Tag Archive for: cultura

,

O EDIFICIO SOCIAL TOÑITO ESPIÑEIRA ACOLLE A EXPOSICIÓN ‘NÓS TAMÉN FOMOS EMIGRANTES’, DE AFUNDACIÓN

O edificio social Toñito Espiñeira de Carral acollerá, desde hoxe e ata o 21 de xaneiro, a exposición ‘Nós tamén fomos emigrantes’, da colección Afundación. 

No día de hoxe tivo lugar a visita de presentación da mostra, á que acudiron o alcalde de Carral, Javier Gestal; así como Vanessa Sende Cardoso, da Área de Cultura de Afundación; José Manuel Vilariño Orgeira, coordinador Institucional ABANCA; Begoña Caamaño Ferrio, directora de zona ABANCA e Jose Freire Cofreces, director da oficina del ABANCA de Carral.

Esta exposición recolle unha escolma de imaxes dos arquivos da Axencia EFE que posúe un dos fondos fotográficos máis importantes de España sobre a emigración galega e española. A exposición estará aberta de luns a venres, en horario de 10:00 a 14:00 h. O 24 e 30 de decembro permanecerá pechada. 

As persoas que visiten esta selección fotográfica poderán visualizar as circunstancias vitais das pasadas xeracións, que abandonaron a súa terra na procura dun futuro mellor.

Ademais, desde a organización animan a doar alimentos no momento da entrada, un xesto solidario para axudar ás persoas que máis o necesitan. Esta iniciativa de Obra Social ABANCA ofrece acceso a eventos culturais a cambio da contribución solidaria de alimentos non perecedoiros ou produtos de primeira necesidade.

A mostra que agora chega a Carral englóbase dentro de CORRENTE CULTURAL, a aposta de ABANCA e Afundación para espallar cultura por toda Galicia. O proxecto nace coma un contedor de arte que vai rotando polos concellos, e contando coas colaboración municipais, para construír canda eles unha rede de calidade. As iniciativas do ciclo contan cunha coidada produción e cunha querenza pola tradición galega.

/by

O TEATRO EN CARRAL OBTIVO NO 2023 OS SEUS MELLORES DATOS HISTÓRICOS DE ASISTENCIA

O departamento municipal de Cultura ven de presentar o informe sobre o programa Teatro de Outono de 2023, que elabora o técnico de Cultura para avaliar as programacións e os seus impactos socioculturais.

Do informe conclúese a evolución positiva no incremento de asistencia aos espectáculos, sendo no pasado ano de 117 persoas; que o grupo maioritario de idade que asiste é o da franxa dos 41 aos 65 anos; que de xeito semellante a outros ámbitos culturais as mulleres supoñen 2 terzos do total de asistencia; que a obra que mellor puntuación obtivo foi Hugo, de Náufragos Teatro; que o método de comunicación que se demostra máis eficaz para coñecer a programación é a canle de Whatsapp “Novas Carral”, ou que os residentes nas parroquias máis rurais apenas asisten ao teatro.

Os datos cos que se confecciona o informe obtéñense fundamentalmente das enquisas que o público atende ao rematar as funcións. Nesta edición a enquisa contou con dúas partes, sendo a primeira a que preguntaba sobre a función que acababan de ver, e a segunda parte que só se cubría unha vez e que consultaba sobre hábitos de consumo de artes escénicas.

O Concello de Carral considera fundamental aplicar estas metodoloxías para a análise das programacións, para atender as preferencias dos públicos e para deseñar novos modelos que fomenten un aumento das prácticas culturais e que melloren os impactos na calidade de vida da cidadanía.

Pódese descargar o informe premendo aquí.

/by

ÁBRESE O PRAZO PARA PRESENTAR OBRAS AO 27º PREMIO DE POESÍA CONCELLO DE CARRAL

O Concello de Carral, a través do seu departamento de Cultura, convoca unha nova edición do Premio de Poesía Concello de Carral. Xa suma 27 edicións contribuíndo a fornecer o sistema literario galego, a difundir a poesía entre a poboación de Carral, a descubrir novos valores da nosa literatura ou a consolidar escritores ou escritoras que xa contan con obra publicada. Nestes 27 anos, o certame carralés consolidouse como un dos máis importantes da literatura galega actual.

