Este sábado 29 de agosto, a partir das 18.00 h, o club Adarve de tiro con arco en colaboración do Concello de Carral, levará a cabo unha mostra da súa disciplina na pista polideportiva da piscina municipal.
O obxectivo do goberno local e do club Adarve, fundado en decembro de 1992, é o de fomentar e dar a coñecer esta modalidade deportiva entre a poboación carralesa de todas as idades. Dende os cinco anos calquera persoa poderá coñecer e probar de forma gratuíta a experiencia do tiro con arco. Sempre estarán axudados e asesorados polos monitores especialistas do club, que achegará o material didáctico e de seguridade para que a práctica discorra da forma máis lúdica posible. Read more
O cantautor e actor galego Xoán Curiel, presentará coa súa banda Son+d2 o concerto Estamos no verán!!! no Campo da Feira de Carral. A actuación, incluída no programa Cultura no Camiño que promove a Xunta de Galicia e no que colabora o Concello de Carral a través da súa concellería de Cultura, vai dirixida a un público familiar na que os rapaces gozan cun repertorio divertido e entrañable.
O concerto terá lugar o domingo 30 de agosto, ás 19:00 h, diante da Casa do Concello. No caso de dificultades meteorolóxicas trasladarase ao edificio Toñito Espiñeira.
Xoán Curiel é un recoñecido cantante galego que leva acumulada unha extensa traxectoria como compositor e intérprete, con cancións de diversos estilos (pop, rock, funky e músicas do mundo). Capaz de facer nas súas composicións ácidas críticas á situación do mundo actual, tamén sabe elaborar repertorios que encaixan cos gustos do público infantil e xuvenil. Co espectáculo Estamos no verán!!! Xoán Curiel está percorrendo a xeografía galega para compartir con nenos e nenas o tempo e ledicia das vacacións estivais. É un concerto divertido e participativo no que rapaces e maiores gozarán cantando e bailando.
O equipo dá Costa dá Morte alzouse co trofeo de campión tras unha dura loita co “Grupo Work”, de Coruña. Read more
O ciclista de Arteixo conseguiu a primeira posición cun tempo de 20 minutos e 23 segundos, a 40 segundos do récord da proba. Read more
