TALABARTE E LAS ANTONIAS SON OS GRUPOS DO CARTEL DE MÚSICAS ÍNTIMAS 2020

portada Talabarte lowO ciclo de concertos Músicas Íntimas, concertos na Piscina chega esta fin de semana á súa quinta edición coa participación de Talabarte e Las Antonias.

Fake é o título do concerto de Talabarte, que coas súas músicas do mundo ocuparán o escenario o sábado. Pola súa banda Las Antonias actuarán o domingo co seu espectáculo Boleros e outras delicias. Os concertos comezarán ás 22:00 h.

O aforo está limitado polas exixencias sanitarias, polo que é necesario solicitar convites chamando á Casa da Cultura ao 981 67 25 80 antes das 12:00 h. do venres. No caso de choiva os concertos trasládanse á Casa da Cultura limitando a asistencia aos primeiros 25 convites.

Talabarte está formado por Quim Fariña, Kin García e Pedro Pascual, nomes intimamente vencellados con grandes proxectos da música galega coma Berrogüetto ou Marful e tamén con prestixiosos músicos de jazz coma Jorge Pardo, Walter White ou Steve Brown. Tras publicar o seu primeiro traballo discográfico, recibiron grandes eloxios de crítica e público, levando a súa musica por teatros, auditorios e festivais da Península Ibérica, Bretaña, Serbia… Fake saíu en 2016 con ilustracións de Pablo Xiráldez “O Pastor” e textos de Carlos Meixide acompañando músicas inspiradas por esas historias que non se sabe canto teñen de real e canto de mentira.Las Antonias Trío 2

Las Antonias nacen en 2015 na Sala Mardigras da Coruña cando dúas compañeiras de baile, das que queiman pista, decídense a montar unha banda feminina. Toma forma coa necesidade de devolverlles ás cancións de toda a vida, o empoderamento que as mulleres se merecen. Destripan boleros, tangos e outras delicias fundindo as súas voces entre guitarra, escobillas, melódica e un  fagot atopado. Introdúcennos con histriónico pracer no seu mundo Antoñil para facernos sentir e saber que todos somos Antonias e Antonios. Elas son Antonia Le (Ana Le), Antonia Colorees (Mamen  Bazarra) e Antonia  Pentagramas (Elena García-Fresca).

Músicas Íntimas conta co apoio de Agadic e a Deputación da Coruña.

/by

CONCELLO E DEPUTACIÓN AUNARON ESFORZOS PARA MELLORAR A SEGURIDADE VIARIA NAS PARROQUIAS DE PALEO, QUEMBRE, BARCIA E CAÑÁS

A mellora da seguridade viaria no núcleo urbano e nas parroquias é unha das máximas prioridades do goberno local. Proba diso son as actuacións que o Concello de Carral e a Deputación da Coruña acaban de finiquitar en varios puntos do termo municipal. Este plan, financiado con fondos municipais e provinciais, supuxo a ampliación do ancho de vía en estradas das parroquias de Paleo, Quembre, Barcia e Cañás.

Tal e como explican desde o goberno local, “o obxectivo é seguir traballando para mellorar a rede de estradas e camiños non termo municipal, garantindo unha maior seguridade para os vehículos e tamén para vos veciños e veciñas que transitan por estas vías”. As actuacións xa rematadas supuxeron a creación de cunetas de seguridade nalgunhas das estradas destas parroquias. Estas intervencións serviron para ampliar o ancho da calzada, favorecendo a circulación dos coches e tamén a dos viandantes.

En concreto, estas obras realizáronse na DP-2104 –en San Pedro de Quembre e no lugar de Pousada en Barcia-; na DP-2105 á altura de Cabrois (Paleo) e, por último, no lugar de Soavila (parroquia de Santa Baía de Cañás). En total, sumando as actuacións nestes catro puntos, construíronse máis de 2 km de cunetas de seguridade.

Con todo, o executivo iniciará, de forma inminente, outras intervencións na estrada que une Cañás con Sergude e na vía que conecta Balbén con San Vicente de Vigo, onde se replicarán estes traballos.

Cunetas de seguridad

/by

BANDO DO CONCELLO DE CARRAL ATENDENDO Á SITUACIÓN EPIDEMIOLÓXICA DA ÁREA SANITARIA DA CORUÑA

O goberno local estivo presente nunha nova reunión telemática co conselleiro de Sanidade da Xunta de Galicia. No encontro, a Xunta pediu a colaboración dos Concellos para seguir traballando de xeito coordinado co fin de frear o avance da COVID-19 na área sanitaria da Coruña.

