Con motivo das xornadas de voluntariado integradas no Proxecto Ríos, a Asociación da Custodia do Territorio Brexa organiza, en colaboración co Concello de Carral, unha xornada de voluntariado nos ríos Barcés e Brexa.

A actividade levarase a cabo o domingo, 26 de setembro, de 10.30 a 13.30 horas. As persoas interesadas en participar poderán enviar un correo electrónico a brexa.asociacion@gmail.com ou chamar ao teléfono 644 18 34 47.

O Concello de Carral acaba de recibir a comunicación para a realización dos seguintes obradoiros de emprego:

• Promoción e intervención socioeducativa con persoas con discapacidade (SSCE0111).
• Atención sociosanitaria a persoas no domicilio (SSCS0108).
• Atención soiosanitaria a persoas dependentes en institucións sociais (SSCS0208).
• Actividades auxiliares en conservación e mellora de montes (AGAR0309).
• Instalación e mantemento de xardíns e zonas verdes (AGAO0208).

As persoas interesadas en participar no proceso de selección deberán estar inscritas como demandantes de emprego e terán que ter activada a clave de “obradoiros” no apartado de formación.

Se precisades máis información ou se tedes algunha dúbida ao respecto, podedes chamar ao teléfono 981 61 35 20 e pedir que vos pasen coa técnico de ADL, que estará no Concello os luns e xoves.

Descarga a autorización aquí

Os títulos da parcelaria de San Vicente de Vigo entregaranse os días 22 e 23 de setembro aos propietarios, poñendo así fin a un proceso pendente desde fai anos. O alcalde, Javier Gestal, explica que este procedemento foi “unha das prioridades do goberno local desde o inicio do mandato, e que se intentou axilizar mediante a reunión cos organismos con competencia no asunto”. Este proceso supoñerá a entrega de 1.181 parcelas no caso de Carral.

A entrega realizarase no pavillón O Espiño os días 22 e 23 entre as 10.00 e as 14.00 horas. O primeiro día, 22 de septiembre, daranse os títulos de Abrigosa, Parapar e Agrela de San Vicente entre as 10.00 e las 12.00 horas, e os de A Igrexa de San Vicente, Ameás e Valiños entre as 12.00 e as 14.00 horas. Ao día seguinte, o 23 de setembro, será o turno de A Ramalleira, Balbén, As Táboas e A Ludiña (entre as 10.00 e as 12.00 horas) e de Tamaruño, Río Brexo e Río Barcés (de 12.00 a 14.00 horas).

As persoas que no poidan acudir á entrega de títulos poderán delegar a recollida noutra persoa. Neste caso, deberán levar cuberta a correspondente autorización, dispoñible na páxina web do Concello. Aqueles títulos que non se retiren estarán a disposición dos interesados no Servizo de Infraestruturas Agrarias da Xefatura Territorial do Medio Rural.

O Concello acaba de abrir o prazo de inscrición para as Escolas Municipais 2021/2022, cunha trintena de actividades de educación, cultura e deporte para veciños e veciñas de todas as idades. Tal e como sinalan desde o goberno local, todas as propostas do programa levaranse a cabo atendendo a un estrito protocolo de seguridade para reducir un risco de contaxio pola covid-19.

Como parte das iniciativas escolares faranse as seguintes propostas: atletismo, patinaxe, tiro con arco, pádel, cursos deportivos, ximnasia rítmica, judo, baloncesto, fútbol sala, equitación e tiro olímpico. Pola súa banda, as persoas adultas poderán elixir entre zumba, ioga e jumping fitness. No apartado de cultura organizarase a actividade de teares e tapices e obradoiros culturais e no de servizos sociais obradoiros de memoria e ximnasia de mantemento para a 3ª idade -por parroquias-. Por último, a oferta educativa contará con debuxo e pintura, informática, baile moderno, robótica, aprender a aprender, ciencia divertida, cociña divertida, percusión musical e corporal infantil, curso de Preparación de competencias clave e fun english.

As persoas interesadas poderán solicitar praza enchendo a solicitude de inscrición e presentándoa, preferiblemente, de xeito telemático a través do correo electrónico casadacultura@carral.es ou da sede electrónica. Así mesmo, poderán entregala na Casa da Cultura ou no Complexo Deportivo. O prazo para anotarse estará aberto ata o 27 de setembro ou ata que se esgoten as prazas dispoñibles. 

Protocolo covid-19

Todas estas iniciativas realizaranse atendendo ás normativas covid-19 para reducir o risco de contaxio. Así, o número máximo de participantes por actividade será de dez máis o monitor ou monitora. O emprego da máscara e a desinfección de mans serán obrigatorias en cada sesión. 

O departamento de Deportes de Carral organizou esta competición deportiva, que vén desenvolvendo nas pistas municipais de pádel desde mediados de xullo, co obxectivo de fomentar a práctica deportiva e o lecer saudable entre a poboación carralesa.

Este torneo de carácter amigable reuniu a un total de 42 xogadores agrupados en 21 parellas, que se distribuíron en 4 grupos para a disputa dunha liguiña na que se enfrontaron todos contra todos. De cada grupo, clasificáronse os 4 mellores, conformando así as fases finais, que veñen disputando desde o luns 23 de agosto.

A final do torneo disputouse este mércores desde as 19.00 h, e confrontou á parella formada por Marcos Mosquera e Adrián Varela (parella revelación do torneo, que contaban todos os seus partidos por vitorias e 1 único set cedido ao longo deste torneo estival) contra a formada por Carlos Lamas e Sergio Cao (favoritos do torneo, gañando todos os seus encontros e sen ceder ningún set). Despois de case unha hora e media dun rifado encontro, o marcador decantouse finalmente ao lado de Carlos e Sergio cun resultado de 3/6, 6/1 e 3/6, converténdose así nos campións do torneo.

Ao terminar o encontro o alcalde, Javier Gestal, agradeceu a gran acollida e participación que tivo este torneo estival, e fixo entrega dos trofeos ás dúas parellas finalistas.