Tag Archive for: carral

O CICLO DE TEATRO DE OUTONO PRESENTA SEIS ESPECTÁCULOS EN TABEAIO

A compañía Contraproducións abrirá o ciclo Teatro de Outono de Carral coa representación da obra Fillos do Sol. Será este sábado 6 de outubro en Tabeaio.Feira 2

Como cada ano, a Concellería de Cultura do Concello de Carral, en colaboración coa Deputación da Coruña co seu programa Rede Cultural, leva a cabo no último trimestre do ano unha programación de artes escénicas na que presenta obras de compañías profesionais e afeccionadas, con espectáculos de comedia, dramáticos e de maxia. Na edición de 2018 serán seis as funcións que se leven a cabo no local Xente Nova de Tabeaio: Fillos do sol – Contraproducións (sábado 6 de outubro), Será por camiños – Grupo Teatro Escola Narón (sábado 20 de outubro), Linguado país (maxia) – Martín Camiña – Ilusionista (sábado 3 de novembro), O caso é ter saúde – Malasombra Producións (sábado 17 de novembro), Helena, xuízo a unha lurpia – Teatro do Atlántico (sábado 24 de novembro), Politicamente incorrecto – Sal-Monela Teatro (sábado 1 de decembro).

Todas as funcións comezarán ás 20:30 h. e a entrada será de balde.

A obra deste sábado, Fillos do sol, está escrita e dirixida por Cándido Pazó e interpretada por César Cambeiro, Adrián Ríos e Alba Bermúdez. A cabalo entre a realidade ficcionada e a fabulación dramática, o poeta Eduardo Pondal, xa octoxenario e comesto pola neurose dos seus últimos anos, confronta as súas dúbidas, medos e insatisfaccións creativas, tendo por interlocutores un personaxe nacido da súa perturbación e a xove criada da pensión na que está albergado.

Cartel ciclo teatro 2018w

/by

A BIBLIOTECA INFANTIL PRESENTA “OS CONTOS DO CHUPETE”

A compañía de teatro Migallas, presenta na Biblioteca infantil o seu contacontos “Os  Contos do chupete”, unha sesión dirixida ós máis pequenos da casa: bebés entre 0 e 3 Cartel Contos do Chupete Carralanos.

Nela intégranse a música en directo, a literatura infantil e a tradición oral, e os cativos acompañados dos seus pais, participarán activamente na proposta.

Será o vindeiro venres 28 de setembro ás 17:00 horas na Biblioteca Infantil (Rúa do Castro). O aforo é limitado. As entradas pódense recoller na Biblioteca Municipal (Casa da Cultura) ou na mesma Biblioteca infantil dende o luns 24 de setembro.

/by

A VOLTA A GALICIA EN 313 CONCELLOS DO MAGO ANTÓN CHEGA A CARRAL

A Concellería de Cultura do Concello de Carral ofrece este sábado, 8 de setembro, no marco das Festas do Socorro, ao Mago Antón con “A volta a Galicia en 313 concellos”. É un espCartel Mago Antón 2018wectáculo que realiza no “magomóbil”, un trailer especialmente preparado para acoller as súas funcións de” maxia de preto” con 70 espectadores no interior, e no que repasa algúns dos seus mellores xogos de maxia.

Realizará 6 funcións ao longo do día: 12:00, 13:00, 17:00, 18:00, 19:00 e 20:00 h. O espectáculo é para público familiar, desde os pequenos ata os avós. O magomóbil estará instalado na rúa do Campo da Feira, a carón da igrexa.

Para cada función, as persoas interesadas deberán obter previamente as entradas. Son de balde e pódense retirar na Casa da Cultura o xoves e o venres de 9:00 a 13:00 h, e o sábado no bochinche da festa.

Para este espectáculo o Concello de Carral conta coa colaboración do programa Cultura no Camiño que promove a Xunta de Galicia a través de Agadic.

/by

6 SETEMBRO A PARTIR DAS CINCO FESTA DA EMPANADA

cartel EMPANADA 2018 CARRAL-001

/by

CARRAL ABRE O PRAZO DE INSCRICIÓN PARA O CURSO 18/19 DAS ACTIVIDADES MUNICIPAIS

As Concellerías de Deportes, Cultura e Educación ofertan máis de 40 de actividades para este novo curso. Read more

/by

A FESTA DA EMPANADA DE CARRAL ACHÉGASE AO MEDIO SÉCULO DE VIDA AFIANZÁNDOSE COMO UNHA CITA GASTRONÓMICA DE REFERENCIA NA COMARCA

Presentación oficial Festa da Empanada de Carral

A Festa da Empanada de Carral achégase ao medio século de vida, e faio cunha saúde de ferro: afianzándose como unha cita gastronómica de referencia en toda a comarca e coa previsión de que este xoves véndanse máis de 12.000 racións desta delicatessen con selo carralés.