Desde o Concello ofreceron a súa completa disposición para continuar coa mesma liña de traballo e para reforzar a supervisión do cumprimento destas medidas. Neste sentido, preparouse un bando que recolle as seguintes medidas:

  • A utilización da máscara é obrigatoria en todas as circunstancias.
  • A poboación susceptible -maiores e persoas con patoloxías previas- debe evitar os sitios concorridos.
  • Nos locais de restauración ou nas terrazas o uso da máscara é obrigatorio. Só se pode prescindir dela no momento de estar consumindo.
  • É fundamental lavar as mans frecuentemente con auga e xabón ou cunha solución hidroalcohólica.
  • É crucial seguir mantendo a distancia de seguridade de 1,5 metros.
  • Hai que evitar as aglomeracións e sitios concorridos, así como as reunións con máis de 10 persoas -tanto en lugares públicos como privados-.
  • Evitade tocar os ollos, o nariz e a boca. Ao tusir ou esbichar hai que cubrir a boca co cóbado flexionado ou cun pano desbotable.
  • En caso de síntomas é preciso quedar na casa e contactar co médico de Atención Primaria.

 

117098893_2385787278396615_1334872389765429228_o

/by

O DERRADEIRO CAMPAMENTO DE VERÁN ESTARÁ CENTRADO NO MEDIO AMBIENTE E NA RECICLAXE

Desde o Concello de Carral organizamos o derradeiro campamento de verán para nenos e nenas de entre 3 e 15 anos, entre o 17 de agosto e o 4 de setembro.

Neste campamento a temática será o medio ambiente e a recilcaxe, e os/as participantes realizarán actividades de concienciación ambiental e reciclaxe, así coma actividades multideportivas, socioculturais e tamén excursións.

O prazo de inscrición rematará o día 13 de agosto. As persoas que precisen máis información poderán chamar ao teléfono 981 67 25 80 ou enviar un correo a casadacultura@carral.es. ou no 981.11.70.20 e en omix@carral.es

 

Protocolo de seguridade

O Concello reforzou, este verán, a súa aposta polas actividades e medidas de conciliación. Como explican desde o goberno local, “considerabamos necesario reforzar as actividades de conciliación pero na situación actual, a seguridade é, máis que nunca, a máxima prioridade. Por iso, reaxustouse a organización dos campamentos aplicando un completo protocolo”.

Estas actividades estanse a levar a cabo no CEIP Vicente Otero Valcárcel e no local interxeracional co fin de cumprir coas distancias de seguridade. Para acceder a estes recintos, os participantes teñen que desinfectar calzado e mans e someterse, así mesmo, á medición da temperatura.

Os cativos e cativas maiores de 6 anos deben empregar a máscara de xeito obrigatorio, agás naqueles casos nos que os presenten algunha patoloxía que impida este uso. No caso das excursións, todos os nenos e nenas, con independencia da súa idade, deben levar a máscara de protección no autobús, tal e como indica a normativa. Unha vez dentro do recinto dos campamentos, os rapaces e rapazas están separados en grupos formados por un máximo de 10 participantes.

 Boletín de inscrición

 

Campamento Medio Ambiente e reciclaxe

/by

O CONCELLO DE CARRAL CENTRA ESFORZOS NA MELLORA DA ACCESIBILIDADE E CREA UNHA RAMPLA NO LOCAL SOCIAL DA CABRA

A mellora das condicións de mobilidade e accesibilidade é, sen dúbida, un dos obxectivos do goberno local. Baixo esta premisa, o Concello de Carral acaba de construír unha rampla de acceso no local social da Cabra. O equipo de goberno executou esta actuación tras comprobar os problemas que as persoas con mobilidade reducida sufrían á hora de acceder a esta instalación.

Desde o goberno local solicitan a colaboración veciñal para eliminar as barreiras arquitectónicas neste tipo de dependencias: “se algún carralés ou carralesa detecta un problema de accesibilidade ou mobilidade nalgún local social ou dependencia municipal, pregámoslle que contacten co Concello para tentar pórlle unha solución”.

