O Concello resolverá, proximamente, unha débeda histórica coa veciñanza de Carral: a regularización do Servizo de Axuda no Fogar, pendente desde hai case dúas décadas. Os pregos do SAF xa están concluídos e o expediente de contratación deste servizo foi aprobado na xunta de goberno local celebrada esta mesma semana.
Desde o equipo de goberno sinalan que “a regularización deste servizo foi unha das nosas máximas prioridades cando entramos no Concello” e lembran que “a elaboración dos pregos levaba pendente desde hai practicamente 20 anos”. “Trátase dunha demanda histórica que suporá unhas mellores condicións tanto para o persoal como para os usuarios e usuarias do municipio”.
O servizo sairá a contratación cun orzamento base de licitación de 1.180.283,36 euros. O prazo de execución do contrato será de dous anos.
O Concello abrirá, proximamente, a fase de adxudicación mediante a publicación do anuncio de licitación no perfil do contratante e no Diario Oficial da Unión Europea.
https://carral.es//wp-content/uploads/2021/05/Servizo-Axuda-no-Fogar-Carral.jpg12801920prensahttp://carral.es//wp-content/uploads/2022/11/logo1.pngprensa2021-05-10 17:22:292021-05-10 17:22:31O CONCELLO SACARÁ O SERVIZO DE AXUDA NO FOGAR DE CARRAL DESPOIS DE CASE DÚAS DÉCADAS SEN REGULARIZAR
O Club de Ximnasia Rítmica de Carral celebrará mañá, sábado 8 de maio, en colaboración co Concello, a 6ª edición do seu Torneo de Ximnasia Rítmica. Porén, debido á situación sanitaria actual, a competición trasladarase, este ano, ao formato telemático. En concreto, as 30 actuacións incluídas na programación desta 6ª edición retransmitiranse a través da canle de Youtube de Deportes Carral. Ao longo de toda a mañá, daranse cita un total de nove clubs das provincias da Coruña e Pontevedra.
O torneo estará dividido en dúas partes: a primeira consistirá na publicación das diferentes actuacións das agrupacións, mentres que a segunda será a deliberación do xurado. Os números dos diferentes clubs faranse públicos entre as 11.30 e as 13.05 horas –cun descanso de 20 minutos-. O xurado, composto por Elena Sierra –profesora no INEF da Coruña-, Míriam Fernández e Sandra Estrada –ambas as dúas ximnastas de nivel e adestradoras- irán valorando as actuacións a medida que se vaian publicando. As clasificacións do Torneo faranse públicas ao longo do día e os trofeos –un total de 21- enviaranse aos clubs gañadores.
Esta 6ª edición contará coa participación dos seguintes clubs: Club Rítmica Coruña, Club Agarimo, Club Saraiba ED. Poio, Club Biqueira, XR. Abegondo, Club XR Carral, Colexio Obradoiro e Club de Ximnasia Porriño.
https://carral.es//wp-content/uploads/2021/05/Cartel-Torneo-de-Ximnasia-Rítmica.jpeg35082480prensahttp://carral.es//wp-content/uploads/2022/11/logo1.pngprensa2021-05-07 13:24:252021-05-07 14:00:37CARRAL TRASLADA A CELEBRACIÓN DO 6º TORNEO DE XIMNASIA RÍTMICA AO FORMATO TELEMÁTICO
Carral ofrecerá, ao longo do mes de maio, unha nova edición do seu programa de espectáculos infantís ‘Papeques’, dirixido aos nenos e nenas do municipio. A programación arrincará mañá, venres día 7, e prolongarase ata o 27 de maio. Ao longo das vindeiras semanas, os pequenos e pequenas poderán gozar de funcións de teatro, contacontos, cine e mesmo música. Esta nova convocatoria estará estreitamente vinculada ao Premio de Poesía Concello de Carral e á celebración do Día das Letras Galegas.
A primeira actividade terá lugar mañá, venres 7 de maio ás 18.00 horas, na biblioteca da Casa da Cultura. A compañía Migallas Teatro relatará aos cativos e cativas o conto “Os tres porquiños”.
O programa continuará o xoves, 13 de maio ás 18.00 horas, na biblioteca da Casa da Cultura con “O Paroleiro” de Pablísimo. Ao día seguinte, 14 de maio ás 18.00 horas, terá lugar a proxección da película “Dora y la ciudad perdida” na Casa da Cultura.