Hoxe, martes 4 de setembro, o Concello de Carral e as panaderías participantes presentaron a nova edición da festa, que cumpre corenta e cinco anos de vida. Ao acto asistiron o alcalde de Carral, José Luis Fernández Mouriño, a concelleira de Educación, Traballo e Benestar, Florinda Duarte, e representantes dos catro obradoiros: Panadería Da Cunha, Panadería Cañás, Panadería Manuel Rodríguez e Panadería Pedro Fernández.

PRESENTACIÓN FESTA DA EMPANADA DE CARRAL

O Concello de Carral e os panadeiros organizaron hoxe, martes 4 de setembro, a presentación oficial da Festa da Empanada

O rexedor, José Luis Fernández Mouriño, animou aos veciños de toda a comarca a achegarse a Carral para degustar un dos seus produtos máis emblemáticos. Así mesmo, destacou o traballo que leva para os panadeiros, quen recoñeceu que esta semana traballarán “ as 24 horas do día”.
Pouco haberá que esperar xa para degustar as deliciosas empanadas artesanais que se cocen nos fornos carraleses. A Festa da Empanada celebrarase este xoves 6 de setembro a partir das 17.00 horas, aínda que se espera que as horas de maior afluencia sexan as 19.00 e as 20.00 horas. O prezo da ración estará unificado: as variedades de bacallau, bacallau con pasas, bonito, pito con champiñóns e carne terán un prezo de 3 euros, mentres que as de polbo e zamburiñas serán de 4,5 euros a ración. O custo do resto de empanadas estará marcado por cada un dos obradoiros. Este prezo incluirá viño de forma gratuíta por cortesía das panaderías.
Ambientación musical
Boa comida, pero tamén boa música. A partir das 17.30 horas están previstas varias actuacións de música e baile a cargo das seguintes agrupacións: da Banda de Gaitas Ferreñas de Vilarmaior, dos Grupos de Baile Tradicionais “Son d’aquí” da Coruña, do Grupo de Gaitas Xebre da AAVV Oza Gaiteira Os Castros da Coruña e do Grupo de Gaiteiros e Cabezudos de Ordes.
/by

OS DEPORTES DE RAQUETA PROTAGONISTAS NO FIN DE SEMANA DEPORTIVO DE CARRAL

David Castro e Alejandro Vázquez álzanse de novo co título de campións neste III torneo municipal de pádel por parellas e Borja Gestal fai o propio no  XV Torneo de tenis de verán. Read more

/by

CARRAL CLAUSUROU OS CURSOS DE NATACIÓN DE VERÁN

Un total de 45 nenos e nenas participaron das clases que se impartiron durante o mes de agosto. Read more

/by

CARRAL ADQUIRE UN NOVO TAPIZ PARA A ESCOLA MUNICIPAL DE XIMNASIA RÍTMICA

Carral adquire un novo tapiz para a Escola Municipal de Ximnasia Rítmica

O Concello de Carral acaba de adquirir un novo tapiz para a escola municipal de ximnasia rítmica por importe duns 4.300 euros. O goberno local renova así parte do mobiliario que utiliza, non só esta escola, senón tamén o Club de Ximnasia Rítmica de Carral.

Este tapiz, que conta cunhas dimensións de 14×14 metros, cunha greca de 50 centímetros e un grosor de 1,5 centímetros aproximadamente, substituirá ao antigo, que xa tiña dez anos. Este chan servirá para que as novas ximnastas fagan unha práctica máis profesional deste deporte.

Carral adquire un novo tapiz para a escolar municipal de ximnasia rítmica

Este novo chan garantirá unha práctica máis profesional deste deporte

 

A ximnasia rítmica é unha das actividades que mellor funciona en Carral. Tanto é así, que este último curso foron 65 as alumnas que tomaron parte na práctica deste deporte na escola do municipio.

/by

ROSA CEDRÓN E PEPE PIÑA PROTAGONIZAN O CICLO MÚSICAS ÍNTIMAS

Cartel Músicas Íntimas Carral 2018O terceiro ciclo de Músicas Íntimas – Concertos na Piscina presenta esta fin de semana dous espectáculos de estilos diferentes.

Rosa Cedrón abre o ciclo o sábado 1 de setembro cun concerto a dúo. A súa voz gravou innumerables cancións. Converteuse en buque insignia dunha nova xeración de músicos que coidaron cada detalle, cada nota, cada expresión, imprimindo modernidade na tradición. Actualmente é unha das voces máis internacionais de Galicia de todos os tempos.

Pola súa banda o cantautor Pepe Piña trae no seu repertorio cancións propias e moitas versións que todo o público recoñece e aplaude. Os seus concertos convértense en festas. Pepe Piña sube ao escenario o domingo 2 de setembro.

Ámbolos dous concertos comezarán ás 22:00 h. A entrada é libre e o aforo limitado. Músicas Íntimas lévase a cabo nun recuncho moi acolledor da piscina municipal de Carral.

Para levar a cabo este ciclo, o Concello de Carral conta coa colaboración da Deputación da Coruña coa súa Rede Cultural e de Agadic co programa Cultura no Camiño.

/by