A BIBLIOTECA MUNICIPAL DE CARRAL CELEBRA O DÍA DO LIBRO

Contacontos 26 abril 2018.Un ano máis, a Biblioteca Municipal está a celebrar durante todo o mes de abril o Día do Libro.

Coa intención de achegar os libros ós máis cativos do Concello, visitaron a biblioteca os nenos e nenas da escola infantil “A Galiña Azul,” que coñeceron de primeira man, o fondo bibliográfico destinado específicamente para eles e que se atopa  na Biblioteca Infantil.

Agardamos tamén a visita do alumnado de educación infantil do CEP Vicente Otero e da escola unitaria de Tabeaio, que o día 24 de abril achegaranse á biblioteca municipal, nesta ocasión para gozar  dunha sesión de contacontos  realizado pola Compañía do Trinketrinke.

O día 26 de abril, volve a compañía do Trinketrinke para presentarnos o seu contacontos teatral “ Avós”, dirixido a nenos e nenas de 3 a 8 anos. Será na biblioteca pública municipal ás 18:00 horas. As invitacións estarán dispoñibles dende o luns 23, na Casa da Cultura e na Biblioteca Infantil.

Durante este mes, comeza tamén a VII campaña Libros Solidarios que se extenderá dende o 23 de abril ata o 10 de maio e na que todos os interesados poderán entregar en calquera das bibliotecas ( Casa da Cultura ou Infantil ) libros usados en bo estado.

A finalidade desta campaña é que durante a Festa do Pan ( que se celebrará na nosa localidade os días 12 e 13 de maio), estes libros donados previamente se cambien por alimentos non perecedeiros. Todo o material  recollido serán xestionados polos Servicios Sociais Municipais.

Lembrar tamén que ó longo destes días todos os usuarios que visiten as nosas bibliotecas terán a oportunidade de levar para a súa casa como agasallo, algún dos libros que están á súa disposición tanto na Biblioteca Municipal como na Biblioteca Infantil.

/by
, ,

CARRAL SACA A LICITACIÓN UN PLAN DE ASFALTADO EN CINCO PARROQUIAS E NO NÚCLEO URBANO POR UN IMPORTE DE MEDIO MILLÓN DE EUROS

Carral saca a licitación un plan de asfaltado en cinco parroquias e no núcleo urbano por importe de medio millón de euros

O Concello de Carral sacou a licitación actuacións de mellora en viarias das parroquias de Cañás, Tabeaio, San Vicente de Vigo, Beira, Santiago de Sumio e no núcleo urbano por un importe total de 448.224 euros.

Os viarios incluídos neste proxecto presentan unhas condicións deficientes para a circulación de vehículos e peóns. Os traballos de asfaltado levaranse a cabo nas estradas dos lugares de Sobrepiñeiro ( Tabeaio), Fornos (Beira), A Cabra (Santiago de Sumio), A Bailía ( Cañás), Tarroeira de Sumio (Santiago de Sumio), Lavandeira ( Cañás), As Táboas (San Vicente de Vigo), así como nas rúas do Pan e Alcalde Xavier Alvajar, e estarán financiados pola Deputación da Coruña.

Carral saca a licitación un plan de asfaltado en cinco parroquias e no núcleo urbano por importe de medio millón de euros

Este plan de asfaltado acometerase en cinco parroquias

En todos estes puntos das cinco parroquias, as actuacións basearanse, fundamentalmente, na pavimentación, perfilado de cunetas e o pintado da sinalización horizontal nos camiños para facelos así máis seguros para o tránsito de coches.

Melloras no centro do municipio

Na rúa do Pan, os traballos consistirán na humanización do espazo, dándolle unha maior preferencia ao peón e garantindo así mesmo, unhas mellores condicións de seguridade para os viandantes. Doutra banda, na rúa Alcalde Francisco Xavier Alvajar acondicionaranse as beirarrúas para facilitar o paso das persoas con mobilidade reducida.

Camiños de San Vicente e Tabeaio

Doutra banda, a través dunha subvención da Axencia Galega de Desenvolvemento Rural (Agader), melloraranse varios camiños das parroquias de Tabeaio e San Vicente. Así, en San Vicente proxéctase unha actuación sobre a estrada que conduce do lugar de Abrigosa ao lugar de Balbén, onde se estenderá unha capa de mestura bituminosa sobre o firme e limparanse as cunetas. Pola súa banda, en Tabeaio, os traballos consistirán na ampliación da anchura do viario e na formación de cunetas na estrada que une Esperón e Cambela. Tal e como indica o alcalde de Carral, José Luis Fernández Mouriño, todas estas obras responden as peticións dos veciños, e servirán para “mellorar a seguridade viaria en varias parroquias do municipio”.

