O HUMOR DE XABIER DEIVE E LUIS IGLESIA CHEGA AO TEATRO DE OUTONO

Os actores galegos Luis Iglesia e Xabier Deive traen a Tabeaio o seu espectáculo Sede de Mal, unha comedia a doce cordas sobre o lado escuro da vida. Humor, teatro e música ao vivo con blues e rock and roll “á galega” cos dous dos intérpretes mais importantes da escena galega dos últimos anos. É un espectáculo dirixido especialmente a público adulto.
Esta produción de Boneca Lareta está incluída no ciclo Teatro de Outono de Carral e na Rede Cultural que promove a Deputación Provincial.
Sede de Mal está programada para o sábado 28 de novembro, ás 20:00 h, no local Xente Nova de Tabeaio. A entrada é de balde.