Para facer chegar este e outros avisos, os veciños e veciñas dispoñen da aplicación móbil Cuida Carral (dispoñible tanto para Android como para iOS). A través desta ferramenta, os cidadáns poden notificar incidencias achegando fotografías e mesmo a localización.

 

FOTO CARRAL- Local social A Cabra 2

/by

CARRAL INICIA A 2ª QUENDA DOS CAMPAMENTOS, QUE COMBINAN O DEPORTE E A APRENDIZAXE DUN NOVO IDIOMA

CampamentosCarral_2quenda (2)

Coa vista posta no impulso de medidas que favorezan a conciliación das familias, Carral iniciou hoxe a 2ª quenda dos campamentos deportivos de verán. Nesta ocasión, o Concello levará a cabo o English Sport Camp, coa que combinarán o deporte e a aprendizaxe dun novo idioma. A rematará o 14 de agosto.

Ao longo desta segunda quenda, os nenos e nenas -de entre 3 e 15 anos- participarán en actividades multideporte, socioculturais, en excursións e en accións de inmersión lingüística.

Protocolo de seguridade

O Concello reforzou, este verán, a súa aposta polas actividades e medidas de conciliación.      Como explican desde o goberno local, “considerabamos necesario reforzar as actividades de conciliación pero na situación actual, a seguridade é, máis que nunca, a máxima prioridade. Por iso, reaxustouse a organización dos campamentos aplicando un completo protocolo”.

Estas actividades estanse a levar a cabo no CEIP Vicente Otero Valcárcel e no local interxeracional co fin de cumprir coas distancias de seguridade. Para acceder a estes recintos, os participantes teñen que desinfectar calzado e mans e someterse, así mesmo, á medición da temperatura.

Os cativos e cativas maiores de 6 anos deben empregar a máscara de xeito obrigatorio, agás naqueles casos nos que os presenten algunha patoloxía que impida este uso. No caso das excursións, todos os nenos e nenas, con independencia da súa idade, deben levar a máscara de protección no autobús, tal e como indica a normativa. Unha vez dentro do recinto dos campamentos, os rapaces e rapazas están separados en grupos formados por un máximo de 10 participantes.

/by

MANUEL LÓPEZ RODRÍGUEZ GAÑA O 23º PREMIO CONCELLO DE CARRAL DE POESÍA

Manuel_Lopez_Rodriguez_2_15x10

Manuel López Rodríguez

Manuel López Rodríguez (Noia, 1978), coa súa obra Nas pulsacións, resultou gañador do Concurso de Poesía “Concello de Carral” do presente ano.
O xurado salienta neste poemario o feito de que amosa un discurso lírico sólido e inspirado, con gran riqueza léxica e con interesantes achados estilísticos.
Manuel López Rodríguez ten publicado un libro titulado Antítese nativa, así como múltiples poemas en revistas e volumes colectivos. Foi ganador dos premios Suso Vaamonde de poesía, Eduardo Pondal e López Ardeiro, entre otros.
O xurado do concurso estivo formado por Miriam Ferradáns, José Mª Paz Gago e Xurxo Alonso, coa presidencia do concelleiro de Cultura, Francisco Bello Hermida, e asistidos en calidade de secretario, polo técnico municipal de Cultura e coordinador do premio, Carlos Lorenzo Pérez. Ao certame presentáronse un total de 42 poemarios.
O premio de Carral está dotado con 2500 euros e a publicación da obra na colección de poesía de Edicións Espiral Maior.

Xurado do Premio de Poesía Concello de Carral 2020

Xurado do Premio de Poesía Concello de Carral 2020

O acto de entrega do premio “Concello de Carral” está previsto para o mes de setembro. O mesmo acto servirá para a presentación do poemario que gañou na pasada edición, En luz escrita de Xurxo Alonso.
Como ven sendo habitual nas últimas edicións, a Xunta de Galicia colabora co Concello de Carral, a través da Secretaría Xeral de Política Lingüística e da Dirección Xeral de Políticas Culturais para a publicación da obra premiada.

/by

O CONCELLO DE CARRAL PROHIBE REGAR CON AUGA DA TRAÍDA ENTRE AS 8.00 E AS 24.00 HORAS

Na época na que nos atopamos, e tendo en conta os elevados picos de consumo de auga que estamos a ter, para evitar problemas maiores a curto prazo como mesmo problemas de abastecemento á poboación, o Concello de Carral prohibe regar con auga da traída entre as 8.00 e as 24.00 horas.