/by

FIN DE SEMANA DEPORTIVO EN CARRAL

Os diferentes eventos deportivos previstos reunirán en Carral a máis de 800 deportistas.

 

IV Torneo de Ximnasia rítmica.Cartel Torneo de Ximnasia Rítmica

O sábado 7 de abril, celébrase no pavillón municipal  do Espiño, a 4ª edición do torneo  carralés de ximnasia rítmica. Este evento deportivo e de carácter competitivo, está organizado polo club X. R. Carral en colaboración co Concello.

Ao redor das 10.00 da mañá, dará comezo a competición que se desenvolverá ao longo de todo o día, con máis de 500 ximnastas divididas en 14 categorías, desde  babie ata sénior. As actuacións (125 en total) distribuiranse en horario de mañá, desde as 10.00 ás 13.30  h, e pola tarde, de 16.00 a 19.30  h. Para valorar as actuacións contaremos con xuíces federadas que determinarán as campioas.

 

 

 

XVI Exhibición de escolas de ximnasia rítmica.Cartel Exhibición

Xa o domingo pola mañá, desde as 11.00  h ata as 14.00  h, terá lugar a  XVI Exhibición de Ximnasia Rítmica de Carral, organizado polo concello de Carral coa colaboración de club de ximnasia rítmica da localidade.   Nesta edición participarán case 250 mozas do Colexio Mª  Barbeito, Compañía de María, Oza/Cesuras, do Colexio Obradoiro, do Internacional de Eirís, a Escola  Millenium e as Escolas Municipais de Abegondo e Carral. Este evento deportivo ten un carácter de mostra e exhibición a diferenza do torneo do día anterior. As idades das deportistas oscilarán entre os 3 anos das máis precoces e os 17 das máis “veteranas”. En total contaremos cun total de 54 actuacións, tanto colectivas como individuais. A longo da hora e media que durará a exhibición, as deportistas demostrarán o seu dominio nas diferentes disciplinas deste deporte; mans libres, corda, pelota, cinta, aro e mazas. Unha vez terminada a actuación faráselles entrega a todas as deportistas dunha medalla conmemorativa do certame.

 

 

 

III Torneo Interprovincial “Jóvenes Promesas” de tiro olímpico.Torneo Jóvenes Promesas

O domingo desde as 10.00 a 14.00 h celebrarase a 3ª edición do torneo interprovincial de novas promesas de tiro olímpico na galería de tiro olímpico municipal de Carral. Este torneo, organizado polo club de tiro olímpico da localidade ten como finalidade a de promocionar e difundir o deporte de tiro olímpico e con carabina entre os máis novos. Nesta 3ª edición participarán máis de 50 tiradores de todos os puntos de Galicia, e tamén Asturias e León, distribuídos nas categorías de benxamín, alevín, infantil e cadete.

 

 

 

XVIII Exhibición de patinaxe.

Doutra banda, o departamento municipal de deportes, segue traballando na nova edición da exhibición municipal de patinaxe que terá lugar o domingo 15 de abril, tamén no pavillón municipal de Espiño. Serán ao redor de 230 patinadores os que tomarán parte neste clásico primaveral en Carral.

 

Para todos aqueles interesados, poden informarse na Casa da Cultura de Carral, no 981.67.25.80 ou en deportes@carral.es.

/by

OBRADOIRO: “SACANDO AS REDES SOCIAIS DA PANTALLA”

As redes sociais están presentes na forma de relacionarse no día a día dos rapaces e rapazas, tanto que mesmo seguen comunicándose a través das redes cando non están xuntos. O uso que fan delas, permítelles agregar as súas amizades, compañeiras e compañeiros de clase, a xente que non coñecen en persoa, poden crear grupos, colgar fotos, reflectir os seus intereses etc. Ademais de ter unha percepción de baixo risco no uso destas ferramentas, non se paran a pensar nos usos que fan das redes sociais, nas implicacións que pode ter compartir certa información, no acceso a contidos pouco axeitados ou de fontes pouco fiables que non saben como manexar.

Entre os obxectivos de este obradoiro están: Dar a coñecer os centros Quérote+ e os seus servizos, fomentar hábitos de uso responsable nas tecnologías, reflexionar sobre posibles situacións que poden darse co uso das redes sociais.