A primeira función teatral aterrará o sábado, 15
de maio ás 18.00 horas, no local Xente Nova de Tabeaio. A interpretación
correrá a cargo da Asociación Teatral Paso de Valverde con “Ultrasónica”. A
agrupación Talía Teatro collerá a testemuña o xoves, 20 de maio ás 18.00 horas,
coa obra “Rosa Caramelo” (Casa da Cultura).
O calendario continuará coa proxección do filme
“A Familia Adams” o venres, 21 de maio ás 18.00 horas, na Casa da Cultura.
Lydia Botana traerá a Carral “A feira das
linguas”, un espectáculo que mestura música e teatro dirixido a nenos e nenas maiores
de 7 anos. Será o sábado, 22 de maio ás 18.00 horas, no local Xente Nova de
Tabeaio.
O grupo de música Mamá Cabra tomará parte tamén
nesta 4ª edición de ‘Papeques’ co seu obradoiro de arrolos. O evento levarase a
cabo o domingo, 23 de maio, ás 12.00 horas no local Xente Nova de Tabeaio.
Este ciclo pecharase co contacontos “Festa da
Poesía das Catro Estacións” de Trinketrinke Teatro. Será o xoves, 27 de maio ás
18.00 horas na Casa da Cultura.
Todas estas actividades levaranse a cabo
atendendo a un estrito protocolo de seguridade para reducir o risco de contaxio
pola covid-19. Así, as entradas –de balde- serán limitadas co fin de garantir a
distancia interpersoal entre o público asistente e os aforos. As persoas
interesadas poderán obter os seus convites chamando ao 981 67 25 80 -72 horas
antes da celebración da actividade-.
‘Papeques’ conta coa colaboración
da Deputación da Coruña, a través da súa Rede Cultural, e da Xunta de
Galicia por medio de Ler conta moito.
https://carral.es//wp-content/uploads/2021/05/FOTO-CARRAL-Papeques.jpeg21602880prensahttp://carral.es//wp-content/uploads/2022/11/logo1.pngprensa2021-05-06 13:34:232021-05-06 13:34:26CARRAL ORGANIZA A 4ª EDICIÓN DE ‘PAPEQUES’ E OFRECE 9 FUNCIÓNS DE TEATRO, CINE, CONTACONTOS E MÚSICA PARA OS NENOS E NENAS
O alcalde do Concello de Carral, Javier Gestal, e membros do goberno local mantiveron, esta mañá, unha reunión con representantes da Sareb. Durante o encontro telemático, o rexedor solicitou unha solución para os edificios inacabados de Carral titularidade da súa titularidade.
Tal e como o equipo de goberno explicou durante a reunión, “estes proxectos urbanísticos sen completar teñen un enorme prexuízo no municipio, na medida en que afean o núcleo urbano e poden supoñer, ademais, riscos para as persoas viandantes”. Para poñer fin a este problema, o executivo demandou que se acometese a urbanización exterior e que se creasen beirarrúas, entre outras solicitudes.
Pola súa banda, o banco comprometeuse a terminar aquelas edificacións do municipio que estivesen executadas ao 75% indicando, ademais, que se estudaría a solicitude exposta polo Concello.
https://carral.es//wp-content/uploads/2020/03/31265462_1813918412250174_2752510107530035200_o.jpg960960prensahttp://carral.es//wp-content/uploads/2022/11/logo1.pngprensa2021-05-05 16:09:182021-05-05 16:09:21O GOBERNO LOCAL DEMANDA Á SAREB UNHA SOLUCIÓN PARA OS EDIFICIOS INACABADOS DE CARRAL
O vigués Álex Mene acaba de facerse co XXIV Premio de Poesía Concello de Carral coa súa obra Os puntos do impacto. O autor, que conta xa con varias publicacións, acadou o galardón tras conquistar ao xurado do certame cun “universo orixinal e coherente e cunha estrutura ben elaborada, na que sobresae a solidez da voz poética, propoñendo unha volta á ancestralidade e un retorno do ser humano á natureza para diluírse nela”.
O xurado salientou, iso si, “a calidade demostrada no conxunto de obras presentadas a esta edición do certame, no que se contou cun alto número de poemarios merecentes do premio”. O tribunal do concurso estivo formado polo concelleiro de Cultura, Francisco Bello Hermida –presidente-, por Manuel López Rodríguez –gañador da pasada edición e que estivo en calidade de vogal-, Inma Otero –crítica literaria e profesora, tamén en calidade de vogal-, Luciano Rodríguez Gómez –profesor e investigador literario como vogal- e por Carlos Lorenzo –técnico municipal de Cultura en calidade de secretario-.