Nas bases están recollidos todos os aspectos que atinxen á presentación de obras e que se resumen en:

  • Premio: 3500 € e a publicación da obra en Edicións Espiral Maior
  • Obras orixinais e inéditas en galego cun mínimo de 500 versos
  • Prazo aberto para a presentación de obras ata o 31 de marzo

O premio entregarase nun acto que terá lugar o 31 de maio, no que tamén se presentará a edición do libro gañador o ano pasado, Oídos de espeleóloga de Ciro Briones.

Para levar a cabo o certame e as actividades que se relacionan con el, o Concello de Carral conta coa colaboración da Consellería de Cultura da Xunta de Galicia.

Bases do 27 Premio de Poesía Concello de Carral

Acceso á plataforma para a presentación de obras

Vídeo conmemorativo dos 25 anos do Premio de Poesía Concello de Carral

/by
,

ÁBRESE O SEGUNDO PRAZO DE INSCRICIÓN PARA O CURSO 2023-2024 DAS ACTIVIDADES MUNICIPAIS DE CARRAL

O concello oferta 100 novas prazas para un total de 18 actividades/grupos. Os interesados poderanse inscribir nas ofertadas dende o 2 ata o 5 de outubro.

Dende ás 00:00 do luns 2 de outubro, concello de Carral abre un segundo prazo de inscrición no programa das escolas deportivas, culturais e educativas para aquelas actividades nas que quedaron prazas vacantes.

O prazo pecharase o día 5 de outubro ás 23.59 h. Os alumnos/as inscritos serán contactados polos departamentos municipais correspondentes e poderán incorporarse ás correspondentes actividades dende o luns 9 de outubro.

LISTADO DE PRAZAS
FICHA INSCRICIÓN
BOLETÍN DE BAIXA
/by
,

PUBLÍCANSE AS LISTAS DE ADMITIDOS E RESERVAS DAS ESCOLAS MUNICIPAIS – CURSO 2023/2024

Abrirase un novo prazo de inscrición entre o 2 e o 5 de outubro para as actividades nas que quedaron prazas vacantes.

Rematado o prazo de inscrición no curso 2023/2024 das escolas deportivas, culturais e educativas do Concello de Carral, fanse públicas as listas das solicitudes admitidas e as reservas, así como o lugar e data de inicio de cada unha das actividades.

LISTAS ACTIVDIADES

O mércores 27 publicarase a relación das prazas vacantes nas actividades nas que non se encheu o cupo de inscritos, abríndose un novo prazo de inscrición entre o 2 e o 5 de outubro.

Para calquera consulta ou aclaración deben de poñerse en contacto coa Casa da Cultura de Carral – casadacultura@carral.es ou 981.67.25.80, entre as 8:30 – 14:30 h e as 17:00-20:00 h.

/by

CARRAL ABRE O PRAZO DE INSCRICIÓN PARA AS ESCOLAS MUNICIPAIS DO CURSO 2023-2024

O Concello de Carral presenta a súa programación de escolas municipais que inclúe, un ano máis, diferentes actividades para todos os gustos e idades.

O período de inscricións abriuse hoxe, mércores, ás 09:00 horas e estará activo ata o 20 de setembro. Poderá pecharse antes se se completan todas as prazas da modalidade.

As prazas son limitadas e as solicitudes deberán presentarse preferiblemente a través do correo electrónico casadacultura@carral.es e tamén de forma presencial na Casa da Cultura de Carral.

As formacións darán comezo a primeira semana de outubro, sendo responsabilidade do alumnado informarse nas dependencias municipais das datas, horas e lugares concretos das súas actividades.

A cota xeral será de 14 euros mensuais por persoa e actividade ou de 15 euros para aquelas que inclúen tres horas semanais. O prezo da Escola de Música é de 40 euros ao mes.