Dende a OMIX organizase este obradoiro, impartido polo centro QUEROTE+ da Coruña, o 13 de abril de 17:00 horas a 18:30 horas no Local da Xuventude, para mozas e mozos de 14 a 16 anos.
O obradoiro e totalmente gratuíto e o prazo de inscirción remata o 11 de abril.

Para anotarte o ter mais información podes chamar ou pasarte pola Casa da Cultura (981.67.25.80), ou polo Local da Xuventude (981.11.70.20)

Cartel (Imaxe)

/by

HERVES, O CANEDO E PARTE DO NÚCLEO URBANO DE CARRAL CONTAN XA CON LUMINARIAS CON TECNOLOXÍA LED

HERVES O CANEDO E PARTE DO NUCLEO URBANO DE CARRAL CONTAN XA CON NOVAS LUMINARIAS CON TECNOLOXIA LED

As obras para mellorar o sistema de iluminación exterior de Carral marchan a bo ritmo. De feito, os traballos de substitución de luminarias convencionais por outras de tipo LED arrincaron xa a semana pasada. A estas alturas, as parroquias de Herves e Ou Canedo, e boa parte do núcleo urbano de Carral (como a rúas Belvís de Paleo e Manuel Méndez Búa) contan xa cun sistema de iluminación completamente renovado. En concreto, cambiáronse unhas 350 luminarias dun total de 615.

HERVES O CANEDO E PARTE DO NUCLEO URBANO DE CARRAL CONTAN XA CON NOVAS LUMINARIAS CON TECNOLOXIA LED

Herves, O Canedo e o núcleo urbano teñen luminarias LED

 

A incorporación da tecnoloxía LED ao sistema de iluminación pública non só mellorará a luminosidade do municipio, senón que tamén proporcionará un maior aforro. O Concello investirá 253.000 euros en acometer estas actuacións.

/by

O DOCUMENTAL VÉRTICE DE VERSOS PRESÉNTASE EN CARRAL

O documental sobre a poesía galega contemporánea, Vértice de Versos, preséntase o vindeiro venres na Casa da Cultura de Carral.Cartel Vértice de Versos en Carral.

Despois da estrea que tivo lugar o pasado 23 de marzo en Oleiros, o documental de Carlos Lorenzo proxéctase en Carral, localidade empregada como unha das localizacións nas que se rodou esta produción audiovisual. Carlos Lorenzo é o técnico municipal de Cultura e é titulado pola Escola de Imaxe e Son da Coruña. Vértice de Versos é a súa primeira obra audiovisual na que asume o rol de director e produtor. Antes tiña participado no ámbito audiovisual como guionista e en tarefas de produción.

En Vértice de Versos faise un repaso pola poesía galega dos últimos 25 anos tratando temas como a súa fortaleza nos últimos anos, as novas formas de expresión poética, o valor da lingua neste fenómeno ou o salientable papel da muller na actual poesía, entre outros temas. Centra tamén a súa atención en catro poetas de éxito, como son Baldo Ramos, Emma Pedreira, Yolanda Castaño e Gonzalo Hermo, revisando as súas traxectorias, os seus procesos creativos e as súas obras. Tamén se inclúen vídeopoemas destes autores, algúns feitos especialmente para o documental.

É unha longametraxe áxil e entretida, na que as persoas que non teñen contacto habitual coa poesía galega, descubrirán unha nova imaxe deste ámbito literario.

O Concello de Carral é unha das entidades que colaborou na produción do documental.

O documental proxectarase ás 20:30 h. As localidades son limitadas e as entradas, que son de balde, poden retirarse previamente na Casa da Cultura desde o mércores 4 de abril.

Teaser – Vértice de Versos from Carlos Lorenzo Pérez on Vimeo.

/by

A BIBLIOTECA OFRECE UNHA NOVA SESIÓN DE CONTOS INFANTÍS

Contacontos 22 marzo 2018.A Biblioteca municipal, dentro da súa programación de animación á lectura, ofrece este xoves 22 de marzo, unha nova sesión de contacontos dirixido a nenos e nenas de 3 a 8 anos de idade. Será ás 18:00 h, na biblioteca da Casa da Cultura.

Para asistir ao contacontos é imprescindible retirar previamente a entrada na recepción da Casa da Cultura. As entradas son de balde.

Nesta ocasión Trinketrinke Teatro presenta “Familias diversas”.

/by