Álex Mene (Vigo, 1969) é doutor en Belas Artes pola Universidade de Vigo e licenciado en Ciencias da Información pola Universidade Complutense de Madrid, cidade onde tamén se especializou en Realización e Produción no Instituto Oficial de Radio e Televisión. No ano 2018 publicou o álbum ilustrado A raíña das tortas –Alvarellos-. Así mesmo, gañou o I Certame de Literatura Infantil e Xuvenil “Muíño do Vento” coa súa obra Indómita e a semente da inmortalidade –Bululú-. No ano 2020 obtivo o 3º premio no Certame de Narracións Breves Manuel Murguía polo texto titulado A herdeira (Foto de familia). Este ano, a súa novela Ana e as súas irmáns (Do Peirao) verá a luz.
O premio de Carral está dotado con 2.500 euros e a publicación da obra na colección de poesía de Edicións Espiral Maior.
O acto de entrega do premio “Concello de Carral” está previsto para o 28 de maio e servirá, así mesmo, para presentar o libro As pulsacións, co que Manuel López Rodríguez gañou a XXIII edición do certame.
Como vén sendo habitual, a Xunta de Galicia colabora co Concello de Carral, a través da Secretaría Xeral de Política Lingüística e da Dirección Xeral de Políticas Culturais para a publicación da obra premiada.
O Concello de Carral está xa a traballar na XXV edición do Concurso de Poesía, que terá lugar o vindeiro ano. Co obxectivo de converter Carral na capital da poesía galega, estanse a organizar recitais, xornadas literarias, espectáculos relacionados con este xénero, proxeccións, exposicións, etc.
Concursos escolares e xuvenil
Os certames escolares e xuvenil, que se resolverán nos próximos días, acadaron tamén unhas excelentes cifras de participación. Tanto así, que tomaron parte nestes concursos uns 120 alumnos e alumnas dos centros de ensinanza do municipio.
https://carral.es//wp-content/uploads/2021/05/FOTO-CARRAL-Premio-Poesía-Concello-Carral-2.jpg20003000prensahttp://carral.es//wp-content/uploads/2022/11/logo1.pngprensa2021-05-04 13:27:342021-05-04 13:27:37O VIGUÉS ÁLEX MENE FAISE CO XXIV PREMIO DE POESÍA CONCELLO DE CARRAL CO SEU PRIMEIRO POEMARIO: “OS PUNTOS DO IMPACTO”
Carral rememorou hoxe a súa historia. O municipio acolleu un acto en conmemoración do 175 aniversario dos Mártires. O evento, organizado polo Concello xunto coa Asociación Cultural e Teatral Abril de Lume e Ferro, incluíu a lectura colectiva dun poema e unha ofrenda floral no monumento.
A homenaxe comezou na Casa do Concello e desde alí, a comitiva partiu en dirección á praza da Capela. Alí, varios alumnos e alumnas dos centros de ensinanza do municipio recitaron o poema de Manuel María “É xa tempo de erguer a liberdade”. A continuación, tivo lugar a tradicional ofrenda floral diante do panteón.
O acto levouse a cabo seguindo as restricións sanitarias actuais pola covid-19. Así, as persoas asistentes portaron a máscara en todo momento e mantiveron a distancia de seguridade para reducir o risco de contaxio.
Durante a súa intervención, o alcalde de Carral, Javier Gestal, referiuse aos feitos acaecidos hai 175 anos como “algo que nunca debeu ocorrer”. O rexedor lembrou, así mesmo, a Xosé Ramón Barreiro, recentemente finado: “foi quen mellor investigou e divulgou o acontecido naquela Revolución de 1846 e que rematou aquí en Carral co fusilamento de 12 oficiais liderados por Miguel Solís”.
https://carral.es//wp-content/uploads/2021/04/FOTO-CARRAL-Homenaxe-Mártires-de-Carral-4.jpg10261500prensahttp://carral.es//wp-content/uploads/2022/11/logo1.pngprensa2021-04-25 14:45:372021-04-25 14:45:40CARRAL REMEMORA A SÚA HISTORIA NO 175 ANIVERSARIO DOS MÁRTIRES COA LECTURA DUN POEMA E CUNHA OFRENDA FLORAL
O Concello de Carral e a Asociación Teatral Abril de Lume e Ferro levarán a cabo un acto de homenaxe aos Mártires de Carral no 175 aniversario dos tráxicos fusilamentos acontecidos en Paleo e a Fraga do Rei.
