Na actividade están participando nenos e nenas de entre 3 e 15 anos.

Carral dobra a súa aposta pola conciliación co inicio do campamento deportivo de Nadal. Na actividade, que se está realizando no CEIP Vicente Otero Valcárcel, están participando numerosos nenos e nenas de entre 3 e 15 anos. Desde o goberno local sinalan que o obxectivo é seguir promovendo este tipo de medidas e programas, cos que se busca “favorecer a conciliación da vida laboral e familiar dos veciños e veciñas as datas sinaladas e os períodos vacacionais da rapazada”.

Este programa celebrarase entre o 22 de decembro e o 5 de xaneiro –agás os sábados, domingos e festivos-. En canto ao horario, os nenos e nenas poden permanecer no recinto desde as 7.30 ata as 16.00 horas. Entre as 7.30 e as 10.00 horas ten lugar o programa Madrugadores, desde as 10.00 ata as 14.00 horas, lévanse a cabo as propias actividades do campamento e, por último, entre as 14.00 e as 16.00 horas é o tempo de xantar.

Esta nova convocatoria conta con dúas temáticas centrais: os Deportes de Inverno (que protagonizarán as actividades entre o 22 e o 29 de decembro) e os Xogos Olímpicos de Inverno (ofrecendo propostas entre o 30 de decembro e o 5 de xaneiro).

Medidas covid-19

Os rapaces e rapazas están separados en grupos burbulla. Antes de entrar no recinto, os usuarios e usuarias desinfectan as mans. Ademais, os maiores de 6 anos empregan a máscara de xeito obrigatorio. A maiores, o Concello establece quendas nas saídas e entradas dos campamentos co fin de evitar aglomeracións.

O Concello de Carral levou a cabo a entrega de premios do seu Concurso de Tapas “Carral con moito gusto”. Nesta segunda edición, O Piolindo volveu conquistar os padais da clientela e do xurado profesional coa súa elaboración “Nin albóndegas nin croqueta, lacón con seta”. Por segunda vez, o local fíxose tanto co primeiro premio do xurado profesional como co galardón do público. O establecemento xa conseguira este fito na primeira edición da iniciativa, celebrada en 2019.

No segundo posto produciuse un empate entre a Pizzería Centro Tabeaio (tapa “Meixela á miña maneira”) e o Bar Tropezón (tapa “Lingua de tenreira con pataca confitada”.

Desde o goberno local valoraron as cifras de participación nesta edición e agradeceron o “compromiso e o esforzo realizado polos hostaleiros participantes ao longo do certame”. O obxectivo do equipo de goberno é seguir apostando por este tipo de iniciativas, coas que se busca “promover o consumo nos bares, restaurantes e todo tipo de negocios hostaleiros, que viviron un ano e medio especialmente difícil pola emerxencia sanitaria, sufrindo varios peches e paróns na súa actividade”.

Servizo de Atención Temperá da agrupación de concellos de Abegondo, Bergondo e Carral, dirixido á poboación infantil de 0 a 6 anos, a súa familia e o seu contorno co obxectivo de dar resposta ás necesidades transitorias ou permanentes que presentan os nenos e nenas con transtornos no desenvolvemento ou en risco de padecelos, para facilitar o desenvolvemento da súa autonomía persoal e a inclusión social.