un punto negro de tráfico, mantíñase”, explican desde o goberno local.
O novo proxecto contempla un ancho de 7 metros para a ponte, con dous carrís de 3,50 metros para que poidan cruzarse tanto coches como camións. Este cambio é posible xa que o proxecto non incluía nin o estudo xeotécnico para coñecer a capacidade do terreo, que xa empezou, nin o cálculo das armaduras e os estribos, e tivéronse que incorporar.
Doutra banda, o goberno local ten previsto que esta estrada sirva para darlle saída ao tráfico do Polígono en dirección á A6. Para iso, transferirase a vía á Deputación para que a amplíe e, unha vez completados estes traballos, o Concello prohibirá o paso de vehículos pesados polo centro de Carral, tendo que pasar todos dirección A6 polo Polígono e posteriormente por esta vía.
O novo goberno local de Carral está a realizar unha análise exhaustiva do seu inventario de bens para coñecer con exactitude a situación real do Concello e, nese labor, recentemente atopouse con graves deficiencias no edificio que alberga a ‘ Galiña Azul’.
No parque infantil estaba enterrado un depósito de gas natural cheo e sen inertizar, procedente duns traballos de substitución do subministro eléctrico levados a cabo no ano 2014. Agora inertizouse o citado depósito xa que supoñía un perigo para os máis pequenos que, día a día, xogan no parque.
O equipo de goberno local entende que “ é unha irresponsabilidade e algo moi grave, estamos a falar de que os nenos e nenas estaban xogando sobre un tanque de gas sen ningún tipo de seguridade”.
Doutra banda, no teito do edificio localizáronse pedras e material illante sen usar. A orixe: no ano 2016 iniciouse o illamento do tellado con pintura de caucho e tea asfáltica, coa intención de cubrila con illante e un manto de pedras pero isto último nunca se chegou a facer. Agora, unha vez detectada a situación, supoñerá un dobre gasto para as arcas municipais xa que hai que volver aplicar a pintura e colocar o illamento e as pedras, tendo que substituir algunha peza pola deterioración sufrida debida ao paso do tempo.
Teléfonos de interese
Concello: 981670002
Policía local: 689544311 / 981670002
Protección civil: 112
Casa da cultura/bibliotecas: 981672580
Edif. Social Toñito Espiñeira: 981613520
Centro de saúde:981672186