O acto terá lugar o domingo 25 de abril ás 13 horas, partindo unha comitiva desde a Casa do Concello cara o monumento onde se fará unha ofrenda floral. Se a climatoloxía o permite, antes da ofrenda, na Praza da Capela, o alcalde e un representante da asociación Abril de Lume e Ferro se dirixirán aos presentes para lembrar os 12 oficiais mortos o 26 de abril de 1846 en Carral. Logo farase unha lectura do poema “É xa tempo de erguer a Liberdade” de Manuel María.
https://carral.es//wp-content/uploads/2021/04/Cartel-acto-Mártires-2021.jpg35062482Carloshttp://carral.es//wp-content/uploads/2022/11/logo1.pngCarlos2021-04-23 10:45:212021-04-23 10:53:24HOMENAXE NO 175 ANIVERSARIO DOS MÁRTIRES DE CARRAL
Tamén no Edificio Social Toñito
Espiñeira ou no rexistro do Concello.
Para
máis información no Departamento de Educación educación@carral.es ou no 678338872
https://carral.es//wp-content/uploads/2021/04/becas.jpg318335Carloshttp://carral.es//wp-content/uploads/2022/11/logo1.pngCarlos2021-04-21 09:08:332021-04-21 09:08:36PRAZO DE SOLICITUDE DAS AXUDAS MUNICIPAIS AOS ESTUDOS CURSO 2020 2021
https://carral.es//wp-content/uploads/2021/04/light-bulb-3535435_1920.jpg12801920prensahttp://carral.es//wp-content/uploads/2022/11/logo1.pngprensa2021-04-20 14:44:212021-04-20 14:51:39O INSTITUTO ENERXÉTICO DE GALICIA PUBLICA UNHA NOVA LIÑA DE AXUDAS DE MELLORA ENERXÉTICA
O 23 de abril
celébrase o Día Mundial do Libro e do Dereito de Autor. Esta data, escollida
pola UNESCO en 1995, coincide ca do pasamento dos escritores William Shakespeare, Miguel de Cervantes e Inca Garcilaso
de la Vega. É unha homenaxe ós libros, pero tamén ós autores, ós editores,
ós libreiros e ós lectores.
A Biblioteca
Municipal, súmase a esta homenaxe, e quere achegar os libros a tódolos veciños. Por elo,
dende o 16 ata o 30 de abril, todas as persoas que se acerquen ás distintas
dependencias municipais: Casa do Concello, Edificio Social Toñito Espiñeira e
Biblioteca Municipal, terán a ocasión de levar un libro de balde como agasallo
polo Día do Libro.
https://carral.es//wp-content/uploads/2019/05/libros1.jpg443293Carloshttp://carral.es//wp-content/uploads/2022/11/logo1.pngCarlos2021-04-19 10:11:492021-04-19 10:11:52A BIBLIOTECA AGASALLA EXEMPLARES PARA CONMEMORAR O DÍA DO LIBRO
Para ofrecer las mejores experiencias, utilizamos tecnologías como cookies para almacenar y/o acceder a la información del dispositivo. El consentimiento para estas tecnologías nos permitirá procesar datos como el comportamiento de navegación o identificaciones únicas en este sitio. No dar su consentimiento o retirarlo puede afectar negativamente a ciertas características y funciones.
El almacenamiento o acceso técnico sea estrictamente necesario con el fin legítimo de posibilitar la utilización de un determinado servicio expresamente solicitado por el abonado o usuario, o con la única finalidad de efectuar la transmisión de una comunicación a través de una red de comunicaciones electrónicas.
Preferences
The technical storage or access is necessary for the legitimate purpose of storing preferences that are not requested by the subscriber or user.
Estadísticas
The technical storage or access that is used exclusively for statistical purposes.El almacenamiento o acceso técnico que se utilice exclusivamente con fines estadísticos anónimos. Sin una citación, el cumplimiento voluntario por parte de su proveedor de servicios de Internet o registros adicionales de un tercero, la información almacenada o recuperada solo con este propósito generalmente no se puede usar para identificarlo.
Marketing
El almacenamiento técnico o el acceso son necesarios para crear perfiles de usuario para enviar publicidad o rastrear al usuario en un sitio web o en varios sitios web con fines de marketing similares.