Haberá bonificacións para as familias numerosas, para persoas da terceira idade ou con discapacidade e para as voluntarias de Protección Civil. Todos elas terán un desconto de tres euros ao mes por actividade.

Deportes
Atletismo, ioga, patinaxe, rítmica e judo son as modalidades ofrecidas para os máis pequenos e pequenas no pavillón do colexio. Por outra banda, deportes como equitación, baloncesto, pádel, tiro con arco e tiro olímpico serán as opcións para o público xeral.

Os adultos terán tamén á súa disposición clases de zoa e ioga. Ademais, durante este curso ofreceranse, a través do departamento de Deportes, cursos de iniciación a diferentes modalidades deportivas.

Cultura
O departamento de Cultura ofrecerá diversas actividades destacando unha formación en teares e tapices que se desenvolverá os xoves, de 17:00 a 20:00 horas, no centro de formación Antón Fraguas.

Educación
O CEIP Vicente Otero Valcárcel volverá contar con servizo de madrugadores, de 7:30 a 9:20 horas, e de conciliación, de luns a venres de 15:20 a 16:20 horas.

BOLETÍN DE INSCRICIÓN (non se aceptarán inscricións anteriores ás 9:00 do mércores 6 de setembro)

TRÍPTICO DE ACTIVIDADES

/by

CARRAL ABRE O PRAZO DE INSCRICIÓN PARA AS ESCOLAS MUNICIPAIS, OFRECENDO 40 PROPOSTAS PARA TODAS AS IDADES

Folleto Escolas 22-23     BOLETÍN DE INSCRICIÓN

O Concello abrirá mañá, luns, 5 de setembro, o prazo de inscrición para as súas Escolas Municipais, ofrecendo unhas 40 actividades. Nesta edición, o programa inclúe propostas deportivas, culturais, educativas, de Servizos Sociais e algunhas organizadas polas asociacións e clubs do municipio. Desde o goberno local sinalan que se trata dunha oferta “completa e que conta con iniciativas para os veciños e veciñas de todas as idades coa que se busca, entre outros obxectivos, promover a conciliación da vida laboral e familiar”.

Como novidade con respecto a outros anos, o Concello inclúe, nesta ocasión, as diversas iniciativas culturais e deportivas que levan a cabo as entidades do municipio. Con isto conséguese, non só ampliar o listado de actividades, senón tamén pór en valor e impulsar o labor que realiza o tecido asociativo de Carral. A maiores, por primeira vez, o centro de formación Antón Fraguas acollerá a Escola Municipal de Música, con clases para aprender a tocar os seguintes instrumentos: piano, guitarra, batería, baixo, contrabaixo, violonchelo, violín, frauta, clarinete, trompeta e saxo.

A convocatoria incorpora as seguintes actividades:

  • Atletismo escolar: para nenos e nenas a partir de 4 anos
  • Ximnasia rítmica escolar: para nados no 2018 e anteriores
  • Patinaxe escolar: a partir dos 4 anos
  • Judo: a partir dos 4 anos
  • Judo (Tabeaio): a partir dos 4 anos e tamén para adultos
  • Baloncesto: a partir dos 6 anos
  • Tiro con arco: a partir de 6 anos e para adultos
  • Equitación: a partir de 7 anos e para adultos
  • Pádel: a partir de 8 anos
  • Tiro Olímpico: a partir de 8 anos e para adultos
  • Zumba: a partir de 12 anos
  • Ioga: a partir de 14 anos
  • Jumping fítness: a partir de 14 anos
  • Teares e tapices
  • Obradoiros culturais
  • Actividades escolares: servizo de madrugadores e concilia día a día, robótica, debuxo e pintura, fun english, música e movemento, baile moderno, informática, cociña divertida e ciencia divertida.
  • Escola municipal de música
  • Ximnasia de mantemento en Carral
  • Ximnasia de mantemento nas parroquias
  • Fútbol sala e balonmán coa U.D. Carral
  • Bailes latinos, cociña e repostería, costura para principiantes e calceta e gancho coa asociación de Mulleres Rurais.
  • Baile tradicional e pandeireta e teatro coa AA.VV. O Rueiro de Tabeaio.
  • Escola de música da man da asociación Cultura Aberta de Carral.