Máis información no servizo de Medio Ambiente do Concello de Carral ou no teléfono 981 67 00 02.

 

BANDO MUNICIPAL AUGA

 

/by

O PEDIATRA PASARÁ CONSULTA OS MARTES E XOVES DE AGOSTO TRAS AS NEGOCIACIÓNS ENTRE O GOBERNO LOCAL E O SERGAS

Grazas ás negociacións entre o goberno local e a Xerencia de Atención Primaria da Coruña, o pediatra pasará consulta dous días á semana no mes de agosto. En concreto, segundo a información proporcionada ao Concello por parte do organismo autonómico, este servizo prestarase os martes e os xoves á primeira hora.

O goberno local celebra que “se vaia seguir prestando este servizo durante os meses de verán, pero seguímolo considerando insuficiente tendo en conta a demanda e as necesidades da veciñanza”. Baixo esta premisa, o Concello mantén a convocatoria de concentración e manifestación prevista para hoxe, mércores 22 de xullo ás 20.00 horas.

Desde o goberno animan aos carraleses e carralesas a sumarse a esta reivindicación para “seguir defendendo os dereitos dos nosos nenos e meniñas”. O acto arrincará ás 20.00 horas fronte á Casa do concello. Desde alí, partirase en dirección rúa dos Mártires, onde se realizará un corte de tráfico da N-550.

Trátase da segunda concentración-manifestación que o equipo de goberno expuxo no mes de xullo. A primeira tivo lugar o pasado día 8, e a ela acudiron decenas de veciños e veciñas do municipio.

A maiores do servizo de pediatría, o goberno local reclamará tamén a instauración dunha segunda quenda de comedor. A Xunta de Galicia fixo público, a semana pasada, a listaxe provisional de nenos e nenas admitidos no comedor escolar do CEIP Vicente Otero Valcárcel (curso 2020/2021). Atendendo ao protocolo do COVID-19, da cifra total de solicitudes -298-, tan só poderían acceder a este servizo 135 nenos e nenas, deixando fóra aos 163 solicitantes restantes. Ante esta situación, o goberno local instou os pais e nais dos estudantes para reclamar unha segunda quenda de comedor que cubra as necesidades de todos os usuarios e usuarias.

/by

CARRAL PREPÁRASE PARA A 2ª QUENDA DOS CAMPAMENTOS, QUE COMBINARÁN O DEPORTE E A APRENDIZAXE DUN NOVO IDIOMA

Coa vista posta no impulso de medidas que favorezan a conciliación das familias, Carral xa está preparado para o inicio da 2ª quenda dos campamentos deportivos de verán. Nesta ocasión, o Concello levará a cabo o English Sport Camp, coa que combinarán o deporte e a aprendizaxe dun novo idioma. A proposta terá lugar entre o 27 de xullo e o 14 de agosto.

Ao longo desta segunda quenda, os nenos e nenas -de entre 3 e 15 anos- participarán en actividades multideporte, socioculturais, en excursións e en accións de inmersión lingüística.

O prazo de inscrición rematará este venres, 24 de xullo. As persoas que precisen máis información poderán chamar ao teléfono 981 67 25 80 ou enviar un correo a casadacultura@carral.es.

Protocolo de seguridade

O Concello reforzou, este verán, a súa aposta polas actividades e medidas de conciliación. Como explican desde o goberno local, “considerabamos necesario reforzar as actividades de conciliación pero na situación actual, a seguridade é, máis que nunca, a máxima prioridade. Por iso, reaxustouse a organización dos campamentos aplicando un completo protocolo”.

Estas actividades estanse a levar a cabo no CEIP Vicente Otero Valcárcel e no local interxeracional co fin de cumprir coas distancias de seguridade. Para acceder a estes recintos, os participantes teñen que desinfectar calzado e mans e someterse, así mesmo, á medición da temperatura.

Os cativos e cativas maiores de 6 anos deben empregar a máscara de xeito obrigatorio, agás naqueles casos nos que os presenten algunha patoloxía que impida este uso. No caso das excursións, todos os nenos e nenas, con independencia da súa idade, deben levar a máscara de protección no autobús, tal e como indica a normativa. Unha vez dentro do recinto dos campamentos, os rapaces e rapazas están separados en grupos formados por un máximo de 10 participantes.

Boletín de inscrición English Sport Camp

Cartel English Sport Camp

/by