As persoas interesadas deberán presentar a solicitude cuberta e asinada, preferiblemente, de xeito telemático a través do correo casadacultura@carral.es ou da sede electrónica carral.es. Así mesmo, poderanse presentar de xeito presencial na Casa da Cultura ou no Complexo Deportivo. O prazo de solicitude estará aberto desde mañá, 5 de setembro ás 9.00 horas, ata o día 23. As actividades comezarán na primeira semana de outubro.

/by

O CICLO MÚSICAS ÍNTIMAS OFRECE NA SÚA 8ª EDICIÓN DIVERSOS ESTILOS MUSICAIS

Cartel Músicas Íntimas 2022A Concellería de Cultura do Concello de Carral organiza esta fin de semana o seu ciclo Músicas Íntimas que se desenvolve na piscina municipal. Nesta edición serán os grupos Volando Libre e Black os que ofrezan os seus concertos traendo a Carral música negra, jazz, folk, bandas sonoras e outros estilos musicais.
Volando Libre está formado por tres músicos de recoñecido prestixio no eido galego, como son Alfredo Gómez Sieiro, Vadim Yukhnevich e Mauricio farán un repaso musical por múltiples músicas do mundo. O seu concerto será o sábado 3 de setembro. Pola súa banda o domingo 4 de setembro subirá ao escenario o dúo Black liderado pola vocalista Iria Mejuto, unhas das mellores voces galegas dedicadas ao soul.
As dúas actuacións terá lugar ás 22:00 h. No caso de chuvia, os concertos realizaranse na Casa da Cultura.
Os concertos están incluídos na Rede Cultural da Deputación da Coruña e en Cultura no Camiño de Agadic.

/by

A CARRALESA INMA OTERO PRESENTA O SEU NOVO LIBRO “O OBXECTO MULLER E O XIRO ONTOLÓXICO”

A Casa da Cultura acollerá este venres a presentación do libro “O obxecto muller e o xiro ontolóxico” da profesora e crítica literaria Inma Otero Varela, e publicado por Euseino? Editores. O acto, que contará coa participación da autora acompañada do filósofo e poeta Carlos Lema, comezará ás 20:00 h. e é necesario para asistir, como unha das medidas preventivas contra o covid-19, anotarse previamente na Casa da Cultura (tel. 981 672 580).

O acto está organizado pola Asociación Eco Cultural Lacrar, coa colaboración do Concello de Carral.

/by

MARIÁN BAÑOBRE E AVELINO GONZÁLEZ PROTAGONIZAN ESTE SÁBADO A OBRA TEATRAL ‘O MEL NON CADUCA’

O ciclo de teatro que se desenvolve no Local Xente Nova de Tabeaio, presenta este sábado a Ibuprofeno Teatro con ‘O mel non caduca’.

Sinopse: Dous científicos/apicultores, en 2173, levan a cabo sofisticados e absurdos experimentos, nun contexto de futuro distópico no que o planeta está arrasado. Tratan de crear sinteticamente unha abella a partir do último tarro de mel que se conserva na historia. Constrúen unha árbore no seu laboratorio para tratar de recuperar os ciclos naturais, que se perderon hai tempo.

Dous irmáns volven á casa familiar na aldea pola morte da súa nai. O conflito aflora cando deben xestionar as pertenzas familiares. O irmán máis vello opta por vendelo todo. A rapaza, máis nova, entra nunha crise vital porque se debate entre a súa acomodada vida nunha cidade afastada e a nostalxia que lle produce volver entrar en contacto cos obxectos e os recordos que marcan a súa historia vital.

A función terá lugar no Local Xente Nova de Tabeaio o sábado 20 de novembro ás 20:30 h. Como ven sendo habitual, é necesario reservar as entradas no teléfono 981 672 580.

/by